Post: #1
Title: همــس الصمــت ...!
Author: عبدالله داش
Date: 08-13-2007, 09:42 PM
سـمِّر حوافرك
شِـيل يقـين الرحمه
بين كـفة إيديك
فك حِصـار النسمه ..
جمهرة الخلوق
رَهن البدايات ...
خلي همـس الصمت يفـلت
لو يجاهرك بالحقـيقـه ..
لو عرفـتَ شـواهد الأثر البليغ
يبقى .. تكسـب للرهان
إتسهْلت دون واسـطه
عبينا الكروت
بالسرقة فضـينا إشـتباهك
إبتدءً بالنهايات
إختلاس شكل الهويه
وإنغماسـٍك فى الغلط
زورنا سير الإتجـاه دون إنتــباه ..
إعتدل .. بالقدرة إتخطي الحواجز
وارتباكك ..وتمْتمات الإنشـداه
واتهمـناك ..
إنت "جاسوس" الوطن
تاني ربعناك حروف
قمنا شبكّناك ظـنون
منقسم ناكر اضافرك
إنسـلِخ أنْكر هويتك
شـان نزِّيف إنتماءك
أبلـع الغُبن الموسـّم في جـبينك
وفي شرايينك سـكَنْ
نسجنك نمسـح ملامحـك
إعترف ..مـيّل .. إنسـدِل
رقراق جداول في الجـروف
وأغـرق رقـيص
فتح عـيونك بإنتـباه .
خُـضّّـت مُـعترك القِـتال
مين يســألك ..!
مطمُوســه ما بتتوصى في الناس الضعاف
واصلة عندك دور ثمانيه
كيف تغيب القمره تخجل يارفيق
مُتحمداك ..
راجع كشوفات الديون
يا إما تدفع .. نشطبَك
أو نسـتبيحك كوم رماد ..
أو نغـنيك ما عليك
فرس البحر حجر العقيق
طين القبُر سُـتره وعفاف
حِلم الصباح فرح العِــباد
بالمافى لو يصبح عتيق
من حسرتك أفـرد صواريك للعناد
نستميحك ..
تشـتكيهن واحده .. واحده
إشـتكيهن "للكراميخ" العُـمَد
مالت عـليك ..
إتوسط البحر الغريق
مقفولة في سقف السحاب
فــكِْر ... حـسابات التهـور عـيب
قالو الشمس بتغيب وما بتطلع
سُـبحانك العَالَم خراب
وحدو هو البعرف علوم الغيب
محكومة يادرويش جـبُر
ما الحكمة في الصـبُر
البيبلع كلمة الحـق
أحلى مقطع من غُــنانا الباقي
في التوب الزراق
قبال نفـيق ..
أدينا لونِك نشبهِك
لو نهجرك نرحل نسيبك
كان نصيبك .. نشطبك
نرحل نسـيبك
بإفتراض .. تكسينا ريش ..
أنعـزِل من صوت غـناك
أبقي شاهين دون جوانح
أفصل الفقر المُدون في رصيدك
أبقي ريح ..أو أُمـنيات
كان ظني عندك أسـتريح
حبوبه يشـهدنى الشهود
غطيني من طوبه وخلاص
أمشير رتب كل العساكر والجنود
صفارة .. أجمع .. إستعد
خلي خوفك يبقى عندك
كشة الليل دون حراك
فـكِْـر معاى ..
كيفن يكون حفيان وسط زحف التعب
دلْوني وين سوق الرغيف
فكرني وين المحكمة
الشكوى ضد كل الصناديق والبنوك
ضـد رصاص الطـلقه
والصـوت الرهيب
ضد البعوض
عوضونا ..
علمونا ..
أفتحو كل المدارس
طعمونا حتى ضد الانفلونزا
وأى كارثه من هلاك
أســتُرونا ..
كيف نحفر باطن الارض كهوفا تحتوينا
كيف ندفن رأســنا
وفي لحظه نختار السُـكات
كيف نلتحف "الضريس"
نحتمل لسع البعوضه
وإرتضيناك يازمن ؟!
