Post: #1 Title: أمطار الان في الخرطوم توجد صور Author: محمد صباحى Date: 08-01-2007, 08:51 AM Parent: #0
أمطار غزيرة الان في الخرطوم
Post: #2 Title: Re: أمطار الان في الخرطوم توجد صور Author: حليمة محمد عبد الرحمن Date: 08-01-2007, 08:55 AM Parent: #1
صباحي صباح الخير يا اخوانا ركزوا لينا الكلام.. الامطار دي في الخرطوم الولاية كلها ولا في الخرطوم بس.. كان في الولاية كلها (الضحك شرطنا).. الله يجيب العواقب سليمة
Post: #61 Title: Re: أمطار الان في الخرطوم توجد صور Author: ALGARADABI Date: 08-01-2007, 03:52 PM Parent: #2
Quote: كان في الولاية كلها (الضحك شرطنا)..
حليمة شكلكم ما زبلتو البيت
Post: #69 Title: Re: أمطار الان في الخرطوم توجد صور Author: omar altom Date: 08-02-2007, 09:31 AM Parent: #2
حليمة صباح الخير
يعني انت ما من الخرتوم مخل الرئيس بنوم والطيارة بتقوم؟؟؟!!!!
والله الخرطوم الليلة قالوا الا يكوسوها بي قناية........!!!!!
stay dry
عمر
Post: #3 Title: Re: أمطار الان في الخرطوم توجد صور Author: محمد صباحى Date: 08-01-2007, 08:57 AM Parent: #1
Post: #4 Title: Re: أمطار الان في الخرطوم توجد صور Author: محمد صباحى Date: 08-01-2007, 09:01 AM Parent: #3
الامطار في الخرطوم والخرطوم بحري أمدرمان حتي الان
Post: #5 Title: Re: أمطار الان في الخرطوم توجد صور Author: محمد صباحى Date: 08-01-2007, 09:02 AM Parent: #4
Post: #6 Title: Re: أمطار الان في الخرطوم توجد صور Author: انور الطيب Date: 08-01-2007, 09:06 AM Parent: #5
يامحمد كيفك يبشرك الله والله رغم إن المطرة بتجهجه الخرطوم دي جهجهة شديدة لكن فرحانين بيها كلنا ، والله يستر على الجميع ....
Post: #7 Title: Re: أمطار الان في الخرطوم توجد صور Author: الطيب شيقوق Date: 08-01-2007, 09:08 AM Parent: #4
اخي الحبيب محمد صباحي
كتر خيرك ووالله بوستيك اجمل بوست واكثرها افادة لنا . انا من الذين يتابعون اخبار الامطار من الصباح في اذاعة امدرمان وحتى النشرة الجوية في المساء .
بس اعلامنا ضعيف جدا في هذا الجانب لانو عندو مدن معروفة غيرها بما بيدوك مقياس امطار .
اقترح لو امكن ولو عن طريق الرسائل القصيرة الحصول عن موقف الامطار خارج العاصمة من خلال اصدقاء لك في الاقاليم وانزال الخبر هنا ليتسنى لنا معرفة الاخبار .
لك منى التحية والاجلال .
Post: #8 Title: Re: أمطار الان في الخرطوم توجد صور Author: محمد صباحى Date: 08-01-2007, 09:14 AM Parent: #7
Post: #9 Title: Re: أمطار الان في الخرطوم توجد صور Author: محمد صباحى Date: 08-01-2007, 09:17 AM Parent: #7
الاخ الحبيب أنور الجو جو فوال
Post: #10 Title: Re: أمطار الان في الخرطوم توجد صور Author: انور الطيب Date: 08-01-2007, 09:29 AM Parent: #9
Quote: الاخ الحبيب أنور الجو جو فول
للعندهم فول
Post: #11 Title: Re: أمطار الان في الخرطوم توجد صور Author: محمد صباحى Date: 08-01-2007, 09:34 AM Parent: #9
Post: #13 Title: Re: أمطار الان في الخرطوم توجد صور Author: Nada Jamma Date: 08-01-2007, 09:40 AM Parent: #11
طبعا الجو في السودان في اجمل حالته لو ختينا الطين و الحفر . ياريت يا محمد لو تخت صورة للشجر لانه شكله جميل جدا في الجو دا
Post: #12 Title: Re: أمطار الان في الخرطوم توجد صور Author: ebrahim_ali Date: 08-01-2007, 09:36 AM Parent: #9
الحبيب محمد صباحي تحياتي لكم برائحة الدعاش المتنسيم الآن انتم شذاه لكم التحيات من هنا من حيث درجة الحرارة تفوق الخمسين ونسبة الرطوبة تجعلك تستحم وانت في الشارع جعلها الله امطار خير وبركة
