رحبوا معي بعودة الصحفي مزمل ابو القاسم للمنبر ..

أهلا بك أخي مزمل أبو القاسم وأنت تعود الى المنبر ..

افتقدناك طويلا وأنت بعيد وسعدنا وأنت تقترب من عشاق الكلمة الرصينة والنقد الهادف البناء ..


الف مرحبا بك مرة أخرى وليتنا نكون في ضيافة بوست جميل من يراعك ..

مودتي

مرحب بيك أستاذ مزمل
و صدى عودتك هو ما جعلنا نهم باستقبالك و الترحيب بك
أرجو أن يطيب لك المقام
شكرا علاء
تحياتي

تسلم اخوي عباشي

ابشكر بان ضربة البداية كانت في بوست عضوية الحاجة


يديك العافية

وكانت هذه اول الاضاءات للاخ مزمل :

Quote: نؤيد بشدة منح الأديبة الأريبةالخالة حنانة عضوية المنبر ياعلاء مشتاقين بالمناسبة إنت نسيت تعد(مزمل حيمورة)!!!!!!!!!!!!!! كده عدد الحيموراب بقى كم؟؟؟؟؟؟؟؟؟؟؟ وصية بالمهلة إنت زول متربي وود قبايل ومن أسرة عريقة ما ترد إلا على البستاهل الرد

تسلم يا ود الشريف ..

ألف مـراحب بالعزيز / مزمـل
الدار دارك
وعقبال صـديقـناودكسلا جـنابو / مصطفى أكـد
وكمل كمل يامزمل
ودكسلا
يسرى معتصم

يا ود كسلا المظاهرة شنو ؟

مزمل حيموره ما جائي يكتب هنا عن المريخ كل الجابو خالتو عايزة عضوية المنبر وجاء يثني ..



وكلمناه قلنا ليه سمعنا انو الصدى انهارت .. حلف بدينو أيمانو انو هو ما عارفها انها انهارت وبدأ يسأل هو زاتو عن كيف ومتى ..

راجع بوست خالتك حنانة حيموره ..

مودتي ياناس الموز روى .. قايم سوا .. ياناس بالنار جسمي انشوى

مودتي

مرحباً بالصحفى المرموق مزمل أبو القاسم
و من كتاباته فإن كبد الحقيقه أن مزمل رياضى
يتحلى بالروح الرياضيه والخلق السمح
وإحترام الرأى والرأى الآخر
يقدم هو وصحيفته المميزه الصدى
خدمات إعلاميه رياضيه مميزه
يمتاز بقلم شجاع ورصين متمكن من اللغه العربيه
وصحفى ناجح يهتم ويتطرق لأهم القضايا الرياضيه

أنا واثق من سعه صدره وحكمته فى التعامل
مع فلتات وترهات البعض القليل فى هذا المنبر
هنالك منهم العاقل المتزن والمنطقى فى كتاباته
ولكن عندما تأتى للكوره تأخذهم الحميه والعصبيه
فتجدهم ينجرفون وراء مواقف وعبارات لا تشبههم
أو يصمتوا ويغضوا الطرف عن عبارات وشتائم لا تليق

مرحباً مره أخرى بمزمل أبو القاسم

نادر الفضلى

حبابك نادر ويزيد في فضلك ..

شكرا على الكلمات الجميلة دي .. ( ليتهم يعقلون )

شكرا على مرورك ويطيب المقام لاخي مزمل حيموره

مودتي

الف مرحب بيك مزمل ابو القاسم

شايف ناس الكورة منهم الرافعك السما و منهم
الخافس بيك الارض
كويس تجي عشان نعرف موقعك الفلك و برجك كمان

ههههههههههههههههههههه

ليقدام

اشعلت النار يا نصار...

بتتدكروا دي يا مريخاب ؟؟؟؟


لكن مزمل ود حيمورة ده دائما في السماء والساعين عشان ينزلوه للسماء الدنيا قلوبهم مملؤة بالحقد والكراهية ..

لا نلتفت اليهم أو كما قال أخي مزمل ..

