هذا البوست برعاية ( الخميس من كل إسبوع) اليوم ...... وغداً أمر

بوست ينتهي مفعوله صباح كل جمعة من الإسبوع واللي ما يشتري يتفرج

..........

هذا خميس كما ينبغي مثلاً

دعوة لارشفة الخمايس اعانكم الله

والله أنا كذلك وفي إنتظار إبن/ة حلال يفتح/ت الباب

ولنبدأ من هنا حتي تكون القصص ميسرة وما محتاجة لمقدمات

وغايتو

بخميسي لا بكيس سفة حافط حسين


و للامر ما بعده من جكاوي
غايتو الا تكتب فور ادلتس اونلي عشان احكيها ليك هنا


تحياتي و مواعيد فرح مخستكة!!!

أحكي يأ أمجد ويادار ما دخلك شر
ثم كيفنك يا زميل ... مفتقدك اليومين ديل غايتو الله يسهل .
ثم كن هانئاً في هذا الخميس علي أقلاه

خضر ... أو خدورى
العنوان ناقص وكمان جدا
يا خدر
قبل كل شىء ولكى لا يفهم البعض منا
كيفما يترأأأء لهم قال (امرىء القيس )
اليوم خمر وغدا أمر
ويا له من شعر بليغ
وثقافاتنا السوداناوية ... للخمر اوانات
احتفالات ( جمع اواااان ) عارف انا حابب
اتفرد لى بعامية خاصتى ) شاء الناس ام أبووووووو!!!!!
امرىءالقيس كان يجلس فى مندمة عندما اتاه خبر اقتيال ابيه !!!
واكمل قائلا
لقد شردنى ابى ..... وحملنى دمه .....
تلك هى المناسبة التى جاء فى ذكرهاالخمر ,,,
وعندنا نحن كسوداناويين ... الخميس ...!!!!! وكدا تابع
كتالات الخميس عند البورداب فيما وراء البحار وايضا كتابات البورداب
فى اعالى البحار يوم السبت والاحد تحديدا ( الويك اند)
ستجدها شتراء وكميات من الاخطاء اللغوية وتداخل الاحرف والمفردات
وكانما الناس ... طشمانين وواقفين لمبة ... زئبقية ... 100 واط

شكرا وارجو ان لا اكون قد خرجت او خرمجت خاصة واليوم عيد ,, خميس يعنى


قاسى

ياقاسم يامهداوي
والله شكلك إنت زاتك يابا حالي والدليل
ألولو

Quote: قاسى

هذه للمزحة ليس الا فاللخميس توابعه (وباكر يمكن نعتزر) المهم
ياخينا أبقي داخل وما طلعت من الموضوع ولا يحزنون الموضوع برمته
ورمانته كما تقول العرب لا يخرج من إطار خميسك ولو تبيع قميصك
أهو أنا جيتك من الآخر فأبق داخل يامعلم


وسلامات لخميسك ياقاسم وماتحاول تطلع من هنا تاني

سلمت

يا خدر
اصلا سميت قاصى ( بعيد ) وانا حرفتها لقاسى
وابا ابى الا وان اكون قاسم ... عرفتا يا حبيب
وحابب جدا تلك المزحة.. صدقنى فانا لا اعرف الكذب
ولما نكذب !!!!!!!
يا خدر هذا من اجمل واروع البوستات لما ؟؟؟
لانه يحكى عن الحقائق ... ونحن شعوب لا تحب الحقائق
لاننا شعوب متحركة .. والحقيقة ثقافة شعوب راسخة
الجزور كالهنود والاحباش والفرنجة ...
ده موضوع يطول شرحهة ...صدقنى !!!!
ولكن دعنا لخميسنا الوردى هذا ...
وحكايات الليل الهادى ....

جاييك راجع
قاسى

(ياقاسي) يامهداوي
أها كدة كيف
تميت الناقصة في ليلتي هذه بصراحتك ياصاحبي وهذا ماعنيته هنا ويا الله زح العوارض من (هني)
في مجمل ردي علي صاحب أيامي وخمايسي في تلك البلاد (كرفس) ربما تكون قد مرقت بتفاصيل واضحة لما أنا فيه الآن ياخينا أنا في تلك الساعة من شهوات الليل ( علي قول مظفر) ومنتظرك تواصل والعندي لسة باقي كتير

تسلم يا رفيق الليل

Quote: ] والعندي لسة باقي كتير هات ما عندك يا خضر اولا ومن ثم لنا القول الفصل قاسم

