بعضا من احزانى!!

صباحك إشراق دكتور ياسر ..

ربنا يسعد ايامك ويغسل الآحزان ..

مودة ..

صباحك شهد ياهند
ربنا يسعدك وما تشوفى حزن

يا سلام الأخ ياسر

لك وتر يشد عصب الشجن برفق

و صوت يهدئ صخب الدواخل

و يريحها لتنام بسلام.

ربنا يلطف بأشجانك

و يبدلها فسيح أفراحك

مودتي
فردوس

ود مبيوع

سلامات يا زول من زوق

الكمبيوتر حلف ما يشغل الاغنية جاب لي العصبي..

لكن متأكد انو عمل رائع لانو من طرفك

بعدين جوز الياسمين ديل ( هند وفردوس ) فراشتان لا يجزبهما الا الرحيق.

لك الود
و
بنرجع تاني

محمد

محمد خليل ياجميل
تعال بسرعه قبل الفراشات تبعد

اختى فردوس
وهل نحن الا بقايا حزن
ينام قليلا ويصحو عندما تضج الاشواق
من قسوة المنفى
لك محبتى وتقديرى

Quote: خواطر شخصية.. حفل ياسر مبيوع، لبكري الامين!!.. حين تتعرف على اصدقائك القدامى، في أي حفل، كأنك تراهم لأول مرة، وذلك لأنك ترى اجنحتهم ، وقد أفردت، وريشهم يلمع مع ضوء القمر، ضوء الذات السعيدة، وروحهم، تشع، تتآخى، فتعرف عليهم كأصدقاء جدد، ولدهم الغناء من رحمه العجيب، كأطفال ، وتعود لضحكاتهم روحها، ولأحاديثهم تلك الحميمية الاصيلة، وبمقدروك أن تتعرى، وأن تبكي، وأن تحس بأن ثقلك مخفف بهم، بهن، هكذا الحفل، وهكذ الغناء، يحلق بك، كما لو أن السحب تبلل قدميك، أما رأسك، فيسترق السمع لغناء الحور، وغنج الوتر، وخمور الفردوس... يالها من معراج، يفتح لك ابواب السماء، باب فباب، كي تكون نفسك، نفسك فقط..بكل جبروتها المخبوء، فيك، أي شعلة هذه، تتقد فيك، حين يمس الغناء جوهرك، وينزل النغم في معتكر روحك العكرة، وتتسلل النغمات، بضوئها الساحر، لسويداء الروح، فتضئ جنتك، بما فيها من استحالة، وإطلاق، وحبور.. والله في العرس ده كنت سعيد بصورة تخرج عن الوصف، تحس بانك هناك روح تربط الناس، وبأن الاسافير صارت قبيلة معاصرة، دم إلكتروني، وسحنات في آلية التفكير، تجمع هذا، وذاك، وتنفر هذا وذاك، بلا "حقد"، بل كما يختلف النورس على الفراشة، وصوت الديك، عن هديل الحمام، التف حول الكراسي وجوه تعرفها، دون ان تلتقي بها، فالمرء مطوي تحت كلماته، وشكل الروح، أولى من الشكل الحسي، والفن كعادته يطفو بالنفوس، ويحلق بها بعيدا، ويصبغ الجوارح كلها، بلون وريشة منسوجه من الاكسير وخاتم المنى، ولأن ياسر فنان مطبوع، يغني لنفسه، كما لو أنه لا يعرف هل خلق آدم أم لا، جاءت كلماته، كرؤس حلم، كأجنحة فراشات، وتوغلت في كل القلوب، ووضع تاج عليها، ويحق للجميع، بعد هذه الخمر المبثوثة في الاسير، أن يشطحوا، وتمتد الارواح، والايدي، حتى تقطف النجوم، كما لو أنها زهرة قصيرة، ويدخلوا القمر، بكل جلاله، في جيوبهم، وهو يضئ الضلوع، بلونه الذهبي، بلونه المغني، ثم جرى الرقيص، كعادته للنساء، والاطفال، والفتيان، تتحرك الاجساد، بدعة، واستسلام للأغاني، كما لو أنها جيريل، خاص، صاح فيها، كلها (انكم لعلى فرح أصيل)، الاطفال يجرون بين الترابيز، كجدول يسقى الزهور، وما أكثرها، وما انضرها، هناك من احتكرت كل الاغاني، وظنتها لها، غرورها يقول ذلك، ولها الحق، فالاغاني اكثر سعة من الخمر، والشمس، تضئ حقول الحنايا، بغرور لذيذ، صادق، وعبقري، لا مستحيل في حضرة الغناء، قد تعود ملاكا، لو أردت، بل تطير بغير ريش، وتنبع منك أنهر، تسقي كل الصحاري، بالندى، والحكي ا لسعيد....قبيل الحفل، وفي الاستراحات، وبعده، جرت الاحاديث عن الوطن، العائد لخريطته في الدواخل، وقد فتح حجره، لوقائع حياه بعيده منه، قريبة منه، ظهرت ام درمان، كحورية، وليس مدينة، ونبض قلب على المك، والطابية، وحمد النيل، لأول مرة أدرك بأن الاكسير مخبأ في نسيج الغناء، وبأن الوتر ينخف الروح الحائط، مثل القلوب، وبأن المجتمع، هو ثراء للفرد، وبأن التعارض بين الآنا، والنحن، والهم، سراب بقيعة، ..... العريس بكري، شد رحال الجميع، آسر أن يجمع القبائل المعاصرة، قبال القلب والعقل المفتوح، والعاطفة الاصيلة... كان الخاسر الوحيد هو الزمن، لم يحس به احد، كان مجهولا، متواري، فقد هويته في الملل، والروتين، اختفى تماما، صارت الوقائع اكثر حضورا منه، صار المكان متسع، لوحة، تلغي وجدك الشخصي، في كم من الوعي، والنبض الفريد... ولياسر مبيوع، حبي، كم اثيرت الوجدان، أيها الفنان الاصيل، دوما، تترك في الذاكرة، أغنية لا تكف عن النشيد، حتى في أعظم حالات الصمت، تضئ، كوجه، كسحر... كندى يبلل الضلوع بالشوق، والحنو، والرقة...

