Post: #1 Title: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-13-2007, 03:48 PM Parent: #0
حزني على بلد تموت فيه مثل هذه المواهب
Post: #2 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: ثابت محمد Date: 08-13-2007, 04:16 PM Parent: #1
معتز القريش سلاااام يازول دي حنان إبراهيم الزماااااااااااااااان ديك بتاعة بفكرك ووعيك ياريس يادوب سودانا بقى كويس هسي كان صغيرة عمرها فات الأربعين
اها مواهب زي دي كيف نضخ فيها الحياة من جديد ؟؟
مودتي
Post: #3 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-13-2007, 05:06 PM Parent: #2
الكريم ثابت تسلم يا غالي على المعلومة القيمة لكن بيني وبينك زي المواهب دي قتلوها في مهدها والله ما عارف كيف يمكن ضخ الدماء فيها ننتظر افادة أستاذنا الموصلي أو راعي المواهب ـ دكتور معز
Post: #4 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: فتحي البحيري Date: 08-13-2007, 05:12 PM Parent: #2
معتز الحبيب
دي بحتّها من وين دي الليلة
4 درامين (أمدرمانات) مرقن يتراقصن مع هذه الألحان
أمدرمان التي عاشها الخليل الفرح وامدرمان التي عشقها
وأمدرمان السبعينات التي احتكرت منافذ الروح إلى كل العوالم وتلك تتبدى في البعد البصري لهذه اللوحة .. الملابس والوجوه والتفف ... الطفولة الطازجة .. حالة كونك تبدأ تجربة الحياة لمرة واحدة فقط .. هكذا حفرت سبيعنات أمدرمان وأمدرمان السبعينات كل الأشياء والمعاني في دواخلناوهكذا انبجست من صخرة الارهاق والتعب والانذهال الان اثنتا عشر دمعة قد علم كل حنين مسكبه
وكان هذا الأداء وهذا التسجيل التقاطا بزاوية ما ... لتلك النافذة الوحيدة للحياة
وأما الرابعة فهي امدرمان الان
وما أدراك ما أمدرمان الان
غني يا خليل فرح يرحمنا ويرحمك الله وترنمي يا حنان يشملنا ويشملك بعنايته الخالق المتعال
ولله در اختيارك يا قريش
Post: #5 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-13-2007, 05:18 PM Parent: #4
Quote: معتز الحبيب
دي بحتّها من وين دي الليلة
4 درامين (أمدرمانات) مرقن يتراقصن مع هذه الألحان
أمدرمان التي عاشها الخليل الفرح وامدرمان التي عشقها
وأمدرمان السبعينات التي احتكرت منافذ الروح إلى كل العوالم وتلك تتبدى في البعد البصري لهذه اللوحة .. الملابس والوجوه والتفف ... الطفولة الطازجة .. حالة كونك تبدأ تجربة الحياة لمرة واحدة فقط .. هكذا حفرت سبيعنات أمدرمان وأمدرمان السبعينات كل الأشياء والمعاني في دواخلناوهكذا انبجست من صخرة الارهاق والتعب والانذهال الان اثنتا عشر دمعة قد علم كل حنين مسكبه
وكان هذا الأداء وهذا التسجيل التقاطا بزاوية ما ... لتلك النافذة الوحيدة للحياة
وأما الرابعة فهي امدرمان الان
وما أدراك ما أمدرمان الان
غني يا خليل فرح يرحمنا ويرحمك الله وترنمي يا حنان يشملنا ويشملك بعنايته الخالق المتعال
ولله در اختيارك يا قريش
في حضرة جود الأكرمين ينضب معين الوفاء ولو بكلمة
Post: #6 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-13-2007, 07:15 PM Parent: #5
منتظرين الموصلي وناذر وتمبس وصحافة 30 وشمت
Post: #7 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: ناذر محمد الخليفة Date: 08-14-2007, 01:20 AM Parent: #1
معقولة يا القريش ...!!!
Quote: اها مواهب زي دي كيف نضخ فيها الحياة من جديد ؟؟
أسمع كلام ثابت دا كويس ..
والله حنان دي تكون إنت وهي دفعة وعزفت وراها .. بطل إستهبال قال من حنان هذه قال
Post: #11 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-14-2007, 06:08 AM Parent: #7
Quote: والله حنان دي تكون إنت وهي دفعة وعزفت وراها .. بطل إستهبال قال من حنان هذه قال
ناذر العريس منور والله ... انت يازول الملائكة خلاص ساتبوك قمت لي حركاتك معاي وحات كتاب الدين يا ناذر قدر ما حاولت اتذكر ما قدرت لي أربعة ايام بحاول في الآخر قلت استعين بصديق ...
