ياجماعة جاتني رسالة بمليون دولار

Award Notice!!!Ref No(99666432),Ticket number 88563,serial

ووضعو رقم هاتف
اسم شخص
للاتصال
مبلغ مليون دولار حته واحدة كدة
كسرة
سعر الفتوي 10 دولار

عووووووووووك

الاخ السمؤال

تحذير من السلطات بامارة دبي عن هذه الشبكة التى تمارس الاحتيال عن

طريق الانترنت

سوف يقال لك ترسل مبلغ 20.000 الف دولار فى حساب احد الاشخاص


لكى يقول بارسال الشيك لك ومن هذه الامور .

نصيحتى لاتجب على اى رسالة من هذا النوع

ود جحر

سمؤال عندي واحد صاحباًلي جاتوا متل رسالتك دي وامشي وتعال وأدفع رسوم تحويل وما ادراك ما
غايتو هسع عووووووووووووك بتاعتك دي ما قادر يقولها

Quote: ووضعو رقم هاتف اسم شخص للاتصال مبلغ مليون دولار حته واحدة كدة

الشقيق السمؤل تحياتي
اكتب بحث ل scamers 419 علي محرك قوقل
وبعداك بتعرف انها دي ماسوره
مودتي

العايد
احمد
عبد العظيم
شكرا كتير
عليكم الامان الزول ليهو يومين شابكي كول مي كولي
شحد الله ورجيتو يكلل عامو
لكن يا احمد ما مبالغة عوووووك زاتا قلبتو
تسلموا

Quote: عليكم الامان الزول ليهو يومين شابكي كول مي كولي شحد الله ورجيتو يكلل عامو

تعرف يا سمؤل الموضوع دا احتيال
نفس الرساله دي جاتني ميه مره
انا اوريك هم حيطلبوا منك شنو؟
اول حاجه بيبعثوا ليك تهنئه فوز وبقولوا ليك
رسل لينا بياناتك الشخصيه
وبعداك يقوموا يرسلوا ليك شهاده فوز(certificate of winning)
ويكتبوا فيها بياناتك الرسلتها ....
وبعداك بطلبوا منك بيانات الحساب البنكي...
ويقولوا ليك القروش في امريكا وبالدولار لازم تدفع رسوم التحويل
( وطبعا بتكون الرساله نفسها وبنفس الارقام اترسلت لمليون واحد)
الخطوره هي استخدام اوراقك الثبوتيه في اماكن مختلفه
قروض وتوكيلات مزوره.....
دي واحده من اساليب ال scamers
مودتي

يا سمؤال إزيك
الناس ديل المرة الجاية قول ليهم أنا وكلت و احد اسمو غباشي و حيجي يستلمها منكم بالباب عديييل
و حاتك كان ما قالو ليك إحنا بطلنا الشغلة دي ....
أصلو مرة دقسوا و رسلو لي ....
في الأول عملت عبيط و رسلت ليهم إيميل سألتهم انو هل المفروض اسلمهم كعب الـ Ticket لأني محتفظ بيها
قام مديرهم رد لي و قال لي ما ضروري لأنو التزاكر دي كلها ارقامها مسجلة في Database
المهم يا سيدي قالو لي الشيك حيجيك و الشركة بتاعت الـ Delivery المفروض يتحول ليها مبلغ معين
قمت تاني عملت عبيط و قلت ليهم خلاص أخصموا حق شركة الـ Delivery من الجائزة و رسلوا لي الباقي
تاني مديرهم رد لي و قال الجائزة خاصة بيك انت و مافي زول بيقدر يهبشا غيرك و أحسن تسرع و تحول
القروش عشان ما يتحسب عليهم تأخير
قمت المرة الأخيرة تخنت جلدي و قلت ليهو أنا بجيكم بالدرب
عمك كضم ليهو زي اسبوع ... و بعد داك رسل لي إيميل و قال لي اني خسرت قروش كتيرة لأني إتجلدنت عليهم
السلام عليكم

عبد العظيم
الله ينور عليك
الخلاني سألت انو الرسالة ما فيها الايميل بتاعي عشان
كدة اكيد في مر بالحاجة
تسلم مع خالص شكري

غباشي
تس
Attn :Samoal Hassan.

Print and fill the attached winning claim application form and send it back to this office by e-mail attachment or by fax to enable us process,notarize and legalize your winning claim form.

Please be aware that all non-resident of the Netherlands is required to pay the notarization and legalization fees being for the processing,notarization,legalization and endorsement charges and also for the obtaining of the winning certificate from the high court of justice here in the Netherlands.

A copy of the winning certificate will be sent across to you and a copy to the paying out bank that will contact you for your winning prize payment into your nominated account.

Hope I have informed you correctly.

Best Regards,
Mrs.Winnie Faith.
Secretary.




لم
لكن شوف المحنةدي
رسالة تاني
دايرين مترجم شاطر

تعرف يا سمؤال انا أول ماتجيني رسالة زي دي طوالي بجريعلي الرقم(ملايين؟!) طوالي واحد ديليت فوري
مرة واحدة رسلت رسالة طويلة عريضة (دلّتها) بعد يومينواحدة تانية غير الواحدة الأولي رسلت لي قالت لي هناية قالت ليك عملت ليها شنوا في الموضوع ؟!تصدق ؟!!!
برضوا دلّتها لحقتها أُختها
مرات يا سمؤال يجيك واحد يقول أخونا في اليهودية !!!!
تتخيل , أنا سليل الفراديس أخو سلايل المافراديس في شنو ؟!!! في اليهودية !!!
والله النت فيهو عجايب