**

عبد الغنى يمتلك ناصية اللغه
يجيد دوزنة اوتار الكلام
قرمه من البركاوى ملخبطه بالقرير


متفق عليه

شكرا كرم الله فقد اعطيت اكثر مما نستحق

الفنان مبيوع ، الذى ضل طريقه إلى الاسنان المسوسة وقلعها وربما ترميمها

ياخوى خلى كماشة قلع السنون دى وتعال غنى ، كان من ناحية الصوت مليان، كان من ناحية الاداء
أداء معتبر (اخدها منى ، صعلوك سمكرة أغانى والشكر لى حماد)ولسع جواك شيء كتير ممكن تطلعه ، شكلك بتميل لاغنية الهادئة المعبرة ، كدة نحن مية مية ، مارس مهنتك ، وشوف ليك ملحن بارع وإتعامل معاهو ،

تعرف مرة فى جلسة من جلساتى مع على السقيد ، قدم لى غنية وقال ده من ألحان واحد إسمه ضياء ود اخت الملحن القدير
وصديقى عبد اللطيف خدر ، وفعلا شعرت إنو الزول ده عنده شيئ جديد وملحن مواكب ،

كدى فى الاول شوف الزول ده ، وبعد داك ، لكل حادث حديث

و آآفيلقو

Quote: و آآفيلقو

جابت ليها رطا نة كمان يا ترهاقا!!

وانت المصحييك لي هسي شنو غايتو الفنانين ديل بدون سهر ما بعيشو

ومسكاقنا ود مبيوع.