Post: #8 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Mamoun Ahmed Date: 08-14-2007, 02:58 AM Parent: #1
حنان ابراهيم ابوحمامة مركز شباب السجانه اوحر السبعينيات والثمانينيات
Post: #9 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Emad Abdulla Date: 08-14-2007, 03:51 AM Parent: #8
. سلام يا ضلامي ..
الله يريحك .. دي ( حنان الصغيرة ) زي ما قال ثابت .. و هي غير حنان إبراهيم السجانة " جارتنا " و تمام زي ما قال ثابت إنها هي الغنت " بفكرك و وعيك يا ريس " . و هي تؤدي الغنية دي على طريقة البلابل .. فقد كن السباقات .. الله يطراهن بالخير .
حنان لم تعد صغيرة .. و لم تعد تغني .. و خسرنا نحن .
تاني الله يريحك .
.
Post: #15 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-14-2007, 10:42 AM Parent: #9
Quote: سلام يا ضلامي ..
الله يريحك .. دي ( حنان الصغيرة ) زي ما قال ثابت .. و هي غير حنان إبراهيم السجانة " جارتنا " و تمام زي ما قال ثابت إنها هي الغنت " بفكرك و وعيك يا ريس " . و هي تؤدي الغنية دي على طريقة البلابل .. فقد كن السباقات .. الله يطراهن بالخير .
حنان لم تعد صغيرة .. و لم تعد تغني .. و خسرنا نحن .
تاني الله يريحك .
عماد عبد الله الفنان جدا كنت متأكد انك ح تجيب خبرها وانك ح تشم البوست دا الله يريحك انت دنيا وآخرة يا مريح
Post: #14 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-14-2007, 10:39 AM Parent: #8
Quote: حنان ابراهيم ابوحمامة مركز شباب السجانه اوحر السبعينيات والثمانينيات
الأخ مأمون أحمد تحياتي واحترامي تشكر على المرور لكن شايف الناس اختلفوا ناس قالوا حنان ابراهيم وناس قالو حنان الصغيرة
Post: #10 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: mekki Date: 08-14-2007, 05:07 AM Parent: #1
شكرا أخ معتز القريش.... دى ذكريات جميله تثير فى النفس الشجون والتساؤلات...والتفاؤل... انت (عارف) يا أخ معتز نظره سريعه لى صورتك دى الواحد بى يفتكر انك من (الجماعه) وبى يخطب واحده من الخطب الحماسيه اياها...يادوب إكتشفت إنو فى وراك كمانات واكورديون!! البركه فى حنان التى ازالت طشاشى! فتحى البحيرى: لو ما أخاف الكضب فى (درمانه) ناقصه..!
Post: #21 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-14-2007, 05:16 PM Parent: #10
Quote: شكرا أخ معتز القريش.... دى ذكريات جميله تثير فى النفس الشجون والتساؤلات...والتفاؤل... انت (عارف) يا أخ معتز نظره سريعه لى صورتك دى الواحد بى يفتكر انك من (الجماعه) وبى يخطب واحده من الخطب الحماسيه اياها...يادوب إكتشفت إنو فى وراك كمانات واكورديون!! البركه فى حنان التى ازالت طشاشى! فتحى البحيرى: لو ما أخاف الكضب فى (درمانه) ناقصه..!
مكي يا أخوي والله أخوك فنان وما عندو علاقة بالجماعة نهائي لكن انت مطشش بيك المطشش بيك وبرضو البركة في حنان
أنا بقول لفتحي معاك في كم (درمانة ناقصة)
Post: #12 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: عبد الدائم سيد أحمد Date: 08-14-2007, 07:03 AM Parent: #1
اسمها حنان احمد وتلقب بحنان الصغيرة بدأت بجنة الاطفال وركن الاطفال بالاذاعة ومن اغنياتها المشهورة للاطفال ** انا طالبة شاطرة شطارة ** وغنت اجمل الكلمات والالحان للام ** امى يا اجمل نغمة بقولا ** تركت الغناء فى سن مبكرة
اما حنان ابراهيم فهى حنان السجانة ( مركز شباب السجانة ) صوت جميل وامتداد لجيل الفلاتية ومنى الخير
وخالص التحايا
Post: #13 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: حيدر حسن ميرغني Date: 08-14-2007, 07:24 AM Parent: #12
الحقوق محفوظة لجالب الفيديو في المنبر
شكرا معتز
Post: #22 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-15-2007, 04:32 AM Parent: #13
Quote: الحقوق محفوظة لجالب الفيديو في المنبر
شكرا معتز
حيدر سلامااااات كتارااااات ما فهمت حاجة والله يا حيدر ... شكرا على مرورا
Post: #18 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-14-2007, 03:23 PM Parent: #12
عبد الدائم تسلم على المعلومات القيمة وتسلم على مرورك
Post: #16 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Alsa7afa_30 Date: 08-14-2007, 11:19 AM Parent: #1
معتز سلامات ..
