غُـــور الــروح ...!!!

لو روح الشاي بتكِف العين
بتستِّف كل خطواتي وجاي معاك
الزمن القصَّر ما أداكِ سبيل
ما أدركتِّك
بادية تخدِّري حرف غُناي
ما لميتِك من الرمَق السدَّ كفاف العيش
سميتِك ..
مدخل غُـور الروح
متوسِّل عشمي الهسْـــا يصــارحِك ..
أقدر أبارحــِك ؟
وكـت الروح بتفارق جسدك
أُزهـق أموت !!؟
لو أقدر أفوت متجاهل أســاي
باديني كلامــك
وصوت الضحكة .. وشكلِك
ولون البسمة ... الأجمل
أنا مُتأســف ...
لو ما قدرت عليك
مجروح .. ومعسْــَّم
من العشق الضاقِك
قلبي اتســمَّم بيكِ
آآهـ .. ما بقدر
آآآهـ ...
لو شفتِ الدنيا بدونك
ناشفه وغيرك ماظــ..ــن تســوى
ما تخليني أذاكرك طيف
مُهمَل عندِك أو متخبي
في آخر حته يروح مش اكتر !!
وبس مش أكتر !!

يا زول بتجيب الكلام دا من وين ؟
ما شفت التستيف فى الخطوة الا معاك
الله اداك روح تتستف بلغة الناس العاديين
لكنها تدخل فى العروق وتتحكر
يا زين كلامك زين
وتستاهل لو دى حبيبتك
خليها معاك

بادية تخدِّري حرف غُناي
ما لميتِك من الرمَق السدَّ كفاف العيش
سميتِك ..
مدخل غُـور الروح
متوسِّل عشمي الهسْـــا يصــارحِك ..
أقدر أبارحــِك ؟

داش

Quote: يا زول بتجيب الكلام دا من وين ؟ ما شفت التستيف فى الخطوة الا معاك الله اداك روح تتستف بلغة الناس العاديين لكنها تدخل فى العروق وتتحكر يا زين كلامك زين وتستاهل لو دى حبيبتك خليها معاك

ومرة اخرى نسعى طوعا لمؤاخاة الرجل فى انعطافات والكلام الاتى منه حتى ليبدو كانه ات من احساس نفس مخصصه لتشكيل عطائها بهذا الجم المتورد من الصدق والجمال..
وكانى ارى الهواء المر؛ الوعد يمر من هناك فى حناياه حزمة من دخان الكلام الذى لايشرع فى حقيقة بحجم حبة القمح عزت على كتف الفم فتوخاها الانــاء....
استغرقت فى شرودها وهى تتذوق دموعها التى تكسرت فى انــامل اطرق ليس لغير الحياد والتحسس ..
ياااااااااااااااااه..

التحايا النواضر..

ومره أُخرى

تجوش المشاعر
لتبلغ هذا العلو
بحجم المجره
أو كل أفلاك هذاالجمال
بمساحة أفقنا الممتد
أمدُْ يــدى غير آبــه بأفعالها ورغباتها
أن تطال الغمام فى مساكن المطر
علِّ أغســل بعضٌ من الملح
من طعم هذى الدموع
وأُسْـــكت صوت البكاء والنحيب

يا صديقى

يا تروتسكى

وإن لصمــتى معانٍ
تدلُ على ضعف مقدرتى
لإحتمال الفرح
من قدومك ..
بحق الذى بيننا
إنه غاية الإكتمال
إنه لعجيب

يعــترينى فرح عارم
وأتهــيأ لأحلام الصــحو جهاراً
لأبــدو كما خُيــل لى
أو كما لم أكن فى التوقع
عندما أجدك هنا أو هناك
حيثما أجدك أصحو على
روعة الأبداع عندك
حينهاأكتشف طعم المتعه
فى المذاق

أفرح تماماً
عندما أجد المداخل
فِتحــت عينا وصِحــتْ
على وعيك الإدراك


أستاذه سلمى

ليك منى موده
وإحترام
وحب عميق جداً

عبدالله داش

الجميل

البسمع كلامك ده ما بقدر إبارحك

بنتظرك عند مدخل غور الروح

جنب شارع الدم الكابى زى الشلال

المتفرع من نبض الكلمة الصادقة من جواك..