حبيبنا ساطور
تسلم على الشهاده الجميله
ضياء صديق عزيز التقيته فى هولندا
العام الماضى وهو ملحن ممتاز
اها انا رصيدى الفنى 30 اغنيه بالتمام والكمال
جميعها من الحانى وارجو ان تجد طريقها للانتشار
قريبا
ولك كل الود

Quote: وانت المصحييك لي هسي شنو

ا يا محمد إنت بتسألنى صاحى لحد حسع كيف ؟ ياخى إنت ساكن مع الشيخ الجليل عثمان
تفتكر منو اللى يكون صاحى ونايم

----------

الاستاذ مبيوع ، بالمناسبة هذا المشاغب محمد الحسن شاعر من الطراز الجميل ، وربما نلتقى فى قصيدة
من قصائده المعبرة وكمان مع ملحن مجدد زى ضياء ، ويلا أجدع حبالك معاهو

و آآآآآفقيلقو

هسع كان في داعي تدخلني في موود الحزن ده من أول الصباح
هاشم ميرغني كان بيضفي عليها بصوته شجنآ خاصآ
أنت هنا كسيتها حزنآ دفينآ
روض الله أحزانك
وضمد أحزاني

ابو ساندرا
الحزن بقى مزمن جوانا
ربنا يبعد عنك الاحزان ويطلعنا
من بلدكم دى سالمين

الاعزاء محمد وترهاقا
مسكاااااقنى
شايفكم بتصلحو لى بعض
كدى اتشاورو واطلعو لينا بى نص جميل

الفنان الرائع الراقي مبيوع , شكراً علي هذا الإبداع ويا ريت نشوف او نسمع أعمالك الخاصة اكيد

بتكون جميلة .



هسه خائف من فراقك لما يحصل ببقي كيف ؟؟؟

وريني بتبقي كيف ؟؟؟

ياياسر مبيوع
تبرة من الاحزان
خليك طيب ياخي
نحن سالين منك ومنظرين جيتك
كنا في البروفة فاقدنك امس
خليك تغني ...
نعومة.

هبه ونعومه
مشتاقين
وانا كمان فاقدكم وسمعت شوبه من البروفه
بالتوفيق يارب وتحياتى لاعضاء الفرقه
وما تنسو بتاع زول داك

اخى الحبيب هاشم
حاتسمع اعمالى الخاصه قريب
اما الدراما بتاعة الفراق دى
ما جزء من عذاب المغنى كان عرفتو
وهو ذاتو بقى ادمان

جمل الله أيامك ..
وأبعد عنك الأحزان يا مبيوع ..
ياخي شدوت وحلقت بنا بعييييد ..
يديك ألف عافية ..



ورحم الله الفنان هاشم ميرغني ..
بقدر ما أطربنا وأسعدنا ..

محبتي ..

أنار الله دربك بالفرح أستاذ مبيوع وجعل الله فصل الربيع زائراً لمحياك ...


كل التقدير

دعواتك ياسلمى تغذى الروح
وتنعش الامل بربيع دائم
لك الود عبر مسافات ومسافات
تتوق لتعبرى فوقها دفقات من خواطر
والق لا ينطفئ

الله على اطلالة معتصم
فهى حاضره فى مواضع الجمال
تزيدنا طمأنينه
وتخفف بعضا من وطأة الاحزان

د. ياسر

والله إحترت معاك أشكرك والا أشتمك....