بالإضافة لكلام الشباب,, حنان ابراهيم حالياً تغني مع عبير علي و حياة طلسم على ما أظن كثلاثي ..
Post: #17 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-14-2007, 11:31 AM Parent: #16
ما هو عارف خليل فرح
ماهو عارف قدمـه المفـارق يـا محـط آمالـي الـسـلام في سموم الصيف لاح له بارق لـم يـزل يرتـاد المشـارق كان مع الأحباب نجمه شـارق ماله والأفـلاك فـي الظـلام يـا دهـر أهوالـك تسـارق منها كم كـم شابـت مفـارق ما علينا الفـات كلـه فـارق رقنـا ولـه نعـيـد الـمـلام من حطامك أنا غصنـي وارق فـي شـن أبقيـت للطـوارق غير قليبا في همومـه غـارق ولسـانـا بــرده الـكـلام ويح قلبي المـا انفـك خافـق فارق ام درمان باكـي شافـق يا أم قبايل مـا فيـك منافـق سقي أرضك صـوب الغمـام يا بـلادي كـم فيـك حـاذق غيـر الهـك مــا أم رازق من شعـاره دخـول المـأزق يتفـانـي وشـرفـك تـمـام مسرح الغزلان فـي الحدايـق والشوارع الغـر والمضايـق قول لي كيف أمسيت دمت رايق دام بهـاك مشمـول بالنظـان مجلس اللـذات فـي النمـارق والترف لا زال وصفه خـارق ضاري حسك فاح جانا مـارق وله قاطعو الريح مـا هـو لام في يمين النيـل حيـث سابـق كنا فـوق أعـراف السوابـق الضريح الفـاح طيبـه عابـق السـلام يـا المهـدي الامـام أيـن منـي الودعتـه شاهـق باكـي ناهـد لسـه مراهـق عيني ما بتشـوف الا شاهـق أيـن وجـه البـدر التـمـام أين مني الفـي زهـوه باسـق في شبابه نقـي مـن مفاسـق بين ثيابـه البيـض المناسـق حولـك اشبـه رتـل الحمـام يا بريد الجـو فوقـي حالـق ميل علي الروح ليهـا خالـق عدت سالم قول وأنـت عالـق مقـرن النيليـن كيلـو كــام الحبايـب لفـتـوا الخـلايـق بيني وبينهم قطعـوا العلايـق ان دلال ان تيـه كلـه لا يـق نحـن مـا مجينـا الخصـام يا جميـل يـا نـور الشقايـق أملأ كأسـك واصبـر دقايـق مجلسك مفهـوم شوفـه رايـق عقـده ناقـص زول ولا تـام مـن فتيـح للخـور للمغالـق من علايل ابـروف للمزالـق قدله يا مـولاي خافـي حالـق بالطريـق الشـاقـه الـتـرام ما يئسنا الخير عـوده سايـق الحي يعود ان أتي دونه عايـق الي يـوم اللقـا وانـت رايـق السـلام يـا وطنـي السـلام
Post: #19 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: elsawi Date: 08-14-2007, 04:08 PM Parent: #17
نعم هي حنان احمد او حنان الصغيرة، جارتنا في امدرمان ودنوباوي، وكانت تغني في جنة الأطفال وقد كان السفاح نميري معجبا جدا بصوتها وتربطة علاقات الجيرة بأهلها وسبق ان منحها جائزة قيمة لا اذكرها الآن في احدى المناسبات .. الملاحظ انه لا توجد محجبة واحدة بين الآئي حضرن التسجيل، لا ادري ان كانت هناك ثمة علاقة ما بين جمال الزمن وطيبة اهله وعفويتهم والحجاب الذي انتشر الآن وانتشرت معه الكثير من الظواهر الإجتماعية السلبية التي عصفت بكل ما هو جميل من قيم الزمن الماضي ..
الصاوي
Post: #28 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-15-2007, 10:08 PM Parent: #19
Quote: نعم هي حنان احمد او حنان الصغيرة، جارتنا في امدرمان ودنوباوي، وكانت تغني في جنة الأطفال وقد كان السفاح نميري معجبا جدا بصوتها وتربطة علاقات الجيرة بأهلها وسبق ان منحها جائزة قيمة لا اذكرها الآن في احدى المناسبات .. الملاحظ انه لا توجد محجبة واحدة بين الآئي حضرن التسجيل، لا ادري ان كانت هناك ثمة علاقة ما بين جمال الزمن وطيبة اهله وعفويتهم والحجاب الذي انتشر الآن وانتشرت معه الكثير من الظواهر الإجتماعية السلبية التي عصفت بكل ما هو جميل من قيم الزمن الماضي ..