---

Post: #14 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 01:25 AM Parent: #13 Quote: هات ما عندك يا خضر اولا ومن ثم لنا القول الفصل هسي في داعي للإحراجات دي يا قاسم الله يجازي خمايسك ياصاحبي العندي باقي ليل بكابس شان يلقي صباح وباقي غنا الواحد بحاول يغنيه بصوت واطي شان الجيران والناس العجيبين . دة العندي ياقاسم ثم باقي (أمر) أظنه سيعينني لاكمال المشوار حتي صباح الغد يلا ورينا العليك ياصاحبي

---

Post: #9 Title: Re: هذا البوست برعاية ( الخميس من كل إسبوع) اليوم ...... وغداً أمر Author: معاوية كرفس Date: 08-17-2007, 00:56 AM Parent: #1 . خضر حسين خليل صديقي ما عارف ليه كان عندي إحساس بأنو البوست دا كان شرك لي أنا .. و يا حبيبي أنا خميسي كان في صحبة أصدقائك الذين كنت معهم هذه الليلة عمر حلاق و معتز بنبن .. و .. طريناك .. حد التلاشييييييييييييييييييي .. لكن القطعية دي البحرسا منو ؟؟ تحياتي . كرفس

---

Post: #11 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 01:02 AM Parent: #9 وأناأيه بعدك أكون ........ كرفس ياصاحبي سبحان الأيام وسبحان الظروف وسبحان الظروف وسبحان ما بيننا من عوارض تعرف كنت متخيلك حتكون أول زول هنا يعبي فرح هذا المساء ... غايتو الناس تعمل قعدات حسب مواقعها ( دي دراسة لواقع الخمايس ياصاحبي) المهم أنت تعلم إحساسي بخمايس القطعية أو القبة أو ألو آدم أو جنوب الخرطوم عشان نقدر نلقي فرقة لصاحبنا أزهري طيب الرب مقامه أينما كان والله أنا كنت طاريك قبال شويتين مع ( ن/ أ) وأسألها ياصاحبي . ثم تحياتي لبنبن وحلاق ... ولليالي الاسكودا والقبة شمال والكلاكلة شرق ياخ إنت زول جميل الله يديك العافية ياصاحبي

---

Post: #18 Title: Re: هذا البوست برعاية ( الخميس من كل إسبوع) اليوم ...... وغداً أمر Author: قاسم المهداوى Date: 08-17-2007, 01:44 AM Parent: #11 خضر او خدر العندى بواقى اشياء واشياء ... بقايا من جسد وروح وكلاسك جيتار ... وثم ضاع الامس منى وانطوت بالقلب حسرة يا خضر دعنا من تقليب وتغليق المواجع .... ومرارات ازمنة لم نتمكن من تجاوزها رقم الاربعينيات التى بدت تمر ولم نتسلم فيها هويتنا بعد ... هويتنا .. اليقينية قالو الحب يقين او تيقن ... فما زلنا نبحث عمن تعبر بنا هذه المرحلة الخطر ... او على ادنى تقدير تحتمل العبور معنا وبنا هذا المنعرج الاسن المسم عرفتا يا خضر !!!! وخميس قزحى الالوان احدى المرات قلت لصديقتى !!! ماذا نفعل باخلاقنا ؟؟؟؟؟ او ما الذى ستفعلة لنا اخلاقنا !!!! قاسم جاييك راجع

---

Post: #22 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 02:45 AM Parent: #18 سلام ياقاسم يا مهداوي الساعة تشير الي ماتشير وأنا وحدي الأصدقاء إنفض سامرهم وبقيت براي ....قرأت مداخلتك الأخيرة وسؤالك الكبير الذي دلقته هنا ومضيت وكأن لم يكن .... وماذا سنفعل بالأخلاق ؟ أهو نسوي بيها أي حاجة كويسة ما بطالة بلغة اياقاسم دي سكة بحاول إتخارج بيها من فائض السودانوية الجواي سلام ياقاسم ياترس

---

Post: #23 Title: Re: هذا البوست برعاية ( الخميس من كل إسبوع) اليوم ...... وغداً أمر Author: قاسم المهداوى Date: 08-17-2007, 02:55 AM Parent: #22 Quote: وماذا سنفعل بالأخلاق ؟ أهو نسوي بيها أي حاجة كويسة ما بطالة بلغة اياقاسم دي سكة بحاول إتخارج بيها من فائض السودانوية الجواي سلام ياقاسم ياترس خدورى يا مخارجات عارف قالو انا زول سأأأأأأأ ل لا من ما غلط زاتو وأنا على يقين ان فى الخطأ يكمن الصواب الخطأ وفى الصواب يندلق الخطأ ايضا... السنا بشر !!!! ولكن : ماذا نفعل باخلاقنا ؟؟؟؟؟؟ قاسم

---

Post: #25 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 03:15 AM Parent: #23 هسي بتتخيل إني ممكن أجاوب علي سؤال قدر الشارع العريض دة والله ياصاحبي ياقاسم الأخلاق دة نحنا كسودانيين قبال سنوات خلت كنا عارفين نوديهو وين ونعمل بيهو شنو .... هسي الله أعلم والله في ياقاسم وماتفك ........ دي

