Post: #1
Title: *** ان شاء الله يوم شكركم ما يجى ،،، بورداب الرياض ***
Author: soma
Date: 08-17-2007, 08:33 AM
يقال أن الحرف بليغ ،،،
ولكنى فوجئت به يتبلد فى لحظة كنت أحوج ما أكون فيها إليه،،،
لينتشلنى من غياهب الحرج الذى وجدت نفسى أسقط فيه الى قاعه السحيق ...
وجوه تشع صفاء ونقاء ،،
عيون تئن أهدابها بأطنان من الود ،،
إبتسامات ترسم على صفحة الليل الانيق لوحة،
أطيافها بلون الطيبة والبساطة ،،،
ولسان الحال يحكى كمٌ مهول من الترحاب والحفاوة ...
ولعل أصعب اللحظات هى عندما تحدق فى حاجز الصمت والكلفة،،
الحاجزالذى يقف حائلا بينك وبين الرغبة فى ولوج المجهول ،،
وأنت تفكر فى كيفية إزالته ،،،
هل هو من حديد صلب ؟؟
أم من حجر جرانيت !!!
أم هو مجرد ضروة قد تطيح بها النسمة الرقيقة !!!
المفاجأة أنه لم يكن لا هذا ولا ذاك ،،،
فهو لم يكن قائما أصلا ،،
بل هو مسرح بدون ستارة ...
روعة الترحاب كانت أكبر من أن تحتملها مشاعرنا ،،،
فرحت أنادى على الحرف ،،، أستجديه ،،، أستعطفه ،،،
ليتكرم على بجملة أرد بها النذر اليسير ،،
من الكم الهائل من الحفاوة الذى رش سما الرياض الصافية ،،،
فكانت ليلة من ذات اليالى تؤرخها الذاكرة ما يقيت ...
ما أروع أن أن تحس بالحلم الجميل ،،،
وتشعر بالمستحيل ،،،
حتى أنك تفكر فى أن تمد يدك لتتحسسه ،،،
فتشعر بأنك لمسته ،،،
فكيف به إذا أصبح حقيقة واقعة !!!!!!!!!!
أيها النسيج الرائع :::
ـ مهدى الصادق ـ معتصم دفع الله ـ د.محمد حسن ـ صلاح شتات ـ
علاء تمبس ـ صديق الموج ـ اسماعيل وراق ـ حمزاوى ـ يوسف (ابو وجيده)
ـ محمود بكر ـ محمد عبد الجليل ـ اسماعيل عباس ـ أحمد حنين ـ
آدم هلباوى ـ عادل جباره ـ عبد الله داش ـ مصدق ـ دكين ـ
علاء جيموره ـ عبد المنعم الزين ـ أحمد حسن (ستار توب)ـ
ـ وليد طه ـ خالد المحرب ـ عفاف ابو حريرة ـ خالد سعيد (الارباب)ـ
ادريس خليفه ـ حمد فتح الرجمن ـ
وصدى البرارى(الفنان المبدع مرزوق ـ وفرقته المتجانسة)
والصوت القادم من عمق النيل (ودالشيخ)
وكل من شاركنا فى الامسيتين شعرا وغناء ...
ثم توليفة آل الجنيد الانيقة :::
الفاتح على وصديقه صلاح ـ القاسم على ـ أحمد مبارك ـ
بدر الدين عبد الله ـ مأمون حسين ـ الشفيع حسين موسى ـ
سفيان احمد عبد الرحمن واسرهم الكريمة ـ
وجميعهم يجمعهم جدنا الجنيد فى تسلسل النسب ...
أسمحوا لى ،،،
وعذرا إن لم أقل كلمة شكراَ بحقكم ،،،
ليقينى أن ما اتحفتمونا به لا ترجون من ورائه جزاء ولا شكورا ،،،
فظنى أن لمسناه منكم هو كالحسنة ،،،
إن أذعت سرها ذهب فضلها وثوابها ،،،
فإن أكرمنا الله سبحانه وتعالى بعمرة ،،،
فقد أكرمنا أيضا بإخوة لم تلدهم أمنا ......
الفاتح الجنيد ـ مسقط
|
Post: #2
Title: Re: *** ان شاء الله يوم شكركم ما يجى ،،، بورداب الرياض ***
Author: عبدالله داش
Date: 08-17-2007, 10:39 AM
Parent: #1
تستاهلى أكثر من توقعاتنا
ولكن هذا أقل ما نملك
هو ..
