ود الشــيخ فنان من الزمن الجميل .. يقف على باب المنبر ..

خلف الله الشيخ أو ودالشيخ كما يحلو لمحبيه أن ينادوه به ..
فنان ذو ذوق عالي في إختيار أغنياته ..
يكتب الشعر ويلحنه وبالطبع يغنيه ..
تعرفه الأوساط الفنية في الرياض مغنياً وإنسان جميل الدواخل مجامل في كل المناسبات العامة ..
لا يتوانى في الحضور لسودانيز أون لاين فهو دائماً معناً ملبياً كل دعواتنا ..
يتحرق شوقاً أن يكون عضواً في المنبر وعضواً فاعلاً مع بورداب الرياض ..
هذه بمثابة دعوة له لينضم لهذه الكوكبة الرائعة ..
من هنا نناشد الأخ بكري بارسال العضوية له باسم ( ود الشيخ ) على إيميله ..
ونكون شاكرين ومقدرين بما تقوم به من أجل المبدعين في هذا الوطن ..


يلا يا بورداب الرياض جاكم عضو جديد وهو أصلاً عضو معكم في كل نشاطاتكم ..

خلف الله ودالشيخ وعلى يساره الفنان ياسر الحلفايا ..


يا زول يا نيل .. كلمات وألحان الفنان خلف الله ودالشيخ

أنت جميل والجابك لينا ملاك وجميل تسلم ياموو ويسلم الزوق الراقي ودالشيخ

فأهلا به بيننا وهو إضافة لبورداب الرياض وأصلا منهم معا علي درب الجمال أخي

بكري أبوبكر نتشوق للأضافة ومقدما سهم بغمده الكثير والممتع باش مهندس بكري

عطرنا به.

،،،،أبوقصي،،،،

ود الشيخ الفنان .. الذي عرفناه شاعراً من خلال
مساهماته الثرة في منتدى الصالحية الثقافي ..

ود الشيخ الإنسان الذي جاء داعماً للنشاط الثقافي
لحملة بورداب الرياض لإنقاذ إخواننا في دارفور

الباشمهندس بكري .. منح العضوية لود الشيخ
سيضيف الكثير لـ : بورداب الرياض

شكرا معتصم على الترشيح الموفق .. مرحباً ود الشيخ ..

لمثل ود الشيخ تفتح الابواب ...

الأرباب إدريس ..
حرم حبابك ..

كلامك سمح وزين وفي إنتظار الريس بكري لتفعيل عضوية الفنان ودالشيخ ..

ما عدمناك يا حبيب ..

محبتي ..

Quote: الباشمهندس بكري .. منح العضوية لود الشيخ سيضيف الكثير لـ : بورداب الرياض

شكراً محمد عبدالجليل ..
هذا ما نتمناه ونرجوه من الريس بكري ..
ود الشيخ سيكون إضافة حقيقية للمنبر ولبورداب الرياض ..


كامل محبتي وتقديري ..

الجميل أبو قصي ..
سلام يا حبيب ..
ودالشيخ عضو فاعل في بورداب الرياض بحضوره الدائم لتجمعاتهم وبرامجهم ..
وهو أخ وصديق نتشرف أن يكون معنا هنا في المنبر ..
شكراً لدعوتك معنا في إنضمامه لسودانيز أون لاين ونحن في إنتظار الريس بكري ..

محبتي وتقديري ..

معتصم
سلام
شكرا لك
علي هذا الرجاء الذي نكررة للاخ بكري ابوبكر ليصبح ود الشيخ عضو بالمنبر لانة شعلة تحترق لتضيء للاخرين وهو اضافة حقيقية للمنبر لانة رجل مبدع ودمث الاخلاق تشع منة ابتسامة دائمة تنبئ عن بزوغ فجر الفرح القادم

ود الشيخ .. اضافة نوعية للمنبر ..
محتاجين ( وتر ) يدوزن ( قافية ) هذا المنبر ..


تشكر يا معتصم لتقديمك هذا الشخص ( الجميل ) ..

يديك العافية يا حميدة ..
ودالشيخ وتر وذوووق ..
وأكيد زي ما قلت سيكون إضافة حقيقية للمنبر ولبورداب الرياض ..

تحياتي ومحبتي ..

تسلم كتير يا يوسف ..
ونحن في إنتظار الريس بكري ليمنح المبدع ودالشيخ عضوية هذا الوطن ..
وحقيقي زي ما قلت ودالشيخ فنان يأسرك بابداعه وفنه الراقي ..

معك نناشد وفي الإنتظار ..

محبتي ..

نثنى يا معتصم

واخونا خلف فهو بوردابى اصلا

يعنى بس ناقصه الباسورد



أحمد العمار

الاخ بكرى نرجو الاستجابه اخونا ود الشيخ دايما اون لاين فى مناسبات سودانيزاون لاين
وهو اكيد سوف يكون عضو مفيد بلا شك فى بورداب الرياض . شكرا معتصم

سلام يا محرب ..
ونحن في إنتظار الريس بكري ..
ودالشيخ ظل مداوم على مناسبات بورداب الرياض مشاركاً ومتفاعلاً معهم ..
وهو عضو معنا بدون باسورد ..

محبتي ..

دا حقيقي يا أبوحميد ..
في إنتظار الريس بكري بالباسوورد ..
شكراً أحمد العمار على هذه المناداة ..

