البندورو بنلع ليه الظلط .. والبناباه نفتش ليه الغلط ...

الاخوة أعضاء وقراء هذا النبر ..


هذا مثل سوداني بحت ...

فمكانة الانسان عندنا هي الاهم .. ( ده البندورو .. الذي نحبه )

فمهما قال هذا الذي نحبه فنحن نجد له من الاعذار ما يقنع البشر ..

واذا قال البناباه ( الذي لا يطاق .. او الذي لا يحب .. او الما بنريدو )

مؤكد فأننا نبحث عن ما يمكن أن يقال هذا غلطا .. ونسعي في نفده ..


ترى على من ينطبق هذا المثل ؟؟؟؟.


مودتي

هل هذا المثل ينطبق على على موقف بعض الاخوة في البورد تجاه شخص معين ؟؟؟

ياخي حلوة هبة علاء الدين حيمورة ..
و ممكن أبلع ليها الزلط .
ده موقفي كبوردابي أصيل تجاه البنية البوردابية الصورتا على يمينك دي ..
دي حاجة ..

الحاجة التانية : أمثلة البليع دي كتيرة يا علاء ياخ ..
و بتدخلك في حتة ما ياها ..
: شنو كده عاجباهو يقوم يبلع شنو داك ما بعرفو ..

أها هسع بكلامي ده أنا بفتش الغلط لدكين ..
و ح يجي يغلط و يقول ليك مثل التابا و اليابا ..
كده كويس ؟؟؟

Quote: البندورو بنلع ليه الظلط

بعدين يا علاء ما بنلع ..
نبلع ياخ .. نبلللللللللللللللع .

علاء الدين حيموره .. تحياتي ..
ما وريتنا البندوره ده منو؟

والمثل يجرى في إتجاه:

عين الرضا عن كل عيب كليلة ولكن عين السوء تبدي المساويا

وهذا هو غياب الموضوعية في تقييمنا للأشياء.. وأحد
أسرار فشلنا ..

عزيزي ... علاء

كيفنك

فرضيتي ... أن نحب كل الناس إلا أن
يتثبت العكس ... وحتى عندما يحدث هذا
{العكس } ففي أرجائنا الصبر .

فكن بخير


ومودتي

أخي / محمد غبد الجليل

والله انا بدور الناس كلها الا الظلتهم ما بنبلع ..


ويل بنقول ليهم كدي ما تخلو الناس يفتشو ليك للغلط ..

تسلم

الحبيب / العمدة

تسلم يا اخي ومفرح جدا شعورك تجاه اصغر بوردابية ( هبة الله علاء الدين )

وزي ما قلت المثل ده بما انو قديم جدا لكن وفي هذا المنبر اصبح بليع الزلط كتير وفتيش الغلط اكتر ..

شكرا لتصحيح الخطأ المطبعي ..

عايزين امثلة لبليع الزلط في المنبر ..

الشيء الأنا بعرفوا يا اخوي علاء
أن آل حيمورة
ناس طيبين وأسرة كريمة
وعشرتكم تفرح
الله يحفظكم