السلطات الأمنيه تصادر زجاجات خمور عليها صورة المسجد الأقصى (صور)

لاحول ولاقوة إلا بالله
من هذا السخيف الفاجر الذي سولت له نفسه وضع صورة أولى القبلتين وثالث الحرمين الشريفين على زجاجات الخمر ...
ومن هذا التافه الذي جلب هذه الخمور للسودان وكيف سولت له نفسه أن يروج لهذه البضاعه التافهه ..
لانقول شيئاً سوى حسبنا الله ونعم الوكيل
هل بلغ الإستهتار بالمقدسات الإسلاميه لهذه الدرجه ...

لا حول ولا قوة الا بالله

حسبي الله عليهم

الأخ محمد فرح

لا أظن الصورة على الزجاجة هي للمسجد الصخرة
أو المسجد الأقصى

أظن أنه مبنى في دولة اوروبية أو أسيوية

تحياتي كمال

الأخ محمد فرح
بعد دراسة اللغة المكتوبة بالزجاجة تبيّن والتي هي اللغة التركية تقريباً لي أنّ الدولة هي تركمانستان

والصورة مزيج من مباني ونصب رمزية للدولة




http://www.travelblog.org/Asia/Turkmenistan/

Halk, Watan, Beyik Turkmenbashi
The ubiquitous "Fatherland, People, the great Father of the Turkmen people". Kind of nazi sounding and kind of scary. Apparently the "beyik" (i.e. great) is a recent addition. It's on all public buildings but I had to sneak this shot.

Ashgabat : Independence Sq. with the Presidential Palace and other government buildings

أخ فرانكلي
لك التحيه
يبدو أن ماذهبت إليه هو الصحيح فقد زرت الموقع وتبين لي أن الصور تابعه لدولة تركمانستان


المباني الظاهره في الصوره والتي تظهر على زجاجات الخمور للمبنى الرئاسي ومبنى البرلمان
وماكنت أظن أنه مئذنه طلع قوس تذكاري

شكراً لتوضيح ماإلتبس علي

مؤونة عامين من الود

و لا يهمك يا كابتن
رايك شنو نودي ليك المسجد الاقصى تركمانستان

غايتو المرة دي الجماعة ما يقبلوا اعتذارك
انت زول متسرع شديد
والتسرع ده ناتج من مرض اسمه الهوس
الله يشفيك

سبحان الله
منهم لله
الكانو السبب
www.wam.8m.com

إنت يا ود فرح بتجيب المحن دي من وين؟
قولي كبوة جواد برضو
حصانك دا ما رقد رز عديل ياخي

محمد فرح والله انا فرحان ما لغلطك وتسرعك لكن مبسوط لمحاولة الارتقاء بكيف السكارى من عرقي خديجة عنبر الى الشربة النظيفة .. ما السودان بقى بلد الناس ينظروا الخميس فيه بفارغ الصبر عشان ينسو الهم والغم ..

ناس النظام العام يقومون بحملات دهم لاوكار الخمور وتصادر معدات التصنيع وتباع في مزاد بعد اسبوع ... ( اظن عشان يصنعو فيها عصير منقة المرة التانية دي ) راجع نقطة النظام العام بالثورة الحارة الثامنة جوار مبنى سوداتل ..

كدي بكرة أسال الجاب الخمور دي قول ليه الكمية كم ؟ وتعال راجع الكمية المعروضة امام القاضي ...

في سؤال من الجزيرة للسيد منصور خالد عن علاقة الترابي بالخمرة .. قال ان حسن الترابي لا يتعاطى الخمور ولكنه لا يمانع في جلساتها ( مدمن قعدات يعني بالواضح كده ) والمرة دي فتش بدقة ..

وبعدين في ناس في الحكومة دي ما كانو داسنها على رأسهم سليمان محمد سليمان .. اذن فهي حرام على المساكين من الشعب وحلال على بعض رموز الحكومة ,,

خلو الناس يسكروا سكرهم وابحثو عن القضايا الاهم .. واولها معالجة الفساد ..