الصاوي
وجاء الصاوي بالخبر اليقين تسلم يا صاوي على المعلومة مادام طلعت جارتكم بالله السلام أمانة
Post: #20 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: haroon diyab Date: 08-14-2007, 04:11 PM Parent: #17
ابومهند ياراقي
Quote: يا جميـل يـا نـور الشقايـق أملأ كأسـك واصبـر دقايـق مجلسك مفهـوم شوفـه رايـق عقـده ناقـص زول ولا تـام
اكتر من مره قلته ليك انت راجل فنان الموديك تهبش في السياسة والكلام الماجايب همه ده شنو ...؟
كتر من الحاجات دي عشان مانصدق انك ضلالالالالالالالالالالالالالالالالالالالالالامي . تحياتي هارون دياب
Post: #23 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: salma subhi Date: 08-15-2007, 04:46 AM Parent: #20
حزني على بلد تموت فيه مثل هذه المواهب بالله شوف الناس دي كانت كيف جميلة!
كل التقدير أخ معتز
Post: #42 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-18-2007, 08:10 PM Parent: #20
Quote: اكتر من مره قلته ليك انت راجل فنان الموديك تهبش في السياسة والكلام الماجايب همه ده شنو ...؟
كتر من الحاجات دي عشان مانصدق انك ضلالالالالالالالالالالالالالالالالالالالالالامي . تحياتي هارون دياب
هارون دياب يا صديقي انت عارف أخوك لا بتاع سياسة ولا حاجة بس عندي كاروشة من الشيوعيين ديل
وانت يا فردة أول واحد عارف أنو أخوك لا ضلامي ولا جاي بجنب الضلامية ـ صــــاح ؟؟
Post: #54 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: haroon diyab Date: 08-28-2007, 01:50 PM Parent: #42
ابو مهند مساء الخير
Quote: وانت يا فردة أول واحد عارف أنو أخوك لا ضلامي ولا جاي بجنب الضلامية ـ صــــاح ؟؟
Post: #24 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-15-2007, 05:31 AM Parent: #16
Quote: معتز سلامات ..
بالإضافة لكلام الشباب,, حنان ابراهيم حالياً تغني مع عبير علي و حياة طلسم على ما أظن كثلاثي ..
صحافة يا 30 يا صاحب الذوق والفن الأصيل . . (عندي ليك تسجيل لأغنية الكاشف ـ الشوق والريد ـ باللحن القديم وبصوت الكاشف) أوعة تبيخا لي وتقول لي عندك .... . .
متأكد يا زول من كلامك دا ؟؟؟ لأنه شايف في ناس قالوا دي حنان الصغيرة وقالوا حنان الصغيرة غير حنان ابراهيم
Post: #27 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Alsa7afa_30 Date: 08-15-2007, 01:20 PM Parent: #24
Quote: أوعة تبيخا لي وتقول لي عندك ....
عندي
لكن جيب تسجيلك نسمعو.. عارف كنت بفكـر أنزلا في بوست منفصل في الأيام الجاية ... انت بتقرا الأفكار ولا شنو؟؟
Quote: لأنه شايف في ناس قالوا دي حنان الصغيرة وقالوا حنان الصغيرة غير حنان ابراهيم
أنا بعرف حنان ابراهيم البتغني مع عبير علي و حياة طلسم بس .. ما عندي فكرة عن حنان الصغيرة ..
Post: #25 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: omar altom Date: 08-15-2007, 05:46 AM Parent: #1
معتز الفنان
الفيديو ده لقيتو وين؟؟؟ اوعي تكون شغال في الامن ( الغنائي)...!!!!!!!
والله ذكرتنا ايام زمان ...زمن العيش بي كيس المخدة ... والفول بالجك....واللبن بي
البستلة......هسة كلو بقي كيس جيلاني......!
