عزاب و الم الخطوط السوانية فى صباح الجمعة 3/08/2007

حرام عليك يا ناقلنا الوطنى

الجمعة 3/08/2007 يوم فى يوم غريب فية السودانية لمت ركبها و ما سافرت
البداية الميزان بداء فى السادسة و النصف صباحا و الامور كانت تسير على قدم و ساق
نزلت الطائرة فى تمام العاشرة و قلنا خيراً ماشة كويس , الركاب جميع بالداخل و نحن بالخارج
مواعيد الاقلاع الساعة 11:30 صباحا توقعو متى اقلعت 1:30 صباحا يعنى ميزان + اقلاع 17 ساعة
اجرات مطار الخرطوم الى الخامسة صباحا . انقطع الوصل بينا و بين اهلينا من العاشرة صباحا الى الخامسة صباح السبت الموفق 4/8
نساء – اطفال – شيب – شباب – مرضى – وصلو الرياض للعلاج - رجعو اليوم يحكون عن ماسى الخطوط السودانية
قيمة الراكب فى الخطوط السودانية يساوى صفر – هل يعقل ان يجلس الانسان فى مكان واحد اكثر من 16 ساعة متواصلة
الشى المعروف و المتعارف عليه فندق بدل الجهجة و الفضائح فى المطار مع العلم بان المهندسين و الاسبير فى الخرطوم ,هل الفنادق كانت لا تسع ركاب السودانية ام ما عاوزين خسائر و ما مهم السمعة لنو نحن بنجيكم فى مكانكم . هل يعقل ان تقوم بعمل الصيانة و الاصلاح للطائر و كل يشاهد
ذلك حتى الركاب دخلت فيهم خوفا و موجودة بدواخلهم الى الان – حرام عليكم و قت الغداء كيكة و كمان صغير و الكيك حتى للناس المعاهم مرض السكر . و الله حرام .
موظفين السودانية المساكين بالرياض ما فى يدهم شي و لكن كان فى امكانة اتخاذ قرار دون الرجعون لى ناس الخرطوم .
فى النهاية بقول براى سويتا فى نفسى عشان قعدت احسب لى و طنيتى الطيارتو معزبانى

يا لطيف ألطف بنا فيما جرت به المقادير اللهم لك الحمد و منك الفرج و اليك المشتكى

Quote: هل يعقل ان يجلس الانسان فى مكان واحد اكثر من 16 ساعة متواصلة الشى المعروف و المتعارف عليه فندق بدل الجهجة و الفضائح فى المطار مع العلم بان المهندسين و الاسبير فى الخرطوم

سودانير الخرطوم هى المسؤولة أولا و أخيرا ..
لكن
ألم يكن فى الامكان تدبير فندق ...؟

ثم ثانيا .. مسألة الرحلات الاضافية المفترضة خلال الايام القادمة .. هل باستطاعة سودانير وفق هذه المعطيات و الشواهد القيام بها أم أن السيناريو الحالى سيتكرر !!

News: Sudan Airways issued its first E-ticket


Customers Service
Sudan Airways is very proud of all its diversified services to its customers. In addition to the normal standard services, we offer in flight sales.

Quote: We trust that our passengers would be kind enough to send us their observations, comments and complaints which would be very keenly attended to and replied for.

الكلام الفوق ده كلام سودانير .. و نشوف !!

الاخ اسعد تحياتى

فاقد الشيء لا يعطيه

الناظر

انت عمرك كله سفر

وبرضو السودانية

والله انت زول طيب خلاص

يا دكتور كيف انك
بقول كل زول فى عمرغلطة غلطة مكتوبة فى جبينو

Quote: News: Sudan Airways issued its first E-ticket Customers Service Sudan Airways is very proud of all its diversified services to its customers. In addition to the normal standard services, we offer inflight sales

أوع الكلام الفوق دة يكون مكتوب في الويب سايت بتاع "ناقلنا الوطني"، لأنه ركيك للغاية ولا يليق إطلاقاً بشركة طيران عريقة. وهو مثال آخر على التدهور الذي أصاب جميع مناحي الحياة في السودان نتيجة للصالح العام والتعيين السياسي

أولاً لا يوجد خبر في الدنيا يكتب عنوانه بصيغة الماضي Issued

of all its diversified... إنجليزي دا يا مرسي؟

الظاهر الشخص الكتب الخبر دة جابو ليه الكلام بالعربي، قام "شيخنا" اتوكل على الله وجاب ليه دكشنري هاك يا لصيق: تفخر proud و very دي زيادة من عندي
خدماتها المتنوعة diversifed services ودا كلو فوق البيعة لإنه هناك normal standard services

عزيزي الناظر: نصيحتي: الجأ للحلول الفردية وشوف ليك طيران تاني

تسلم ابوعلى

و الله همنا باقى الناس و الى متى نحن كدة؟؟؟؟؟؟؟؟؟؟؟؟؟؟؟

الأخ الناظر
تحياتي
راجع المسنجر.،

أه وأنا أشكي لمين؟؟؟

ضاعت من إجازتي خمسة ايام .

وبعد أن أكدت سفري للخرطوم من الرياض يوم 19/7/2007م وبقدرة قادر لم أتمكن من السفر إلا بتاريخ 23/7/2007م

العودة كانت مربوطة بيوم الجمعة 3/8/2007م طالت الاجازة أم قصرت وذلك لدواعي العمل .