أن نفرح بك
لك الموده
والتقدير
|
Post: #3
Title: Re: *** ان شاء الله يوم شكركم ما يجى ،،، بورداب الرياض ***
Author: DKEEN
Date: 08-17-2007, 11:48 AM
Parent: #1
آل الجنيد
ذلك كان اقل القليل ..وماهو بمقامكم يعلم الله..
وانتم كنتم اهل لما هو اكبر منه..
ولكن الزمان بكم كان عجولا..
|
Post: #4
Title: Re: *** ان شاء الله يوم شكركم ما يجى ،،، بورداب الرياض ***
Author: إسماعيل وراق
Date: 08-18-2007, 07:39 AM
Parent: #3
العزيز الفاتح الجنيد
تحياتي لك ولأسرتك الكريمة..
من محاسن الدنيا أن تلتقي بأنقياء طيبين القلب مثلك.. ونحمد الله كثيراً أن أضفنا إلى سفر حياتنا الإجتماعي رجالك من طينتك.. طينة أهلنا السمحين الذين يقابلونك دون تكلف أو رياء.
لك الود إينما كنت.. ولسوما تحياتي الصادقة.
|
Post: #5
Title: Re: *** ان شاء الله يوم شكركم ما يجى ،،، بورداب الرياض ***
Author: soma
Date: 08-18-2007, 10:02 AM
Parent: #1
الاعزاء : داش ـ دكين ـ وراق وبقية العقد الفريد ،،،
صحبتكم الصدوقة هى الكنز الذى عدت محملا به من مدينة الرياض ،
وودى التواصل معكم مباشرة وليس من خلال سوما ،،
ولكن العين بصيرة ،،
والى أن يأتى الأوان ،،،
فاليعذرنى بقية الاخوة ...
ومن التحايا اغرف ليكم بكفى حتى تتكفوا ،،،
الفاتح الجنيد ـ مسقط
|
Post: #6
Title: Re: *** ان شاء الله يوم شكركم ما يجى ،،، بورداب الرياض ***
Author: معتصم دفع الله
Date: 08-18-2007, 10:16 AM
Parent: #1
أخي ود الجنيد ..
كم هي جميلة اللحظات والأيام معكم ..
لقد ملأتم دواخلنا سعادة بجيتكم لينا حتى إدفقت فرحاً بتلك الليالي ..
وحولتم حرارة الرياض إلى نسمات لطفت أجوائنا ..
شكراً لحروفك السمحة وراقية ..
وشكراً لكم بقدر ما أسعدتمونا ..
وهنيئاً لنا بكم ..
محبتي بلا حدود ..
|
Post: #7
Title: Re: *** ان شاء الله يوم شكركم ما يجى ،،، بورداب الرياض ***
Author: إسماعيل وراق
Date: 08-18-2007, 10:25 AM
Parent: #6
Quote: وودى التواصل معكم مباشرة وليس من خلال سوما ،،
|
يا حبيب نفهم أنك عايز تفرز عيشتك (وجه ضاحك)
والله أنت وسوما يا الفاتح أكثر من أخ وأخت..
عليه نطالب المهندس بكري أبو بكر بأن يفسح المجال للمبدع الفاتح الجنيد ليكون ضمن كوكبة سودانيز أونلاين وبورداب الرياض جميعهم سوف يزكي الأستاذ الفاتح.
|
Post: #8
Title: Re: *** ان شاء الله يوم شكركم ما يجى ،،، بورداب الرياض ***
Author: مهدى الصادق السيد
Date: 08-18-2007, 10:50 AM
Parent: #1
كنا نعرفكم عبر الحروف وعبر الاثير وعبر القرية الكونية
اما الحقيقة فهى شى اخر يختلف كثيرا عما رسمنا فالوردة الصناعية لا تضارع الوردة الطبيعية
كما وصفها ايليا ابو ماضى .
كنتم كغيمة خريفية ظللت سماء الرياض الصيفى الجاف فاحالته الى جو ربيعى جميل جعل الجميع مبتهج منبهر من هذا الجمال الخلاب .
ستظل تلك الليلتان خالدتان ما حيينا حتى يجود الرحمن بمثلها فى موسم اخر وهذا عادة لايتم الا فى كل خمسين عام مرة واحدة .