الواحد لقى روحو في حتة غرييييقة ... زي جوة محيط ... ورغم كدة يتلفت يلاقي حولو سحاب من كل حته ...... دة شنو البتسويهو فينا ده؟

يديك العافية

ابو الريش الحبيب
احساسك العالى بما وراء الكلمات
ونبرة الشجن هو احساس فنان
يزيدنى ثقه باننا مازلنا بخير
قرب تعال ما تبتعد واطلع من الالحان الدائريه
بتاعة الدوحه دى !!
ودى دعوه لى قعده فنيه تعيد لاذهاننا الزمن الجميل

اللـــــــــــــــــــــــــــه

زدتها شجن يا مبيووووع

الدكتور / ياسر مبيوع
مساء الخير

ماقلته ليك في مكان غير المكان ده انك راجل مبدع
بس قلل الاحزان شويه ياراجل ...
مودتي
هارون دياب

يا للجمال
تشكر يافنان..
انها بعضا من احزاننا جميعا

خالص التحايا
د . مبيوع
ياصديقي فقد ادمنا على حافة الدمع طويلا طويلا..
وتجملنا بالصبر المضاد مقابلا للانحاء فى حضرة القدر المباغت والقضاء والشلالات..
وتجملنا بالطهر ريفا للتحلل من خطابات التداعى فى شعارت المدن ..بالشكر ياقيثارة الحزن الدوؤب ..احتمال راسخ ان يصوغ الحزن من ساقيكمو خمر الامانى المشرقيه..

ياخ يديك العافية انت ...وتبراك الصحة محل ماتقبل...

التحايا النواضر..

معتز الحبيب
حين تحتفل المآقى بانحدار الدمع
نعلم ان الضوء يحتال بانكساراته
ذات الاطياف السبعه معلنا بدء مهرجانات
الالوان فهى تتفوق على مجموع الحواس بوترها السادس
فكم يدثر الفرح الحزن كما تغلب الكثرة الشجاعه
لك ياصديقى الاف الوردات فرحا بمقدمك

منعم
اليوم السعيد الليله جابك
لو عارف كنت كل يوم نزلت اغنيه
لك محبتى

الحبيب هرون دياب المحترم
شكرا لكلماتك هنا وهناك
حاولت افارق الاحزان لكن ابت تفارقنى
فقلت ابعد عنها واغنى ليها
دمت ودام الود بيننا

العزيز سنجاوى
الشجن حفر عميقا فينا
لكنه يصبح اجمل مع اهل الشجن
من فنانينا من رحل ومن بقى
لك ولهم محبتى

تستجدى الزمن مساحه للنسيان وتشحذ ذاكرتنا بحزن تشكلت دواخلنا من جزيئاته
اعيانا الهروب منه وانهكنا البحث عن فرح ابى الا ان يكون حلما يتوسد جفوننا
ان كنت قد احترقت بوحا بشجن قديم .. منحتنا لحظه استرخاء لاتتكون الا بالحزن المتشكل من عناصر الامس الجميل رغم عقوقه

تخريمه
اتمنى ان اسمع منك اغنيه لم تلقى حظها فى الانتشار ( تردى ولا ما تردى ) غناها عمر الشاعر وهى ايضا من كلمات عزمى

اخى خليل
قد نمت الاحزان غابه
فمن يشق فيها طريق الامل?!!
ان لم نجد فلا مناص من الهروب
للضفة الاخرى
ان عثرت على الاغنيه سألبى رغبتك
لك ارق التحايا

انت في حد مسلطك علينا؟؟؟

بعد أن تجف دموعي .. سأعود إليك وإليه ..


يا أخي حرام عليك !!

دموعك غاليه يا لقمان
ولكنى اعلم كم يحرك فيك الكلام وانت من صناعه
ومصدريه عبر الفضاء
وكم يؤلمك اللحن الشجن فبين اضلعك قلب عاشق
وروح شفيفه
فى انتظارك يا رفيقى فلا تغيب

حبيبنا الصحافه
انت شخصيا سلطنى عليك
ولسه شوف الجاى
اها تمشى وين؟؟

ياسر الحزين
ولا علاقة لياسر الحزين هنا بمالك الحزين غير الطيران ولكل طيران مختلف , فمالك يطير في الجو وياسر يطير بالأفئدة فتسموا بالمشاعر , وهنا إتحد المتضادان الحزن والفرح حزن من واقع الكلمات وإنسياب اللحن الحزين فعلاً وفرح بأن هذا المبدع بين ظهرانينا يشاركنا هذا الجمال فلك التحية أينما حللت أيها الحزين الذي ينشر الفرح .