خليتنا نخـرم للحبيبه
ولذة .. الماء .. المطر
ولمحة الخد المهيبه
وإكتمال الهردبيس ..
أين هو الوذرُ
والثمن الرخيص
صمت أطراف المدينه
أنذرتني بالرحيـل
غافلتني وكنت في لحظة وهـن
إعتذار ..
صفقوا فرحاً وحزناً
نـازله فيني الشهوة
غصباً وإعـْتباط
حركت فيني المواجع
ليك راجــع
لما قصّت للتذاكر
ولْعـت ضي الفنارات البعيد
"نمت" حلمان بالبوابير البواخر
وإنهزام الفجر
إعلان المداخن بالسفر
مشلول وماشي على الخبر
دون إنتباه
مكتوبة في سور الرصيف
قف .. وإنـتبه ..
لا تقترب خط الخطر
الغلطه بى مليون سؤال
الغلطه ما اظن تغـتفر
لا تبدا بالسبب .. السبب
فجــأه إرتفع صوت فى السـُفوح ..
صوت نوبة دقت للسحور
دون إفـتراء كانت أحايين من سَـعر
والشمس عجـلّت الجنوح
رفع النداء ..
دون إنتباه ..
|
Post: #2
Title: Re: همــس الصمــت ...!
Author: Alsa7afa_30
Date: 08-13-2007, 10:39 PM
Parent: #1
داش ..
كلام معبّر
و اتجاه مختلف ..
.
.
.
واصل ..
|
Post: #6
Title: Re: همــس الصمــت ...!
Author: عبدالله داش
Date: 08-14-2007, 02:11 PM
Parent: #2
ياحســام
يافنان
يا إما تدفع .. نشطبَك
أو نسـتبيحك كوم رماد ..
أو نغـنيك ما عليك
فرس البحر حجر العقيق
بديك خيارين
من قُعادك فى المقيل
وإتمدا زى أكبر حلم فى المعنى
من حين
أو دحين
أمرق على السهله الهناك
برجاك
أكيد مُترجـْزك
عافيه وسحابات ترشقك
|
Post: #3
Title: Re: همــس الصمــت ...!
Author: معتصم دفع الله
Date: 08-14-2007, 06:54 AM
Parent: #1
عبدالله ..
( كان ظني عندك أسـتريح ) بس ..
فحددت إقامتي هنا ..
ما أجمل حرفك ..
|
Post: #4
Title: Re: همــس الصمــت ...!
Author: مجدي عبدالرحيم فضل
Date: 08-14-2007, 07:08 AM
Parent: #3
عبدالله داش
لك همس الحروف
ونصمت لكي تبحر
لنا نغم الأزيز
فرحا
تسلم يارائع
،،،،أبوقصي،،،،
|
Post: #14
Title: Re: همــس الصمــت ...!
Author: عبدالله داش
Date: 08-15-2007, 00:13 AM
Parent: #4
ياخ ليك منى العقيق كلو
والسوميت ..
والياقوت الأزرق
والحاجات التشبهك
شِــفت كيف .؟
أبو قُصــى
سعيد بيك ياوريف
وشاكر ليك مرورك السمِح
|
Post: #8
Title: Re: همــس الصمــت ...!
Author: عبدالله داش
Date: 08-14-2007, 02:38 PM
Parent: #3
معتصم ..
زازيتك
من رجفات الخوف
ومرقتك فى الأوكات البين
الممكن من الشوف
داريتك
من العين شان تبقى
هنا وبهناك
يازين
وموشح فرح الناس
لخطأٍ ما
كان التعديل
تحيه بصدقك
|
Post: #5
Title: Re: همــس الصمــت ...!
Author: أبوذر بابكر
Date: 08-14-2007, 07:14 AM
Parent: #1
كامل الدسم
يا دعاش
كامل العدد تماما
ما ناقص أى شى
سماحة النضمى هنا
لامن ينقصو منها
معنكشة بى دهب المعنى ومسقية بى
خَمرة الكلام، وخُمرة الألق
عليك الله يا دعاش لو فكرت تنقص منها
أدينا البفضل
الضوء ده كله مارق منك يا زول؟
نقرتك
الكتلا التقول شمس
|
Post: #13
Title: Re: همــس الصمــت ...!