قلت لي ما بتعرف حنان؟؟؟؟؟ طيب بتعرف خليل فرح من وين؟؟؟؟؟؟؟
تشكرات افندم
Post: #26 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-15-2007, 10:54 AM Parent: #25
وصلتني هذه الرسالة على الايميل من الأخ الكريم ود عامر وهذه الرسالة تعتبر شهادة توثيقية من شخص عاصر تلك الفترة شكرا أخي ود عامر وتسلم على الافادة
Quote: الاخ معتز تابعت بوستك عن اغنية ماهو عارف قدمو المفارق..وذكر بعض الاخوة انهااي الاغنية بصوت الفنانة حنان ابراهيم لكن الصحيح هي الاخت الفنانه حنان محمد الحسن ..وقد عملت لفتره وراء الكاميرا في تلفزيون السودان..وهي ايضا صاحبة اغنيه بفكرك ووعيك يا ريس يا دوب سودانا بقي كويس ...زمن ابعاج اخوي وكدا.. متابع لسودانيز اون لاين...ودعامر ..شيكاغو
Post: #29 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: رأفت ميلاد Date: 08-15-2007, 11:12 PM Parent: #26
Quote: اسمها حنان احمد وتلقب بحنان الصغيرة بدأت بجنة الاطفال وركن الاطفال بالاذاعة ومن اغنياتها المشهورة للاطفال ** انا طالبة شاطرة شطارة ** وغنت اجمل الكلمات والالحان للام ** امى يا اجمل نغمة بقولا ** تركت الغناء فى سن مبكرة
اما حنان ابراهيم فهى حنان السجانة ( مركز شباب السجانة ) صوت جميل وامتداد لجيل الفلاتية ومنى الخير
والله يا رافت وما طالبني حليفة الزول دا كان قفلوا في محل ذهب كان طلعتو يا أخي معقول يحرم الناس من حاجة زي دي ؟ بعدين أصلا اليوتيوب للجميع فلماذا يحميه ؟
بس لقيتك بحاااااااااات
Post: #31 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-16-2007, 11:13 AM Parent: #25
Quote: معتز الفنان
الفيديو ده لقيتو وين؟؟؟ اوعي تكون شغال في الامن ( الغنائي)...!!!!!!!
والله ذكرتنا ايام زمان ...زمن العيش بي كيس المخدة ... والفول بالجك....واللبن بي
البستلة......هسة كلو بقي كيس جيلاني......!
قلت لي ما بتعرف حنان؟؟؟؟؟ طيب بتعرف خليل فرح من وين؟؟؟؟؟؟؟
تشكرات افندم
عمر التوم اللذيذ
مداخلتك خفيفة ولذيذة والله طلعت راجل عجوز من زمن الفول بالجك
لكن نحنا من زمن جوز الحمام كان أربعة
Post: #30 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: محمد مكى محمد Date: 08-16-2007, 00:28 AM Parent: #1
أخي معتز زمان قلتإ إنو أمير الظلام شايل ليهو بطارية... ومره مره كشافه .... تسلم يا أمير
Post: #32 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: بدر الدين الأمير Date: 08-16-2007, 05:50 PM Parent: #30
شفت كيف يا ظلامي لما تكون فنان ؟؟؟؟
Post: #33 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Kostawi Date: 08-16-2007, 06:26 PM Parent: #32
أيوه خليك مع الحنان و البهجة و سيبك من مايو و كبج
_______Karambalita_______ يا أمير الحسن تلفونك كوشة
Post: #34 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: عماد شمت Date: 08-16-2007, 08:48 PM Parent: #33
شكرا يامعتز يافنان لقطة من الزمن الجميل ...
هي حنان احمد وكانت تلغب بحنان الفزاري .لان بابا الفزاري هو مكتشفهاوتبناها
اه يا حبيبي ما تحن علي واحن عليك ...(لمني الخير وعبدالحميد يوسف رحمهما الله)
الاخ عبدالدائم سيداحمد كلامك صحيح 100% اوفيت ..
عل العجوز رأفت (خلي) كان ساكن في الاتجاه التاني من ابوحمامه وكاتل حفلاتها....
لكم مني كل الحب والوداد
مش قلنا ليكم شمت بجيب الخبر اليقين تسلم يا عمدة على المعلومات القيمة
Post: #41 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-18-2007, 12:10 PM Parent: #32
Quote: شفت كيف يا ظلامي لما تكون فنان ؟؟؟؟
ما هو لازم الواحد مرة مرة كدا يعكنن على الرفاق
Post: #38 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-18-2007, 08:39 AM Parent: #30
Quote: أخي معتز زمان قلتإ إنو أمير الظلام شايل ليهو بطارية... ومره مره كشافه .... تسلم يا أمير
تسلم يا ود مكي مرورك أسعدنا ونورك جهرنا
Post: #36 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Haytham Abdulaziz Date: 08-17-2007, 12:19 PM Parent: #1
اللذيذ ود القريش معتز .... جمعة مباركة....
سبق و ان أنزلت بوست لهذه الغنية قبل ثمانية أشهر و قد نفى الإخوة المتداخلين بأن هذه ليست حنان السجانة ... و إليك الرابط للتذكرة .... و مشكور على النغم الفياض....
