Post: #1
Title: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: Tragie Mustafa
Date: 08-19-2007, 08:37 PM
الاخ محمد نور التشادي
عضو المنبر
تشادي رسميا وسوداني وتشادي عاطفيا...
وجدته يقف مع اخوته الهلالاب...بقلب هلالابي وفي
لمحبة شعبا عرفه واخلص له...
مداخلته من اجمل ما قرأت على بساطتها
فقد حلمت اجمل تعابيرنا المحليه ناس (الفيك اتعرفت)
ما انقاه واجمله اخينا محمد نور....
|
Post: #3
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: محمد نور أحمد
Date: 08-20-2007, 05:31 AM
Parent: #1
تراجي
مساك الله بالخير.
بجد فرحت للهلال من جواي.
مش بس عشان الهلال غلب نادي مصري
ولا عشان الهلال ند للمريخ العظيم
ولا عشان الهلال اتاهل للمرحلة الجاية
...........
.........
.......
.....
....
...
..
.
فرحت عشان الشعب السوداني
عشان المساكين المهمومين قدام دار الرياضة واستاد الموردة والهلال والمريخ
عشان محمدأحمد البيقتطع من قفة ملاح وليداته حق الجريدة والكورة
عشان الأرباب صلاح إدريس الراجل الواهب نفسه وماله للهلال
عشان حكيم الهلال القضى عمره شايل الهلال في عيونه
عشان إسحاق الحلنقي يرجع يكتب تاني
عشان فيصل نوبي - محمد البشرى - تمبس - أحمد الريح وكل البورداب وعشانك إنت طبعا
وعشان نغني كلنا وكانت ساعة النصر إنتصار الهلال.
وعشان يكتمل الهلال بدرا في سماء أم درمان .. بل السودان بل قولي في سماء أفريقيا.
__________________________________________________
أجمل ما في السودان هو تضاد الأشياء على منوال هلاريخ.
آسف للمداخلة المتأخرة فلم أر البوست إلا اللحظة على الرغم من قضاء اليوم كله في البورد.
|
Post: #4
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: Tragie Mustafa
Date: 08-20-2007, 05:41 AM
Parent: #3
نورتنا اخي محمد نور
وانا كتبت هذا حتى الفت انتباه الاخوه الهلالاب لهلابيتك.
وحتى نبصر البعض بمدى تلاحم من يعيش معنا من اخوتنا التشادين بنا.
والف مبروك لك مره آخرى ولكل اخوتك الهلالاب.
Quote: .
فرحت عشان الشعب السوداني
عشان المساكين المهمومين قدام دار الرياضة واستاد الموردة والهلال والمريخ
عشان محمدأحمد البيقتطع من قفة ملاح وليداته حق الجريدة والكورة
عشان الأرباب صلاح إدريس الراجل الواهب نفسه وماله للهلال
عشان حكيم الهلال القضى عمره شايل الهلال في عيونه
عشان إسحاق الحلنقي يرجع يكتب تاني
عشان فيصل نوبي - محمد البشرى - تمبس - أحمد الريح وكل البورداب وعشانك إنت طبعا
وعشان نغني كلنا وكانت ساعة النصر إنتصار الهلال.
وعشان يكتمل الهلال بدرا في سماء أم درمان .. بل السودان بل قولي في سماء أفريقيا.
|
ونشكرك على فرحك الاصيل
ونتمنى ان نلتقي قريبا مع الانديه التشاديه في نهائي افريقيا.
Quote: أجمل ما في السودان هو تضاد الأشياء على منوال هلاريخ.
آسف للمداخلة المتأخرة فلم أر البوست إلا اللحظة على الرغم من قضاء اليوم كله في البورد. |
لا تقلق اخي...ان تحضر متأخر افضل من ان لا تضر.
سعدت بكلمات
واعلم سبب تأخيرك هو اهتماتمك بمتابعة التعليقات المتخصص الكرويه
فقد ابدع الساده الهلالاب اليوم.
