Post: #1
Title: الجابري...وسيد الإسم
Author: نها محسن أبورأس
Date: 08-03-2007, 09:44 AM
Parent: #0
سيد الاسم
كلمات الأستاذ: كامل عبدالماجد
محبوبى وكتين يبتسم
الدنيا ياناس تنقسم
الفرحه تملاها وتزغرد فيها والشوق يرتسم
مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم
فى العيون ببنيلو دارين من موده ومن مني
بضمه فى قليبى إنبساط و محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى عيوني مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
|
Post: #2
Title: Re: الجابري...وسيد الإسم
Author: أحمد الشايقي
Date: 08-03-2007, 09:48 AM
Parent: #1
كـنـت أبحـث عنهـا
شكرا نهــا
أحمـد
|
Post: #3
Title: Re: الجابري...وسيد الإسم
Author: نها محسن أبورأس
Date: 08-03-2007, 09:57 AM
Parent: #1
ألف شكر أستاذ أحمد
وتسلم...
|
Post: #4
Title: Re: الجابري...وسيد الإسم
Author: عبدالكريم الامين احمد
Date: 08-03-2007, 10:08 AM
Parent: #3
يا سلام ياخي..يا سلام..
احلي صباح واجمل لوحة اسفيرية هي ان تعانق (سيد الاسم) وروح الرائع الجابري الذي
دوما يبث الجمال والدهشة والنغم النضيف(الجابري غناي بالجد يا اخت)..
وكامل عبدالماجد سكب وجدان جيل كامل عبر هذه الكلمات الرائعة..
..اهديها الي احمد الامين وعروسته فهو عاشق الجابري الاول في العالم
والي خليل وانور تاج السر والي البوردابي (احمد التجاني) ابن اخت كامل عبدالماجد
ولكي اخت نها علي هذا اللحن الذي يفتتني ويحولني الي (نقطة)
|
Post: #7
Title: Re: الجابري...وسيد الإسم
Author: نها محسن أبورأس
Date: 08-03-2007, 10:28 PM
Parent: #4
الأستاذ عبد الكريم
ألف مبروك للعروسين وربنا يهنيهم....
وأنا وبهديهم وكل ناس البورد وأنت شخصيا هذه الاغنية...
وتسلم علي المرور
|
Post: #5
Title: Re: الجابري...وسيد الإسم
Author: علوبه
Date: 08-03-2007, 04:27 PM
Parent: #1
عزيزتنا ... نهى
الجابرى ... سيدالاسم... كامل عبدالماجد
مثلث له زواية فى قلب كل امدرمانى وكل من يستمع للكلمة واللحن والاداء
اذكر فى احدى سهرات الاذاعة السودانية , تم استضافة شاعرنا كامل عبدالماجد
وساله احدهم ماذا استفدت من الغربة يااستاذ كامل ...هل بنيت ليك بيت ؟
فقال له الاستاذ كامل .... نحن الشعراء ديل بنبنى بس فى العيون
وتناول قصيدته سيد الاسم واستشهد بالبيت : انا فى العيون ببنيلو دارين من مودة ومن منى
لك جزيل الشكر
رحم الله المطرب الجابرى
وادام نعمة الصحة والعافية لشاعرنا كامل عبدالماجد
والله يديك الفى مرادك
تحياتى
|
Post: #8
Title: Re: الجابري...وسيد الإسم
Author: نها محسن أبورأس
Date: 08-03-2007, 10:32 PM
Parent: #5
الأخ علوبة
ألا رحم الله الفنان الرائع أحمد الجابري...
وربنا يديم الصحة للاستاذ كامل عبدالماجد ليمدنا بروائعه الخالدة...
وألف شكر علي مرورك..
ودمت
|
Post: #6
Title: Re: الجابري...وسيد الإسم
Author: omar altom
Date: 08-03-2007, 06:01 PM
Parent: #1
دكتورة نها
صباحك سعيد,ومافي اجمل من انو الزول يبدا يومو بي اغنية لحبيب بي صوت
الجابري........يآسلآآآآآآآآم يادكتورة........وياريت لو نزلتي لينا ما نسيناك.....جاي تعمل ايه
معانا بعد ما .....بدلتنا!!!!
