Post: #1 Title: ** عــبـر الأثــيــــر و همـوم الغربـة ** Author: Haytham Abdulaziz Date: 08-15-2007, 03:52 AM Parent: #0
لله درك يا سودان ... فبعد أن كنت في يوماً من الأيام سلةً للغذاء العالمي و بسط أياديك البيضاء للقاصي و الداني ... فهاهي نوائب الدهر تتربص بك من كل حدب و صوب .. و أصبح جسدك منحول لا يقوى حتى على تحمل أبنائه فأصبحو ... مجبورين مهاجرين في شتى بقاع الأرض يبتغون الرزق الحلال و لقمة العيش لآولادهم لكي تقيهم شر السؤال ... فكانت موضة الإغتراب منذ مطلع السبعينات لدول الخليج و بعد ظهور النفط فيها فأصبح هم كل سوداني الهجرة لتلك الدول حتى يؤمن مستقبل أهله و منهم من هاجر و لم يعد و منهم من هاجر و عاد ظافراً بعد سنوات الإغتراب و منهم من عاد بخفي حٌنين و منهم من ينتظر ... و قد أضرت تلك الهجرة الجماعية بالحياة الإقتصادية و النهضة العمرانية في السودان حيث هاجر العالم و الطبيب و المهندس و المعلم بل حتى الأيدي العاملة البسيطة كان لها نصيب من الهجرة ... بينما ساهمت في تطور تلك البلدان التي هاجروا إليها و هنالك رجال كان لهم قصب السبق في تلك النهضة العمرانية و على سبيل المثال المهندس كمال حمزة في دبي و المهندس عوض الكريم أبوسن في أبوظبي و المرحوم الضابط التاج حمد في الدفاع دبي بل نالوا جوازات بسبب النجاحات التي حققوها و عوملوا كمواطنين درجة أولى فأصبحو يشار أليهم بالبنان ... نســأل الله أن يٌصلح حال بلدنا و أن يرفع منها البلاء و الوباء ... و أن يعود كل مغترب سالماً و غانماً لإهله ... و أن تعود كل العقول الوطنية النيرة المهاجرة للمساهمة في بناء سودانا الحبيب....
و من آلام الغربة المُرة هاهو الفنان صديق عباس يكتب سطور لمحبوبته و يحكي لها عن هموم و ليل الغربة من ذلك البلد البعيد .... اليوم يمر فيهو زي السنة....
يا الله لمتين للبلد ... ارجع و اشوف نور الأمـــــــل
انا في ابتسامتو بعيش عمر ... هماستو تنسيني االحصل
في حسنو بغيب الخيال ... في عيونو في الخد و الخصـل
يا الله طال صبري و شقيت ... لمتين اعود ... لمتين أصل
.... عبر الأثيــــر ...
**********
عبر الأثير بكتب سطور لست هوايا وارسلها
تلقاها من مخلص عزيز تنزل دموعها تبللا
تقراها لاخر حرف تبداها تاني من اولا
عشان تشوف كيفن بقأسي الغربة كيف بتحملا
Post: #3 Title: Re: ** عــبـر الأثــيــــر و همـوم الغربـة ** Author: salma subhi Date: 08-15-2007, 05:34 AM Parent: #2
Quote: نســأل الله أن يٌصلح حال بلدنا و أن يرفع منها البلاء و الوباء
الغربة صعبة...
حليل ارض الجزائر والمراكب والطنابير الترن حليل ناس ليلى ساعة الليل يجن يا غالية يا تمرة فؤادى الليلة ما عاد المراكب شرقن والقمرى فوق نخل الفريق فاقد الاهل يبكى ويحن
Quote: حليل ارض الجزائر والمراكب والطنابير الترن حليل ناس ليلى ساعة الليل يجن يا غالية يا تمرة فؤادى الليلة ما عاد المراكب شرقن والقمرى فوق نخل الفريق فاقد الاهل يبكى ويحن كل التقدير
Quote: الغربة صعبة...
خـالص يا سلمى و خصوصاً لمن تكون من دون أن نحب من الأهل و الأصدقاء و الحبايب عشـان كــدة بــ:
نحمل رسائلنا ... و أشواقنا لي حبايبنـا و للأهـل....
و للقاطعين الرسائل .... الأحلــى من عسل النحــل....
كل طائر مرتحل عبر البحر قاصد الاهل حملتو اشواقي الدفيقه
الغربه اقسي نضال ..والغربه حاره وحاره ....
لكن مصيرو يرجع تاني لاهله صحابه....
تسلم حبيبناهيثم دوما انت (طاقه) مفتوحه نشتم من خلالهاالعبير.. والنسيم
الهابي من تراب بلدنا الحبيب ..تصحي فينا اجمل الزكريات في ربوع ما بين
النيلين ,,اري ان اوتارك حنينه تعزف اجمل الالحان ...