الكل يذكركم بفرح عامر حتى الصادق الصغير عندما سمع صوت خالته فى مسجل السياره فرح ونطط وقال دا كلام خالتو سوما بدون اى مقدمات .تلك هى البصمة التى لاتشابة اى بصمة فقد تركتم بصمتكم الفريدة فينا ما حيينا .فشكرا بقدر اسعادكم لنا .
لكم التحيات الخالدات ولكم الود كله .
|
Post: #9
Title: Re: *** ان شاء الله يوم شكركم ما يجى ،،، بورداب الرياض ***
Author: Mohamed Abdelgaleel
Date: 08-18-2007, 11:16 AM
Parent: #8
آل الجنيد .. شكرا على ما منحتمونا
من مساءين سودانيين جميلين .. آمـل
أن نلتقيكم قريبا .. شكرا .. شكرا
|
Post: #10
Title: Re: *** ان شاء الله يوم شكركم ما يجى ،،، بورداب الرياض ***
Author: مصدق مصطفى حسين
Date: 08-18-2007, 12:23 PM
Parent: #1
أخى العزيز الفاتح الجنيد
عاطر التحيات و حمدا لله على وصولكم بالسلامه،
لم نقم بأكثر من الواجب ،
تمنياتى القلبيه لكما ولكل من بطرفكم.
|
Post: #11
Title: Re: *** ان شاء الله يوم شكركم ما يجى ،،، بورداب الرياض ***
Author: عادل جبارة
Date: 08-18-2007, 01:07 PM
Parent: #10
أخي محمد الفاتح الجنيد
بل نحن من لا يجد من الكلمات ما يعبر عن حجم
السعادة والألفة التي جمعتنا بكم ... وسيتواصل الود
والمحبة بإذن الله طالما وجد كل هذا الصفاء
Quote: صحبتكم الصدوقة هى الكنز الذى عدت محملا به من مدينة الرياض ،
وودى التواصل معكم مباشرة وليس من خلال سوما ،،
ولكن العين بصيرة ،،
والى أن يأتى الأوان ،،، |
وسيأتي هذا الآوان قريباً بإذن الله وستكون بيننا ، فأنت
من يستحق أن نسعى إليه ليكون قلما ناصعاً وفكراً ثاقباً
شكراً لك مرة أخرى أخي محمد الفاتح ...
|
Post: #12
Title: Re: *** ان شاء الله يوم شكركم ما يجى ،،، بورداب الرياض ***
Author: ادم الهلباوى
Date: 08-18-2007, 01:18 PM
Parent: #11
بسم الله الرحمن الرحيم
حيا الله اهل مسقط الكرام ويا مراحب يا آل الجنيد أهل الجود والكرم
مهما يكن وصفكم الجميل لتلك الليالى إلا نحن نحس أننا مقصرين
كرمكم الفياض وأنسكم الجميل واطلالتكم المباركة أنستنا برح الغربة
الشكر موصول لكم وكل من شاطر من جانبكم والشكر للحلوين المبدعين
الخوة بورداب الرياض ويا هلا ومسهله حقيقة اسعدتمونا كثيرا .
|
Post: #13
Title: Re: *** ان شاء الله يوم شكركم ما يجى ،،، بورداب الرياض ***
Author: خالد المحرب
Date: 08-18-2007, 01:38 PM
Parent: #12
الاخ الفاتح سعدنا بوجودكم معنا فى الايام الفايته وكنا نتمنى ان تتم زيارتكم لنا فى البيت مع الاخت اسماء ولمن نحن انشقلنا لظروف خاصة وانتم اظن الزمن ضغط عليكم .. سعدنا بكم كثيرا وشكرا
|
Post: #14
Title: Re: *** ان شاء الله يوم شكركم ما يجى ،،، بورداب الرياض ***
Author: أبووجيدة
Date: 08-18-2007, 03:24 PM
Parent: #1
الغالي / محمد الفاتح
الغالية / سوما
سائلــين الكريم ...
إنشاء الله يوت نتلاقى ...
في دروب السمح ...
ما الخوه أحلى عـــلاقة ...
نورتو الريـــاض ...
ويزداد بريق إشــراقا ...
وفي ســاعة الوداع ...
كُل الدمـــوع رقــراقة ...
بكيـــتو الصــغار ...
وحتى الكُـــبار مشتاقة ...
روضـــتو الحــروف ...
ما الفرقــة جد حراقــة .
...البقية تأتي ...