شكرا كتير
عمر
|
Post: #9
Title: Re: الجابري...وسيد الإسم
Author: نها محسن أبورأس
Date: 08-03-2007, 10:41 PM
Parent: #6
الرائع عمر التوم
تسلم إنشاءالله وربنا يجعل أيامك كلها سعادة وفرح...
إتفضل أغنية ما نسيناك...
|
Post: #13
Title: Re: الجابري...وسيد الإسم
Author: نها محسن أبورأس
Date: 08-04-2007, 04:47 AM
Parent: #6
الرائع عمر التوم
تسلم إنشاءالله وربنا يجعل أيامك كلها سعادة وفرح...
إتفضل أغنية ما نسيناك...
|
Post: #10
Title: Re: الجابري...وسيد الإسم
Author: Deng
Date: 08-03-2007, 10:46 PM
Parent: #1
Nuha
Nice song thanks alot.
Deng
|
Post: #14
Title: Re: الجابري...وسيد الإسم
Author: نها محسن أبورأس
Date: 08-04-2007, 04:51 AM
Parent: #10
الأخ Deng
ألف شكر علي مرورك الكريم...
وتسلم إنشاءالله
|
Post: #11
Title: Re: الجابري...وسيد الإسم
Author: أحمد طراوه
Date: 08-04-2007, 00:28 AM
Parent: #1
... يا علي .. دارين من مودة و من منى !! وجوه العيون كمان !! يا سلام علي الخيال الشعرى !
... محمود درويش تناول راشد حسين كموضوع شعري وقال عنو في الخيال الشعري : طويل كنشيد ساحلى و حزين !
و شاعرك يا نها , قسم الدنيا . . و جاب نجوم تضحك .. و قمر بغنى حتى الصباح ! و السبب الحب اللى فتحوا ليهو ناس مرتضى ود حامد بوست كامل ..
في غنا الجابري بنشوف عبد الرحمن الريح ! بصماتو و جملو اللحنية .. كتر خيرك .. ودام عليك الهنا و السرور
|
Post: #12
Title: Re: الجابري...وسيد الإسم
Author: Emad Abdulla
Date: 08-04-2007, 02:32 AM
Parent: #11
| Quote: اهديها الي احمد الامين وعروسته فهو عاشق الجابري الاول في العالم |
كضباً كاضب يا كيكي ..
أنا أول عاشقي الجابري ..
و نهى أصابتني في مقتل الله يشهد ..
شكرا على القتل الرحيم يا نهى ياخ .
ينصر دينك ..
ريحتينا الله يريحك بركة جاه النبي .
و ما دامك قادرة يا نهى ..
ختي لينا هنا ( الزهور بسمت لينا ) ..
و يا ريت بتسجيلها القديم زي ما الله خلقو .
|
Post: #16
Title: Re: الجابري...وسيد الإسم
Author: الخير محمد عوض
Date: 08-04-2007, 05:24 AM
Parent: #12
يا نها قال لي احد الصحاب بانه يحدد الذوق العام للناس بسؤاله
لهم عن مدى حبهم للجابري . وقال لي انه يذيد عن الجابري في حبه لنفسه
وفنه....ذاك الصاحب تمنيته هنا الان لنمد سويا اقداح من جماله لا
تشبع وكؤسا من فنه لا تنضب نوزعها انخاب ود وجمال في خيطك الذي افردتيه
لكبير فينا اسمه احمد الجابري.
وسلم الجمال
|
Post: #18
Title: Re: الجابري...وسيد الإسم
Author: نها محسن أبورأس
Date: 08-04-2007, 06:43 AM
Parent: #16
تسلم إنشاءالله أستاذ الخير وربنا يجعل حيتك كلها جمال وفرح...
ودمت...
|
Post: #17
Title: Re: الجابري...وسيد الإسم
Author: نها محسن أبورأس
Date: 08-04-2007, 06:20 AM
Parent: #12
الأخ عماد عبدالله
والله حافتش ليك الأغنية بس أنا خايفة إنها تصيبك في مقتل قبل ما تستمتع بيها.....