Post: #37 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Haytham Abdulaziz Date: 08-17-2007, 01:08 PM Parent: #36
و كمــان هــاك الشغــل دة .... تبكـي بـس .... ناقصــه أكورديــون و لا شنو رأيـك؟؟؟
Post: #39 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: وليد محمد المبارك Date: 08-18-2007, 08:52 AM Parent: #37
حبيبنا الظلامي
حنان دي حنان الصغيرة على ما اعتقد
وفي السنوات الفاتت بتخيل لي ظهرت في التلفزيون كم مرة
حتى في عيد من الاعياد كان في حلقة عن غنا البنات
غنت فيه هي وزهريمان وسميره دنيا
وحتى كمان هي غنت اغنية
بلال تزورني مره
زماااااااااااااااان كان بجيبوها في جنة الاطفال لابسة لبس المدارس الزمان داك اخدر مع كولة ( لياقة ) بيضا كبيرة
والله اعلم
Post: #40 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: badr alkalika Date: 08-18-2007, 08:58 AM Parent: #39
u tuob ما بفتح عندي اعمل شنو الحقوني
Post: #48 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-20-2007, 05:46 PM Parent: #37
تسلم يا هيثم على الاضافات الرائعة يا فنان
Post: #43 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: بهاء بكري Date: 08-18-2007, 08:22 PM Parent: #1
Quote: دي ( حنان الصغيرة ) زي ما قال ثابت .. و هي غير حنان إبراهيم السجانة " جارتنا "
الضلامي معتز ............ سلام العمدة جاك من الاخر ...... دي حنان الصغيرة بت امدرمان (الهجرة ) ودي دفعة عديل يامان واخوك كان معجب ومكسر من وقتها ........ شكرا علي هذا الاهداء وبالله لو عندك حاجة ليها تاني نزلها
Post: #44 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Emad Abdulla Date: 08-18-2007, 08:29 PM Parent: #43
.
Quote: وفي السنوات الفاتت بتخيل لي ظهرت في التلفزيون كم مرة حتى في عيد من الاعياد كان في حلقة عن غنا البنات غنت فيه هي وزهريمان وسميره دنيا وحتى كمان هي غنت اغنية بلال تزورني مره زماااااااااااااااان كان بجيبوها في جنة الاطفال لابسة لبس المدارس الزمان داك اخدر مع كولة ( لياقة ) بيضا كبيرة
والله اعلم
كضبن كاضب يا وليد ياخي .. البتعنيها إنت دي حنان السجانة .. حنان الصغيرة زولة تانية .
بعدين أخدر مع كولة ده شنو ؟؟ لبني يا حسنين .. لبني . و ما تلخبطونا أكتر من كده .. أبو السياسة زاتو ياخ .
.
Post: #45 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: mohmed khalail Date: 08-18-2007, 10:40 PM Parent: #44
سلاااام معتز والمتداخلين
كده رسونا على بر حنان دي حسب علمي حنان لصغيرة واشهر واجمل اغانيها على الاطلاق (امي يا اجمل كلمة بقوله) وكانت في جنة الاطفال زمن الخنافس والابيض بي اسود.
ولا انا غلطان
Post: #47 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: وليد محمد المبارك Date: 08-19-2007, 11:42 AM Parent: #45
يا عماد
Quote: بعدين أخدر مع كولة ده شنو ؟؟ لبني يا حسنين .. لبني . و ما تلخبطونا أكتر من كده .. أبو السياسة زاتو ياخ .
يهونده الكضبن كاضب
الكانو بلبسوا لبني بي كحلي ديل نحن الاولاد
كنا بنلبس قميص لبني وردا كحلي وشده او كبك كحلي بي ابيض
لكن البنات كانو بلبسن فستان اخدر كولاته كباااااااااااااااار وبيض وبسرحن ضفيرتين في اخرهن شريط ابيض وبتمسن بالكركار
ابو السياسة وامها كمان
Post: #49 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: خالد علي محجوب المنسي Date: 08-20-2007, 10:08 PM Parent: #47
تسلم يا القريش وأنت ترمي بواحدة من روائع الجميل المرهف خليل فرح التي سكب فيها كل دموعه درراً ... فكانت الناعي لفراق صديق غالي من بين الأحباب والأهل والأم أمدرمان تظهر في القصيدة الثقافة العالية والأطلاع الغير محدود المعرفة للخليل
يا جميـل يـا نـور الشقايـق أملأ كأسـك واصبـر دقايـق مجلسك مفهـوم شوفـه رايـق عقـده ناقـص زول ولا تـام