Author: عبدالله داش
Date: 08-15-2007, 00:08 AM
Parent: #5
يا أجمل ضو
ياواقف بينى
وبين الهمس
مسافة طاقه
ما .. توقف حال الكون بى عطرك
ماشى تأشر فى الإحساس
ما الناس تتوسم فيك الخير
يا خيراً ..ن
خيراًعـّم ( وجاكم )
...
..
.
جاكم دا يا صاحب
كومر الكشه زمان
أريتا كشه توديا ليك عندك
دون إنتباه
أبو الصُحـُب
شوق بى طول البحر المالح
وخليك فى البال
|
Post: #7
Title: Re: همــس الصمــت ...!
Author: د.محمد حسن
Date: 08-14-2007, 02:18 PM
Parent: #1
Quote: واتهمـناك ..
إنت "جاسوس" الوطن
تاني ربعناك حروف
قمنا شبكّناك ظـنون
منقسم ناكر اضافرك
إنسـلِخ أنْكر هويتك
شـان نزِّيف إنتماءك
أبلـع الغُبن الموسـّم في جـبينك
وفي شرايينك سـكَنْ
نسجنك نمسـح ملامحـك .. |
نص يجافي المنطق
|
Post: #17
Title: Re: همــس الصمــت ...!
Author: عبدالله داش
Date: 08-15-2007, 12:55 PM
Parent: #7
Quote:
واتهمـناك ..
إنت "جاسوس" الوطن
تاني ربعناك حروف
قمنا شبكّناك ظـنون
منقسم ناكر اضافرك
إنسـلِخ أنْكر هويتك
شـان نزِّيف إنتماءك
أبلـع الغُبن الموسـّم في جـبينك
وفي شرايينك سـكَنْ
نسجنك نمسـح ملامحـك ..
|
د/ محمد
سلام عليك
جفاء المنطق
فى هباؤنا
لإتهامنا له بما يشوه وجهه الآدمى
فعليه تحمُل ظلمنا وتبعاته
|
Post: #9
Title: Re: همــس الصمــت ...!
Author: Tagelsir Elmelik
Date: 08-14-2007, 06:33 PM
Parent: #1
Beautiful!!! very elegant
|
Post: #18
Title: Re: همــس الصمــت ...!
Author: عبدالله داش
Date: 08-15-2007, 01:34 PM
Parent: #9
يا ملك
يا فنان
شكرأ على رســمك عبارات الثناء
ولإطرائك عندى مقامات الزهو والرقص طرباً
إحترامى
|
Post: #10
Title: Re: همــس الصمــت ...!
Author: ismeil abbas
Date: 08-14-2007, 08:42 PM
Parent: #1
عبدالل داش
شعرك حلو زى ريحة الدعاش.
ولمن يزيد يصبح رشاش.
زيدنا يا جميل يا مهذب
مودتى
إسماعيل محمد أحمد عباس........................
|
Post: #11
Title: Re: همــس الصمــت ...!
Author: عفاف أبو حريرة
Date: 08-14-2007, 08:57 PM
Parent: #10
يامن اتيت ممتطئا صهوة فرسك كالبراق
طبت وطاب لنا المقام في دوحتك كن بخير
وان في الصمت لكلام
عفاف ابوحريره
|
Post: #20
Title: Re: همــس الصمــت ...!
Author: عبدالله داش
Date: 08-15-2007, 05:18 PM
Parent: #11
طابتْ أيامكِ ســعد
جميل أن أحسكم هكذا
جميل أن ارى ما تسامى وحلّق
فى درجات علا لم يبلغها الحلم
هكذا أو أكثر
عفاف ابو حريره
شكراً لك إهدائى الفرح
لك
إحترامى العميق
|
Post: #19
Title: Re: همــس الصمــت ...!