راجع ليك في في بوست الفساد

محمد فرح

العجلة ياخي من الشيطان
وصراحة شيطانك شكلو كبير خلاص
دي المرة التانية تتسرع
أظنك فاكر الأولي بتاعة ندي القلعة
رفقا بنفسك ياخي لأنو اللابدين ليك كتار

معليش
يخلق من الشبه اربعين

وزمان قالو (( ان البقر تشابه علينا ))

الإخوه المتداخلين جميعاً
لكم التحيه
فعلاً البقر تشابه علينا فالصوره التي تظهر على الزجاجه تشبه لدرجه بعيده جداً الأقصى والنصب يشبه المئذنه لحد بعيد
غايتو التركمانستان طلع عندهم المحن
والشكر للأخ فرانكلي الذي أهدانا رابط الموقع الذي تعرفنا من خلاله على تركمانستان الـ(جميله)

للجميع مؤونة عشرة أعوام من الود

Quote: وماكنت أظن أنه مئذنه طلع قوس تذكاري

إن شاء الفهم يكون كذلك عند السلطات الامنية برضو

الحقهم يامحمد قبل ما يقطعو راس الجماعة ديل

خلي القضية تكون في (جلب زجاجات خمور) وبس

الناس مهما إستلذت بالمعصية لن تصل لهذا الدرك بالسهولة التي تتخيلها انت والسلطات الامنية الغبية

تاني ما تعمل كده يا صديقي

عجبني اكثر من الزجاجه ذلك المبنى الراقي بتركمانستان ..

معمار و جوده

طيب مفروض السلطات تعيد المعروضات المصادرة لمصدرها طالما ثبت أن الصورة ليست للمسجد الأقصى - مش الجريمة والمصادرة لكونها عليها الصورة ؟؟ سلم لينا على السلطات الأمنية ومهربي وموردي ومروجي ومستخدمي الخمور المستوردة الفاخرة التي تعطر فضاء القصور الفاخرة المملوكة لناس (قريعتي راحت) في الأماسي والليالي الماطرة - يعني ناس قريعتي راحت حقهم راح وبارت صناعتهم المحلية ..... يعيش المتعافي والزبير والبشير كمان ..
في التأني ألف سلامة يا محمد فرح
مودتي
الشفيع إبراهيم

Quote: الحقهم يامحمد قبل ما يقطعو راس الجماعة ديل

أخ حيدر
لك التحيه
ماتخاف الشغلانه مابتحصل قطع الرأس

... الطـلاب الفلسـطنيـون بـمـديـنة " لايـبـزج " الألـمانيـة إسـتغـربوا مـن وجـود مـواطـن سـوداني ومـسـلـم وعـربي ويـجـيـد القرأءة والكتابـة واسـمـه مـحـمـد .... ولايـعـرف الـمـسـجـد الأقـصـي!!!!

.... وطـالب أخـر اردنـي يسـتغـرب مـن عـدم سـحـب والغاء الـموضـوع والصـورة بواسـطة صـاحـب الـموضـوع مـن " الـمنبـر العام "!!!!

Quote: من هذا التافه الذي جلب هذه الخمور للسودان وكيف سولت له نفسه أن يروج لهذه البضاعه التافهه ..

هذا التافه هو نفسه الذى جلب المستثمرين الاتراك والتركمان والصينيين وغيرهم.
ليس ممكنآ يا سيادة العميد محمد فرح ان يكون هناك انفتاح اقتصادى ولبرالية رأسمالية لا يصحبها انفتاح اجتماعى وسياسى.

محمد فرح.

أنت أصلكا ما حتتعلم؟


دينق.