فــيض مودتـــي
|
Post: #15
Title: Re: *** ان شاء الله يوم شكركم ما يجى ،،، بورداب الرياض ***
Author: Habib_bldo
Date: 08-18-2007, 05:07 PM
Parent: #14
سوما لك الود ولي الاسف الشديد والحسرة العميقة لعدم تمكني من حضور الليلة
وأرجو أن نلتقي في قادم الايام إن شاء الله
|
Post: #16
Title: Re: *** ان شاء الله يوم شكركم ما يجى ،،، بورداب الرياض ***
Author: Khalid Saeed
Date: 08-18-2007, 05:27 PM
Parent: #14
الأخ / محمد الفاتح الجنيد
الحمد لله على سلامة الوصول ..
بكم إجتمعت القلوب .. وجادت السماء بنسماتها .. وصفت أرواح البورداب في تلك الليلتين العامرتين بكم ..
نتمنى أن نلتقي في ساعة خير ،
والتحايا للأخت سومــا ولجميع الأسرة .
خالد الأرباب
|
Post: #17
Title: Re: *** ان شاء الله يوم شكركم ما يجى ،،، بورداب الرياض ***
Author: عفاف أبو حريرة
Date: 08-18-2007, 05:59 PM
Parent: #16
سائلــين الكريم ...
إنشاء الله يوت نتلاقى ...
في دروب السمح ...
ما الخوه أحلى عـــلاقة ...
نورتو الريـــاض ...
ويزداد بريق إشــراقا ...
وفي ســاعة الوداع ...
كُل الدمـــوع رقــراقة ...
بكيـــتو الصــغار ...
وحتى الكُـــبار مشتاقة ...
روضـــتو الحــروف ...
ما الفرقــة جد حراقــة .
سوما حمد الله علي سلامة الوصول
لقيت في كلمات الرائع ابو وجيده
كل النفسي اقوله0
كم سعدنا بوجودك
بيننا ايتها القمر الذي انار ليالينا
ونمني نفسناانك تكون دايمه العهد بالحرمين الشرفين
ومن بركات ابو فاطمه يكون لينا نصيب في شوفتك
عفاف ابوحريره
|
Post: #18
Title: Re: *** ان شاء الله يوم شكركم ما يجى ،،، بورداب الرياض ***
Author: ismeil abbas
Date: 08-18-2007, 08:36 PM
Parent: #1
ألأخ/محمد الفاتح الجنيد
ألف حمدآ لله على سلامتكم ....
مروركم بالرياض جعلها بخق روضة غناء..سعدنا بالقاءكم وفرحنا بكم .وبيكم إتلمينا وهيصنا وعرفنا تاس يستاهلوا العرفة...
تحياتى لأسرتك وشكرآ لكلماتك المعبرة....
مودتى..
إسماعيل محمد أحمد عباس..............
|
Post: #19
Title: Re: *** ان شاء الله يوم شكركم ما يجى ،،، بورداب الرياض ***
Author: علاء الدين حيموره
Date: 08-18-2007, 11:14 PM
Parent: #18
خالفتم أحبتي الفاتح الجنيد وأسرته خالفتم من قال :
لا يكرم المرء في داره ..
فكان كرمكم علينا فياض .. كنا نحن الضيوف .. استنشقنا عبير الكلام الجميل من بت الاصول .. ازاح هموم سنوات الغربة في لحظات ..
شكرا لكم ..
يديكم العافية ويحفظكم ..