---

Post: #15 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-17-2007, 01:29 AM Parent: #1 أخي خدر علك بخير سقت مسافة طويلة . أشتريت كوارع من بقالة عربية وعدت . اليوم خميس . وكل خميس وأربع هي إجازتي الأسبوعية . في طريقي للبيت غشيت محلات كثيرة مكتب البوستة في تقاطع 27Ave و Camelback RD , ومكتبا لل Westren Union , بنشر يملكه مهاجر روسي كذاب . أسرعت في الطريق . الساعة كانت تقترب من 3 بعد الظهر وقد خفت زحمة الشوارع , ضجة عمال وآليات Subway Construction بالقرب من Dawn tawn Pheonix . وصلت الشقة وكنت نظيفا وأشعر بخفة وسعادة غير عادية . بدأت بمهاتفة صديق , لكني شرعت سريعا في شد كوارعي . غليتها في الماء , دفقت هذا وأستبدلته بماء جديد . أضفت إلي حلتي بصلة , فلفل عيون وقليلا من الملح , عليت النار حتي تفور لأخفض نارها بعداك . لن أضف لها غير الثوم لأن بتجربتي في شدها فإن الخضار يقطعها ويذهب بلزوجتها وطعمها , أثناء هذا تذكرت أصدقاء كثيرون ببيت عزابة بري وآخرين بالقاهرة . تكيفت وكان مزاجي رايق لأني كنت وحيدا فأنا لا أحب زحمة المطبخ . المطبخ لا يتسع إلا لواحد. تابعت فلما في usa tv يعظم دور u.s.a في إطفاء نار الحرب الأهلية في لبنان . حولت القناة . عثرت علي واحد من أفضل أفلام هوليوود يحكي عن أستاذ مدرسة إسمه Ron Clarck . هوليوود سيئة لكن ليس بالقدر الذي صوره بها الشيوعيون أثناء الحرب الباردة . .... .... إنه الخميس يا خدر . لكن وإن تجمل فإنه لن يلحق خمايس بعيدة في أرض بعيدة بين حضرة ناس شالهم الإغتراب فأخذوا يحنوا لذات الخمايس في ذات الأرض التي نحب بين الناس أنفسهم أولئك الذين جعلوا حياتنا ممكنة تحت ظلال سيوف القرآن المقلوب . أبوعبيدة

---

Post: #17 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 01:38 AM Parent: #15 أبو عبيدة الماحي .... لو تزكر جئتك ذات ركن في الفرع وأن تكورك وتناضل وتفتش في باكر لا حولالالا يا أبو عبيدة أنت الآن تفتش في (ضلاف كوارع) في تلك الشوارع التي لم تسمع إذناها يوماً بالكوارع لكنها الشخصية السودانية والبني آدم الجوانا نفتش في ما يلمنا بتفاصيل العباد في تلك البلاد البعيدة القريبة من القلب والخاطر (ويلعن أبو الظروف ياصاحبي) . هذا البوست كتبته بصراحة ذات خميس بائس لا يشبه خمر تريزا وإنجلينا وميري وجامبول وأكيج وأخرين لا أذكرهم ليالي البلاد تزكرهم ياصاحبي . ياخ أكتب وورينا وصلت وين مع كوارعك وشوارعك وأمورك ياصاحب خليك كويس وسلم لي علي صاحبك

---

Post: #16 Title: Re: هذا البوست برعاية ( الخميس من كل إسبوع) اليوم ...... وغداً أمر Author: عمر ادريس محمد Date: 08-17-2007, 01:34 AM Parent: #1 خضر انت زول فنان والخميس تفرق دعاشه بين المدن ..واصبح سبتا واحد وفى رواية مجهولة الابوين تلاتاء فى بعض الاماكن وهكذا .... صاحبين بتعشوا كوارع كل يوم والخميس حقو برا واحد فيهم قال للتانى ياخى لازم ننظم الحكاية تبقى يومين بس فى الاسبوع قال ليهو موافق اها الليلة ومتين تانى والشمعة كالمصباح وموعدنا الخميس القادم

---

Post: #19 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 01:45 AM Parent: #16 فجراوي أو عمنا عمر إدريس كما الفجر دوماً تطل والشمعة كالمصباح الشمعة كالمصباح ياصاحبي جعل الرب كل أيامنا خمايس ( وفي رواية أخري أفراح) هم ما عارفين إنو الخميس دة عامل كيف !! ثم وينك يا عمنا ياخ والله مشتاقين هذا الخميس أهديه لك بطيب خاطر فخليك قريب