أستاذ بكري الصايغ
لك التحيه
ياأخي الصوره تشبه إلى حد بعيد جداً بل قل تقترب أن تتطابق مع صورة المسجد الأقصى
رغم أنه تأكد لي أن الصوره ليست للمسجد الأقصى إلا أنني لن أسامح هؤلاء التركمان أبداً على وضعهم لصورة برلمانهم في زجاجة الخمر فالصوره ترمز بلاشك للمقدسات الإسلاميه بالقباب والشكل الذي يشبه المئذنه الموجود بها ..
يجب أن يتم تقدير مشاعر الناس قبل وضع هذه الرسومات على زجاجات الخمر فالصور تشبه تماماً المسجد والمئذنه ..
راجع الصوره أدناه

لم يسبق أن إستفزت أي دوله إسلاميه مشاعر المسيحيين أو غيرهم من أصحاب الديانات الأخرى مثلما يفعل بعض الغربيون الجهلاء ولايخفى عليك التي شيرتات التي توزع في هولندا وغيرها من الدول وعليها إساءات للإسلام ..
وليس ببعيد عن الأذهان إساءه النرويج والدنمارك لرسولنا الكريم ..
إستفزاز الغربيون لمشاعر المسلمين أصبح أمراً عادياً وطبيعياً وكثير من الحكومات الغربيه تشاهد هذا الإستفزاز وتصمت ...
أسأل الله أن يجعل كيدهم في نحورهم ..

Quote: لم يسبق أن إستفزت أي دوله إسلاميه مشاعر المسيحيين أو غيرهم من أصحاب الديانات الأخرى مثلما يفعل بعض الغربيون الجهلاء ولايخفى عليك التي شيرتات التي توزع في هولندا وغيرها من الدول وعليها إساءات للإسلام .. وليس ببعيد عن الأذهان إساءه النرويج والدنمارك لرسولنا الكريم .. إستفزاز الغربيون لمشاعر المسلمين أصبح أمراً عادياً وطبيعياً وكثير من الحكومات الغربيه تشاهد هذا الإستفزاز وتصمت ... أسأل الله أن يجعل كيدهم في نحورهم ..

محمد فرح.

أنت زول تعبان جدا.

تركمستان دي دولة تعتبر مسلمة, يعني الخمرة مصنوعة هناك والزجاجة وتصميمها مصنوع هناك, فمن أين أتيت بالدول الغربية والمسيحية في هذا الموضوع

أصلا؟. نصيحتي لك هي عليك بهجر هذا المواقع المشبوهة التي تتنقل منها أخبارك الملفقة والمضروبة. أمشي أعرف شوية عن تاريخ تركمستان بعدين تعال

أكتب.


دينق.

Quote: فعلاً البقر تشابه علينا فالصوره . ÏíäÞ.

لكن يا ود فرح إنت بقرك دا طوالي متشابه عليك؟؟؟
الحاصل شنو؟؟

بعدين السلطات الصادرت البتاع دا صادرتو عشات عليهو صورة المسجد الأقصى وللا عشان هو أصلا حرام.

لو كان عشان الأولى فامشي قول ليهم رجعوا لصاحب البتاع بتاعو لأنو الصورة طلعت ما عندها علاقة بالمسجد الأقصى.
ولو عشان التانية يبقى اساسا قصة مسجد أقصى ماليها معنى.

وبعدين إنت الخبر جبتو من وين؟؟؟

Quote: إلا أنني لن أسامح هؤلاء التركمان أبداً على وضعهم لصورة برلمانهم في زجاجة الخمر فالصوره ترمز بلاشك للمقدسات الإسلاميه بالقباب والشكل الذي يشبه المئذنه الموجود بها ..

أمانة ما وقعتوا يا التركمان.
طيب برضو الزول الطع ماهو من ناس الحركات المسلحة في دارفور ويجدع في القروش داك برضو ما تسامحو؟؟
والله أنا لو منك أصلو ماأخليهو لأنو أهان النعمة.


يا ول إنت راميك جمل؟؟؟؟
والله شتارتك دي إلا تسويها فيك.

Quote: لكن يا ود فرح إنت بقرك دا طوالي متشابه عليك؟؟؟ الحاصل شنو؟؟

الاخ شماشي.

بقر محمد فرح تيمان تيمان.

أنا بس خايف أنو محمد فرح يكون شرب الفي القزازة ولمن عجبوا المشروب حاول يتأكد من الدولة المصنعة وبعد داك شاف صورة البقر أقصد صورة المبنى.


