|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
الأخ علي محمد علي شكراً لمرورك ... يا أخي والله أنا إفتقدت هذا الشاب ويبدو لي أخر بوست ليه كان في الشهر الماضي.
حسين ملاسي شعلة من النشاط فمنذ تسجيله في هذا المنبر في 28/09/2003 كتب أكثر من 90 بوست وعدد مشاركاته بلغ 11221 مشاركة.
بالله ما حسرة!!
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: عاوز أوصل للحقيقة هل أوقف الشاب حسين أم توقف؟؟ |
يا محمد هارون يا مسكين امثال ملاسي لا يوقفون كل الحاصل بكون مشغول مع بكري ابوبكري لانه صديقه وفي السودان حاليا فتأكد بانه من لقاء بورداب للقاء بورداب متونس وفاتح لكم من قفشاته المجنونه اياها. قال يتفصل قال!! عالم طيبه بشكل
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: يا محمد هارون يا مسكين امثال ملاسي لا يوقفون كل الحاصل بكون مشغول مع بكري ابوبكري لانه صديقه وفي السودان حاليا فتأكد بانه من لقاء بورداب للقاء بورداب متونس وفاتح لكم من قفشاته المجنونه اياها. قال يتفصل قال!! عالم طيبه بشكل |
الزميلةالإسفيرية تراجي
شكراً على المرور .... بربك ألم تفتقدي الشاب المهذب حسين ملاسي؟؟
إن كان قد توقف فهي مصيبة وإن كان قد أوقف فهي أم المصائب.
تحياتي
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
في بوسته بعنوان (حسين ملاسي يتغرض لمحاولة إغتيال) - كتب الشاب حسين ملاسي ما يلي:
Quote: كانوا يريدون أن يكسروا قلمي ولكن .... هيهات. |
هل يا ترى كسروا قلمه أم كسر هو قلمه دون أن يضع أي حساب لجماهيره العريضة؟؟ ولسان حاله يقول:
سيذكرني قومي إن جد جدهم ===== وفي الليلة الظلماء يفتقد البدر.
فينك يا حسين؟؟
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: محمد هارون الرجل الطيب يفتقدك يا ملاسي تعال اظهر وبان عليك الامان. |
نعم أفتقدته كثيراً وما خفي عليك ياتراجي أنني عرفت هذه الأسرة عام 1997 حينما إلتقيت لأول مرة بالمستشار مصطفى ملاسي في مدينة جده... الناس ديل يا تراجي ما ساهلين علي.
يا حسرة لو عندك رقم تلفون للشاب حسين ألحقيني بيهو...
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
محمد معانا ما تغشانا .. الشاب مرة واحدة ؟؟؟
طيب .. المذكور يعاني من إمتحانات ( حسب علمي ) .. و يعاني من إنشغاله بوجود بكري في الخرطوم .. و يعاني من أسعار الطوب و الأسمنت و السيخ و مغالطة المقاولين . و وجود عدد كبير من البورداب في إجازاتهم الخرطومية .. و يعاني من لمات البورداب .. ( و هو مدمن لمات و شمارات ) .
أنا أفتقد ملاسي أيضاً .. غتاتته و طولة لسانه و بروده و موضوعاته المقدودة و ثقالته و لولوته .
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: طيب .. المذكور يعاني من إمتحانات ( حسب علمي ) .. و يعاني من إنشغاله بوجود بكري في الخرطوم .. و يعاني من أسعار الطوب و الأسمنت و السيخ و مغالطة المقاولين . و وجود عدد كبير من البورداب في إجازاتهم الخرطومية .. و يعاني من لمات البورداب .. ( و هو مدمن لمات و شمارات ) . |
الأخ عماد عبدالله شكراً ياظريف والله طمنتني على حبيبنا الشاب حسين ملاسي كما يحلو لي أن أسميه.
الإمتحانات دي كلنا معذبانا... غايتو الواحد لامن يموت ما يرتاح منها.
تحياتي
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: عن جداره الاخ ملاسي هو اثقل ظريف او اظرف ثقيل. روحه رياضية عاليةجدا ومهذب لحد بعيد. |
الأخ معاذ شكراً لك ... أي والله ملاسي روحه رياضية وأحس أنه أخو أخوان رغم أني لم التق به إلا إسفيرياً. أهلنا في الغرب بقولو (الخريف اللين من شواقيره بيين).
تحياتي لك.
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: غايتو يا محمد انا لاقيتو في تجمع البورداب ووجهت ليهو السؤال بالنيابة عنك فقالي يشكر كل من سأل عنه وهو مشغول بس |
أخي السمؤل بدرالدين شكراً ليك على المرور الحميم ... وشكراً كثيراً لتوجيهك السؤال للشاب حسين ملاسي نيابة عني وعن جماهيره العريضة.
أتمنى أن لا تطول غيبته فبه يكتمل رونق البورد وتتجلى نكهته الحقيقية.
تحياتي لك يا سمؤل.
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Tabaldina)
|
Quote: الظاهر يا عمدة انت ماسك دفتر يوميات |
أكضب يعني ؟؟ أنا مفتقد هذا الزول ..