---

Post: #20 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-17-2007, 02:10 AM Parent: #1 خدر زولك باعني وقال معزوم سينما يعني حأكون قاعد براي زي الشيطان ! ... الكوارع لسه في النار والنار هادية .. منتظر الشمش تقع يا زول نحن في حاجات كثيرة ما نسيناها لأنو ما بتتنسي ... واحد جنوبي صاحبي مسميني كرتونة إت عارف لشنو ? ... أول مرة نجيهو كنا شايلين كرتونة للشيل لزوم تموييه ساي للكجر في الشارع أها من ديك قدر ما أدق بابو باليل إسألني : منو? أقوليهو: كرتونة ده غير : يا كرتونة إنت أديتني كم? ويا كرتونة إت داير كم? وسمعت الإذاعة الليلة يا كرتونة ? ... وهكذا دواليك.. إنت يا خدر نسيت آخر ماسنجر ? عملت لي فيها إبن عربي بس ? كدي يا زول لمن نتلاقي سلامي لأصحابنا في الأرض الحرام العربي

---

Post: #21 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 02:23 AM Parent: #20 والله يا كرتونة ...... ذات مساء عجيب كان معي أحد الأصدقاء الجميلين فتشنا يا أبو عبيدة عن فرح (يمشي خميسنا) مالمينا لأن الكجر كانو قد سبقونا وجففوا (موارد الفرح) أثناء تجوالنا من محطة لأخري سمعت همساً بإحدي الرواكيب الصغيرة قلت لصاحبي ... كدي نخش البيت دة وقد كان لنا ما أردنا يا أبو عبيدة تصدق صاحبنا الاسرة دي لامين نسينا الناس الكنا بنجيهم غايتو بشر بس ربو يهون ..... أما عن الماسنجر وإبن عربي والحرمين وما الي ذلك فلكل برج نحسه ياصاحبي وأظنني من مواليد العقريب يا عربي . بعدين تعال في زول بياكل كوارع براه ؟ أقلبها أي حاجة لامين تلقي صديق يعينك في خميسك دة ياصاحبي وكتر من الشوربة يا عربي ... تعرف الساعة عندنا هسي 20/4 تخيل ولي هسي أخوك صامد يا دي قدرة ياعربي

---

Post: #24 Title: Re: هذا البوست برعاية ( الخميس من كل إسبوع) اليوم ...... وغداً أمر Author: علاء الدين حيموره Date: 08-17-2007, 03:07 AM Parent: #21 خدر حبابك بقينا ننوم بخمرة مي سكرانين بصوت احمد عوض ( عجوز ) بدون مزة طبعا .. زمان الشباب لما يسكروا ويضربو الكوارع الصباح يلقو شفايفهم ملصوقة علي بعض كل واحد يجر جضمو عشان يقدر يدخل فرشة الاسنان .. حسي البسكرو قالو الا يساعدوها بالجوع .. زمن يا خدر .. الجمعة دخلت عشان كدي ما بنقدر نواصل الا الخميس الجائي .. مودتي

---

Post: #26 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-17-2007, 03:25 AM Parent: #24 علاء حيمورة إزيك ياخينا وسلامات وسيرة الكوارع دي سيرة ياصاحبي في حلتنا في مرة بتسوي كوارع ولا أجمل أها الناس تتداقش من بعد العشاء شئ بصل وشئ شطة بالكوة وشئ عضم وشئ شوربة وشئ رغيف حار . كنا نأتيها بنصف وعي خطواتنا تقودنا بيسر عجيب . نمشي من عندها وفي البال الف اغنيه وألف إبتسامة كانت أيام والله وإنت وأبو عبيدة وعمرادريس ديل شكلكم شقيتو بي حلتنا شابكننا كوارع كوارع بعدين إنت الجمعة خشت بيات توقيت وسلام ياجميل

---

Post: #27 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-17-2007, 08:23 AM Parent: #1 يا خدر التانيين أنا ما عارفم لكن حلتكن دي بقيت فيها مهندس عديل كده أسأل أولاد دفعتنا لو بتتذكرم سلامي لو رجعت لعشة قرد! العربي

---

Post: #28 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-23-2007, 06:23 PM Parent: #1 أبو عبيدة وبقية الأصدقاء وصلتو ولا شنو ؟ موش قلنا ليكم الخميس من كل أسبوع هو موعدنا بعد قليل سنبدأ في فعاليات الكوارع وما إلي ذلك من قصص

---

Post: #29 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-23-2007, 09:46 PM Parent: #1 Khidir الخميس ده شكلو بايظ بوظان لا ينصلح فيها حالو إلا بكثير من الجهد والتلفونات والتراغيب بونسة وحكاوي وإجترار ذكريات مشتركة ..إلخ . ..... ..... وإلا ح تكون واقف براك زي شجرة أمحمد ود الصافي! أبوعبيدة