ألف شكر وربنا يديك العافية...
|
Post: #22
Title: Re: الجابري...وسيد الإسم
Author: عبدالكريم الامين احمد
Date: 08-04-2007, 10:43 AM
Parent: #12
هلا يا عمدة وفي حضرة الجابري ستعبث بنا الاشواق
وح نشوف ليك خانة في الصف الاول..فالجابري واحة فنية تسع
كل الاذواق الراقية مثل اذن عمدة..
وهاك شوف المجانين ديل دورا ليهو بوست مشي الارشيف وما لحقتوا لاني كنت في الاجازة
واهملوه هم فتمت ارشفته..
الجابري غناي رغم قلة ادب بعض السودانيين
وللدكتورة كل التحية والتقدير
|
Post: #26
Title: Re: الجابري...وسيد الإسم
Author: نها محسن أبورأس
Date: 08-05-2007, 08:21 AM
Parent: #22
الأستاذ عبد الكريم
ألف شكر علي الرابط والله فعلا كان حاجة جميلة وياريت لوكانوا كملوا فيه عشان نطرب بالروائع...
|
Post: #15
Title: Re: الجابري...وسيد الإسم
Author: نها محسن أبورأس
Date: 08-04-2007, 05:12 AM
Parent: #11
الأستاذ أحمد طراوة
نورت البوست وألف شكر علي المعلومات القيمة وياريت لو واصلت لينا في سردها لأنك علي حسب علمي ماشاءالله عليك علي دراية تامة بالشعراء السودانيين وخصوصا فيما يختص بالأغنية السودانية...
فياريت لو مديتنا بالمزيد من النعلومات...
وألف شكر علي التعليق وربنا يديك العافية...
|
Post: #25
Title: Re: الجابري...وسيد الإسم
Author: علوبه
Date: 08-04-2007, 03:45 PM
Parent: #11
تعرف يااخى د.احمد طراوة
حى العرب دى فيها سر عميق
كورة وسياسة وفن وطرب
كلمنا شوية عن اللحن والاداء المتفرد للجابرى ؟
بعدين فى سؤال علاقة الحنية العند الجابرى واختياره للكلمات ؟
|
Post: #19
Title: Re: الجابري...وسيد الإسم
Author: سيف الدين مصطفى كرار
Date: 08-04-2007, 07:41 AM
Parent: #1
ياسسسسسسسسسسسسسسسسسسسسسسسسسسسسسسسسسسسسسسسسسسلام ؟!!...
|
Post: #20
Title: Re: الجابري...وسيد الإسم
Author: نها محسن أبورأس
Date: 08-04-2007, 07:59 AM
Parent: #19
الأخ سيف الدين
مشكور علي المرور
|
Post: #21
Title: Re: الجابري...وسيد الإسم
Author: b_bakkar
Date: 08-04-2007, 10:02 AM
Parent: #20
سلام نها
سلام عماد
وبقية الإخوة المتداخلين، أحباء الجابري، تحية وسلاما
عندما يتطرق الناس في هذا المنبر للموسيقي والغناء كثيرا ماتراودني نفسي بالدخول والمشاركة، ولكني عندما أتذكر تأجيلي الدائم للمشاركة، بالفعل والقول، في الهموم الاخرى الكبرى التي تتعلق بحياة الإنسان وموته، الساعة والآن، في السودان، استحي من نفسي ومن الناس.. فأحجم عن المشاركة.
لكن في هذه المرة تغلبت على ذلك الخجل، والحمد لله.
وذلك لأن شأن الموسيقى والغناء، في هذه المرحلة أيضا، أصبح شأنا ذا خطر عظيم، يتعلق بمعرفة هويتنا نفسها والاحتفاظ بها، وخاصة بالنسبة للأجيال الجديدة.
أشعر أحيانا بانزعاج حقيقي من الاتجاهات الساعية الآن إلى "تعريب" أو "عولمة" موسيقانا الأصلية، الخماسية، بهجرها، وتحويلها إلى السلم السباعي. مع أن الموسيقي الغربية الحديثة نفسها، من بوب، وروك، وجاز، و"هلم جرا" نبتت جذورها على أديم الموسيقى والإيقاعات الأفريقية الآتية من الطرف الأقصى الغربي للسهل الأفريقي العظيم. لا اعتراض لي على استخدام السلم السباعي الموجود أصلا في عدد من أقاليم السودان المترامي الأطراف، والمركوز بالفطرة في ذائقة كثير من السودانيين إلى جانب الخماسي، نظرا للتمازج البشري المتعدد العناصر الذي نشأ عنه بلدنا المسمى بالسودان..