مبروك للهلال
وعقبال المريخ
وعقبال الكأس لاحدهم بأذن الله.
|
Post: #7
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: محمد نور أحمد
Date: 08-20-2007, 09:24 AM
Parent: #4
صباح الخير تراجي
ألف مبروك مرة أخرى للهلال أن أعاد البسمة إلى شفاه السودانيين.
| Quote: نتمنى ان نلتقي قريبا مع الانديه التشاديه في نهائي افريقيا. |
أتمنى مثلك تماما أن يحدث ذلك، لكنني لست متفائلا بحدوثه على الأقل في المدى القريب.
الكورة في تشاد ما زالت موغلة في المحلية بدرجة كبيرة، فالـ Tourbillon والـ Renaissence و Postelle2000 و Elec-Sport على الرغم من أنها مربع القمة في تشاد وتشرف عليها شركات شبة حكومية إلا أنها ما تزال تفتقد إلى أبسط مقومات الرياضة. فغياب اللاعب الموهوب والمدرب الناجح والإستادات والإمكانيات المادية التي تسير الأندية سيجعل من الرياضة في تشاد مجرد ضياع وقت لا يستدعي أن تقام لها وزارة، ومن الأفضل توجيه مخصصاتها لبنود أخرى.
الجدوى الوحيدة التي تجعلني أحيانا أعدل عن هذا الرأي هو أملي في أنها يمكن أن تدخل البهجة والفرحة إلى قلوب الملايين يوما ما كما يفعل الهلال اليوم.
ألف مبروك للجميع مرة أخرى.
|
Post: #5
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: Mannan
Date: 08-20-2007, 06:24 AM
Parent: #1
المناضلة تراجى
وانا مثلك احب تشاد حبا خاصا وقد عشت فيها اربع سنوات من اجمل سنوات العمر ومازلت واسرتى نشتاق الى كليمات ومرجان دفق وسبان قالى وفرشة وشوارع شارل دوجول واربعين ونميرى ومارشيه سنترال واهل انجمينا الرائعين ومازلت احتفظ بذكريات وصور واغانى للراحل محمد جيلالى وحاج احمد ... افتقد التشة والآقاشية يا صديقنا محمد نور.. نتمنى ان نعود الى انجمينا ذات يوم..سلم لى كل الاهل والاصدقاء فى شارى باقيرمى.. وقل لهم اننا نحبكم كثيرا..
نورالدين منان
|
Post: #6
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: إسماعيل وراق
Date: 08-20-2007, 06:40 AM
Parent: #5
تراجي
تحياتي
لا فرق بين تشاد والسودان..
لي صديق في زمن الطفولة وكنا نلعب الكرة سويا لم أعرف أنه تشادي إلا بعد دخولي المتوسطة.
.
.
أحد بنات منطقتي.. أعرف أسرتها جيداً.. والله لم أعرف إنها تشادية إلا عندما ذهبت للسفارة التشادية بالرياض فوجدتها متحكرة هناك..
.
.
شعبان يحملان أشياء متشابهة في كل تفاصيل حياتهما.
|
Post: #9
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: محمد نور أحمد
Date: 08-20-2007, 10:15 AM
Parent: #6
الإستاذ/ إسماعيل وراق
| Quote: شعبان يحملان أشياء متشابهة في كل تفاصيل حياتهما. |
تقصد شعب واحد يعيش في دولة مختلفتين.
شكرا للمرور من هنا إنابة عن ست الدار تراجي.
طيب قول مبروك على الأقل يا مريخابي.
|
Post: #8
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: محمد نور أحمد
Date: 08-20-2007, 10:10 AM
Parent: #5
سعادتك
بركة اللمينا فيك تاني .. وكتر خير تراجي الجابتك لينا بجاي.
| Quote: نشتاق الى كليمات ومرجان دفق وسبان قالى وفرشة وشوارع شارل دوجول واربعين ونميرى ومارشيه سنترال واهل انجمينا الرائعين ومازلت احتفظ بذكريات وصور واغانى للراحل محمد جيلالى وحاج احمد ... افتقد التشة والآقاشية يا صديقنا محمد نور |
يا سعادتك مالك علي؟ انا براي قاعد على الهبشة .. كايس ليل لي سبب ,, تقوم تركبها لي في رأسي..
