Post: #1
Title: ليلة السمر الصيفية القادمة (دسمة بالفطاحلة)
Author: عادل التجانى
Date: 08-02-2007, 04:45 PM
إزيكم يا جماعة
الجمعة 10 أغسطس 2007م بمركز اصدقاء البيئة تقام ليلة سمر صيفية (النسخة الثالثة) ويشارك فيها نجوم فطاحلة وهم :
- البروفيسور / طه العطا الفنان التشكيلي الكبير بجوانبه العديدة (شعر تلحين وفن تشكيلي)
- سعادة / أحمد التني السفير الاسبق في تجربته كدبلوماسي
- الصحفي الكبير / جعفر عباس (أبو الجعافر) وقله الساخر الواقعي .
قام بتنسيق هذه الفقرات أ . عواطف حسين عضو اللجنة المنظمة
وفقرات أخرى نذكرها تباعاً ونتوقع مشاركات من السيدات والآنسات .
كل واحد يجيب قفته ويملاها ويرجع بيها للبيت
عادل التجاني
ملحوظة : ما تقولوا لي شتتنا فهنالك العديد من البوستات (بوست خاص بجلسة سمع للفنان ياسر مبيوع) وهذا ينظم ضمن منتدى الحروف يعني ما عندو علاقة بي ليالي السمر .
وهنالك بوست آخر في الاعداد (أمسية سمر للأطفال)
يلا يا جماعة كل واحد يسجل في الأجندة خاصته هذه الفعاليات . وصيفكم حلو.
|
Post: #2
Title: Re: ليلة السمر الصيفية القادمة (دسمة بالفطاحلة)
Author: أبو ساندرا
Date: 08-02-2007, 05:29 PM
Parent: #1
صيفنا حااااااااار
وفي الصيف ضيعنا اللبن
صيف العبور
غايتو أبرع لفتة هي :
- سعادة السفير أحمد التني ،، ده ملك الجكي ومخزن ذكريات لو عرفتو كيف تحاوروه
- الفنان دكتور طه العطا .. ده زول مليان فهم وفن { ف.ف } وبرضو صاحب حكايات
قعدو معاهو عماد عبدالله حايطلع ليكم منو العجب
|
Post: #3
Title: Re: ليلة السمر الصيفية القادمة (دسمة بالفطاحلة)
Author: عادل التجانى
Date: 08-02-2007, 07:18 PM
Parent: #2
أبو ساندرا
الليلة قلت كلام مكرب وصحيح خصوصاً فيما يتعلق بالبروف / طه العطا وعماد عبد الله ديل بعرفوا أدواتهم جيداً ونأمل أن يتفضل أ . عماد عبدالله بمحاورته .
أما سعادة التني وأ . جعفر عباس أنا أفتكر إنو نخليهم في المسرح يديروا أنفسهم .
شكراً أبو ساندرا
عادل التجاني
|
Post: #4
Title: Re: ليلة السمر الصيفية القادمة (دسمة بالفطاحلة)
Author: عادل التجانى
Date: 08-02-2007, 07:33 PM
Parent: #3
قولوا لي ياشباب
وين أ . لقمان همام - أ . الزبير نايل - أ . عمر عبد الكريم - أ . طارق المادح - أ . وجدان - أ . تماضر - حرام عليهم فكونا عكس الهواء شوفوهم وين وحركوهم .
نحن ما ممكن نقدم الحفل ونغني ونرتب ونفيق (ألفه) ونوزع العصير ونحاحي الشفع البجو بالغلط مع أمهاتهم عشان مافي ناس بمسكوهم في البيت ( طيب على الأقل أحضنوهم وما تخلوهم يزعجوا الضيوف بالصريخ والجري والرحيح ) .
من ناحيتي قمت بالاتصال بالأستاذ / لقمان أكثر من مره / الراجل لابد في الاستوديوهات والله البرد دا (بكتلك) ويجي يوم نقول فيهو إحذروا البرد فإنه قتل أخاكم همام .
الجمعة الجاية لازم يكون فيها مذيع
عادل التجاني
|
|