وهنا أود أن أشير، عرضا، إلى ظاهرة جغرافية ألاحظها - إن كانت ملاحظتي صحيحة- هي أن السلم الخماسي ينتشر بين خطوط عرض معينة متقاربة، تمتد من ساحل غرب أفريقيا: موريتانيا، والسنغال، ومالي، والنيجر، وشمال نيجريا وتشاد، فالسودان،والقرن الأفريقي، ثم يقفز إلى الهند، والصين، وحتى اليابان (للموسيقى السودانية، وخاصة فنان السودان الأول وردي، رواج واسع في هذا الشريط الجغرافي الطويل، ولاسيما في الجزء الأفريقي وفي اليابان).
كان في ذهني أن أكتب موضوعا في شكل سؤال موجه إلى الصديق العزيز، د الموصلي، بهذه الصيغة: "يا موصلي وأهل الفن: هل موسيقانا الخماسية ليس لها نصيب في العالمية؟"
نعود إلى الجابري، موضوع هذا البوست.
إن أجمل الأصوات السودانية عندي، على الإطلاق، هي صوت الجابري وخوجلي عثمان،ثم أبو داود وعائشة الفلاتية، زادهم الله رحمة وجعلهم من مطربي أهل الخلود.
ومما عزز عندي،والحمد الله، سلامة ذوقي وعدم نشوزي في هذا الشأن، أني أتذكر أن أستاذا كبيرا من أساتذة الموسيقى بمعهد الكونسرتفوار المعروف بمصر جاء زائرا إلى السودان في السبعينات تقريبا، قد أبدى، في مقابلة أجرتها معه إحدى الصحف السودانية، إعجابه بالغناء السوداني وتقديره له، وخص بالذكر الجابري وخوجلي بوصفهما من أجمل الأصوات التي سمعها.
ودون إدعاء أي معرفة بعلم الأصوات والموسيقى أن أعتقد أن صوتي الجابري وخوجلي، بالإضافة إلى أنهما يتميزان بجمال فريد وخاصية فريدة للتطريب، يستطيعان الانتقال بسهولة وارتياح من أدنى المقامات في درجات القرار إلى أعلاها ، في جواب الجواب (إذا لم أنس ما علمنا إياه الصول إسماعيل أستاذ الموسيقى في وادي سيدنا القديمة. ظل يدرسنا النوتة ويمنعنا من الآلات طوال السنة تقريبا، وذلك حتى يخفض العدد الكبير الذي سجل في جمعية الموسيقى، وفعلا نجح في تخفيض العدد، وأنا كنت من ضمن ذلك العدد بعد أن صمدت كثيرا، ثم سئمت وانسحبت
للأسف لم يظهر التسجيل عندي هنا لسبب فني، ولكني في سنة 2003 كنت أعمل في العراق، وخرجت منها قبل الحرب بثلاثة أيام. وفي بغداد وجدت محلا متخصصا في بيع أشرطة الغناء السوداني، فجمعت كل ما وقعت عليه عيني، وخصوصا من الجابري وخوجلي. ووجدت تسجيلات نادرة لعدد من الفنانين السودانيين. أعتقد أن ذلك كان فيما يسمى بالباب الشرقي في مدينة بغداد، الذي يسكن فيه السودانيون بكثافة آنذاك.