قلت الجو جو فول يازول انت دقة قديمة فول زمنو ولي دا جو حاجات تانية ويظهر لسع ما دخلتها ربنا يحضرنا خريف صباحي ذي خريفكم دا عشان نقول جو شنو؟
Post: #14 Title: Re: أمطار الان في الخرطوم توجد صور Author: محمد الكاب Date: 08-01-2007, 09:55 AM Parent: #12
Post: #15 Title: Re: أمطار الان في الخرطوم توجد صور Author: محمد صباحى Date: 08-01-2007, 10:04 AM Parent: #14
توقفت الامطار في الخرطوم
نمشي شارع النيل الان
Post: #16 Title: Re: أمطار الان في الخرطوم توجد صور Author: محمد صباحى Date: 08-01-2007, 10:13 AM Parent: #15
الان أنا في شارع النيل الجو جميل وجكس كتير
Post: #17 Title: Re: أمطار الان في الخرطوم توجد صور Author: محمد صباحى Date: 08-01-2007, 10:15 AM Parent: #16
Post: #23 Title: Re: أمطار الان في الخرطوم توجد صور Author: anas hassan Date: 08-01-2007, 10:35 AM Parent: #15
رسلو لينا انشاء الله جردل
انس
Post: #18 Title: Re: أمطار الان في الخرطوم توجد صور Author: abdulgafar mohd saeed Date: 08-01-2007, 10:17 AM Parent: #1
محمد صباحي عملت فيني عمايل عجيبة انا اليوم من الصباح جاياني حالة هوم سيك فظيعة و صورك دي بكتني و بختكم يا حلوين و الله يدينا الفي مرادنا و نرجع بتبلبل بموية المطرة و وااااااااااااااااااااااااااااااااااااااااااااي
Post: #20 Title: Re: أمطار الان في الخرطوم توجد صور Author: محمد صباحى Date: 08-01-2007, 10:26 AM Parent: #18
السوق العربي
Post: #19 Title: Re: أمطار الان في الخرطوم توجد صور Author: ابو عثمان Date: 08-01-2007, 10:22 AM Parent: #1
بختكم يا ناس جوه
دبرست بينا يا محمد صباحي
Post: #22 Title: Re: أمطار الان في الخرطوم توجد صور Author: Emad Abdulla Date: 08-01-2007, 10:34 AM Parent: #19
آآآآآآآآآآآآآآآآآآآآآآآآآآآآآآآآآآآآآخ ياخي ... ما عافي ليك .. ما عافي ليك .. ما عافي ليك ..
Post: #21 Title: Re: أمطار الان في الخرطوم توجد صور Author: قرشـــو Date: 08-01-2007, 10:30 AM Parent: #1
محمد صباحى
فى ذمتك دى هسع غزيرة ؟؟؟؟؟؟؟؟؟
امال التحت دى تكون شنو يعنى ؟؟؟؟؟
Post: #24 Title: Re: أمطار الان في الخرطوم توجد صور Author: محمد صباحى Date: 08-01-2007, 10:40 AM Parent: #21
توقفت الحركة في الخرطوم
Post: #25 Title: Re: أمطار الان في الخرطوم توجد صور Author: Emad Abdulla Date: 08-01-2007, 10:53 AM Parent: #24
الريحة كيف ؟؟؟ الهوا الشبعان موية .. و ريحة الواطـة المبلولة .. شاميها ؟؟
خت لينا ريحتها هنا .. ... ( إذا ذبحت .. فأحسن الذبح ) . وللا ما تغلغلنا ساكت يا محمد ياخي . ناقصين نحنا !!!؟
Post: #26 Title: Re: أمطار الان في الخرطوم توجد صور Author: محمد صباحى Date: 08-01-2007, 10:54 AM Parent: #24
Post: #27 Title: Re: أمطار الان في الخرطوم توجد صور Author: Ahmed Yousif Abu Harira Date: 08-01-2007, 10:57 AM Parent: #26
والله جو ....
Post: #28 Title: Re: أمطار الان في الخرطوم توجد صور Author: Ahmed Yousif Abu Harira Date: 08-01-2007, 10:58 AM Parent: #27
شكرا صباحي..
وبختكم..
Post: #29 Title: Re: أمطار الان في الخرطوم توجد صور Author: محمد صباحى Date: 08-01-2007, 11:33 AM Parent: #28
الخرطوم الجميله اليوم خضرا ياسلام علي جمال الخطوم الان
Post: #30 Title: Re: أمطار الان في الخرطوم توجد صور Author: nazar hussien Date: 08-01-2007, 12:32 PM Parent: #29
أنا قايل دي ياها طريقة البناء الثري دي بانيل زاتا؟
والله كان تكون ياها...