---

Post: #31 Title: Re: هذا البوست برعاية ( الخميس من كل إسبوع) اليوم ...... وغداً أمر Author: طلال عفيفي Date: 08-23-2007, 10:17 PM Parent: #29 سلامات يا معلمين سلامات يا خضر وإنت في الحجاز (نصيب!!) انا قلت ما يفوتني هذا المجلس العامر وهذه السير العطره ، راجع البيت بعد شويه لكن قبلها ماشي أشتري الرطل حقي وربنا يوفقنا في سهره سعيدة وطشمة آمنة من الذكريات .. انا بمشي بتقفل في غرفتي المسميها غرفة التحميض ، بقفل الأنوار الكبيره وبخلي النور الصغير ، غالباً بسمع فيروز أو حاجه كده على خفيف ، كما أعد لنفسي علبتين سجاير عشان الواحد يحبس .. بقعد أقرا شويه لغاية ما أشعر إني ما فاهم (وأقول لنفسي ده كلام شنو!!) وبعد كده ممكن أقعد أكتب أو أتفرج على الصور الصورتها عبر التاريخ .. بتخذ بعض القرارات الليليه وبكتب بيها مذكره على الباب عشان الصباح أعمل بيها ؛ بطلت حكاية القعدات ، الشباب سكرهم ماسخ وعامل زي الساقيه نفس الحكاوي والغناوي والحزب ، كلام ساي لا يجيب دخلاً ولا يعدل لي كيفاً ، وأخوك إنسان بيحب الونس والتآخي (زي بتاع المهاجرين والأنصار) والتعليق على بعض الحاجات الحلوه في المزيكا وحاجات من هذا القبيل ، ودي حاجات يا خضر يا أخي أندر في سوداننا الحديث من لبن الطير ..فتأمل ! فعشان كده انا بحب الإنفراد بنفسي وذاتا فرصة طيبة الواحد يتعرف على نفسو ويقعد معاها ويبحبت فيها وتكتشف في روحك ميول وإتجاهات ورغبات ما كنت عالم بيها قبل كده ، ودي من فوائد الوحده .. كذلك بتكون ماسك زمنك وإيقاعك بهدوء وعارف تتحكم في نسبة الوارد من المشروب .. خلاصتو عشان ما اطول عليك ، الحياه جميله ، وعندي صحبي مصري بيقول لي إنو الواقع أجمل من الأحلام ، انا ما مصدقو للآخر لكن ممكن أوافق بشكل عام ، يعني الواحد فينا هيستفيد شنو لو بقى عايش في حلم ؟ وأفرض إنك في حلم والزول البيحلم ده قام من النوم .. آخر حاجه .. وحياة ربنا المعبود ... مشتاقين

---

Post: #35 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-24-2007, 10:13 AM Parent: #31 سلام يا صحاب يبدوا إنني موش ولا بد إثر تداعيات الأمس طلال ياعفيفي : أولاً وثانياً وثالثاً كيفنك ياخ قريت كلامك وسبحان الخلايق ياخ ... تعرف في الفترة الأخيرة إكتشفت برضو إنو القصص بقت مكررة لحدما الواحد فكر عدم المقارعة . ولا أدري المقارعة هذه تزكرني بإمرؤ القيس ومن لدنه من شعراء ذاك الزمان العجيب (ما تشغل روحك بالنقطة دي كتير) أهو كلام عجيب جا في الراس . تعرف ياطلال في زول صديقنا كدة بطل العمل الجماعي بكافة أشكالو رغم إنو هو زول نبيل وحنين زي العصفور ( أظنك تزكر ) لأنو لقي نفسوا بكرر في نفس الموال ونفس الوجوه ونفس بيت الطشمة ونفس ست الطشمة ونفس أي حاجة . أما كلامك عن (المهاجرين والانصار) فربنا يآخيهم ويلم شملهم بمؤتمر قريب نراه شوف عين . غايتو دخلتني في حتة قاعد إتخيلك وإنت وسبارس البرنجي حولك وفيروز ومفكرة علي الباب وطشمة ريحتها ريحة وقليل الكوارع لايفسد . ياخينا الله يجازي محنك ياطلال ويعرس ليك ويهدئ سرك أما بعد : ياخ أعمل ليك تلفون ياخ

---

Post: #32 Title: Re: هذا البوست برعاية ( الخميس من كل إسبوع) اليوم ...... وغداً أمر Author: الجيلى أحمد Date: 08-23-2007, 10:38 PM Parent: #29 ياخدر دا شرك عظيم