سلام وإنت وينك ما باين؟

تحياتى ومودتى..

إسماعيل محمد أحمد عباس.............

داش كلماتك فيها السلام النفسي الكلنا بنحلم بيه
حللت اهلا ونزلت سهلا ومرحبابك
ملك لكل المشاعر الصادقه وجميله

الرحـــيبه


اســتاذه عفاف

حبابك

وأنا أُحب الماء نيّا
لا ليغسلنى ولكن ليتنى أدرى
لماذا الماء نيّاً بالقياسًْ
وأنا أحققُنى
لأفضح من رمانى بالخطيئةِ
أول الأشياء
علمنى بأن دمى فلاة الريح
وللأشــياء ورطتها نزوع الفعل
ثم أخالنى حتى لأدرك
بالطريقة ذاتها :-
أنى نهار الرؤيةِ العليا
وليل الإنفلات الصب
خمادٌ أيها الوطن المُصّفُد
بالبعيد وبالعبيد
وقادرٌ لعذابك الأهلى

( ثالوث المغامرةِ الأليفه دين إمرأه وطن )

برنويا الصعود

عثمان البشرى


لك الإحترام

ود العباس

الجميل


أنا فى تنافس
مع الأجمل د/ محمد
فى إقتســام بعض مما تحمل من آيات
تدل على صدقك وحسك المرهف


كن كما أشتهى


الوعد
فى ذات المكان

ويبقى الزمن أجمل

موده بحر

Quote: ما لميتِك من الرمَق السدَّ كفاف العيش سميتِك .. مدخل غُـور الروح متوسِّل عشمي الهسْـــا يصــارحِك .. أقدر أبارحــِك ؟ وكـت الروح بتفارق جسدك أُزهـق أموت !!؟

الشفيف داش ...
تمتاز حروفك بتفرد يشد العيون والحواس ...
تاسرني مقاطعك ...وتاخذني الى عوالم اخرى ناعمة ... ناعسة ..
اتوه بين التعابير فتقودني كلمة الى مدخل قريب ... وتعيدني اخرى الى مخرج لا اتوقعه ...
لك التحية وعميق المودة ...

ممدود خيالك فيــنى
متْســـع الفراغ
مجروح ثبات الرؤيه فيك
إتلفّــحكِ خطى البِعيِدك من سفر
وتكونى إنتى البعرفك
جواى تعاينى وتضّحــكى
وأنا أشتهيكِ معاى حضور
لمْن أعاينك
تزدهر قمم الأرض
والمزنه تهديك
الســخاءالمطران دفّــر
الشوق بحر
يا مأكســده الهوى زى بخور
ســافنا لونك
زى هلالك إنبهار
ألقينى فى خط الأفق
متخبى فى وضح النهار


الوريفــه ســناء ...

هذا الحضور
بهى كماالربيع تماماً


موده تشــبهك

إلتقينا لفاء عابرآ ومعبرآ

فلنلتقى مرة أخرى إن كان اللفاء ميسرآ


نفس المكان نفس الميعاد...

والحب متوهج فى القلوب خير زاد..

مودتى...

إسماعيل محمد احمد عباس.................

Quote: فلنلتقى مرة أخرى إن كان اللفاء ميسرآ نفس المكان نفس الميعاد...

على وعد اللقاء
لأن الجميع يشعون ضوءً جميل


وللأشــواق فعلٌ يستحق الرواء

إســماعيل ود عباس


إذن كن أول الحضور


موده وحب عميق

داش اخوي
مسكاقمي

Quote: لأفضح من رمانى بالخطيئةِ أول الأشياء

هو صديق الموج
ماهو اصلو بتاع شمارات

مجروح .. ومعسْــَّم
من العشق الضاقِك
قلبي اتســمَّم بيكِ
آآهـ .. ما بقدر
آآآهـ ...

