عزابنـا(من زمن راعي الاغنام أحمد والذي صار فيما بعد نبياً شهيراً)

سوت شنو ياخ المحطات المسيخة ؟؟
شان تابي بي سكر وصولك؟؟؟ ( من زمن طيش حنتوب الذي صار
فيما بعد رئيساً شهيراً)
العتمة بانجقلي الصباح و مؤزن الحلة الفلاتي
عايز يثبت لينا أنو بلال ود خالتو الحيطة بالحيطة وهو بهرد في لهاة
الميضنة وبقول حي علي الفلاح حي علي السلاح
والأزان في البلد دي مدفوع الأجر مقدماً
يعني ممكن ناهد تمشي تجاهد ؟؟؟
علي فكرة ناهد دي اختي بس من بعيد كدة
بيني وبينها تلاتة أخوات!! قدر المسافة بين قصور هارون الرشيد
والعاصمة الاسبانية مدريد
القلعوها حمرة عين من عرب الاندلس
الكانو متفقين علي خلاف
أيهما اجمل !! شعر أبن الرومي أم لحم الديك الرومي !!!



سوت شنو ياخ المحطات المسيخة ؟؟ شان تابي بي سكر وصولك؟؟
( من زمن أبن اللزينة (ود نفّاش) والذي صار فيما بعد حكواتي شهيراً)

منو البقدر يشرط ورقة الزواج العرفي بين العسكر و الغبش ؟؟
والبلد مليانة أولاد حرام بدون أيي جناية بدون أيي غاية\
أو حتي حروف للسماية وحليلك!!

حليلك بتسرق سفنجة وملاية
وغيرك بيسرق خروف السماية
تصدق في واحد بيسرق ولاية؟؟؟؟؟؟؟؟

سوت شنو ياخ المحطات المسيخة ؟؟ شان تابي بي سكر وصولك؟؟؟
( من زمن بتاع البيض الصغير والذي صار فيما بعد رجل أعمالاً شهيراً)
طوابير الجيــــــاع الحفــــــاة العـــراة
واللسة واقفين في صف الأمل شان كسرة رغيف
والشهادات المعلقة في حيطان الفشل البيروقراطي
وروتين تعال بكرة العجيب وطلبات الوظايف النايمة في كهوف المسؤلين
!


سوت شنو ياخ المحطات المسيخة؟؟ شان تابي بي سكر وصولك؟؟
(من زمن عسكري العمليات المغمور والذي صار فيما بعد بشيراً نزيراً)!!

العتمة بانجقلي الصباح ..... في الضلمة حاج نور الأمام
في الخطبة حي علي السلاح!!
دايرين سعاد تمشي الجهاد؟؟؟ وكمان عبير تهتف تهلل للبشير!

باب الأمل موجود ... لو كان الصباح مولود
لو يبقي الظلم مفقود....
( من زمن راعي الأغنام أحمد والذي صار فيما بعد نبياً شهيراً)


شكرن كتيرن!

حبيب نورة سلام
لينا زمن

القعدة دى ما تعبت منها
بنطلونك إنسهك

Quote: والعاصمة الاسبانية مدريد القلعوها حمرة عين من عرب الاندلس

قلع شنو ياخوى ديل رجعوا حقهم
ده زى شهداء حرب الجنوب
تشيل سكينك وتجينى فى بطن بيتى وأنا نايم
تضبح عيالى وتكرب بناتى

أكتلك تبقى شهيد

ولا ماياهو

فكيتا فيك ؟

سامحنى

رأفت ميلاد
كيفنك يا الحبيب
لكن كدي تعال أنسعلك!
سوت شنو ياخ المحطات المسيخة؟؟
شان تابي بي سكر وصولك؟؟
(من زمن جكس نورة المسخوت والذي صار فيما بعد بوردابياً شهيراً)
ونحن في بنردد في حكاية
حتي الغنماية بقت ما بتضحك عليها
غايتو!
كتلوك ولا جوك جوك

!!!!!

شكرن كتيرن!

Quote: ( من زمن طيش حنتوب الذي صار فيما بعد رئيساً شهيراً)

Quote: ( من زمن أبن اللزينة (ود نفّاش) والذي صار فيما بعد حكواتي شهيراً)

Quote: ( من زمن بتاع البيض الصغير والذي صار فيما بعد رجل أعمالاً شهيراً)

Quote: (من زمن عسكري العمليات المغمور والذي صار فيما بعد بشيراً نزيراً)!!

Quote: ( من زمن راعي الأغنام أحمد والذي صار فيما بعد نبياً شهيراً)

وضع الرسول صلى الله عليه وسلم في العبارة الأخيرة، بعد طيش حنتوب، وابن اللزينة ودنفاش، وبتاع البيض، والعسكري البشير ـ في نظري ـ عدم توقير للرسول صلى الله عليه وسلم، سيما وقد قال تعالى: (لا تجعلوا دعاء الرسول بينكم كدعاء بعضكم بعضا)، هذا في مجرد الدعاء والنداء، وليس في ذكره في سلسلة أولها طيش حنتوب وأخرها عسكر العمليات المغمور!
اللهم قد آلمني هذا الكلام، وأنت حسيبنا.
ــــ
بلغ العلا بكماله، كشف الدجى بجماله، حسنت جميع خصاله، صلوا عليه وآله.