كنت من ضمن المسافرين الذين قدموا للرياض بالأمس الجمعة 3/8/2007م ، والحق يقال وصلت مطار الخرطوم عند الرابعة صباحاً (وقلبي ماكلني) نظراً لكثرة مقالب سودانير ولكني فوجئت بأن الرحلة قائمة وموظف الكاونتر موجود والإجراءات تمت بسهولة ويسر وأستلمنا بطاقة الصعود ومن ثم مررت على الجوازات ومن ثم صالة المغادرة وبعد فترة تم الإعلان لركاب الرحلة 218 والمتوجهة للرياض التوجه للبوابة رقم 4 . وقمنا بالمرور على آخر نقطة تفتيش إيذانا للإنتظار بالصالة الأخيرة للحظات قصيرة وما هي إلا دقائق كنا بالفاحلة التي ستقلنا للطائرة ، وفعلاً أخذ كل مسافر مقعده منذ وقت كاف ، وكان إعتقادي إنني سنطير عند السابعة ولكن لاحظت وجود أكثر من طائرة مغادرة والـ RUN WAY مشغول ، المهم أقلعنا عند السابعة والدقيقة عشرون
صباحاً وكالعادة دعوت الله أن يكتب لنا السلامة ، وسارت الرحلة كالمعتاد وكان هناك شئ ما يقلقني إلا وهو صوت الطائرة الـ AIR BUS حيث لم أتعود سماع تلك الأصوات في معظم رحلاتي بالطيران وكان يخيل لي أن هناك خلل ما . ولكني تعوذت من الشيطان وتركت الأمر لله .

حينما أعلن الكابتن عن الأستعداد للهبوط لاحظت أن الطائرة تقترب تدريجيا من أرض المطار ولكني فوجئت أكثر من مرة إرتفاعها بعيدأ وكانت هناك أصوات محاولة إنزال الإطارات ، المهم كان لدي شعور بأن عملية الـ LANDING بها مشكلة لأنها أخذت وقت طويلاً .

المهم في النهاية نزلنا وحمدنا الله على السلامة ، وعند دخولنا لصالة الجحوازات لاحظت مجموعة كبيرة من المغادرين للخرطوم بصالة المغادرة ولكني لم أتخيل أنهم سيمضون 17 ساعة .

على كل ربما كان هذا التأخير ناتج عن خلل فني ، ومن الأفضل ولسلامة الجميع أن تقلع بعد إصلاح الخلل إن وجد .

لمعرفتى الشخصية بموظفى الخطوط السودانية بالرياض تحدث معهم و انا كنت اعلم جيدا بان الاخواة فى مكتب الرياض هم ليس اصحاب المسؤلية الكاملة فى هذا التاخير و انا سبق و ان ذكرت ذلك و تحدث معهم صباح اليوم ذكرو بانهم حاولو و بكل جدية ان يتم ترحيل الركاب الى الفندق و قامو بالاتصال على الفندق لارسال . بصات من الفندق لنقل الركاب , و لكن لظروف خارجة عن ارادتهم لم يجدو بصات و حاولو جاهدين مح اصحاب البصات و تاخر الوقت و اصبحت حسابات الزمن هى الفيصل .
كذلك قامو الاخوة بالرياض الاتصال بالخطوط السعودية لتامين ذلك الاسبير و اتضح بانة غير موجود قامو بالاتصال بالخرطوم . فكان موجود بالخرطوم و ارسل الاسبير مع المهندسين فوصلت الطائرة الساعة 5:30 و كان متوقع الاصلاح فى اقل من ساعة ولكن للاشياء فنية لا نعلمها نحن استمر اصلاح فترة طويلة . و بعد تشغل المكينة والتجربة كان الزمن اسرع فوصل الى 12:00 صباحا و بعدها قامو باجرات دخول الركاب .

اخي الناظر احمد ربك انو الطائرة وصلت بعد هذة المدة واوصلتكم بالسلامة
فنحن فى الامارات نعاني معانا ( لا حولة ولا قوة الا بالله )

فى العام 1987 وان افى الجامعه لدى اخ شفت يصغرنى باربع سنوات يعمل تاجرا شنطه بين الخرطوم دمشق الخرطوم وفى واحده من تجلياتو واكرامياتو على اخيه الكبير وانا لم اركب طائره
جانى يوم انا مدبرس
اسمع يا معلم تمشى سوريا اسبوع بس
لا تشترى ولا تبيع تبارى بكرى تسلمه البضاعه فى دمشق
تستلم من فى مطار دمشق
تسلمنى ليها فى الخرطوم
يعنى انت فى دمشق فرى اسبوع وعندك ميه دولار واكلك وشرابك
قلت ليهو ما كعب
قال لى جيب الجواز
قلت ليهو شنو ما فاهم
قال لى تمشى مع بكرى طياره
ما عندك شغله الا العتاله
قلت ليهو مكسب
عمل كل الاجراءات وادانى ميه دولار
مشيت المطار التلاتا
الطياره مؤجله
الاربعاء مؤجله
الخميس مؤجله
سافرت يوم الجمعه شلت الليمون الناشف والبخور سلمتهم لى بكرى فى مطار دمشق
عديت السبت الاحد
طلعت على مطار دمشق
تلاته يوم
بسسسسسسسسسسسسسسسسس
مانمت فيها الا ساعات
حمت فيها دمشق دى كراع كراع
افسدت على سودانير اول سفريه فى حياتى التى تقلصت الى تلات يوم بدلا عن اسبوع
فتره الاتفاق