Post: #1 Title: المغتربين المؤجزين تعالوا نتلمّ برااااانا ونفرز عيشتنا Author: عمر الفاروق Date: 07-30-2007, 10:35 AM Parent: #0
هيييييييييييييييييييييه دنيا .. يا حليل المغترب لمن كان زمان يجي إجازة يقوموا ناس الحٍلّة يأجزوا عديييييييييييل كده من الشغل عشان يجو يتكّلوا معاهو وواحد يحجز قميصك والتاني يمسك ساعتك ويوقل ليك ما تنسانا بالله .. وهييييييييييييييييييييييييه دنيا .. يا حليل المغترب أبو بشكير كبيييييير يربطو في نصو ويلبس ليهو شبشب أبيض والفرشة بي معجون كلوز اب يتسوك الساعة عشرة صباحاً في خشم الباب .. وهيييييييييييييييييييييه دنيا.. يا حليل المغترب البيشرب العصير قبل الشاي والشاي زااااااااتو بي تورتة وناس البيت يتلموا حوالينك تونسهم عن الغربة .. وهييييييييييييه دنيا .. يا حليل المغترب ابو حزام بي فاروزة ذهبية وساعة ذهبية والريحة مرشوشة والوش ممسح والكريمات ما تديك الدرب.. وياااااااااااااا حليل المغترب البيحووم بي التاكسي مشاويرو ويدخل لي خالتو وسيد التكسي منتظر ويمشي لي عمتو والتكسي منتظر ويمشي الحدائق والتكسي منتظر ... وهيييييييييييييييييييييييييه دنيا .. يا حليل الشنّة والرنّة للمغترب تدخل للجيران تجيك بت الجيران بي الشاي وتجي اختها الاكبر بي القهوة وتجي الوسطانية بي العصير وانت تشيل وتتراشق وتتخفف .. فكّت بت الكلب .. بقو في الحلّة يزوغو مني .. عمر الوهم طلع .. المغترب الفارة جانا .. ونستو الواحدة دي .. تضرب للأصحاب يقول ليك والله يا ابو عمير مزنوووووووووق في الشغل (وهو عارفني حا اقول ليهو عايز عربيتك تطلع معاي مشوار).. ده كلو هين لكن زوغان بورداب الداخل ده كوم براهو .. زمان بالله يسمعوا بي المغترب جاي يجهزوا ليهو قبل شهر ولجنة تتفرع منها لجنة ثم لجان للمرأة ولجنة للضيافة ولجنة لتحديد المكان .. والعجب لو الزول ما كلمهم وعرفو بيهو فجأة ياخ ده بيمتعوهو أكتر من العارفين بيهو يجهزوا المكان وفلان عليك الشاي وفلانة جيبي التورتة وفرتكان عليك بي البارد والفلاشات دوور والمحتفى بيه اخر رقيص وجبجبة وخفة دم وسنون ظاهرة .. يا مغتربين يا فارات الكلام ده كان زمااااااااااااااااااااااان .. عيييييييييييييييييييييييك .. اسة انتو بقيتو في دائرة الزول اللغم أو الزول البيضة .. كلك حالياً تحت البند المسمى " حاج كلف "... عشان كده انا قررت نقوم نتلم براااااااااااااااانا وما نكلم اي زول ونجي نقد بعض بي ونستنا العاضة ديك .. احسن السودان ولا الخليج ..أها انا جاي السنة الجاية نهائي بس عايز لي مشروع .. ياخ أحسن أجيب معاي عربية ولا اشتريها من هنا.. السودان بقا فيهو أي شي ياخ التفاح بقا رااااااااااااقد .. جداد البلد دي أطعم من جداد الغربة والاكل هنا طااااااااااااااااااعم..والله البلد هنا كويسة بس الصرف كتييير ياخ ..والله انا جيت لقيت الناس هنا بتلبس أحسن مني زاتو .. الريال نازل لكن المعيشة لسة غالية وانا زمان كنت بحوول لي أهلي الف ريال اسة بقيت بحوول الفين ..
Post: #2 Title: Re: المغتربين المؤجزين تعالوا نتلمّ برااااانا ونفرز عيشتنا Author: سامى عبد الوهاب مكى Date: 07-30-2007, 10:50 AM Parent: #1
Quote: تضرب للأصحاب يقول ليك والله يا ابو عمير مزنوووووووووق في الشغل (وهو عارفني حا اقول ليهو عايز عربيتك تطلع معاي مشوار)..
Quote: تضرب للأصحاب يقول ليك والله يا ابو عمير مزنوووووووووق في الشغل..