---

Post: #30 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-23-2007, 10:10 PM Parent: #1 عمر إت سمعت بي الجاب ديكين لزوم العشا أها الجماعة ضربو الشري والأبيار زولك بتاع الديكة رقد سلطة قدر ما صحوهو للعشا أبي أها في واحد قال ليهم يا جماعة خلو الزول إرتاح الباقيين قالو والله الزول ده ما تصحوه أشيل حيلكم بكرة . واحد فيهم قال ليهم مسحوا خشموا بزيت الحلة والصباح رباح . .... في الصباح صحي زولك وهو بايتا معاهو فعرف إنو م أتعشي وهو في سريرو ضرب بيديه أجنابو كما تفعل الديوك بأجنحتها وصاح وهو راقد: كووكاعيا كوووووك . أبوعبيدة

---

Post: #33 Title: Re: هذا البوست برعاية ( الخميس من كل إسبوع) اليوم ...... وغداً أمر Author: عمر ادريس محمد Date: 08-23-2007, 10:42 PM Parent: #1 Quote: كووكاعيا كوووووك . حرم يا ابوعبيدة انتهيت من الخميس الجاى والبعدو طلال ياطلال شله فيها تلاته بمشو بيت شطة كلو خميس, وبسوا جنس النضمى الانت مابيهو دا فى مره من الخمايس اتنين فيهم غابو وقعد الوحيد يمصص ويتوحوح راجل شطة راقد هناك جنب الباب قال ليهو والله الليله كلام "المسألة" دا إلآ تقولو للتراب دى خضر انت مش مفروض تكون فى بيوت الطين وحسن اولئك رفيقا

---

Post: #34 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-23-2007, 11:19 PM Parent: #1 يا الجيلي حمد الله علي السلامة النيران السيسلية حقتكم دي ما تجي إلا عليكم إتو ما شافت يمينكم السيسلي العتيد ? هو بيني وبينك ده مش شرك عظيم وبس ده كبيرة كبائر عديل كده . طبعا خواجاتكم بهناك ناتج شدتهم إبطح فيل! لمن ذكرت عرضا حكاية حقل الزيتون الذي ألتهمته النيران طافت بذهني أشياء كثيرة من وحي هذا البوست . كدي أستهدأ يا رفيق بالله وأقعد في التراب دي وحدثنا عن مسألة الخميس . ول عندكم هناك سبوت سيسلية أبوعبيدة

---

Post: #36 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-24-2007, 10:21 AM Parent: #1 الجيلي أحمد: والله إتلومت ياخينا جاي متأخر كدة مالك عمر إدريس : إزيك ياخ ثم إنني مشيت من تلك البلاد ( بيوت الطين ياصاحبي) مشيت وفي الخاطر تفاصيل سنحكيها ذات مساء رأسه عامر بالأمنيات والمحنة . أبو عبيدة : والله ما رضيناها ليك ياخ (خميسك شكلو مجلي) ومتجلي زاتو هسي أقول ليك شنو في الفيها ما عندك نصيب .... حاول تجرب وصفة طلال دة وحداني ثم من قال براي براي أظنها مجدية حسب ما أفادنا به طلال في مرافعته التي قدمها . والله صحيت مصدع صداع عجيب وعيني الشمال عاملة عمايل . بعدين سؤال ياخوانا أنتو قاسم مهداوي دة مشي وين أصو ( فص ملح وداب)

---

Post: #37 Title: Re: هذا البوست برعاية ( الخميس من كل إسبوع) اليوم ...... وغداً أمر Author: طارق جبريل Date: 08-24-2007, 10:25 AM Parent: #1 خضر كيفنك نحن هسا نخمس معاكم كيف والويك اند في المغرب بيدأ السبت

---

Post: #38 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-24-2007, 10:39 AM Parent: #37 والله ياطارق ياخينا بتلقي ليك فرقة كان إجتهدت شوية والمغاربة ديل أظنهم ما حيقصرو معاك وبيني وبينك والله أنا حسدتك في الويك إند الواقع يوم السبت غايتو عالم محظوظة بشكل

---

Post: #39 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Emad Abdulla Date: 08-24-2007, 10:53 AM Parent: #37 . خميس مخستك .. حتى حكاويهو مكررة .. ( شنو حكاية كل شي مكرر دي ) . عامر : أمسك يا خال . الخال ( و هو محسي متين العجمة ) : نمسك إيه !! .. أنا بقالي دلوكتي سنتين ما بنمسك يا آآمر .. عامر : كدي جرب ده .. شغل " حوا جمكسين " .. بكري يا خال , ح يريحك . الخال ( و هو محسي متين العجمة ) : سيبني أنا يا آآآمر .. ربُّنا يرضى عليك .. عامر : جبدة واحدة يا خال .. و بعدين زاتو الوقفة مرة واحدة كده ما كويسة .. بتعمل ليك مشاكل في الصحة , بالذات بعد الستين . الخال ( و هو محسي متين العجمة ) : نعمل إيه بٍس , أحنا عارفين ده .. إلاكين الولاد دول ربُّنا يسامحهم . عامر : كدي أمسك .. الوقفة مضرة يا خال . الخال ( و هو محسي متين العجمة ) : كده ؟؟ .. خلي بالك اليومين دول أنا ذات نفسي شايف القلب بتاعي ده بيعمل حركات كده مش كويس .. كده أديني شخيت كده .. بس أشان نسكتو . خميس بيض .. إلا من الذكريات .. و برضها بيض . فإزيك يا خينا . .

