الى الانقاذي المرفه الطرير حسين خوجلي!

يا ذاك ( الودك)* المتثاقف
ينثـال من كوم عمامة
يا ذاك المفدوع في بلـد
تغشـاه اليوم قيـامـة
واصطف الناس لحساب وثواب
وجزاء الاحرار جعلوه اعداما
وللغفران صكوك حررها
شيخ مكلوج محتال علامة
يهب الحور زرافات
في زمن الحرب الهدامة
وشياطين الوضع في الجاه و المتع
ورماة الحدق لا زالوا اغناما
يا شيئا من لحم من شحـــم
يفقد احساســا وشهامــة
تترهل في زمن قواد نعرفه
والجوع في وطني يحصد اقواما
ياهذا أعشرة امتار عمامة
وفي وطني حفاة وعراة
لم تعرف ابدا هنداما؟؟
يا هذا أعشرة امتار عمامة
وطفل دفنوه في وطني بلا كفن
يلعن عدلا قد نام؟؟
يا هذا أعشرة امتار عمامة
يا بغلا يا بغيا يفقد الجاما؟؟
يا هذا عشرة امتار عمامة
لن تستر عورة وضع أّفاك
سوغ بالشرع اجراما
يا هذا عشرة امتار عمامة
وقد شدتم للقهر في وطني اهراما
يا عاهرة الفهم المخصي
يا افضل من يصلح ( حكامة)*
جاهد من خلف نقابك يا هذا
فالحرب تحتاج رجلا ذا هامة
جاهد بالشحم واللحم والعجز
يا عجزا يبلع نجدا وتهامة
انفق من شحمك ارطالا
يسرج فانوسا لفقير
في بلد تنتج رعبا وظلاما
اردافك لا زالت اهدافك
انفق منها لكلاب الوطن الجوعانة
فالجوع الكافر شردها اعواما
ياغانية الانقاذ الاولى
ادري انك غانية كلامة
وفضل لسانك في السب
افضل من يردح آثاما
لا زلت اماما للخنث
في زمن قهرالاشراف
وسيد في وطني اوغادا وهواما
امثالك يطلبها الجنة
بضلال يبتذل الاسلام
جنتكم في قهر الاحرار
لتبقوا في السدة حكاما
ليس مهما دارفور تحرق بالقهر
او كل الشرق يقبع في الاسر
او كل الوطن يبقى كالقبر
فلا زال الشعب لديكم اغناما
فانتم من فتح الوطن ماخورا للوطء
فانتم من جلب خيول المستعمر
لمجرد ان تبقوا في السلطة اياما
امثالك يصلح ان تبقى (حكامة)
تمدح حاكمنا المأفون الاهبل
تمجد زمن الاوغاد المختل
وانتم من صنع الاوهام
وانتج الاما وخواء وخصاما
وايضا تصلح للرقص بالردف وبالكتف
بـدف من جلد نعامة
او جلد تيوس مخصية
لا تعرف عشقا وهياما
او تصلح انسانا( كنكة)*
للطلح للشاف
تعرضه في الجنة اكواما
تهديه الحور العين
وشهيد اللوثة قد هام
او تصلح رسما في الورق
انعم في الورق من ( دامة)*
فأنت لا تصلح في شيء
طرير من شحم يفقد احساسا وكرامة
عديم من قيم يا شيئا ينضح آثاما




* الحكامة: هي امرأة تلهب مشاعر المقاتلين باغاني الحماسة اثناء المعارك تحرضهم على القتال ومنازلة خصومهم
* الودك :هو دهن حيواني تستعمله النسوة في السودان في تهذيب شعورهن
*الكنكة: في عامية السودان هو الرجل الوضيع الذي يبيع لوازم النسوة كالطلح والحناء والشاف والدلكة وما شابهها.

* الدامة: هي صورة البنت في لعبة الورق او ما يعرف بالكوتشينة

v.bad
your way is really getting from bad to worse

Quote: v.bad your way is really getting from bad to worse

شكرا يا سيدة!

...

الى الانقاذي المرفه الطرير حسين خوجلي!