لك التحايا القلبيه مع امنياتي لك بدوام العافيه.. ونواصل في هجير الغربه
حبيبو ود شمت عماد مشتاقيين ياااخ و كيف حالك... أشكرك على هذا الثناء من رحيق كلماتك علها تكون دافع لي و تسلم يا رجل يا مرهف....
برضو زينا كدة بتقاسي نار البعد و الغربة... ربنا يرد غربتنا جميعاً بخير يا حبيب... و إن شا ءالله يكون بوست لإغاني الغربة و الحنين للبلد... و هنا نار البعد و الغربة مع الرائع حمد الريح ... و واصــل...
ولدنا أحمــد وييين الحي بيك ياااخ و الله مشتاقين و كيف الأولاد..... اللهم آمين يا رب... و هاهو طيرك الذي أرسلته يطير و يودي السلام لأهلنا و حبايبنا ... و لك كل الود يا صديقي....
حليل ارض الجزائر والمراكب والطنابير الترن حليل ناس ليلى ساعة الليل يجن يا غالية يا تمرة فؤادى الليلة ما عاد المراكب شرقن والقمرى فوق نخل الفريق فاقد الاهل يبكى ويحن
و ها هي يا سلمى أرض الجـزائـر تنساب مع الرائع حمد الريح....
Post: #16 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 00:12 AM Parent: #10
Quote: و لما أرجع للوطن .. و يعود معاي حلمي القبيـل
يا حسـام كمان......
الغريب عن وطنوا مهما طااااال غيــــابو *** مصيــرو يرجـع تاني لأهلوا و صحـابو...
السنين
Post: #12 Title: Re: ** عــبـر الأثــيــــر و همـوم الغربـة ** Author: احمد معتصم الطيب Date: 08-17-2007, 07:43 AM Parent: #8
تسلم يا هيثم ونحن نشتاق أيضآ للأهل ولكم وندعو الله يجمع شمل الحبان ...
كابي الجرسة أيام وتلتقى مع من تحب تحياتى لهم جميعآ
Post: #17 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 00:19 AM Parent: #12
Quote: تسلم يا هيثم ونحن نشتاق أيضآ للأهل ولكم وندعو الله يجمع شمل الحبان ...
كابي الجرسة أيام وتلتقى مع من تحب تحياتى لهم جميعآ
يا أحمـد انا ما كابي الجرسة و لا حاجة لكن على قول مشجعين فريق الزومة "الزومة ضـــايقــة" لمن يكون عاصرنو ... أها و انا إضايقت و بث ... و قس على ذلك .... و مشكور يا حبيبنا ...
يا حبيبو .. ما قلتو نوبة ...؟؟ أتاريني ما براي المتجرس ... سنة و للا 30 سنة .............. كلها في النهاية جـــرسة رد الله غربتك و انت في أسعد حال تحياتي عبر الأثير أيضاً
Post: #13 Title: Re: ** عــبـر الأثــيــــر و همـوم الغربـة ** Author: احمد معتصم الطيب Date: 08-17-2007, 08:03 AM Parent: #11
الحبيب غباشي
تعرف صاحبك هيثم دا بهاتى بالسودان دا ليهو سنة قلبو الصبور والبسويهو وبينى وبينك الشباب ديل كلهم مولع فيهم جمر ونار الغربة بس متجعولين ساكت أخير أنت قلتهاعديل ونحنا من طبعنا ما بنحب نعبر مافى الدواخل وبنعتبرو عيب لكن الغربة موووت عديل كدا بتجرس ومرات بتبكى وتخليك تجوعر دا بينى وبينك ماتكلم زوول سمح
ما قلتو نوبة ...
Post: #14 Title: Re: ** عــبـر الأثــيــــر و همـوم الغربـة ** Author: احمد معتصم الطيب Date: 08-17-2007, 08:06 AM Parent: #13
الصحافة 30 الزوول الراقي
سلامات عزيزي متقول لى ما متجرس من الغربة والله جرستك خلتك فنان وشاعر ومبدع كمان
تحياتي
Post: #15 Title: Re: ** عــبـر الأثــيــــر و همـوم الغربـة ** Author: غباشي Date: 08-17-2007, 08:26 AM Parent: #13
أبو حميد
Quote: دا بينى وبينك ماتكلم زوول سمح
ســَـمــِـح
Post: #19 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 00:46 AM Parent: #13
Quote: الحبيب غباشي
تعرف صاحبك هيثم دا بهاتى بالسودان دا ليهو سنة قلبو الصبور والبسويهو
و الله يا أحمد أنا الســودان دة بهاتي بيهو لي مدة و هسع كان الله مدٌ في الآجــال أمشي أصوم رمضان الأصلي هناك مش زى رمضان الخليج دة.... لأنو في رمضان عندنا برامج 1000 ...