محبتي ..

سلامي الشديد ليكم
يا بكري عليك كان تدي ود الشيخ عضويه لو عندك عضويه ذهبيه اديها ليه
دا اخونا وحبيبنا ، وزميلنا ومعانا في كل مناسبات سودانيزاونلاين وغيرا
يلا يا بكري ما تعمل نايم عليك الله باسرعه اضيف الاستاذ عندك واها ح اريحك كمان 4445 دا الباسورد كمان هديه من عندي قصرته معاك
شكرا معتصم تسلمي يا حبيبنا
اخوكم ايهاب نميري

انت حتقعد تلم لينا في اصحابك ومعارفك كلهم في البورد دا؟؟
اذا كان ود الشيخ غناي فيشرفني ان اشتري شريط كاسيت واستمع له
ولكن ماذا افعل بصوته في منبر الحوار ؟؟
بالله المجاملات الغير مبررة دي خلونا منها

أسمع يا هالك ..
انت مالك ومال الفن ..
روح أنكشح بس ..
عالم حاسده بشكل

سلام يا أيهاب ..
في إقتراح يكون باسورد ودالشيخ صفرين تلاتة أصفار صفر صفر ( 0 0 000 00 )..
يعني كده قطعنا نصف المسافة للريس بكري

يديك العافية ..

الغالي / معتصم

تحية وتجله وتقديـــر ...

لا شك بأن الأخ الصديق والشاعر الفنان / ودالشيخ إضـافة حقيقة للمنتدى فأأمل من الأخ الكريم / بكري

أبووبكر منحه العضوية ليكون بيننا أكثر حضوراً .

معتصم انت بس نزل البلد كيفنها!!!
لانه ليس من حدث كمن سمع ؟؟
انشاء الله (24 )ساعه وود الشيخ يكون مع اهله واحبابه
في حوشنا الكبير
يا شيخ العرب بكري ود الشيخ اضافه فعاله
للمنبر انشاء الله


عفاف ابو حريره

البلد كيفنها ..
دي من أغنيات ودالشيخ الجميلة يا عفاف ..
جميل وسمح إختيارك ..
أكيد ح تكون عندك هنا إن شاء الله ..
وكما عودنا ودالشيخ دائماً سيكون معنا في جميع مناسباتنا ودا أكيد ..

تحياتي وتقديري ..

يوسف ازيك ..
ودالشيخ مكانه القلوب وهو صديق مشترك ..
أكيد الريس بكري سوف يقوم باللازم ..
بس نحن في الإنتظار ..

محبتي وسلامي ..

ودالشيخ سيروه
بكري اخوي خليه يشرفنا
عشان زولنا وحق حفلاتنا بتاع بورداب الرياض
واذا غلبك الحيلة وما لقيت فضا ختو محل صديق الموج
بدل ما كنا حنغيرو بي عدة نغيرو بودالشيخ المطرب
شكراً معتصم والمتداخلين

خلف الله اضافة حقيقية للبورد في وجود الموسيقيين .. فهو شخص متفرد بكلماته والحانه .. وحتى في ادائه ..
اتمنى ان نراه بيننا في اقرب فرصة ..

شكراً معتصم والأخوة المتداخلين، خلف الله ود الشيخ رجل مبدع بكل ما تعنيه الكلمة من معنى .. شاعر وملحن وفنان ... وإنسان إنسان .. أتمنى أن أراه هنا إضافة ثرة للبورد .. مع خالص الشكر والتقدير ،،،

وجوده هام بين أحبابه
مرحباً به.. وفي إنتظار بكري

ونحن زيك يا إسماعيل ..
في إنتظار الريس بكري ..

إدريس كيفك ..
حمد لله على السلامة ..
ليك مده طويلة مختفي ..

فعلاً ودالشيخ فنان متميز ..
نتمنى أن نراه هنا فاعلاً بما يملك من فن راقي ..

تحياتي ..

موووش كده يا تامبا ..
ودالشيخ بكلماته وأغانيه إضافة حقيقية للمنبر والفن السوداني ..

معك في الإنتظار ..

Quote: واذا غلبك الحيلة وما لقيت فضا ختو محل صديق الموج بدل ما كنا حنغيرو بي عدة نغيرو بودالشيخ المطرب

الله يجازي محنك يا خال ..

الريس ما بقصر وبكده ح يعفينا من باسورد صديق الموج ..

الله يديك العافية ..

الغالي / معتصم

تحياتي ...

لا زلنا في إنتظار الريس / بكري أبوبكر

أأمل أن يتكرم بمنحه الباسورد حتى يتسنى له المشاركة بصورة رسمية .

( ود الشــيخ فنان من الزمن الجميل .. يقف على باب المنبر ..)
أرجو أن لا يطول وقوفه و إنتظارنا له ...
أكتر من يستحق،
تمنياتى برؤيته قريبا داخل الحوش كما هو داخل القلوب فنا و خلقا .

في الإنتظار يا بكر أبوبكر...

مرحب بالزميل ود الشيخ
اهلا بيك فى حارتنا الموسيقية
اصلو نحناناس حلوين لابنشاكل ولابنخاصم
وناس ود دفع الله ياهم ناسنا
يلا اتحفنا بوجودك معاناوليك مية وردة

يا باشمهندس
كان ما جبرت بى خاطر بورداب الرياض تكون بالغت!
فى الانتظار
جنى