سيد بشبش


شعر: عصام السنوسي


سيد بشبش سيد بشبش
عامل حازم وسيفه بيرقش
أمره بيمشي وكفه بيطرش
وعينه الحارة في يوم ما بترمش
عند المكتب رسمي بيغضب
جوة البيت يرفس ويضرب
وسط أصحابه بيرقص ويلعب
راجل نكتة وصاحب مقلب
وآخر الليل يقابض ويهبش
سيد بشبش راجل دين وراجل دولة
وراجل خطوة وصاحب مطوة
وصاحب خولة وصاحب جولة
وبيني وبينكم سيد بشبش
راجل واعي وفاهم
فاهم فاهم
وعامل انه الواحد يعني
وغايتو وبرضه ولازم
بالمفتوح ده كلام سر
ما فيش واحد يمشي يسمع
سيد بشبش راجل دوغري
لكن في الليل هجيجه يولع
وزي ما تقول بحب المنقة
و الحاجات النايس ولظلظ
وقبل ما ندخل ونحكي القصة
لازم نعرف صورة بشبش
أصلع أسمر بادية عليه علامة النعمة
وعرجة خفيفة في حادث حركة
شكل سيادته عموما مدهش
وددايما شايل سبحة
تسبح وحدها دون تسبيح
أوتوماتيك
حكمة ربك وقسمة صحيح
سيد بشبش راجل
Urgent
Rich, intelligant
Smooth and elegant
But sometimes
And this is really
He appears slightly hesitant
وفي عصرية وكانت جمعة
سيد بشبش حكك دقنه وهذب شنبه
وشه بينضح نظرة ولمعة
طق عصايته وخت عبايته
وخبط الباب من خلفة برزعة
خلى البيت يتراجف كله
حاجة نفيسة بناتها ثلاثة
بالاولاد يكملوا سبعة
في المرسيدس أخذ القعدة
كدوسه البني تهبهب ناره
هز دماغه هز
يعني سيادته بحي في جاره
وعاد البنز قال يا ليل
وسط الشارع يلوي غباره
وأثناء ما سايق وسط السكة
كان بيدندن يعني بيمدح
دشكا دشكا دشكا أو دشكا دشكا دشكا
وأثناء ما سايق يغني ويمدح
وعينه الزايغة بتجمع وتطرح
هناك على زاوية لمح المنقة
سيد بشبش تمساح لو يلمح
قلبه ينطط جوه ضلوعه
يطق الروب يثكلب ويردح
لف ودور حول المنقة ودور ولف
رسم الزاوية وكشف المسرح
وبسمة أنيقة صناعة برة
بسمة ثعلب حنكة وخبرة
ما نتفاهم يا خلق الله
وعاد خلق الله ما فهامة وناس واعين
اشارة خفيفة وغمزة عين
عارفين الحال والأمر الواقع
كان الرد الفرح بشبش
وخلى سيادته يهدي يمين
مساء الخير آنسة مرمر
اسمك روعة اسمك سكر
أما سيادته سيد بشبش
رائع مدهش اسمك منعش
موسيقي ومطرب
بس خازوق الناس تتمقلب
وتمشي تقول لسيادتك شبشب
لا يا بت يا نكتة صنفك متعب
وهناك في شارع كم مش عارف
البيت الناصية أشجار وزخارف
عربات تتلاعب أنوار ورفارف
كانت ربة وهيصة تولول
ناس بتصفق وناس بتزغرد
وناس بتهلل
ناس بتنادي شيلي وختي
وناس بتغازل أموت يا أنتي
وناس مبسوطة غاسلة وكاوية
وناس ركاني بتعزف زاوية
وناب بتغني حني يا تتي
وسيد بشبش أمير الموقف وبطل الساعة
كان مشغول مع ناس مرمر
يصلوا جماعة
ولمن تم صلاته وسلم
قام يسلم بالأحضان
قال مشتاق وكاتلو الشوق في الحبان
وزي ما قلنا قبيل عن بشبش
راجل بهجة جد فنان
جدع العمة هناك وعصايته
ولحق جزمته والقفطان
وهاك يا دانص
ودارت حلقة عجاج وغبار
ناس بتسوي ردحي جد
وناس في الردحي رقيصها هزار
وناس انبطحت وناس اندرشت
ناس انكرشت عشان تنمد
وفجأة في لحظة حصلت كبسة
زي ما تقول البيت انهد
الجو اتلغم
فال اتسمم
وصل الكومر شكله يخوف
نزل امباشى معاه الأورطة
عملت سد وجاط الموقف
سيد بشبش ضرب اللخمة
ربط الساعة مكان الجزمة
لبس الجزمة فاكرها عمة
لف العمة محل الساعة
جذب قفطانه رمى الشماعة
فكر ينط من فوق للحيطة
تلب توف جوه البلاعة
جوه الكومر بالبوليس الناس شحنوها
البتباكى والبتوجع والبتعذر والبتشفع
الضحكات باهتة
وفي نص الكومر كان متمحن سيد شبشب
ماسك سبحته
مرة يقحقح ومرة يسب
مشغول بأولاده وحاجة نفيسة
وناس المكتب
كيف القصة هناك بحكوها
وكل ما مرمر تبسم ليه
يسب للمنقة ويوم زرعوها

سيد بشبش

هباني أخوي
الجنى دا سياستو ما بعرفها
لكن وحات حمد النيل
حرارة قلبو وشجاعتو ورجالتو
تملأ العين لااااامن تدفق
أيام اترشح في الدمقراطية الأخيرة
حضرت ليهو ليلة سياسية قداااام بيت السيد الصادق المهدي
الكلام الكان بقول فيهو الزول دا أنا ظنيتو ودع أهلو وجاب معاهو كفنو حتى بدأ يقول فيهو
الجنى دخل راسو في خشم الأسد عدييييل كدا والفي قلبو قالو
يا زول انا الأغبش دا اتضايرت وعملت كشف للملعب وحددت سكة الجري

أها يا اخوي واخراج للذمة وحقة الله كدا
كلامك اعوج بالحيل
فتك بي عافية

Quote: هباني أخوي الجنى دا سياستو ما بعرفها لكن وحات حمد النيل حرارة قلبو وشجاعتو ورجالتو تملأ العين لااااامن تدفق أيام اترشح في الدمقراطية الأخيرة حضرت ليهو ليلة سياسية قداااام بيت السيد الصادق المهدي الكلام الكان بقول فيهو الزول دا أنا ظنيتو ودع أهلو وجاب معاهو كفنو حتى بدأ يقول فيهو الجنى دخل راسو في خشم الأسد عدييييل كدا والفي قلبو قالو يا زول انا الأغبش دا اتضايرت وعملت كشف للملعب وحددت سكة الجري أها يا اخوي واخراج للذمة وحقة الله كدا كلامك اعوج بالحيل فتك بي عافية

قريبي هباني أهلنا بقولو (ألمي حامي ولا لعب قعونج) - حسين خوجلي أبو عمةً عشرة أمتار أحسن تختاه.

فتك بعافيتين