شكرا نها
ولنا عودة
|
Post: #27
Title: Re: الجابري...وسيد الإسم
Author: نها محسن أبورأس
Date: 08-05-2007, 08:47 AM
b_bakkar
ياسلام عليك والله إنت أصبت كبد الحقيقة وهي محاولة عولمة موسيقانا الرائعة المتفردة...والمفروض إنو أي سوداني أصيل يجب إنو يغير علي تراثو من الإندثار...لكن الملاحظ إنو موسيقانا غير مفهومة للعالم ما لم يتم تغيرها(عولمتها)..وأنا من رأيي إني موسيقتنا عاجبانا وما حنغيرها ولو عايزين يفهموها كده أهلا وسهلا وإلا عنهم ما فهموها...واللا شنو؟
وفعلا الفنان الجابري صاحب صوت مميز وطريقة متفردة في الغناء وهذا ينطبق علي كل الفنانين في السودان وهو أن لكل منهم لون غنائي يتميز به عن الاخرين وهذا ما يجعلنا نتذوق متعة الإستماع لكل واحد منهم علي حدا...
ألف شكر وربنا يديك العافية..
|
Post: #31
Title: Re: الجابري...وسيد الإسم
Author: welyab
Date: 08-05-2007, 09:19 AM
Parent: #20
نهى ..او نها وعندي بعدين كلام في دي !!
لك التحية وانت ترحلين بنا جميعا الى مرافىء بعيدة
تخريمة
واحد من عندنا وقف يصلي وراء امام .. والظاهر صاحبنا عارف انو الامام ما حافظ كويس..
اول ما الامام بدأ يقراء سورة قل يا ايها الكافرون .. قام قاليه داخل بينا في( الكشك ) دا ليه... خليك في قل هو الله احد ..
وانا عندي عقدة من كتابة الاسماء
المدام بتكتب اسم اختها نورا.. وانا مصر ان اسمها نوره .. بس دي يمكن فيها اختلاف ثقافات!!!
|
Post: #33
Title: Re: الجابري...وسيد الإسم
Author: نها محسن أبورأس
Date: 08-05-2007, 09:49 PM
Parent: #31
أخي الولياب
ألف شكر علي المرور وعلي النكتة الجميلة......
والحقيقة أنا نهي وليس نها لكن دي غلطة مطبعية من الإدارة لمن إستلمت الuser name ورسلت ليهم عشان يتصحح ولسه منتظرة...
|
Post: #23
Title: Re: الجابري...وسيد الإسم
Author: محمد غلامابي
Date: 08-04-2007, 12:09 PM
Parent: #1
قالتهت الخواجية
بمكاتب صحيفة السوداني
( أنا بعشق غناء الجابري)..
قالتا بالعربي طبعاً
فهي خواجية من بلجيكيا
ومتخصصة في اللغة العربية
،،،،،،
وقالت برضو
( الجابري ليهو طريقة في الغناء متفردة)
بس شوفي جنس كلام كامل دا؟؟
القصة قصة..
|
Post: #28
Title: Re: الجابري...وسيد الإسم
Author: نها محسن أبورأس
Date: 08-05-2007, 08:52 AM
Parent: #23
الأستاذ محمد غلامابي
صدقت والله ...
ألف شكر
|
Post: #24
Title: Re: الجابري...وسيد الإسم
Author: محمد عثمان
Date: 08-04-2007, 03:27 PM
Parent: #1
الدنيا ياناس تنقسم
الفرحه تملاها وتزغرد فيها والشوق يرتسم
شكرا نهاا..
اغنية جميلة معتقة
بالاياام الحلوة للزمن الجميل..
يديك العاافية...
|
Post: #29
Title: Re: الجابري...وسيد الإسم
Author: نها محسن أبورأس
Date: 08-05-2007, 08:56 AM
Parent: #24
الأستاذ محمد عثمان
شرفت البوست وربنا يديك العافية...
|
Post: #30
Title: Re: الجابري...وسيد الإسم
Author: نها محسن أبورأس
Date: 08-05-2007, 08:59 AM
Parent: #24
الأستاذ محمد عثمان
شرفت البوست وربنا يديك العافية...
|
Post: #32
Title: Re: الجابري...وسيد الإسم
Author: Alsa7afa_30
Date: 08-05-2007, 10:42 AM
Parent: #30
يا سلام ..
ده يوم جميل بدايتو "سيد الإسم" ..
شكرا أخت نهى و في انتظار منك المزيد ..
|
Post: #34
Title: Re: الجابري...وسيد الإسم
Author: نها محسن أبورأس
Date: 08-05-2007, 09:50 PM
Parent: #32
Alsa7afa_30
ألف شكر وربنا يديك العافية...
|
|