---

Post: #40 Title: Re: هذا البوست برعاية ( الخميس من كل إسبوع) اليوم ...... وغداً أمر Author: هبة الحسين Date: 08-24-2007, 04:59 PM Parent: #39 خدر سلامات.. وقدر ماقلت أتنحى.. واسيب الشباب يسرحو ويمرحو ..غلبني! قبل يومين ولسة ماشفته البوست ده .. لاقيتة على الاصانصير مستعجلة .وضربتني وماشايفه قدامه ومااعتزرت لي.. جاريه جري ..(زعلتني )بس بعد شوية عرفت انو الخميس. ايوه عشان كدة..!!! لاحقه شنو ..ياخي انعل الخميس زاتو.. سألت خالتي .. قلت ليها شنو الويك إند ؟بقت عاجباني الكلمه دي.. (ناس تحتفل بي النهايات ) حاجه غريبة.. بديت أشوف..(بعداك) من الضهر الناس في راسة ... الخميس ..الخميس..الخميس..والله بعدين الزمن الزمن ..البنزين ..الشارع والزحمة .. الشراب .. الحبايب.. الشموع والاضاءة الخافتة والصخب والضجة كلو . وناس ..الاكل .التسوق والقروش الحجوزات .. النظافة والصابون. مبردات المياه .النزول ..البخور العطور .. لي الحاجات دي نسبته بتذيد في اليوم ده . الخميس ولامميز ولا شي .. بالعكس كريه وطويل.. ومكرر ..ومزعج كمان. وبنوم فيه زعلانة .. والغريبه هم زاتم زهجانين منو خدر إنت صاحبي ..

---

Post: #41 Title: Re: هذا البوست برعاية ( الخميس من كل إسبوع) اليوم ...... وغداً أمر Author: الجيلى أحمد Date: 08-24-2007, 08:00 PM Parent: #1 غايتو البوست بتاع خيدير دا شكلو حايلمنا على الحبايب .. دا بوست ماهل ياأبوعبيدة وشرك عظيم, وشوفتك بالجد تسعد.. يارفيق الحرائق دى عملت فينا عمايل, حتى منازلنا وأسرنا أصبحوا فى خطر.. Quote: لمن ذكرت عرضا حكاية حقل الزيتون الذي ألتهمته النيران طافت بذهني أشياء كثيرة من وحي هذا البوست طبعآ ياأبوعبيدة الزيتون هنا ذو إرتباط وثيق بوجدان هؤلاء البشر وجل العوائل تملك حقولآ للإنتاج العائلى وليس التجارى, وكل عام نقوم بقطفه فى إحتفال عائلى بهيج ومن ثم يقسم المحصول لجزئين , جزء يذهب للمعصرة وهو الجزء الأعظم , وجزء يتم إنتقاء حباته بعناية لتخلل وتبهر وتصنع منها المزز (وماأدراك ماالمزز), وهى أجود الحبات وأكثرها نضجآ وإمتلاء.. يازول أنا قدتى معاك طويلة فتلفونك فى الخاص عشان نفتو بى مزاج..

---

Post: #42 Title: Re: هذا البوست برعاية ( الخميس من كل إسبوع) اليوم ...... وغداً أمر Author: محمد عبدالغنى سابل Date: 08-25-2007, 12:21 PM Parent: #41 دعنى احكى لك عن الكحيانين يوما ما بعد يوم ثورى جداوخميسى جدا كنا فى ندوه وطنى الارق والفلس والالتزامات تحاصرونا ابتدع رجل مشاكس(يحب وانجا كثيرا) لما نسهر كولنا فكانت الاجابه ابتسمات الكل زهبنا جنوبا امسافه ساعه بالعربه السائق كان مخمورا التفاصيل (الشيرن ياشباب كن اقل مشارك ولكن اكثر فرحا) (خش شمال بال القرب من بيت الاستاذ) السائق المخمور \ايوه عرفته البيت كانت فى انتظارنا اكيج كتب عنها مثقف وقال عامل الغزل والنسيج والفرح زهبنا مسرعين نحو بيت الكحيانين وجلسنا قلنا اشياءواشياء وكان اكثر الكلام كلمه(الزول ده جميل جدا) وفى صباح باكر جدا زهبنا انا والمشاكس للسوق لتفاوض مع (بتاع الجرائد)كان الفاتح جبرا يكتب نقد ساخرا يومها بعد ذلك لم اراء المشاكس الى اليوم ودمت