مودتي
|
Post: #20
Title: Re: *** ان شاء الله يوم شكركم ما يجى ،،، بورداب الرياض ***
Author: soma
Date: 08-20-2007, 08:54 PM
Parent: #19
الاحبه الطيبين الشكر قمر دورين
التحيه لكم جميعا نيابة عن ود الجنيد وسوف يأتيكم مهرولا قريبا ان شاء الله
بعدما نال شرف الاشتراك فى حوش بكرى الوسيع
جزاكم الله خيرا وشكرا لا تكل ولا تمل يا اهل الرياض السمحين
وشكرا مرتين للباشمهندس بكرى
***
معتصم دفع الله حبابك يا الضى وشكرا ليكم انتو معبية من الترع الوسط حواشاتنا
**
وراق الظريف .. ياخوى لازم يفرز عيشتو عشان الشمارات وكده ههههه
هسه كان كتب كلام سمح واكيد ده بحصل قريب .. اقوم اتسلبط ليكم فيه انا
اها هو بمشى وين ويقول يا منو .. احسن يلحق روحو مش ؟
لكن بينى وبينك شعر المسادير انا لا بقدر عليه ولا بخبرو
غايتو البحب شعر المسادير يرجا ود الجنيد
ان شاء الله حا يغرف لامن يفضل ومافى داعى اخرب ليكم المفاجاة
مش قلت ليك لازم يفرز عيشتو لووووول
***
شيخ العرب اخوى ابو الصادق حبابك يا ضلنا
والله انتو النورتونا وشرفتونا يعلم الله
اللمه دى كلها كان ختيناكم ما ظن كان تمت
الله يخدر حياتكم محنة يا رب
سلامى لأم الصدق الحنينه والعيال
**
اخوى محمد عبد الجليل
الشكر ليك انت والله الشفنا فرحتك فرق عينيك
عبيت قلوبنا بهجه يعلم الله
شكرا من الاعماق
***
مصدق الفنان تسلم يا ذوق
كل ما اشوف صورتك دى يخيل بترسم ليك فى زول بى مزااااااااااج
وقاعد تفكر قبال تبدا
يا ربى الزول ده منو ؟ دكين ولا حمزاوى الظريف
***
اخونا عادل جبارة سلام يا ملك
كتر خيرك على الكلام السمح الجاى منك
شكرا مارقة من الجوف
تسلم يا شفيف
****
حباب آدم الهلباوى حبابك اخوى
والله خوتكم انتو كنز لا يقدر بى اى تمن زى ما قال ود الجنيد
شكرا محنة يا ود اهلنا
***
لكم التحايا كيمان وبنرجع لباقى الاخوة ان شاء الله
وتسلموااااااا
|
Post: #21
Title: Re: *** ان شاء الله يوم شكركم ما يجى ،،، بورداب الرياض ***
Author: soma
Date: 08-20-2007, 09:35 PM
Parent: #20
ود شيوخ البطانه والمحنة العاجبانا
اخوى خالد المحرب
حبابك يا ود القبائل المى كتر
شرفتنا يعلم الله و كلت العين لامن فضلت
الجايات اكتر ان شاء الله نجيكم بى مهلة وننزل عندكم كمان
تسلم يا العشا ويسلمموا ناس بيتك الغاليين
اختك سوما
|
Post: #22
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 08:56 AM
Parent: #21
Quote: أخي ود الجنيد ..
كم هي جميلة اللحظات والأيام معكم ..
لقد ملأتم دواخلنا سعادة بجيتكم لينا حتى إدفقت فرحاً بتلك الليالي ..
وحولتم حرارة الرياض إلى نسمات لطفت أجوائنا ..
شكراً لحروفك السمحة وراقية ..
وشكراً لكم بقدر ما أسعدتمونا ..
وهنيئاً لنا بكم ..
محبتي بلا حدود .. |
أحبتى :
حقيقى كان يحدونى شوق جارف لهذه اللحظة،،
لأتمكن من التواصل معكم ، إخوة احباء ، أفاضل ،،،
جمعتنى بهم الايام فى رحاب نقية صافية فى ربوع ارض الله الطاهرة ،،،
وكذلك الاخوان والاخوات أعضاء البورد الاصفياء الذين يشرفنى اللإلتقاء يهم ،،،
عبر هذا المنبر ،،،
........
أنا لست ممن يجيدون فن ترجمة الاحساس ،،،
ولعل عجزى نابع من خوفى من طمس المشاعر ،،،
فانا لا أريد أن أتجنى عليها بحروف لا تعى قدرها ،،،
فاعذرونى ،،،
بس :
خـلونى النسـن قـولى واجـر الــنًم
فى بورداب الرياض أهل الكرم والدم
جـنياتا دوام فى الحــارة تتحــزم
حامين الحمـى وقانعـين بنات الـعم
..........
المعتصم الاصــم سند الفـريق والجار
إخوانك قبيل ياكلوا الحـديد والنار
ركازتك تقيف فى الحــارة ما بتندار
شايل الرجاله ،، وراية المروه شعار
وهنيئا لنا بكم
|
Post: #23
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:07 AM
Parent: #22
Quote: يا حبيب نفهم أنك عايز تفرز عيشتك (وجه ضاحك)
والله أنت وسوما يا الفاتح أكثر من أخ وأخت..
