Post: #1
Title: يا سودان حدد انته ماشي لى قدام ولا راجع لى ورا ....
Author: ايهاب نميري
Date: 07-31-2007, 07:45 AM
سلامي الشديد ليكم بعد الغياب كنته في السودان ويادوب الوصول
المهم ما قادر افهم في تناقض غريبا جدا في السودان ... في الشارع تلقفى اغلى العربيات واضخم المباني وفي نفس اللحظه في نس حق العيش ما لاقين ...
المهم قلت امشي اشتري لي شويه حاجات من المول ( عفراء مول ) الولد مغترب وكدا ... وياريت لو ما مشيت ياريت
طبعا زمان المول دا كان حاجه جميله جدا والناس نفسهم كانو نضيفين وسمحين وتلقى الاجانب و العرب قاعدين في المقاهي الموجوده في المول والمطاعم شغاله شغل ماشاء الله و الشباب و الشابات ... قلت لمن امشي اكيد ح القى الدنيا موليد... الحصل لقيت الدنيا خرابه دمار ألم ....
اول حاجه اشكال الناس الموجودين كيف كيف ( شماسه) وناس وسخانه جدا .... ما مشكله حاجه عاديه لكن الحاجه المؤسفه انو لمن دخلته عفراء مول لقيت الهوا في تلتله ما في مكيف
شغال المكيفات واقفه ليها يا جماعه (9 شهور ) لدرجه انو السوبرماركت عامل تخفيضات رهيبه جدا على المواد التموينيه لانها بدأت تتلف انتو عارفين الجماعه ديل عاملين شنو مشغلين مراوح اخير عدما لانو المروحه بتحرك الهوا الحار الموجود في المكان ... المكان فقد النوره و البهرجه والنظافه واصبح في عالم النسيان ...
السودان بلد في مرحله تطور ... الناس بيمشوا لى قدام ولا ؟؟؟؟؟؟؟؟؟؟ دا ما معناه انو السودان كعب لالا ابدا السودان سمح والله سمح لكن
رغم دا السودان بلدنا ومافي مفر منه والسودان جميل با ناسه واهله
|
Post: #2
Title: Re: يا سودان حدد انته ماشي لى قدام ولا راجع لى ورا ....
Author: شهاب الفاتح عثمان
Date: 07-31-2007, 04:04 PM
Parent: #1
سلام
يا نميـــري عاد ده سوال تساله ؟؟
الاجابه ما واضحه..
شكرا لك 
|
Post: #3
Title: Re: يا سودان حدد انته ماشي لى قدام ولا راجع لى ورا ....
Author: Elawad Eltayeb
Date: 07-31-2007, 04:55 PM
Parent: #2
السودان ما شي "إلى الأمام تقدم" بس العساكر مصرين على أمر "للخلف دُر".
غايتو لو الإنتخابات ما فيها يو تيرن U Turn ... الله معانا... نشتت لي يوم الدين.
|
Post: #5
Title: Re: يا سودان حدد انته ماشي لى قدام ولا راجع لى ورا ....
Author: ايهاب نميري
Date: 08-01-2007, 09:27 AM
Parent: #3
ال u قفلوها يا عمده الله كريم علينا
تسلم يا حنين
|
Post: #4
Title: Re: يا سودان حدد انته ماشي لى قدام ولا راجع لى ورا ....
Author: ايهاب نميري
Date: 07-31-2007, 05:19 PM
Parent: #2
والله يا عمده كلامك صح نعمل شنو بس
تسلم يا غالي
|
|