سلامات اخى طارق المكى
ما خطر مالك الحزين فى مخيلتى
فلم يكن فى جماعتنا
من كلهارى ديبا ضارى
ونمرا فى النمور كمبودى وام رخم الله مكسيكيه
فضممت مالك السودانى الى الركب الميمون
ما بين الحزن والفرح علاقة ازليه تشبه
توالى الليل والنهار وتقلب الفصول
فكلاهما يطبع فى النفوس طابعه ويرسم
على الوجوه طلعته وتأتى الاغنيات مفعمة
بمذاقين مختلفين احساسا متنافرتين عاطفة
فلا قواسم مشتركه الا حبنا لكلتيهما
شكرا على كلماتك وخليك قريب فبيننا الكثير
لك ودى

شغل تمااام
و روعة فى الاداء

اول مرة اسمع لك الاخ ياسر
و اقتنعت من اول مرة
انك فناان حتى النخااع..

ربنا يجمّل دروبك بالفرح
و يبعد عن الاحزااان...

يديك العاافية...

دكتورنا العزيز

الله عليك .. سمعت الاغنية اخيرا وفي الشغل كمان .. قمت سمعتها تاااني وتااالت

صاح..جهجتني وعزبتني ..لكن ده العزاب الجميل.. تسلم والله ياسر

بالمناسبة الله بحاسبك على الموهبة دي لو ما طلعتها للنور .. مكانك في الوسط الفني

شاغر يا ود مبيوع..

في انتظار المزيد

مودتي

الساعة الان 5 صباحا ...غربة وسهر واشجان وحنين ... يعني ما براك يا ود مبيوع




بالمناسبة ... كان عندنا جيران في عطبرة اسمهم اسرة مبيوع هل سكنت عطبرة قبل كده؟

اختى منال
لك ارق التحايا
ما اجمل السهر ونحن نفرد اشرعة
الحنين نتمثل الاحباب وما ابعدهم واقساهم
رد الله غربتك واعاد لنا توازننا
لم اسكن عطبره قبل ولكن لى فيها من الاصدقاء
من اعانونى فى غربتى الطويله
لك مودتى وتقديرى

محمد خليل
الزول الجميل
لك الود باكثر مما تحمل
كلماتك المريحه
الباعثه للامل
شكرا على الاستماع والاستمتاع
وخليك قريب

اخى محمد عثمان
لك التحيه والشكر على ثناءك واستمتاعك
ومرحبا بك اخا وصديقا
لك عظيم مودتى

الصديق ياسر

احيانا فى لحظة الوجد
نحاول ان نسلف وجداننا عنوة للريح والصوت الرخيم
وننثرها عن قصد لتبعثرها
ونشاهد بجلد وصبر حالة التلاشى

يا صديقى

كالغريق نتشبث بهذا الموج الهادى

انصافنا هبه منثورة

والبعض فينا يحاول ان يلتف حول حول الاوتار

وليه فى قطر
وليه هاشم مرغنى
وليه

السلخ المعلن لحالة

ما وترت فينا شجوع سكنت

بموت

من كان يمثلنا
فى الشجن الشجى

العزيز الاستاذ شرنوبى
لمست ياصديقى وترا موجعا
لماذا قطر??!!!
اعرف الاجابه ولا استطيع ان اقول
لك ان تستنتج وان تغرق فى الحزن اكثر
وما اخالك ترغب فى المزيد
فتكفى احزان الوطن و.... و.....
آآآه
عمت صباحا ومساء ياصديقى

ياسر، يا فنان

يا لدفء الصوت والأداء البهبش الزول جووووه.

مشتاقين وكل موسم وأنت بعيد عن الأحزان.

نفتقدك بشدة.

كل الود