دينق.

عارف يا دينق
زي ود فرح دا وصلاخ غريبة داك لو ضربوا من البتاع دا يمكن عقلهم يجي.
يعني أصلو هم ما حيخسروا شي لأنو العقل مافي فيمكن يجي.
والله شفت بقرك دا تشوفوا سواسيو عديل.
وحرمة شراب الخمر يمكن تكون أقل حرمة من الكذب والتلفيق.
غايتو أنا لو منهم حاخش في الموضوع طوالي

شماشي.

بعدين شفته الوهابي فرانكلي نقش لك القزازة دي من قولة تيت وعرفها مصنوعة وين.


دينق.

ياشماسي ودينق
أي بني آدم لو وريتو القزازه دي وقلتليهو الصوره دي شنو حيقولليك ده مسجد
لو عميان حيقولليك مسجد
يعني الشركه بتاعة الخمور دي مالقت غير الصوره دي ...
وهل تاه عن مخيلتهم الشبه الكبير بين مبنى برلمانهم وبين الأقصى وهل فات عليهم الشبه الكبير بين ذلك القوس والمئذنه ..
مابعيد يكونوا قاصدين المسأله دي
عموماً نحيي جهودات القوات الأمنيه والحمد لله ناسنا صاحيين ومركزين وكل من تسول له نفسه التاجره ببضاعة السوء (الخمر) سيجد نفسه خلف الأقضبان ..

Quote: عموماً نحيي جهودات القوات الأمنيه والحمد لله ناسنا صاحيين ومركزين وكل من تسول له نفسه التاجره ببضاعة السوء (الخمر) سيجد نفسه خلف الأقضبان ..

محمد فرح.


يعني ده بقى الشغل الشاغل لأجهزة الامن؟

البلد كلها سكرانة طينة ومافي زول قدرو يمنعوا من السكر.

الفايدة شنو أصلا؟ إذا كان كبار الكيزان ناهبين البلد؟


دينق.

Quote: بعدين شفته الوهابي فرانكلي نقش لك القزازة دي من قولة تيت وعرفها مصنوعة وين.

هذا بدلاً من شكره لحياديته و عدم خوفه في الحق قولة لائم؟

في تعليقك يا دينق تلميح عليك توضيحه.

انت عارف يا دينق
التركماني ده بكون صنف رهيب شديد

Quote: انت عارف يا دينق التركماني ده بكون صنف رهيب شديد

تعرف يا كيكي.

التركماني ده بقزازته الفضية دي لازم يكون زي الفودكا واحد, وهم طبعا عارفين السودانين ديل بتاعين عرقيي ولازم يصدروا ليهم من النوع القوي.

وأنا متأكد المعروضات دي تكون أتلحست زي الخمرة القالوا نميري دفقا في النيل. وطبعا الكانوا مسئولين من القصة دي ناس الجيش.

تخيل فقط يا كيكي ناس الجيش ظااااتوم يدفقوا الخمرة النضيفة دي في النيل تخيل ذلك.


دينق.

ود فرح

Quote: سيجد نفسه خلف الأقضبان

دي بيوت اشباح جديدة وللا شنو

Quote: لو عميان حيقولليك مسجد ]

ولو سكران ، وتشابه عليه البقر،حيقول ليك دا شنو؟

Quote: فعلاً البقر تشابه علينا فالصوره التي تظهر على الزجاجه تشبه لدرجه بعيده جداً الأقصى والنصب يشبه المئذنه لحد بعيد غايتو التركمانستان طلع عندهم المحن

كلامك جميل واعتذارك مقبول جل من لا يخطي

لكن الكلام دا (الاقتباس ادناه) حقو تعتذر عن فبركته دي مسالة غاية في الخطورة ارجو الا تتعدي كلامي؟؟؟؟

Quote: السلطات الأمنيه تصادر زجاجات خمور عليها صورة المسجد الأقصى

ياتوا سلطات امنيه انت قاصد؟؟؟؟؟