هذه اللغه اعرفها جدا
تدعوا للاشباء جميله




لك الاحترام والتقدير

دة نضمي سمح و في منتهى الجمال و بيدخل في ( غور الروح )

يديك العافية

أنا مُتأســف ...
لو ما قدرت عليك
مجروح .. ومعسْــَّم
من العشق الضاقِك
قلبي اتســمَّم بيكِ
آآهـ .. ما بقدر
آآآهـ ...
آآآآآآآآآآه
داش ومن وين ابداك
ياالعسمت الكلمه المارقه
وياالوكرت الدهشةالبتاوق فيك
ممحنه فى نضميك البغرق للعوم فى دميرتك
بحرك حمر شد معاه الشوق الشمر
شمر وجاك يساسق بين الضحكه الفيك والفرحه البين ايديك
وبهديك الدهشة ايها الشاهق شعرا

الصديق داش
وهل القول إلا ما قال الزعيم أبا جهينة
والأميرة سوما والآخرون ...؟

حروف مدهشة ولغة مرسومة .. أقول هذا وكفى
فقد شغلتني بهدياك القيمة تلك الكتب التي
صارت غذائي ودوائي ...
أتابع الروعة ( والأندهاش ) معك يا داش ...

الصديق

عادل جباره

كما قال صديقى العزيز وجدى
عندما أهدانى أروع ما قرءت فى هذا العام

( الأشياء تتداعى ..للروائى النجيرى Chinua Achebe )

(قال : فلنقاسم خبز المعرفه...الخ )

فكانت مقولته بلغيه
ولها تأثير ملكية حواسى دائما



فيا صديقى دعنا نقتسم ذلك الخبز


موده بحر

Quote: داش ومن وين ابداك ياالعسمت الكلمه المارقه وياالوكرت الدهشةالبتاوق فيك ممحنه فى نضميك البغرق للعوم فى دميرتك بحرك حمر شد معاه الشوق الشمر شمر وجاك يساسق بين الضحكه الفيك والفرحه البين ايديك وبهديك الدهشة ايها الشاهق شعرا

الشــوق إتحكْر
لما غُناك صداه
إتعْدى حدود الفوت
إتنهّد حِســٍى إشتاقك
وإنتى بعيده
إترددْ صــدى من صوت
ساساق الذكرى
فى دربك فتّــر
تانى تعالى خريف
إتحــدا غيوم الصيف
إدّفق بدّر
بشر بيك قصيد

الشاعره سـوما

أو أســماء


سيان ...

كان الزمن أجمل
كان الحضور فى غمة الإدهاش
بما سمعت منك
والجميع

ليك الموده سبيل

من الصدف الجميله أن ألتقى بك
وأنت بقدر جميل من المعرفه ... المعرفه




وأيضاً من الصدف الجميله
أن أدخل مكتبه لبيع الكتب
بجوارالجامعه كان معى حينها
الشاعر الجميل عمر أحمد
فلوح لى بها
(دى مش هى ...؟)

وجدها صاحبة الضجيج

(أما ندا والأبنوس ... )

والآن فى فضاءتها أجوب
فهى ذات بهاء
ولغة من عصور أهل الكلام
الأوائل

الوريف ابوجهينه


شكراً
على هذا الصخب

السابلون على حواف القلب
هذا الدرب يمنحكم
وصولاً آمناًً
للحس فى النبض العميق ...

محمد عبد الغنى /

العزيز

دعنى أقول لك أهلاً حبابك


وأهلاً بك فى دمى

موده مطر

Quote: وللأشــياء ورطتها نزوع الفعل

الخال كرضم

مسكاقمى

مش بكتبوها كدا ؟

الموج زول فنان بدون شك


بس كيف يحل موضوع الرحط مع علاء تمبس

خليك فى لجنة الأجاويد.. لفض النزاع

حمزواى

أشكرك على المرور العطِر

لك كامل الود