عليه نطالب المهندس بكري أبو بكر بأن يفسح المجال للمبدع الفاتح الجنيد ليكون ضمن كوكبة سودانيز أونلاين وبورداب الرياض جميعهم سوف يزكي الأستاذ الفاتح. |
دعوتك أخوى وراق وصلت سريع باين عليها ،،،
والعيشة إتفرزت ،،،
وزى ما بقولوا أخير " تبقى كل شاة معلقة من عصبتها"
بس فرز عندو شخيط أحمر " لوووول "
وراق المـكوكر جو الاصل والـعز
رايك فى الـنجوع يهبش يهز ويرز
سهمك مابقـع فوق الارض يغــرز
والمقتول بصيبو دون الخلق يفرز
وسودانيز اونلاين متوهجة بى ناسا المتلك ،،،
|
Post: #24
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:12 AM
Parent: #23
Quote: كنا نعرفكم عبر الحروف وعبر الاثير وعبر القرية الكونية
اما الحقيقة فهى شى اخر يختلف كثيرا عما رسمنا فالوردة الصناعية لا تضارع الوردة الطبيعية
كما وصفها ايليا ابو ماضى .
كنتم كغيمة خريفية ظللت سماء الرياض الصيفى الجاف فاحالته الى جو ربيعى جميل جعل الجميع مبتهج منبهر من هذا الجمال الخلاب .
ستظل تلك الليلتان خالدتان ما حيينا حتى يجود الرحمن بمثلها فى موسم اخر وهذا عادة لايتم الا فى كل خمسين عام مرة واحدة .
الكل يذكركم بفرح عامر حتى الصادق الصغير عندما سمع صوت خالته فى مسجل السياره فرح ونطط وقال دا كلام خالتو سوما بدون اى مقدمات .تلك هى البصمة التى لاتشابة اى بصمة فقد تركتم بصمتكم الفريدة فينا ما حيينا .فشكرا بقدر اسعادكم لنا .
لكم التحيات الخالدات ولكم الود كله . |
المهدى اخوى : ماعندى غير اقول ليك :
المهدى الجسور سيد الوفاء والجود
آياتك أصـيلة العـن حمــاك تزود
نارك يالفـحل دخـانا يوت مـيقود
تكرم للضيوف حاشاك مو مشحـود
وربنا يجمعنا قريب ،،،
|
Post: #25
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:16 AM
Parent: #24
Quote: آل الجنيد .. شكرا على ما منحتمونا
من مساءين سودانيين جميلين .. آمـل
أن نلتقيكم قريبا .. شكرا .. شكرا |
ود عبد الجليل عبار دروب الخـيل
صناجك وكت يرقع يكـرب اللــيل
كل البوادى تفز تسبق مدافر السيل
والمابنقرع بتجــية تارى عـديل
الجمال فى اهل الجمال ،،،
بورداب الرياض ،،،
تسلم كتير ياملك ،،،
|
Post: #26
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:22 AM
Parent: #25
Quote: أخى العزيز الفاتح الجنيد
عاطر التحيات و حمدا لله على وصولكم بالسلامه،
لم نقم بأكثر من الواجب ،
تمنياتى القلبيه لكما ولكل من بطرفكم. |
ود النيل مصدق شايل السماحة فهـم
شرًق فى البلاد غرب عرب وعــجم
سيد الشوره فى بلدا رواهـا الــدم
فى الحوبه ياما تسد بالحكمة مو بالذم
الواجب سديتوهو وازود ،،،
تسلم روحك السمحة ،،،
|
Post: #27
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:29 AM
Parent: #26
Quote: أخي محمد الفاتح الجنيد
بل نحن من لا يجد من الكلمات ما يعبر عن حجم
السعادة والألفة التي جمعتنا بكم ... وسيتواصل الود
والمحبة بإذن الله طالما وجد كل هذا الصفاء
وسيأتي هذا الآوان قريباً بإذن الله وستكون بيننا ، فأنت
من يستحق أن نسعى إليه ليكون قلما ناصعاً وفكراً ثاقباً
شكراً لك مرة أخرى أخي محمد الفاتح ... |
ود جباره الجابر للفــرض والساس
بالفضائل معمــعم من القدم للراس
روحك تساسق بيت الخــلق تحتاس
تزرع الطيبة وتسالم فى عيون الناس
هذا من فضل ربى ،،،
سعادة ، وإلفة ، وتواصل ، ومحبة ،،،
|
Post: #28
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:36 AM
Parent: #27
Quote: حيا الله اهل مسقط الكرام ويا مراحب يا آل الجنيد أهل الجود والكرم