Author: عبدالله داش
Date: 08-15-2007, 05:03 PM
Parent: #10
إسماعيل عباس
بالجد فى ناس إستعماريين زى هلتر
وزى القرون الوسطى زاتا
يعنى الواحد يفجّــك ومايمرق
يستعمرك بالرضا
والموافقه التامه
أنت واحد من هؤلاء الإستعماريون الجدد
خليك فى ذات المكان
البطين
أو الشريان اليسار
تخيّر كما تشاء
|
Post: #12
Title: Re: همــس الصمــت ...!
Author: هند محمد
Date: 08-14-2007, 09:06 PM
Parent: #1
إنحناءة للاحساس وروعة الحرف .. تسلم الآنامل .. مودة
|
Post: #15
Title: Re: همــس الصمــت ...!
Author: salma subhi
Date: 08-15-2007, 04:44 AM
Parent: #12
بعد ما قرأنا ما كتبت وجدنا....
إن في الصمت كلاما...
كل التقدير أخ عبدالله
|
Post: #16
Title: Re: همــس الصمــت ...!
Author: Emad Abdulla
Date: 08-15-2007, 05:11 AM
Parent: #15
يا سلام يا عبدالله ..
بديع , و مختلف ..
شكرا على صباح يبدأ بيك ..
تحياتي
|
Post: #24
Title: Re: همــس الصمــت ...!
Author: عبدالله داش
Date: 08-16-2007, 11:26 AM
Parent: #16
عمده
يا ...
ما عارف ليك شبيه
تشكلت فكرة البدعه وما تلاها
فى عذوبة حرفك
ونضميك السمح يااخ
إنت زول تعودعت على دهشتى
اينما وجدت لك فكره
شكراً على الدرب البيجيبك
مودتى
|
Post: #21
Title: Re: همــس الصمــت ...!
Author: عبدالله داش
Date: 08-15-2007, 05:42 PM
Parent: #15
كل الربيع وما حوى من ( خدره )
لك اسمى التقدير
على المشاركه الفاعله
سلمى
موده بحر
|
Post: #23
Title: Re: همــس الصمــت ...!
Author: عبدالله داش
Date: 08-15-2007, 05:59 PM
Parent: #12
هندويه
لمروك طعم باذخ
ويِشِـــرق روح زهرى (الغيّران )
كونى كما نشتهى
وعافيه توشحك إحساسك المطره
موده
|
Post: #22
Title: Re: همــس الصمــت ...!
Author: محمد عثمان
Date: 08-15-2007, 05:45 PM
Parent: #1
عبد الله...
همس فى عمق الشجون و ارتطام اقوى فى
صمت اللحظة...
الق جميل..
تسلم...
|
Post: #25
Title: Re: همــس الصمــت ...!
Author: عبدالله داش
Date: 08-16-2007, 11:52 AM
Parent: #22
ابوحميد
يا رحيب
كيفك مع أشواقك
إنشاء الله تكون متصالح
ومتحالف معاها تمام
رسلت ليك تحيات
مع صديق مشترك
علها تكون وصلتك
إحترامى المؤكد
|
Post: #26
Title: Re: همــس الصمــت ...!
Author: إسماعيل وراق
Date: 08-16-2007, 11:53 AM
Parent: #25
داش للإدهاش
سلمت وسلم يراعك.،
|
Post: #27
Title: Re: همــس الصمــت ...!
Author: عبدالله داش
Date: 08-16-2007, 01:06 PM
Parent: #26
ياوريف
شكراً
أظنها لا كتفى
أفكر فبما يساوى مروك العذب
لك الربيع بكل نفحه
إسماعيل وراق
العزيز
موده بحرِ
|
Post: #28
Title: Re: همــس الصمــت ...!
Author: Khalid Saeed
Date: 08-16-2007, 05:57 PM
Parent: #27
[QUOTE]خليتنا نخـرم للحبيبه
ولذة .. الماء .. المطر
ولمحة الخد المهيبه |
داش ..
جرجرته قلوبنا لي دروبة الكيف ..
وسحبت أرواحنا إلى باحة ذلك البوح الشفيف .. تلذذنا بالرزاز ..
وبلل دواخلنا المطــر ..
تحياتي لك ياحبيبنا،
خالد الأرباب
|