Quote: وضع الرسول صلى الله عليه وسلم في العبارة الأخيرة، بعد طيش حنتوب، وابن اللزينة ودنفاش، وبتاع البيض، والعسكري البشير ـ في نظري ـ عدم توقير للرسول صلى الله عليه وسلم، سيما وقد قال تعالى: (لا تجعلوا دعاء الرسول بينكم كدعاء بعضكم بعضا)، هذا في مجرد الدعاء والنداء، وليس في ذكره في سلسلة أولها طيش حنتوب وأخرها عسكر العمليات المغمور! اللهم قد آلمني هذا الكلام، وأنت حسيبنا. ــــ بلغ العلا بكماله، كشف الدجى بجماله، حسنت جميع خصاله، صلوا عليه وآله.

جزيت خيراً دكتور نزار ..
وأتفق معاك تماماً ..

Quote: وضع الرسول صلى الله عليه وسلم في العبارة الأخيرة، بعد طيش حنتوب، وابن اللزينة ودنفاش، وبتاع البيض، والعسكري البشير ـ في نظري ـ عدم توقير للرسول صلى الله عليه وسلم، سيما وقد قال تعالى: (لا تجعلوا دعاء الرسول بينكم كدعاء بعضكم بعضا)، هذا في مجرد الدعاء والنداء، وليس في ذكره في سلسلة أولها طيش حنتوب وأخرها عسكر العمليات المغمور! اللهم قد آلمني هذا الكلام، وأنت حسيبنا.

بارك الله فيك نزار ولا خير فينا ان لم نقلها ...

ان كنت لا تدين بدينه فاحترم مشاعرنا نحن مسلمون

خالد محجوب

عزابنـا(من زمن راعي الاغنام أحمد والذي صار فيما بعد نبياً شهيراً)!!!!!!!!!

حبيب نورة

محل الاقامة: المملكة العربية السعودية!!!!!
الوظيفة: عاطل والحمد لله !!!!!!!!!!!!!!!!!!
الجامعة/المعهد: شوية قراية!!!!!!!!!!!!!!!

طيب ياخينا

انت قاعد في السعودية؟؟؟؟.......انا متاكد انو الحته الانت قاعد فيها دي في يوم من الايام جا ماري بيها رسولنا الكريم محمد صلي الله عليو وسلم واكيد انت ما عارف انه في سبيل هذه الدعوه جال وقطع الفيافي وما خلي حته في الجزيرة العربية دي ما مشي ليها ....صحاري ووديان وتلال وهضاب وصخور وخيران.....وكلها تخضبت بالدماء التي كانت تسيل من قدمه الطاهرة من كثرة المشي ومن طقيع الحجار والفليق الكان بيتعرض ليهو والعذاب اللقاهو من الجهلة وذوي العقول المظلمة.....الموضوع ده ي ياحبيب ما كان لعب ولا هظار ولا مضيعة وقت.....ده كان جهاد.....ونضال.....ايمان بي قضية ورسالة....تقوم انت تجي تقحم لينا اسم النبي (ص) في هترشاتك دي؟؟؟؟؟؟؟

انت عارف الحصل شنو لما اشتد العذاب بي راعي الاغنام ده وبقي ما قادر يمشي خطوة وااااااحدة بسبب الحجار الاصابت جسدو الطاهر في كل موضع فيهو!!!!!............. ربنا سبحانه وتعالي قال ليهو في معني الكلام ....يا محمد نحن عفيناك من الرسالة دي ....بل ح نخليك ملك خالد في الارض تخضع ليك الجبال والسماوات والارض وما عليها....وبعد كدة ح تدخل الجنة......تعرف رد الرسول (ص) كان شنو؟؟؟؟؟؟

امشي اقرأ ياخ.....اقرأ عشان تعرف بدل الهترشة في المنبر والعطالة في السعودية.......

حبيب نورة ...
مشكلتك أنك جعلت هذه العبارة المثيرة للجدل و الإستنكار عنوان للبوست ...
أنا لا أجد أن رعي الغنم مهنة مثيرة للإحتقار .. فالأعمال كلها شريفة ما دامت لا سرقة فيها و لا نهب و لا تخالف مكارم الأخلاق ...
و قفتي الأخيرة هي مع عبارة ( نبياً شهيراً )... هل قصدت بها أنه شخصية معروفة ... اعلم أن الله أصطفاه لأنه خير البشر و هو اشتهر حتى قبل نزول الوحي بالأمانة و الصدق و الشجاعة و الصبر و غيرها و لذلك من أسمائه المصطفى ( عليه أفضل الصلاة و التسليم )