مهما يكن وصفكم الجميل لتلك الليالى إلا نحن نحس أننا مقصرين
كرمكم الفياض وأنسكم الجميل واطلالتكم المباركة أنستنا برح الغربة
الشكر موصول لكم وكل من شاطر من جانبكم والشكر للحلوين المبدعين
الخوة بورداب الرياض ويا هلا ومسهله حقيقة اسعدتمونا كثيرا . |
هلباوى الصنج نجم الفـــلا اللماع
حسك فى البلاد موزون ومو جعـجاع
قـدرك ياللـبيب ما بنشرى وبـبنباع
ياكا الفنجـرى هـزة سدر وضـراع
الجود عندكم ،،،
نحن سعدنا بكم ومعكم ،،،
|
Post: #29
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:41 AM
Parent: #28
Quote: الاخ الفاتح سعدنا بوجودكم معنا فى الايام الفايته وكنا نتمنى ان تتم زيارتكم لنا فى البيت مع الاخت اسماء ولمن نحن انشقلنا لظروف خاصة وانتم اظن الزمن ضغط عليكم .. سعدنا بكم كثيرا وشكرا
|
النشمى محرب ضراك مفرود على الحبان
ود القـبائل الـباز ماكا الهـنون وجبان
كرمـك سبق كــان قسمـو كيمـان
بترس السـاحات ويملى مطامر الحيشان
بيتكم بيتنا،،،
وان الله مد فى الايام بندق بابكم ،،،
|
Post: #30
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:49 AM
Parent: #29
Quote: الغالي / محمد الفاتح
الغالية / سوما
سائلــين الكريم ...
إنشاء الله يوت نتلاقى ...
في دروب السمح ...
ما الخوه أحلى عـــلاقة ...
نورتو الريـــاض ...
ويزداد بريق إشــراقا ...
وفي ســاعة الوداع ...
كُل الدمـــوع رقــراقة ...
بكيـــتو الصــغار ...
وحتى الكُـــبار مشتاقة ...
روضـــتو الحــروف ...
ما الفرقــة جد حراقــة . |
أب وجيده المحزم ريشة وقلم ودواية
رسمك للحرف فوق لى رءوسنا هداية
يوسـف ود حمـد اللـى قبيلة هداية
نضمك هو البداوى شربة فكينا محاية
يسلم حرفك ،،،
والخوة أحلى علاقة ،،،
|
Post: #31
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 09:53 AM
Parent: #30
Quote: الأخ / محمد الفاتح الجنيد
الحمد لله على سلامة الوصول ..
بكم إجتمعت القلوب .. وجادت السماء بنسماتها .. وصفت أرواح البورداب في تلك الليلتين العامرتين بكم ..
نتمنى أن نلتقي في ساعة خير ،
والتحايا للأخت سومــا ولجميع الأسرة .
خالد الأرباب |
الارباب قدل واصل عجاجـتو تبين
فوق اب سدر كضاب تشوفو العين
حارس للقبيلة مابرضى شيتا شين
بى قلموا السنين يقطع يشق نصين
عزيز وغالى ،،،
جل التحايا والتقدير ،،،
|
Post: #32
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 10:05 AM
Parent: #31
الاخت عفاف ابو حريرة ،،،
ياطلة فرح وضريرة ،،،
ماإنتى :
ست العفاف والصون ياالإسمك اللالايه
نجمـك برق فـوق للبدور ضــواية
بت الحسب ونسـب اجدادك العــلاية
ربى يجمـلك بى إسمــك الـدهباية
شكرا على كل الفرح الذى منحتمونا إياه ،،،
|
Post: #33
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 10:16 AM
Parent: #32
Quote: ألأخ/محمد الفاتح الجنيد
ألف حمدآ لله على سلامتكم ....
مروركم بالرياض جعلها بخق روضة غناء..سعدنا بالقاءكم وفرحنا بكم .وبيكم إتلمينا وهيصنا وعرفنا تاس يستاهلوا العرفة... |
ودعباس النتر شق الرياض والجوف
حاشاك يالمزنت تب ما بتعرف الخوف
قلبلك يالنضيف تترون ومكوى سيوف
فى الساحة تقدل والمابعرفك يشوف
الرياض روضة بى بوردابها،،،
وفرحنا بيكم ما قادرين نحوشو ،،،
|
Post: #34
Title: Re: *** ان شاء الله يوم شكركم ما يجى ،،، بورداب الرياض ***
Author: الفاتح الجنيد
Date: 08-21-2007, 10:24 AM
Parent: #33
Quote: خالفتم أحبتي الفاتح الجنيد وأسرته خالفتم من قال :
لا يكرم المرء في داره ..
