Post: #1
Title: ليوجيرغا خليل... تاجل انطلاقي كهولقانس اسفيري...!!!
Author: عبدالكريم الامين احمد
Date: 08-17-2007, 02:47 PM
مباراة الهلال والاهلي التي جرت في القاهرة قبل فترة سابقة والطريقة الجبانة التي انهزم بها الهلال
اورثت في داخلنا غضب خرافي ورغبة اكيدة في الانتقام الكروي من هذا الاهلي المصري الذي نال نصرا لم يكن مستحقا كل ابدا..
وفي كل تلكم الفترة السابقة كنا في انتظار مباراة ام درمان بتحرش كروي كبير ورغبة في اداء هلالي
علي طريقة(الداشنغ الشهيرة) وطريقة صلاح دوشكا ذات اللعب الرجولي والكورة ذات العين الحمراء وقوة القلب التي تذكرك الاداء الرجولي الذي اشتهر به العديد من لعيبة كورة ذات (خشة واحدة) وحاسمة تقفل
كل مفاتيح لعب الاهلي وتصارعه علي الكورة في كل زوايا ونواحي الملعب...(ونحي هنا باك الهندسة الشهير ودالعباسية ايمن (وكوكة))
...
علي مر السنين العديدة التي سمعت فيها تنبوات ابو خليل الكروية ابصم عليها بالعشرة واوكد بانها لا تخيب وتاتي بالنتيجة بقرونها (الا في بعض كور المريخ التي يدفعه فيها التشنج ومحبة غلغلة المريخاب)...
الهلال يقود الاهلي للمسلخ ويذبحه بطريقة غير اسلامية
ورغم ان الروح الهولقانسية الشريرة تجاه الاهلي كانت في اعلي معدلاتها وكلو الاحتياجات لانطلاق هولقانس اسفيري رسم وشم يخلد سيرة الهلال وجلب عبارات من انداية بت قنيرة العجيبة الا ان كل هذه الترتيبات ستذهب الان الي المخازن والمهمات وسنشاهد هلال - اهلي راقدين قفا اعتماد علي ليو جيرغا
خليل(واكيد ما تخزلنا الليو جيرغا يا خليل..مش كده
والنصر دوما حليف ابوالهل باذن الله...
|
Post: #2
Title: Re: ليوجيرغا خليل... تاجل انطلاقي كهولقانس اسفيري...!!!
Author: عامر تيتاوى
Date: 08-17-2007, 02:54 PM
Parent: #1
كريم
Quote: ]وسنشاهد هلال - اهلي راقدين قفا اعتماد علي ليو جيرغا
خليل(واكيد ما تخزلنا الليو جيرغا يا خليل..مش كده |
لوياجيرغا خليل ديل زكرتنى بالجماعة بتاعين طالبان لما اجتمعوا اللوياجيرغا
للنظر فى طلب اميركا تسليم اسامة بن لادن واحد صاحبنا لما شافم قاعدين كده
بالسراويل والدقون والعمم الترباسية قال الجماعة ديل لا بسلموا ولا حاجة
يارب لوجيرغا خليل ناس طمهليل وبتاع يكونوا زى الجيرغا الاصلى
|
Post: #3
Title: Re: ليوجيرغا خليل... تاجل انطلاقي كهولقانس اسفيري...!!!
Author: عبدالكريم الامين احمد
Date: 08-17-2007, 03:03 PM
Parent: #2
هلا تيتاوي
وتخيل الليوجيرغا بتاعة خليل دي كتلت قلبنا ياخي
وكنت مجهز لبس بتاع هولقانس لناس الاهلي ديل واحتمال الواحد يسافر الخرطوم ذااتو للوقوف مع ابو الهل في هذه المعركة
وطمهليل ده شيطان كعب لانو جاب كورة الهلال ما غالب فيها واكيد بكون تبع (طالبان العرضة)
وفي فرق كبير يا تيتاوي ما بين ليوجيرغا خليل
وليو جيرغا طالبان بتاعين خليل ديل كلامهم ما بقع وطة ابدا
|
Post: #4
Title: Re: ليوجيرغا خليل... تاجل انطلاقي كهولقانس اسفيري...!!!
Author: عامر تيتاوى
Date: 08-17-2007, 03:08 PM
Parent: #3
| Quote: وليو جيرغا طالبان بتاعين خليل ديل كلامهم ما بقع وطة ابدا |
فوق فوق هلالنا فوق
|
Post: #5
Title: Re: ليوجيرغا خليل... تاجل انطلاقي كهولقانس اسفيري...!!!
Author: عبدالكريم الامين احمد
Date: 08-17-2007, 03:15 PM
Parent: #4
| Quote: فوق فوق هلالنا فوق |
ايوه يا تيتاوي هلالنا فووق
والهلال لازم يعلب الكورة دي نتكتيك عالي وحماس كبير ورغبة في انتزاع النصر
والكورة مع الاهلي المصري كورة فيها كلام كثير وفيها زي مليون كورة ومباراة علي هامش هذه المباراة.. ونتمني ان تشتعل المدرجات وتتحول الي بركان ازرق وسيل هادر وكواريك عجاجها يصل عنان سماء كل الخرطوم في ذلك اليوم..
...وفووق فووق هلالنافووق
|
|