يبدو يا سعادتك أنك حضرت إنجمينا الثمانينات.. لم تتغير إنجمينا في ملامحها كثيرا.. لكنها تطورت أفقيا ورأسيا بشكل ملحوظ.
حي كليبمات أصبح من أرقى أحياء أنجمينا و لدية إمتدادات حتى الحي الأوربي.
مرجان دفق كعهدها ماتزال شامخة في وجه سلطات الأراضي تقاوم التمدن والتحديث.
أما فرشا فاستوعبت فللا رئاسية وأصبحت قبلة لمقر شركات التنقيب عن الذهب والبترول وبعض من رعاة الشاه يتطاولون في البنيان هنالك.
سبانغالي ما يزال حيا بجسد التسامح والتعايش الديني ، حيث تدق أجراس الكنيسة ويرفع نداء الصلاة من شارع واحد، فتنقسم مجالس السكان هذا إلى كنيسته وذاك إلى مسجده ليعودوا إلى نفس المجلس بعد أن يؤدي كل نسكه.
شوارع الجنرالات نميري - ديغول - جورج بيمبيدوا أصبحت مراكز للمؤسسات التجارية والشركات متعددة الجنسيات ومقرات المنظمات الدولية، كل واحدة منها له مذاق مختلف عن الآخر. (المحيرني يا سعادتك السفارة السودانية والخطوط الجوية السودانية والبنك الزراعي السوداني والنادي السوداني ومدرسة الصداقة السودانية لا تزال جميعها أبعد ما تكون عن شارع الجنرال نميري).
المارشيه سنترال أصبح قبلة للسياحة قبل التسوق، لقد أعيد بناؤه بتمويل من الصناديق الدولية في مركز تجاري موحد، فأصبح شامخا شموخ المسجد الكبير لا تتخطاه العين.
أما الفنانين محمد أحمد جلالي ومحمد أحمد بيكوس وعبدالرسول محمدعثمان وحتى قازونقا جميعهم انتقل إلى جوار ربه، فلم يعد من يجمل أماسي انجمينا وأعراسها وجلسات أنسها سوى بعض من الجيل الجديد الذي يحمل جديدا في كل شئ.(صورك وأغانيك العندك بتخليني أفتش على ديارك).
أماالأقاشيه والتشه التي تشتاق إلى تذوقهما فهما اللذان يجعلاني أكره الباربيكيه على الطريقة الأمريكية.
| Quote: سلم لى كل الاهل والاصدقاء فى شارى باقيرمى.. وقل لهم اننا نحبكم كثيرا.. |
تقبل أخي الكريم تحايا كل الأهل والأصدقاء في إقليم شاري باقرمي والذي أضحة يسمى الآن حجر لميس في النظام اللامركزي الجديد.
وثق أن التشاديين يبالونك حبا حب
شكرا أن جعلتني أجتر بعض الذكرى .. وألف مبروك للهلال ( شلكلك مريخابي .. حتى مبروك مستخسره فينا).
|
Post: #10
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: علي سيد همد
Date: 08-20-2007, 10:41 AM
Parent: #1
سلام اختنا تراجي
أخوي محمد نور أحمد
أنت رجل محترم ووفي في زمن قل فيه الرجال الاوفياء و المحترمون
|
Post: #11
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: محمد نور أحمد
Date: 08-20-2007, 06:42 PM
Parent: #10
الأخ الكريم/ علس سيد همد
| Quote: أنت رجل محترم ووفي في زمن قل فيه الرجال الاوفياء و المحترمون |
شكرا على الإطراء وحسن الظن بشخصنا الضعيف.