أنظر كم الأبداع * الضوء عندما يأتي من شق يكون مركز وقوي وتلحظه عيان اكثر من الضوء في الفضاء * كيف كان يستمهله للبقاء حتى لو دقائق معه تحلو الجلسة والسمر وبدونه ينفرط العقد وفي رواية آخرى عدّو ناقص زول ولا تام
من علايل ابوالروف لي المزالق من فتيح لي الخور للمغالق قدله يا مولاي حافي حالق بي الطريق الشاقي الترام
فكان نذر عليه ان بقى الصديق أن يمشي بتلك المناطق كما فعل المحرم لبيت الله الحرام حافي ومقصر شعره وهنا يظهر تدينه وورعه وكذلك في الابيات التالية
يـا دهـر أهوالـك تسـارق منها كم كـم شابـت مفـارق ما علينا الفـات كلـه فـارق رقنـا ولـه نعـيـد الـمـلام
المصائب تأتي مسارقة أي دون أخاطر سابق ومنها ماتشيب له الروؤس من فراق حبيب وصديق وغالي لكنه يرجع مقدر لقضاء الله وقدره وحكمته في سنة الحياة ( ما علينا الفات كلو فارق ... رقنا ولا نعيد الملام ) .. فكانت قمة الإيمان بقضاء الله وقدره ... وتتجلى ايمانته في الابيات التالية
يا بـلادي كـم فيـك حـاذق غيـر الهـك مــا أم رازق
نعم الرازق والحافظ هو الله ( والزارعنا غير الله اللجي يقلعنا ).. ( وأعلم يا بني أن الأمة لو اجتمعوا على ان ينفعوك بشئ لن ينفعوك ألا بما كتب الله لك ولو أجتمعوا على ان يضروك بشئ لن يضروك ألا بما كتب الله لك رفعت الأقلام وجفت الصحف ) .. ( الزارعه الله في الحجر بتقوم )
أين مني الفـي زهـوه باسـق في شبابه نقـي مـن مفاسـق بين ثيابـه البيـض المناسـق حولـك اشبـه رتـل الحمـام كان وصف الحبيب الصديق المفارق وقد قلل ودلل فهو طويل زاهي وكان في شبابه متحفظ ورع متدين ماهو فاسق .. حلي ابيض من دواخله وثوبه وهو يسير حولك كما رتل الحمام البيض زهز ونضارة وشفافية ضمير ابيض كما شخب الحليب يرهج في الكبابي صفائاً يعجز اللسان من تفنيط حلو كلام الخليل وهناك ابيات يرقص لها القلب طرباً ويعجر اللسان من تفنيطها فهي تداعب الأحساس وما داعب الأحساس قسى على العقل ترجمته لكنه ينشي ويطرب ونرقص له طربا
جزاك الله كل خير القريش على هذه اللفتة البارعة لقصيدة تعتبر من شواهد الشعر الخليلي
ولك التحية والتقدير
Post: #55 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-28-2007, 09:29 PM Parent: #49
Quote: تسلم يا القريش وأنت ترمي بواحدة من روائع الجميل المرهف خليل فرح التي سكب فيها كل دموعه درراً ... فكانت الناعي لفراق صديق غالي من بين الأحباب والأهل والأم أمدرمان تظهر في القصيدة الثقافة العالية والأطلاع الغير محدود المعرفة للخليل
يا جميـل يـا نـور الشقايـق أملأ كأسـك واصبـر دقايـق مجلسك مفهـوم شوفـه رايـق عقـده ناقـص زول ولا تـام
أنظر كم الأبداع * الضوء عندما يأتي من شق يكون مركز وقوي وتلحظه عيان اكثر من الضوء في الفضاء * كيف كان يستمهله للبقاء حتى لو دقائق معه تحلو الجلسة والسمر وبدونه ينفرط العقد وفي رواية آخرى عدّو ناقص زول ولا تام
من علايل ابوالروف لي المزالق من فتيح لي الخور للمغالق قدله يا مولاي حافي حالق بي الطريق الشاقي الترام
فكان نذر عليه ان بقى الصديق أن يمشي بتلك المناطق كما فعل المحرم لبيت الله الحرام حافي ومقصر شعره وهنا يظهر تدينه وورعه وكذلك في الابيات التالية
يـا دهـر أهوالـك تسـارق منها كم كـم شابـت مفـارق ما علينا الفـات كلـه فـارق رقنـا ولـه نعـيـد الـمـلام
المصائب تأتي مسارقة أي دون أخاطر سابق ومنها ماتشيب له الروؤس من فراق حبيب وصديق وغالي لكنه يرجع مقدر لقضاء الله وقدره وحكمته في سنة الحياة ( ما علينا الفات كلو فارق ... رقنا ولا نعيد الملام ) .. فكانت قمة الإيمان بقضاء الله وقدره ... وتتجلى ايمانته في الابيات التالية
يا بـلادي كـم فيـك حـاذق غيـر الهـك مــا أم رازق
نعم الرازق والحافظ هو الله ( والزارعنا غير الله اللجي يقلعنا ).. ( وأعلم يا بني أن الأمة لو اجتمعوا على ان ينفعوك بشئ لن ينفعوك ألا بما كتب الله لك ولو أجتمعوا على ان يضروك بشئ لن يضروك ألا بما كتب الله لك رفعت الأقلام وجفت الصحف ) .. ( الزارعه الله في الحجر بتقوم )
