Post: #1
Title: .... كــــــم و كــــــم أود أن أرى !!!!!! .....
Author: salma subhi
Date: 08-06-2007, 09:55 AM
من منّا لا يحب بلادي... وهواء بلادي... وعطور بلادي...وأهل بلادي... ومدن بلادي.
كلٌ واحد فينا بيشوف السودان بنظرة معينة ويتمنى كذلك أن يتحقق كل جميل لهذا البلد ...
فمن هذا البوست، أقدم دعوة لكل الأعضاء الكرام لأن يسرح كلٌُ بمخيلته.... و يتمنى أمنيات أو رؤى مستقبلية أو مشاهد بتحبوا تشوفوها سواء كانت في الوقت الحاضر أو المستقبل في سوداننا الحبيب....
وتقول ،كم أود أن أرى .......................
.............
|
Post: #2
Title: Re: .... كــــــم و كــــــم أود أن أرى !!!!!! .....
Author: الطيب شيقوق
Date: 08-06-2007, 10:43 AM
Parent: #1
سلومة الرائعة
أمنياتي لكم...
أن تصبحون علي وطن
فوقكم سماء
وتحتكم أرض لها بدن
أما أنا
فلا أملك مثل هذا الوطن
فوقي سماء غزاها
طيران الأحتلال منذ زمن
وتحتي ارض
لم أعد أملك فيها سوى الأمل
وحلم بالعودة يرافقني بلا ملل
***********
فلتصبحون علي وطن
شمسه تشرق كل يوم بلا كلل
والليل فيه يريح عيونكم
يهبكم نوم من عدن
أما أنا
فشمسي رحلت منذ أمد
وليلي ساد بوحشته
يهبني الموت كل مساء
وكفن ملون بألوان العلم
***********
فلتصبحون علي وطن
فيه الكروم فيه الزيتون والعنب
فلتصبحون علي وطن
فيه الزعتر فيه الحب وفيه الأمل
أما انا
فبلا فطار بلا عمل
حتى سلاحي قد فرغ من البارود
فاصبح عصا
يتكئ عليها شبابي
ليخفي أوجاع البدن
فلتصبحون علي وطن
أما أنا
فأعدكم أني
رغم جرحي ونزفي
قريباً
رغم انف الكل
سوف اصبح علي وطن
معزتي
|
Post: #3
Title: Re: .... كــــــم و كــــــم أود أن أرى !!!!!! .....
Author: salma subhi
Date: 08-06-2007, 10:53 AM
Parent: #2
Quote: أمنياتي لكم...
أن تصبحون علي وطن
فوقكم سماء
وتحتكم أرض لها بدن
|
Quote: فلتصبحون علي وطن
شمسه تشرق كل يوم بلا كلل
والليل فيه يريح عيونكم
يهبكم نوم من عدن
|
اللهم آميين ولتصبح أنت بألف ألف خير أستاذ الطيب....كم نشتاق لأرض الوطن ونتمنى أن يزوره الخير وكم وكم ....!!والأماني كثيرة...
لكن ما قلت لي هسي لو خيروك أول حاجة تحب تشوفهاأو مشتاق ليها شنو ؟
كل التقدير
|
Post: #4
Title: Re: .... كــــــم و كــــــم أود أن أرى !!!!!! .....
Author: الطيب شيقوق
Date: 08-06-2007, 11:16 AM
Parent: #3
سلومة
| Quote: لو خيروك عايز تكون شنو؟ |
عايز اكون بهجه ومسره فى دروب البائسين
وابقى صفقه وغنوه حلوه تسعد القلب الحزين
** *** **
عايز اكون قُمريه تشدو ترسل الالحان شجيه
تطرب القلب المعنه وتفرح الروح الشقيه
تهدى بنواحها وشجونها وبالجراحات والازيه
لحظه تُنسي الناس وهى تفنيها الاسيه
** *** **
عايز اكون انا لقمه طاعمه اشبع المسكين وجائع
قضى يومه يكد ويكدح ودخله ما رضيان يطاوع
فى الهجير لازم يقاسي فى الصقيع لازم يصارع
وفى بلاد الغربه عامل فى المصانع وفى المزارع
** *** **
عايز اكون قمرا بيهدى يضوى للناس السبيل
نجمه فى افق المسافر نجمه للتايهين دليل
عايز اكون مشعل بيرشد يهدى للخير والجميل
ما يهم لو احترقت او انطفيت وطوانى ليل
** *** **
عايز اكون انا صدر حانى ابقي للمجروح طبيب
احضن الهايم مشرد واحضن العايش غريب
واحضن الطفل اليتيم وابقي زى الام حبيب
...ابقى فى عيونه ابتسامه
وابقى فى ثغره الحليب
** *** **
عايز اكون انا غصن اخضر
غصن يرمز للسلام
غصن من زيتونه اخضر رمز للحب والؤام
غصن زيتون لونه اخضر غصن يشيلو الحمام
واجعل الكون كله اخضر
وكله ..افراح وابتسام
اها لقيتيني كيف يا سلومة ؟؟
|
Post: #5
Title: Re: .... كــــــم و كــــــم أود أن أرى !!!!!! .....
