Post: #1
Title: يا جماعة الخرطوم ح تغرق بالطريقة دي
Author: نصرالدين بابكر بدرى
Date: 08-13-2007, 08:48 AM
سلام جميع أعضاء المنبر
كنت الأسبوع الفائت في السودان ، البلد كلها منكوبة
الأمطار كثيرة جداً بمعدل كل يوم مطرة ومرات مطرتين
شارع الظلط ما بتشوفو بعد المطرة
أغرب حاجة في مطار الخرطوم البص من الصالة للطايرة ماشي
في موية تكون زي نص متر إرتفاع إلى مكان الطائرة؟؟؟؟؟؟؟
هل من مغيث
الله يستر
ودالبدري
|
Post: #2
Title: Re: يا جماعة الخرطوم ح تغرق بالطريقة دي
Author: نصرالدين بابكر بدرى
Date: 08-13-2007, 09:00 AM
Parent: #1
وشهد شاهد من أهلها
ظهر مسؤل كبير في الإعلام وقال نحن ما بنتحمل أي مسؤولية
وقال البحر بزيد بمعدل 20 سم كل يوم
الناس نعمل حسابها وتحطاط
ماعار كيـــــــــــف ؟؟؟؟
والله الموضوع أخطر من عام 88
ودالبدري
|
Post: #3
Title: Re: يا جماعة الخرطوم ح تغرق بالطريقة دي
Author: نصرالدين بابكر بدرى
Date: 08-13-2007, 04:51 PM
Parent: #1
دي حاجة تحير
الموضوع إذا فيه ضياه ناس مسلكسن لا حولة ولا قوة
أفتكر إنو رد الفعليكون قدر المحنة والمصيبة
لكن إمكن الناس بتشوف وبعرف أحسن مني كدى النصبر شوية
أكيد في تضامن بشكل تاني بعرفوه الناس
تحياتي وإحتراماتي
ودالبدري
|
Post: #4
Title: Re: يا جماعة الخرطوم ح تغرق بالطريقة دي
Author: اسعد الريفى
Date: 08-13-2007, 06:22 PM
Parent: #1
أخى نصرالدين
تحياتى
أقتداء بسنة معتمد البطانة جلالة على مهداى يجب على والى الخرطوم أن يغرم أى شخص يخرج من داره فى الخرطوم أثناء أو بعد المطر و لمدة ثلاثة أيام 500 جنيه أو بشهرين سجن و إلى حين إنتهاء موسم الامطار أو الفيضان أو الاثنتين معا..
لأن المسألة ليس كما يبدو لكم
الامطار و الموية الشايفينها فى الشارع دى لغسل النفوس و تطييب الخواطر ..
و هى تساعد فى عمليات تزكية المجتمع و التأصيل و كده ..
بعدين يا أخ نصرالدين استغربت جدا لكلامك | Quote: شارع الظلط ما بتشوفو بعد المطرة |
و طار فى رأسى سؤال .. عايز تشوف شارع الظلط ليه .. و أفرض شفتو .. شنو يعنى ....!!
تحياتى يا ود البدرى و نسأل الله السلامة ...و لأهلنا المودة ..
|
|