Post: #31 Title: سلام من الهند Author: Mohammed Khalid Date: 08-01-2007, 12:36 PM Parent: #1
يا ابو حميد كيف الحال والله يا مان انت لو جيت البلد ده ح تعمل شنو طيب هنا المطر ما بقيف ولا ثانيه يعنى الشى ده لو جا السودان والله الناس كلها تموت
تحياتى mohd gaffar pune india
Post: #32 Title: Re: أمطار الان في الخرطوم توجد صور Author: DKEEN Date: 08-01-2007, 01:11 PM Parent: #1
محمد
امانة صور اكبر كمية من صور المباني الفي الخرطوم ونزلها..
الخرطوم تتبدل .. عايزين نعمل كابشر لي اخر الموجودات .. مع معزتي
Post: #34 Title: Re: أمطار الان في الخرطوم توجد صور Author: اميرة الحبر ادريس Date: 08-01-2007, 01:30 PM Parent: #32
محمد.. سلامات اخباركم شنو ..شفت الخرطوم جميلة كيف الليلة.. منتظرين الصورشارع النيل ..وحاسدنك عديل ونحن غرقانين في مهنة النكد دي .. سلم علي بكري .. اميرة
Post: #35 Title: Re: أمطار الان في الخرطوم توجد صور Author: DKEEN Date: 08-01-2007, 01:38 PM Parent: #34
اميرة الحبر
Quote: شفت الخرطوم جميلة كيف الليلة
والله مافي جميل هنا إلا طلتك..
Post: #55 Title: Re: أمطار الان في الخرطوم توجد صور Author: اميرة الحبر ادريس Date: 08-01-2007, 03:03 PM Parent: #35
Post: #39 Title: Re: أمطار الان في الخرطوم توجد صور Author: Tabaldina Date: 08-01-2007, 01:57 PM Parent: #33
.. . حتى انت يا بروتوس !! مالها الخرطوم ياكمال يا اخوى .. قول عربات جديدة ونظيفة وخرطوم رائعة ما بتساهل يحكموها الما عايزين يخدموها ولا ينظموها ويعملو ليها تصريف ..
لكن ما دام عاجباكم بلاد الاخرين ان شاء الله يا الله تانى ما تجونا وما تمنحوا حق لقاء الاحباب ووروعة النظر للنيل وملتقيات الجمال ..
ياخى الخرطوم ما بعرف روعتها الا قلة .. ويبدو انك لست منهم ..
_________________
عالم مفترية .. التقول مولودين فى مونت كارلو
Post: #41 Title: Re: أمطار الان في الخرطوم توجد صور Author: السمؤال بدرالدين Date: 08-01-2007, 01:59 PM Parent: #1
الان زادت بصورة رهيبة الله يكضب الشينة يا دي حبسة في المكتب ومواعيد الغداء جات وانا جعان بلحيل
Post: #43 Title: Re: أمطار الان في الخرطوم توجد صور Author: محمد صباحى Date: 08-01-2007, 02:04 PM Parent: #41
دي شارع المطار جمال شوارع الخرطوم حدايق المطار
Post: #42 Title: Re: أمطار الان في الخرطوم توجد صور Author: Tabaldina Date: 08-01-2007, 02:04 PM Parent: #1
.. .
بلا يا زملاء ادفعوا انا بوقف لكل حنكوش وحنكوشة عربيتو قدام المدخل ..
____________________
اليوم .. عالم من الســيقان ..
Post: #44 Title: Re: أمطار الان في الخرطوم توجد صور Author: محمد صباحى Date: 08-01-2007, 02:13 PM Parent: #42
الحبيب السمؤال
ممكن نمشي نغداء في أمواج في شارع المطار نجي نشرب الشاي في أوزون هنا الجو مبالغة شوف كيف ............
Post: #49 Title: Re: أمطار الان في الخرطوم توجد صور Author: Mohammed Khalid Date: 08-01-2007, 02:31 PM Parent: #44
يا جوجى يا خى مبالغه الصور طبعا انا ما شوفت الحاجات ده اخير شى ماخليته فيه ده معناهو مؤشر الى الرجوع لى السودان ولا رايك شنو !!!!!!!!!!!!!!!!!!!!!!!!