Author: salma subhi
Date: 08-06-2007, 11:29 AM
Parent: #4
| Quote: اها لقيتيني كيف يا سلومة ؟؟ |
الله يقدرك على ده كله....
كل التقدير
|
Post: #7
Title: Re: .... كــــــم و كــــــم أود أن أرى !!!!!! .....
Author: وصال عالم
Date: 08-06-2007, 11:38 AM
Parent: #5
بسم الله الرحمن الرحيم
selma subhi
سلام ،،،
تسلمي يارب ... تسلم كل الأمنيات الجميلة .. ونتمنى كذلك مثلما تمنيتي ...
ودي لكم
وصال عالم
|
Post: #10
Title: Re: .... كــــــم و كــــــم أود أن أرى !!!!!! .....
Author: salma subhi
Date: 08-07-2007, 07:38 AM
Parent: #7
وصال العالم يا عزيزة
لو دي حصلت في السودان ، غايتوا أنا بحجز لي شقة طوالي في واحدة من الأبراج دي ....
كل التقدير ولك أطيب الأماني
|
Post: #8
Title: Re: .... كــــــم و كــــــم أود أن أرى !!!!!! .....
Author: الطيب شيقوق
Date: 08-06-2007, 11:39 AM
Parent: #5
| Quote: لكن ما قلت لي هسي لو خيروك أول حاجة تحب تشوفهاأو مشتاق ليها شنو ؟ |
عصيدة ام عبد الله وفي ضل الضحى الهابّي ومياخد تكية هبابي
تاني عندك كلام اها تاني بقدر بقول شنو في السهلة دى !!!!!!!!
|
Post: #11
Title: Re: .... كــــــم و كــــــم أود أن أرى !!!!!! .....
Author: salma subhi
Date: 08-07-2007, 07:45 AM
Parent: #8
Quote: عصيدة ام عبد الله وفي ضل الضحى الهابّي ومياخد تكية هبابي
تاني عندك كلام اها تاني بقدر بقول شنو في السهلة دى !!!!!!!! |
يا الله يا أستاذ الطيب والله شوقتنا وتاني ما عندي كلام تب !
كل التقدير
|
Post: #6
Title: Re: .... كــــــم و كــــــم أود أن أرى !!!!!! .....
Author: مجدي عبدالرحيم فضل
Date: 08-06-2007, 11:34 AM
Parent: #4
داير أشوف وطن بالفيهو نتساوي نحلم نقراء ننداوي
وطن تشرق شمسوا النهارية فوق أجساد أطفالنا شعاع
من واقي الأمراض الشللية ويكون كل طفل رضيع لاقي مصلوا
ويبني عرشوا ويبقي يحلم ببكره رياض أطفال ومدرسة أساس
ومقعد فوق يأخد درسوا وعرش فصلوا غطاء مستقبل وأمل
جديد وطلائع فجر الحرية وقيادات ثورية تبني آمالنا فرح
وشوق وحنين .
وتاني دائر أشوف ظل النيمة أمام باب بيتنا في درجتنا الثالثة
المتفرده وغنيمات الفريق يتحكن في حيطة بيتنا ويأكلوا من خضار
الجنائن البتعاين لينا ونحن بره بعيدين الأمل والأماني مشتاقين نكابد
في المعايش وقفة خضار بسيط بي ربع كيلو لحمة ومرقة معاه بصله كتيره
علينا حلم ذي ده يارب الأوطان طال الغياب بنا سنين وسنين للوطن كايسين.
بكره وطن جديد وأمل فريد يايوم بكره ماتسرع تحقق لي نار وجدي.
تسلمي سلمي وليلة حلمك يمسي يبقي حقيقة ونشوف قصور آمال بتبني.
،،،،أبوقصي،،،،
|
Post: #9
Title: Re: .... كــــــم و كــــــم أود أن أرى !!!!!! .....
Author: وصال عالم
Date: 08-06-2007, 12:03 PM
Parent: #6
بسم الله الرحمن الرحيم
selma subhi
سلام ،،،
بدون تعليق طبعا
وطن عامر كلو حنية
مودتي
وصال عالم
|
Post: #13
Title: Re: .... كــــــم و كــــــم أود أن أرى !!!!!! .....
Author: salma subhi
Date: 08-07-2007, 07:50 AM
Parent: #9
يارب ...بس برضه احجزي لي شقة يا وصال
مودتي
|
Post: #12
Title: Re: .... كــــــم و كــــــم أود أن أرى !!!!!! .....
Author: salma subhi
Date: 08-07-2007, 07:48 AM
Parent: #6
| Quote: داير أشوف وطن بالفيهو نتساوي نحلم نقراء ننداوي |
Quote: بكره وطن جديد وأمل فريد يايوم بكره ماتسرع تحقق لي نار وجدي.
|
ربنا يحقق حلم كل سوداني يا أبو قصي ....
كل التقدير
|
|