إنت عارف يا علي يا اخوي أنا السودان ده أفضاله على ما بتخلي عندي خيار آخر غير إني أحبه وأبقى وفي ليه.
السودان جميل بيكم وبي تبايناتكم واختلافاتكم.
تسلم يا همد.
___________________________________________
برضو ما باركت لينا النصر.. الغريبة المريخاب الحاقدين في البوست ظاهرين .. يخلو ليك الإشز الأساسي ويمسكو في الفرعي.
أرجع بارك لينا .. عشان ما نحتها معاك قرض من بدايتها .. راجنك.
|
Post: #12
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: Tragie Mustafa
Date: 08-20-2007, 11:01 PM
Parent: #11
فوق لمزيد من المحبه بين الشعبين.
|
Post: #13
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: علي سيد همد
Date: 08-20-2007, 11:55 PM
Parent: #1
محمد أخوي انا زول هلالابي لكن عندي طريقتي الخاصة للتعبير عن هذا الحب عند فوزه وخاصة على فريق مصري وهو اغاظة اولاد بمبة الذين اعرفهم ولا اعرفهم يعني لو لقيت مصري في الشارع طوالي اذكر بنتيجة المباراة واجر معاه شكل واخش في السياسة واوريهم كل سلبياتم وربما ينتهي النقاش بشكلة ليها ضل بالمناسبة الكلام ده جد
في الختام لك ولصاحبة البوست كل الود
|
Post: #14
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: محمد نور أحمد
Date: 08-21-2007, 05:17 PM
Parent: #13
اخونا همد
| Quote: انا زول هلالابي لكن عندي طريقتي الخاصة للتعبير عن هذا الحب عند فوزه وخاصة على فريق مصري وهو اغاظة اولاد بمبة الذين اعرفهم ولا اعرفهم يعني لو لقيت مصري في الشارع طوالي اذكر بنتيجة المباراة واجر معاه شكل واخش في السياسة واوريهم كل سلبياتم وربما ينتهي النقاش بشكلة ليها ضل بالمناسبة الكلام ده جد |
كان كدي يا اخوي انت ما عندك عوجة .. إنت زولنا تب .. إلا يا همد يا اخوي بلاش الشكلات الليها ضل دي .. لحدي تخش معاهم في السياسة وتوريهم سلبياتهم أنا زولك تب .. لكن خطوة لقدام اختلفنا... واختلاف الرأي لا يفسد لحب الهلال قضية.
_____________________________________________________________________________________________________________________
بيني وبينك .. ما بحرش فيك .. لكن السياسة المصرية تجاه السودان مبنية على الإستغلال والحقارة .. الا الشعب المصري جميل.
|
Post: #15
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: تاج الدين عبدالله آدم
Date: 08-21-2007, 05:39 PM
Parent: #1
الشكر للاخت تراجي علي البوست,
الف مرحب بالاخ محمد نور و سعيد بمعرفتك عبر هذه الاطلالة.
Quote: برضو ما باركت لينا النصر.. الغريبة المريخاب الحاقدين في البوست ظاهرين .. يخلو ليك الإشز الأساسي ويمسكو في الفرعي.
أرجع بارك لينا .. عشان ما نحتها معاك قرض من بدايتها .. راجنك. |
الاخ محمد نور اتاريك هلالابي كبير مندس!! ما كان ح نعرفك لولا تراجي!!
|
Post: #16
Title: Re: التحيه ....(لمحمد نور التشادي).....الوفي للسودان ... وهو يحتفل مع الهلالاب.
Author: Tragie Mustafa
Date: 08-22-2007, 01:47 AM
Parent: #15
شفت يا تاج الدين نحن مصحصحين لاي درجه بهذا البورد؟؟
| Quote: الاخ محمد نور اتاريك هلالابي كبير مندس!! ما كان ح نعرفك لولا تراجي!! |
تحياتي ويا فرحتنا باخونا محمد نور.
|
|