Post: #45 Title: Re: أمطار الان في الخرطوم توجد صور Author: wadalzain Date: 08-01-2007, 02:15 PM Parent: #42
صور جميله ولقطات رائعه
بس انت مسؤول من الخير انت بتصور من وين من هليكوبتر ولا شنو جايب رؤوس البيوت والعمارات كمان
Post: #47 Title: Re: أمطار الان في الخرطوم توجد صور Author: محمد صباحى Date: 08-01-2007, 02:24 PM Parent: #45
الخرطوم (2)
Post: #48 Title: Re: أمطار الان في الخرطوم توجد صور Author: محمد صباحى Date: 08-01-2007, 02:29 PM Parent: #47
تاني دورت المطارة
كميه من الرعد الله يستر
الان الان ...............
Post: #50 Title: Re: أمطار الان في الخرطوم توجد صور Author: محمد صباحى Date: 08-01-2007, 02:40 PM Parent: #48
سوق الخرطوم (2)
Post: #51 Title: Re: أمطار الان في الخرطوم توجد صور Author: Nada Jamma Date: 08-01-2007, 02:43 PM Parent: #48
الله يباركك يا محمد و الله احسن حاجة عملتها الصور دي
السودان بالجد جميل و الليله مع المطر دا في قمة جماله
و كيتن على المغتربين
Post: #52 Title: Re: أمطار الان في الخرطوم توجد صور Author: محمد صباحى Date: 08-01-2007, 02:48 PM Parent: #51
تاني دورت المطارة
Post: #53 Title: Re: أمطار الان في الخرطوم توجد صور Author: ابراهيم بقال سراج Date: 08-01-2007, 02:59 PM Parent: #52
في ذمتك عليك الله دي امطار غزيرة جاي تقشر بيها
وين صور الغلابة المهمشين ؟؟ ولا بس هم ديل ناس
الخرطوم الجاتهم امطار غزيرة ؟؟
وين ناس الثورات وامبدات والحاج يوسف
ومايو وعد حسين
والله كديسة ما بتقدر تمشي في المناطق دي ناهيك عن انسان
انت جايب لينا صور لعمارات وبنايات فخمة لحرمية البلد
امطار غزيرة قال
بوستك ده كان تسميهو
(( عمارات جديدة في الخرطوم )) اي قشرة حلوة
للمرطبين ))
عليك الله هسع ديل لو السماء وقعت فوقهم بتعمل ليهم حاجة ؟؟
يأخي امشي صور البيوت الوقعت والحوش الاتشلع وكدا مش
العمارات الواقفة زي الجبال
Post: #54 Title: Re: أمطار الان في الخرطوم توجد صور Author: محمد صباحى Date: 08-01-2007, 03:01 PM Parent: #52
Post: #56 Title: Re: أمطار الان في الخرطوم توجد صور Author: محمد صباحى Date: 08-01-2007, 03:30 PM Parent: #54
توقفت الامطار الان في الخرطوم
Post: #57 Title: Re: أمطار الان في الخرطوم توجد صور Author: محمد صباحى Date: 08-01-2007, 03:37 PM Parent: #56
أميرة أزيك
Quote: محمد.. سلامات اخباركم شنو ..شفت الخرطوم جميلة كيف الليلة.. منتظرين الصورشارع النيل ..وحاسدنك عديل ونحن غرقانين في مهنة النكد دي .. سلم علي بكري .. اميرة
صور شارع النيل صور خاصة جداا
أهااااا
Post: #58 Title: Re: أمطار الان في الخرطوم توجد صور Author: محمد صباحى Date: 08-01-2007, 03:41 PM Parent: #57
أمطار غزيرة الان في بحري
Post: #60 Title: Re: أمطار الان في الخرطوم توجد صور Author: SOUBHI Date: 08-01-2007, 03:50 PM Parent: #1
صبـــــــأحي,
والله بحسدك يا أخوي بس ما الحسد البفلق الحجر.
و خدمة صباحي الإخبارية للأرصاد الجوية إنشاء الله ما تقيف يا رب.
صبــاحي صحن فول كارب كدة معاك عليك الله في الجو ده و كتر زيت السمسم
تحياتي.
ٍSOUBHI
Post: #62 Title: Re: أمطار الان في الخرطوم توجد صور Author: Salwa Seyam Date: 08-01-2007, 04:52 PM Parent: #1
المطرة بالفديو
Post: #63 Title: Re: أمطار الان في الخرطوم توجد صور Author: mohmed khalail Date: 08-01-2007, 05:06 PM Parent: #62
ابو حميد
صورك دي عملت عمايل..
والله كأني حايم معاااك هسي ..
مدد.. يا حبيبنا .. مدد
وادييك العافية
بالمناسبة دي والله الخرطوم اتغيرت كتير مباني وسيارة بس لسه التراب والموية الحمراء
دي مباريانا ..