---

Post: #44 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-25-2007, 05:08 PM Parent: #42 أخرجت الارض أوغادها ياحمادة روق المنقة ولا تدع الحنين يقتلك فقد أهلك قبلك أبازر شوف ياصاحبي ذاك المساء كان من أمسيات بلادنا النضرة وأكيج دوما نذهب اليها محملين بالهموم فنخرج من عندها والأرض لا تسع إبتساماتنا .... نرميها بوابل العرق والهموم فتمنحنا التماسك والتفاؤل المؤقت . مؤتق لكنه جميل ومصبر . تلك أيام لها في القلب معزة خاصة ووالله إنني لأفتقدك أيها الزول العجيب .... تزكرت أؤلئك الذين طريناهم في تلك الليلة وخاتمتك لكل إسم جاء فيه (والله الزول دة جميل) ضحكت ضحكت جداً يا حمادة وأنا أتزكر ذاك المساء الانيق الخفيف الوسيم . صباحاً كان الفاتج جبرا موعودين معه في مقال ساخر وجريئ أظننا كنا مقسمين روحنا صاح الصاح ياصاح

---

Post: #43 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-25-2007, 04:48 PM Parent: #1 هبة الحسين إزيك يا زولة تخيلي كنت مصر إني ما أقرب للبوست دة الا كل خميس كشرف (خميس وكدة) أها لامين عترتي لي في مداخلتك الاخيرة وجنس كلامك دة صدقيني Quote: (ناس تحتفل بي النهايات ) ياهو البخلينا ننتظر الخميس بفارغ الصبر وكثير الشحتفة الدنيا كلها طايرة ياهبة وربما نحن السودانيين أكثر من يحتفون بهذا الخميس . الخميس عندي أظنه لمة أصدقاء وإنس وحكي جميل الخميس ياهبة ملاذ الاصدقاء ولمات الحبايب الخميس ووالله علي ما أقول شهيد يوم إستثنائي في الذاكرة السودانية وأظنها كذلك لدي العديدين من شعوب الارض . وأعزريها تلك التي صافتك علي الاسانسير هي أيضاً ربما لديها تفاصيل تخص الخميس مين عارف ياهبة ؟ والله أنا سعيد لكونك هنا سلمت يا زولة

---

Post: #45 Title: Re: هذا البوست برعاية ( الخميس من كل إسبوع) اليوم ...... وغداً أمر Author: الجيلى أحمد Date: 08-26-2007, 00:22 AM Parent: #1 ياخيدير تعبرنى الآن لوحة أبوالسيد الفنية (على بابك نهار الصبر واقفات) لم أجد مقدمة فنية بهذا الحوار العميق إلا عند نينا سيمون , إنها الإجادة التى ترهق المبدع حد الجنون إنها الإجادة وعلى بابك نهارات الصبر واقفات

---

Post: #46 Title: Re: هذا البوست برعاية ( الخميس من كل إسبوع) اليوم ...... وغداً أمر Author: خضر حسين خليل Date: 08-30-2007, 06:01 PM Parent: #1 نعتزر عن المواصلة هنا هذا المساء لظروف صحية والله يدينا خيركم

---

Post: #47 Title: Re: هذا البوست برعاية ( الخميس من كل إسبوع) اليوم ...... وغداً أمر Author: محى الدين ابكر سليمان Date: 08-30-2007, 08:05 PM Parent: #46 يا صاحبنا الذى هناك الف سلامة وكفارة. خميسى اليوم خميس مدنكل, وساصبح على كجيك ساكيهو مهداوى ليهو شهرين ما لحق فيه ولا التكتح, بس مذكرنى الكلاكلة,خميس تصبح على تركين,ياخى مافى احسن من كدة ولا عاوز.

---

Post: #48 Title: Re: هذا البوست برعاية ( الخميس من كل إسبوع) اليوم ...... وغداً أمر Author: Abuobaida Elmahi Date: 08-31-2007, 05:45 AM Parent: #1 محي يا محي معقولة بس ? ياخي رسل لي رقم تلفون في الماسنجر سلامي للأسرة أبوعبيدة

---

Post: #49 Title: Re: هذا البوست برعاية ( الخميس من كل إسبوع) اليوم ...... وغداً أمر Author: محمد عبدالغنى سابل Date: 09-04-2007, 04:30 PM Parent: #48 http://www.youtube.com/jp.swf?video_id=uWLufGGRY80&eurl...DhJ5lEJK5h0xvRb_aAWe وهذا منى لك