و الله قصروا معاك ... هسي يعني احنا ما نرجع و للا شنو ؟
Post: #7 Title: Re: المغتربين المؤجزين تعالوا نتلمّ برااااانا ونفرز عيشتنا Author: عمر الفاروق Date: 07-30-2007, 11:02 AM Parent: #1
Quote: هسي يعني احنا ما نرجع و للا شنو ؟
غباشي يا حبوب.. انت لسة ما رجعت ؟؟ يا زول في ناس هنا عملوها إجتماعات وقالوا لي بنضرب ليك بعد الإجتماع يخلص .. الكلام ده ليهو اسبوعين والزول ما ضرب.. يكون من شنو ؟
يمكن في عطل في عربة التلفزة الخارجية راجع الإستوديوهات الرئيسية
Quote: كويس شوف البوصلك الا تاجر كارو
... شايف وليد تأبط شراً ..
التعديل لخطأ إملائي
Post: #11 Title: Re: المغتربين المؤجزين تعالوا نتلمّ برااااانا ونفرز عيشتنا Author: سامى عبد الوهاب مكى Date: 07-30-2007, 11:23 AM Parent: #7
Quote: يا زول في ناس هنا عملوها إجتماعات وقالوا لي بنضرب ليك بعد الإجتماع يخلص .. الكلام ده ليهو اسبوعين والزول ما ضرب.. يكون من شنو ؟
لا والله ما خايف من البري ولا حاجة وحيات عيوني ديل وتاني حاجة مين قال ليك الاجتماع إنتهى؟؟ قلت لي إجازتك بتنتهي بتين تاني حاجة إنت عارف أنا زولاً مسيكين موبايل ماعندي
المهم يوم الخميس العشاء عليك يا مغترب
Post: #10 Title: Re: المغتربين المؤجزين تعالوا نتلمّ برااااانا ونفرز عيشتنا Author: انعام عبد الحفيظ Date: 07-30-2007, 11:20 AM Parent: #1
Quote: تضرب للأصحاب يقول ليك والله يا ابو عمير مزنوووووووووق في الشغل (وهو عارفني حا اقول ليهو عايز عربيتك تطلع معاي مشوار).. ده كلو هين لكن زوغان بورداب الداخل ده كوم براهو
يا عمر الفاروق انت من زمن المغتربين؟
طبعا يا عمر نحنا ما اصحابك
لكن اصحابك (بورداب الداخل) بالغوا وإتلوموا شديد
مفروض يحتفوا بيك ولو عشان خاطر صحبة زمان
(بلاش من سيرة الإغتراب دي) وانك مغترب وما عارف ايه!!!
شهر تلاتة الفات كنت في السودان قعدت اسبوع واحد وكتلت ملف سريع البوردابي الوحيد لميت في تلفونه لمن ضربت لي تمبس في السعودية كان ناذر جيته في الخرطوم تلاتة برضو كتل ملف وقال لي انا بعيد والله وفي المستشفي وكدا لاسع ما ضرب لي تلفون تاني عرس وعمل شهر العسل وانا منتظر تلفونه عشان كدا يا فردة الموضوع بقي قون وباك وبقي اسهل تجيب اهلك هنا تلاقيهم وتتونس معاهم بي رواقة يعني لو مشتاق لي زول اسهل تجيبه الاغتراب بدل ما تمشي تبيض بالجماعة اسع انا شفقان علي ناس حلتكم غايتو بتكون قديتم قد بونسة قديمة عاضة
بالله يا عمر و أساسي ما تعملوا إسقاط لي تجربتكم الشخصية على المغتربين كلهم أنا مشيت زي إسبوعك دا يا أساسي لاقيت بورداب و حضرت فيه جلسة أي نعم ما إتصورت - و اللوم على الطاهر ساتي - لكن على الأقل عزموني فالحكاية ما عامة تكونوا إنتو كان جاكم واحد في السعودية عمرة بتعملوا نفس النظرية
غايتو زول مكشوف حال زى دا ماشفت ...دا البوست الثالث يشحد فى خلق الله دى تعزمو ..يابورداب الخرطوم بالله حاولوا اتفكوا من الزول دا بأى دعوة ..ان شاء الله تودوهو المنتزه ...غايتو شقى الحال يقع فى زى دا .. منى انا دعوة لزيارة اربجى ..بالمناسبة افضل من انك تمشى شرم الشيخ ..شاور نفسك ..وبنحول ليك حق المشوار لانك بتكون لى اسى شغال تلفونات لناس السعودية ..
تاني حاجة إنت عارف أنا زولاً مسيكين موبايل ماعندي 