ولك شكري
Post: #65 Title: Re: أمطار الان في الخرطوم توجد صور Author: بابكر عثمان مكي Date: 08-01-2007, 05:38 PM Parent: #63
الاخ محمد صباحى
فى 02/08/1995
غادرت الخرطوم
كان لايوجد فى ذاكرتى غير المطر والاصدقاء
الآن انفض السامر
ولم احظى باجازة توافق خريفا" منذ 1995
تخيل كيف يكونى شعورى الآن وانا ابحلق فى هذه الصور
شكرا" لك
بابكر زيكو
Post: #64 Title: Re: أمطار الان في الخرطوم توجد صور Author: walid taha Date: 08-01-2007, 05:28 PM Parent: #1
الأخ محمد شكراً على البوست ده
الصور دى أكبر دليل على انو الخرطوم بدون غبار مدينة قمة فى الجمال
شكرا محمد
Post: #66 Title: Re: أمطار الان في الخرطوم توجد صور Author: عوض حمزة Date: 08-01-2007, 07:20 PM Parent: #1
محمد صباحى سلام ...
يا محمد والله ودرتة فهمنا جد .. وحيات الله عندنا واحد سخانة فى الدوحة من النوع الاصلى بتاع الشركة .. مالك علينا مشحتف روحنا ونحن لايكين الصبر ... قايتو لو حريف اعمل ليك نظام شوى باليل ده ... انشاء ما تكون ناسى الفحم فى الحوش !!!
لمو لينا مطرة مطرتين باقى مشتاقين خلااااااااص
عوض حمزة
Post: #67 Title: Re: أمطار الان في الخرطوم توجد صور Author: محمد صباحى Date: 08-02-2007, 08:32 AM Parent: #66
الخرطوم هذا الصباح في قمة الجمال
Post: #68 Title: Re: أمطار الان في الخرطوم توجد صور Author: محمد صباحى Date: 08-02-2007, 09:00 AM Parent: #67
شهدت ولاية الخرطوم أمطاراً غزيرة متواصلة نهار و ليل أمس امتدت لأكثر من ( 12) ساعه أدت إلى حدوث أضرار بالغة في عدد من منازل المواطنين ولقي طفل حتفه وجرح (3) اشخاص في انهيار غرفة خفير بداخلية البنات التابعة لجامعة ام درمان الاسلامية في مدينة ام درمان على زوجته وابنائه نتج عنه وفاة احد الأبناء واصابة الزوجة واثنين من الابناء نقلو الى مستشفى ام درمان، وادت الامطار الى اعاقة حركة المرور تماماً بوسط الخرطوم. وكشفت جولة لـ(السوداني) عن تدهور بيئي بمنطقة وسط الخرطوم وما جاورها وضعف في تصريف المياه وتوارى المواطنون تحت سقوفات الفرندات. وفي سياق متصل بلغ منسوب النيل الازرق امس عند محطة الديم (11.50) مترا، وبلغ حجم تصريف خزان الرصيرص وفقا لافادة غرفة الطوارئ بولاية النيل الازرق (485.96) مليون متر مكعب بزيادة عن تصريف الامس التي بلغت (93.22) مليون متر مكعب، فيما بلغ منسوب الامطار التي هطلت صباح اليوم بمدينة الدمازين (22.2) ملم. وفي السياق قالت آلية ادارة ازمة الفيضانات ان امطاراً غزيرة هطلت امس الأول في كل من كسلا، حلفا الجديدة، وابو نعامة والدمازين والجنينة ومتوسطة في بابنوسة والفاشر وسنار وخفيفة في عطبرة ومدني والنهود. وابلغ المتحدث الرسمي باسم الآلية اللواء شرطة عوض وداعة الله حسين (السوداني) ان (50) منزلاً انهارت كلياً في منطقة التومات بولاية جنوب دارفور، و(7) منازل انهارت جزئياً في ولاية جنوب كردفان بسبب السيول والامطار. وقال ان الآلية عقدت اجتماعها رقم ( 28) امس برئاسة الفريق عمر جعفر تم خلاله تقييم الوضع الصحي في منطقة القلابات بولاية القضارف وتم تكليف رئيس اللجنة الهندسية بالآلية بزيارة مدينة سنجة بولاية سنار ورفع تقرير حولها خلال (24) ساعة، وذكر ان الدفاع المدني قدم (500) خيمة للمتضررين في ولاية كسلا، (150) خيمة للمتضررين في ابو جبيهة كما تسلم دعماً مالياً من إدارة الخدمات الطبية برئاسة الشرطة بلغ ( 189) ألف جنيه.