فكان كرمكم علينا فياض .. كنا نحن الضيوف .. استنشقنا عبير الكلام الجميل من بت الاصول .. ازاح هموم سنوات الغربة في لحظات ..
شكرا لكم ..
يديكم العافية ويحفظكم .. |
حيموره البـعـز ناسو المــتل ولدو
حيموره البلاقى الضـيف يشـب قلدو
حيموره القـليل العـازة ظـن تلدو
المتلك بهز ضرعاتو فوق شبالا بت بلدو
تسلم يالحبيب ،،،
مافى فرز ،، بيتكم ياهو بيتنا ،،،
|
Post: #35
Title: Re: *** ان شاء الله يوم شكركم ما يجى ،،، بورداب الرياض ***
Author: عبدالله داش
Date: 08-21-2007, 01:37 PM
Parent: #1
الزول الجميل /
الفاتح الجنيد
مرحب حبابك
والمنبر كروض يتلألأ
خضرةً بحضورك بيننا قلماً يجيد القصيد
اهلاُ بيك
بالجد
|
Post: #36
Title: Re: *** ان شاء الله يوم شكركم ما يجى ،،، بورداب الرياض ***
Author: أبووجيدة
Date: 08-21-2007, 02:53 PM
Parent: #1
آل الجــــنيد
سائـــلين الكــــريم ...
يــا آل الجنـــــيد ...
ما تشوفو أبداً محــنه ..
أخـــباركم تجــــينا ...
تســــــرنا تفـــرحنا ...
وزي ما جيـتو يا سمحين ..
وزدتـــــو فــــرحنا ...
في درب الوصــــال ...
باكـــــر نجيكم نحن .
... فيض مودتي ...
|
Post: #37
Title: Re: *** ان شاء الله يوم شكركم ما يجى ،،، بورداب الرياض ***
Author: soma
Date: 08-21-2007, 02:58 PM
Parent: #36
آميـــــــــــــــــن يا ابو وجيده
بس متين الجية ؟؟
تحياتى يا مرهف
سوما
|
Post: #38
Title: Re: *** ان شاء الله يوم شكركم ما يجى ،،، بورداب الرياض ***
Author: معاذ حسن
Date: 08-21-2007, 07:19 PM
Parent: #37
سامو وناس الجنيد
لا اود ان اعتذر لكم عن عدم تمكني من الحضور
فقط اعتذر لنفسي بما جنت يداي
يا ربي اليوم داك كنت وين؟
اكيد لافي في الفارغة والمقدودة.
ود كبير لكم ونتلاقي..
|
Post: #39
Title: Re: *** ان شاء الله يوم شكركم ما يجى ،،، بورداب الرياض ***
Author: معاذ حسن
Date: 08-21-2007, 07:27 PM
Parent: #38
الشاعر الفاتح الجنيد..
تحية ود استمتعت بما قرأت لحدي الثمالة.
غايتو الله يستر كان رديت على مداخلتي دي شعر
ياني الماش البس لبس خمسة بتاع الشعر وجاييك.
|
Post: #40
Title: Re: *** ان شاء الله يوم شكركم ما يجى ،،، بورداب الرياض ***
Author: soma
Date: 08-21-2007, 08:06 PM
Parent: #39
كر يا يمه كر
معاذ انت كنت قاعد فى البلد ؟؟
والله انا قلت الزول ده الا من ناس جده
والله طريتك لكن قلت قطع شك مدام كتبت معاذ الوهم
معناها جده ولا خميس مشيط للركب لوول
مع احترامى لى ناس جده ما يجوا يشوتونى ضفارى
لكن الجايات اكتر يا معاذ يا ماك وهم
فقدنا حرفك والله وفقدنا حسك هنا
وين الحى بيك
نحن الما محظوظين
لكن الجايات اكتر يا الحنين
شكرا معاذ وشيل شيلتك للمسدار الجايك من ود الجنيد
اصلو ما برد الا مسادير
|
|