و عارف ح يجي و يكرهني اليوم الإتولدت فيهو .. و يفقع مرارتي بغلاستو و أوهامو .. بس برضو وجودو بيخلق ( حالة توازن ما ) هي شنو أنا ما عارفا .. المهم يجي و يقدنا و نخلص ياخ ..
سودانيزأونلاين بدون " ملاسن " شكلها ما ياهو أبدا .
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: الله يستر من طيش الفصل والفرملة لاني سمعت بان الامتحانات حول(كيفية كتابة 5 سطور اسفيرية) واخونا حسين طبعا (دفاعو اخير منو دفاع المريخ في الحتة دي) ياسمؤال ... |
الأخ عبدالكريم أو (كيكي) كما يسميه البعض
تشكر على المرور ... يا أخي حسين ملاسي دا البرنجي بتاع البورد دا كله. دا بكلمة أو كلمتين بخلي ليك الجماعة يجقلبوا جقلبة ذي العاضاهم نحلة
تحياتي
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: فى القوات الهجين! جنى |
يا جني إنت قايل الزول دا عوير!! إنت نسيت لا من ريحك وأثبت ليك بمنطق رياضي woman = problems
بمناسبة عوير دي مرة أنا مرة دخلت في غلاط إسفيري مع بعض الحناكيش في البورد قالوا ما بيعرفوا نبات العوير. قام صاحبي حسين ملاسي شال كمرتو وصور ليهم نبات العوير فقطع الجهيز قول كل حنكوش.
شكراً لمرورك يا جني
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: بس برضو وجودو بيخلق ( حالة توازن ما ) هي شنو أنا ما عارفا .. المهم يجي و يقدنا و نخلص ياخ ..
سودانيزأونلاين بدون " ملاسن " شكلها ما ياهو أبدا . |
ياعمدة إنت شكلك الزول دا فعلاً واحشك أوي زي كدا. حالة توازن قال يا اخي دي حالة طعــم ... الأيام دي نحن رايح لينا طعمها ونكهتها كمان.
خليك معانا لا من نجيبو جاري جري.
تحياتي
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: لو موقوف ماكان بيمشي حفلة البورداب لبكري قبل تلاته يوم..موش؟
بقركم راح عليكم خلاص..ولا جمعتوا؟
تحيات من الخرطوم.. |
الخوجلية عمت صباحاً
أنا حقيقة سعيد بمرورك الظريف دوماً. بقرنا الراح وما جمع خليهو أنا حالياً في ود ملاسي اللي هسع لا حس ولا حركة منو دا.
بالله إنت شفتيهو في الخرطوم ولا قاعدة لي بس لي سماح الوصف
غايتو الحمد لله مادام إنتي في الخرطوم أنا حا أصل ليهو لأنه صديقه اللدود البتعرفيه داك بطنه غريقه.
تحياتي
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: سيظل الاخ ملاسي حميميا مربرب السمارير عالي المشاكم قمطرير الهنهنة ، دجنة لا يغشاها مرتكش أو تدهدهها كلامات المترمبلين. |
ياخرابي دا كلام عاوز ترجمان ... المهم يا أخي ملاسي شاب ممتاز بكل المقاييس. حاولت الإتصال عليه حوالي الساعة السابعة والنصف مساءً بتوقيت لندن لكن لم يرد وفي اليوم التالي وجد رقمي وإتصل علي من الخرطوم. غايتو مافي واحد في البورد ده يقدر يقول ملاسي (ظلامي).
حتى دينق العنصري ما يقدر
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: لو توقف مكسب, ولو اوقف مكسبين |
الأخ ماجد كيف حالك؟
يا أخي ملاسي له بريق خاص ... لو توقف حا يحصل تصدع كبير للبورد خاصة بعد إختفاء وفصل كوادر كان لها أثر كبير في شهرة موقع سودانيز أون لاين. يعني بالله الناس الشابكننا جلابة وجنجويد ويبثوا سموم الفرقة والشتات ديل بيعجبو أحد.
تحياتي
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: والله بعد مساخاته دى كلها ..كل ما أغيب بيسأل عنى ..
يعنى الواحد أقله يسأل عنه.....
وله التحية. |
الأخت الأستاذة تماضر
أسعدني حقاً مرورك ... يعني ملاسي دا لو ما ولد فلته ما كان إنت بجلالة قدرك جيتي زائرة وشكلك كده المرة الجاية حاتكوني غايرة.
تحياتي لك وللعريس وعروسته.
| |
|
|
|
|
|
|
Re: الشاب حسين ملاسي ... هل أوقف أم توقف؟؟؟ (Re: Mohammed Haroun)
|
Quote: تعرف يا محمد هارون .. لو البورد دا كلو مرقت منو ببوستك دا و زيارة تماضر دي .. تاني ما داير حاجة!
الف شكر يا رجل. |
أوووووووووووووه الشاب حسين ملاسي ذات نفسه ...
بصراحة يا حسين أنا مش مصدق ... لكن بيني بينك بعد ما هلت الأستاذة تماضر قلت خلاص الخير دنا
أنا سعيد أوي أوي أوي ياحسين بطلتك البهية.
تحياتي
| |
|
|
|
|
|
|
|