أين مني الفـي زهـوه باسـق في شبابه نقـي مـن مفاسـق بين ثيابـه البيـض المناسـق حولـك اشبـه رتـل الحمـام كان وصف الحبيب الصديق المفارق وقد قلل ودلل فهو طويل زاهي وكان في شبابه متحفظ ورع متدين ماهو فاسق .. حلي ابيض من دواخله وثوبه وهو يسير حولك كما رتل الحمام البيض زهز ونضارة وشفافية ضمير ابيض كما شخب الحليب يرهج في الكبابي صفائاً يعجز اللسان من تفنيط حلو كلام الخليل وهناك ابيات يرقص لها القلب طرباً ويعجر اللسان من تفنيطها فهي تداعب الأحساس وما داعب الأحساس قسى على العقل ترجمته لكنه ينشي ويطرب ونرقص له طربا
جزاك الله كل خير القريش على هذه اللفتة البارعة لقصيدة تعتبر من شواهد الشعر الخليلي
ولك التحية والتقدير
خالد علي محجوب المنسي
الللللللللللللللللللللللللللللله عليك يا رائع
Post: #53 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-27-2007, 03:37 PM Parent: #47
Quote: يهونده الكضبن كاضب
الكانو بلبسوا لبني بي كحلي ديل نحن الاولاد
كنا بنلبس قميص لبني وردا كحلي وشده او كبك كحلي بي ابيض
لكن البنات كانو بلبسن فستان اخدر كولاته كباااااااااااااااار وبيض وبسرحن ضفيرتين في اخرهن شريط ابيض وبتمسن بالكركار
ابو السياسة وامها كمان
يا وليد يا أخي انت زول شاب ما تغالط العجايز ناس عماد عبد الله ديل لكن غلاطكم لذيذ كله (كولا) و (شدة) و (كبك) ذكرتونا الزمن الجميل ، زمن هذا التسجيل
تسلموا الاتنين ...
Post: #50 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-27-2007, 10:07 AM Parent: #43
Quote: الضلامي معتز ............ سلام العمدة جاك من الاخر ...... دي حنان الصغيرة بت امدرمان (الهجرة ) ودي دفعة عديل يامان واخوك كان معجب ومكسر من وقتها ........ شكرا علي هذا الاهداء وبالله لو عندك حاجة ليها تاني نزلها
بهاء بكري
انت يا أخوي مكسر من زمان وبس ؟؟؟ تصدق فتشت النت دا كلو ما لقيت ليها حاجة تانية غايتو الناس الشغالين في التلفزيون بقدروا يتحفونا
Post: #51 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: Elmosley Date: 08-27-2007, 01:12 PM Parent: #1
ياسلااااااام دي خنان رالكانت بتغني في ركن الاطفال ولكن التسجيل قديم جدا بس العاجبني انو صوتها ما اتغير تسلم ياصديقي
Post: #56 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-29-2007, 11:06 AM Parent: #51
Quote: ياسلااااااام دي خنان رالكانت بتغني في ركن الاطفال ولكن التسجيل قديم جدا بس العاجبني انو صوتها ما اتغير تسلم ياصديقي
تسلم يا استاذ الموصلي على المشاركة والرأي وخليك قريب كل يوم استمع للبت دي
Post: #52 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: محمد أبوالعزائم أبوالريش Date: 08-27-2007, 01:26 PM Parent: #1
حنان الصغيرة معرفتي بها خلال التلفزيون فقط ....
أما حنان أبراهيم فهي شخصية أخرى، ظهرت في الدورة المدرسية سنة 1976 .. وصراحةً كدة وقتها عزفت معاها. إختفت بعدها فترة لتظهر باسم حنان السجانة.
لم أتمكن من مشاهدة الفيديو، ولكني أعرف أن حنان ابراهيم تغني أغنية ماهو عارف قدمو المفارق، كما غنت مع حيدر حدربي (آه يا حبيبي).
Post: #57 Title: Re: تعالوا أسمعوا هذا الصوت العذب ... ومَن حنان هذه ؟ فيديو نادر جدير بالمشاهدة ... Author: معتز القريش Date: 08-29-2007, 06:37 PM Parent: #52
Quote: حنان الصغيرة معرفتي بها خلال التلفزيون فقط ....
أما حنان أبراهيم فهي شخصية أخرى، ظهرت في الدورة المدرسية سنة 1976 .. وصراحةً كدة وقتها عزفت معاها. إختفت بعدها فترة لتظهر باسم حنان السجانة.
لم أتمكن من مشاهدة الفيديو، ولكني أعرف أن حنان ابراهيم تغني أغنية ماهو عارف قدمو المفارق، كما غنت مع حيدر حدربي (آه يا حبيبي).