Quote: وبينى وبينك الشباب ديل كلهم مولع فيهم جمر ونار الغربة بس متجعولين ساكت أخير أنت قلتهاعديل ونحنا من طبعنا ما بنحب نعبر مافى الدواخل وبنعتبرو عيب لكن الغربة موووت عديل كدا بتجرس ومرات بتبكى وتخليك تجوعر دا بينى وبينك ماتكلم زوول سمح
ما قلتو نوبة ...
آآي نوبة فرع حلفا الجديدة ... و إنت مالك مصفح ما بتولع فيك نار الغربة و لا ما بشجيك ليل الغربة ... كضااااااب و الله تلقاك هسع تهاتي بي حي الزهور و الحلة الجديدة .... عشان كدة هاك.....
حنيني إليك و ليل الغربة أضناني...
Post: #18 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 00:29 AM Parent: #11
Quote: يا حبيبو .. ما قلتو نوبة ...؟؟ أتاريني ما براي المتجرس ... سنة و للا 30 سنة .............. كلها في النهاية جـــرسة رد الله غربتك و انت في أسعد حال تحياتي عبر الأثير أيضاً
يا حبيبو أنا نوبة من سنة تسعين ... لكن بيني و بينك لمن إغتربت الزمن دااك لا كان في موبايل و لا فاميلي سايز ... كان الواحد يخش اللوضة و يعمل فيها بذاكر ... لكن تحت تحت كدة كنا بنزرف الدموع مدرارا ... لفراق الأهل و الأصدقاء و ... و .... يا حبيبو نسأل الله أن يرد غربتك لأهلك سالماً غانماً و في أحسن حال و أهدأ بال ....
Post: #20 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 01:12 AM Parent: #18
و عندما قالو لي:
لو تسافر دون رضانا بنشقى *** نحن الدهر كلـــــو ...
ما بنضوق في الدنيا متعة *** و كلو زول غيرك نملو ...
غايتو كنت شفقان عليهم .... و لكـــن؟؟؟؟؟
الحب و الظروف - عـــود
الحب و الظروف - أوركستــرا
Post: #21 Title: Re: ** عــبـر الأثــيــــر و همـوم الغربـة ** Author: hatim ibrahim Date: 08-18-2007, 02:45 AM Parent: #1
. شكرا هيثم على البوست الجميل ..
وطالما عند ( درر) أغاني الغربة يا ريت ألقى عندك أغنية مجذوب أونسة : جيت أوادعك يا القماري ما خلاص شديت رحالي جيت أوصيك .. لما أرحل تبقى عشرة على دياري كل يوم تديها طلة وقوقي لأمي .. وصغاري ...
الأغنية دي يا هيثم قبل 500 سنة وأنا في سنة أولى غربة كنت ما بقدر أسمعها إلا أكون برااااي لانها كانت بتبكيني عدييييل .
Post: #22 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 04:50 AM
Quote: شكرا هيثم على البوست الجميل ..
وطالما عند ( درر) أغاني الغربة يا ريت ألقى عندك أغنية مجذوب أونسة : جيت أوادعك يا القماري ما خلاص شديت رحالي جيت أوصيك .. لما أرحل تبقى عشرة على دياري كل يوم تديها طلة وقوقي لأمي .. وصغاري ...
الأغنية دي يا هيثم قبل 500 سنة وأنا في سنة أولى غربة كنت ما بقدر أسمعها إلا أكون برااااي لانها كانت بتبكيني عدييييل
العزيز hatim ibrahim ... جمٌل الله أيامك بكل سرور ..... يا زول فألك طيب و لو لقيتها سوف أقوم بالواجب .... أما إذا تعـذر ذلك فسوف نستعين بصديق ألا و هو الفنان الصحافة تلتين و ما بقصر معانا.... يا حســام يدك معانا ياااخ و ما عدمناك....
Post: #23 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 08-18-2007, 04:57 AM Parent: #22
لما ترجـع بالســلامــة..... ســـامي المغــرب .....
يوم رحيلك يا حبيبي *** شفت كل الكون مســافــر.....
Post: #24 Title: Re: ** عــبـر الأثــيــــر و همـوم الغربـة ** Author: Haytham Abdulaziz Date: 09-04-2007, 00:39 AM
Quote: شكرا هيثم على البوست الجميل ..
وطالما عند ( درر) أغاني الغربة يا ريت ألقى عندك أغنية مجذوب أونسة : جيت أوادعك يا القماري ما خلاص شديت رحالي جيت أوصيك .. لما أرحل تبقى عشرة على دياري كل يوم تديها طلة وقوقي لأمي .. وصغاري ...
الأغنية دي يا هيثم قبل 500 سنة وأنا في سنة أولى غربة كنت ما بقدر أسمعها إلا أكون برااااي لانها كانت بتبكيني عدييييل
و كما وعدتك يا hatim ibrahim بالغنية و عذراً للتأخير ... بس ما تبكي ياااخ أضغط للتشغيل اليدوي...