مودتي يا نصار

يانااااس سلاااام
أول حاجة شكراً ليك علاء على الترحيب بهذا الفارس الأحمر

تاني حاجة والله أنا شفتو في المتواجدين الآن
على بال مافتّحت وغمضت لقيتو راح .. إفتكرت نفسي حلمان
طلع من البورد أسرع من رأسية العجب

Quote: شايف ناس الكورة منهم الرافعك السما و منهم الخافس بيك الارض كويس تجي عشان نعرف موقعك الفلك و برجك كمان

عليك الله مزمل عاوز ليهو تعريف ولا معرفة ؟؟
مزمل زي المريخ زعيييييييييييم
مزمل زعيم بأخلاقو
زعيم بقلمو
زعيم بصدقو
زعيييييم وبشجع زعييييييم
الرافعو السما ما أداهو حقو ( أدّاهو وليس إيداهو )
والخافس بيهو الأرض متعقد منو

والله أول مرة أكتب حاجة وعندي إحساس إنو مزمل يقراها أو حتى يوصلوها ليهو
أحمد الله على هذه النعمة
غايتو لو مزمل رد على متشكك يبقى كلنا نشكك عشان ننال شرف الرد

المهم يااااااامزمل سلااااام
سلااااام من شخص إن لم يقرأ لك يومياً لازم يستعين بشرب القهوة

والله بس تشوف إسم مزمل تخنقك السعادة وتتذكر نعمة أنك مريخابي
مزمل إرتبط إسمه بالمريخ وهذا يكفيه
يكفيه أن كل مريخابي في الدنيا يحترمه ويحمل له إعزازاً كبيراً


شكري مكرر لعلاء حيمورة

معليش
والله نسيت أقول حاجة مهمة
تصدق يامزمل ما بنقدر نصبر لحدي ماتنزلو الصدى في النت
عارف بنعمل شنو ؟؟
نقرأ الصدى بتاعة أمبارح تااااني
ونبداها بكبد الحقيقة
يعني من يوم نزلتوها النت بنقراها كل يوم مرتين



ياخ نزلوها بدري عليك الله ما تشحتفو روحنا
قلت لي ماسمعت بيها عاوزة تنهار ؟؟ ههههههه
كان مفروض يكلمووك والله
ماليهم حق
هم منو ديل الماكلموووك ؟؟
غايتو جنس مِحن .. اللهم أحفظ المريخ ومزمله وصداه


مودة كجمال المريخ وروعة القلعة الحمراء ونقاء الوالي

نرحب بالصحفي اللامع مزمل أبوالقاسم

وشكرا علاء على إيراد الخبر الجميل ...



ترحب بك كل الرايات الحمراء .. وما تزعل يا علاء

الف مرحب بمزمل..

ولازالت الرايات المريخيه تعانق السماء
بلون الدم والذهب...

يا هلا ويا غلا بالمزمل
صاحب القلم الحر
مرهب المرتجفين في المدينة
كمل كمل يا مزمل
ونحن وراك يا مزمل
ويا حلة تنوري

سلم وتحية أخ علاءالدين

نرحب بالأستاذ مزمل.....وعوداً حميداً



كل التقدير

الف محب بالأستاذ والصحفي المرموق / مزمل ابو القاسم

مرحبا بوجودك هنا حتي تكفينا التصدي لبعض المتشنجنين للدفاع عنك


مع خالص التحية


أمين عثمان

مرحب بالزميل في مهنة العكننة مزمل ابو القاسم
ـــــــــ
طبعا بعضكم حيستغربوا من كلمة زميل دي وما عارفين اني زيٌ زيٌو
الاتنين صحفين ومقطعنها
الفرق بيني وبينو اني بكتب عبر القارات وهو بيكتب للداخل
بتمني ليهو النجاح والازدهار ويلاقي النجاح والانتشار اللاقيهو زميلو اساسي
ـــ

تقبل تحيات زميلك عابر القارات
اساسي

كما وانه انا بتميز عليهو باني ما عندي زمة ولا ضمير ولا مبدأ ولا وطنية.... في زمن اضحت فيه اللستة السابقة للي الذراع
ودي ميزة تحسب لاخوكم .. فلا مبدأية ولا ثوابت
كله قابل للبيع
شفتو كيف اخوكم مخضرم
واحيانا بتفوق علي نفسه وزملانه في المهنة

Quote: مرحب بالزميل في مهنة العكننة مزمل ابو القاسم ـــــــــ طبعا بعضكم حيستغربوا من كلمة زميل دي وما عارفين اني زيٌ زيٌو الاتنين صحفين ومقطعنها الفرق بيني وبينو اني بكتب عبر القارات وهو بيكتب للداخل بتمني ليهو النجاح والازدهار ويلاقي النجاح والانتشار اللاقيهو زميلو اساسي ـــ تقبل تحيات زميلك عابر القارات اساسي

اياك اقصد واسمع يا جاره
اساسي الدائماً اساسي
عشان كدا انا بحبك

واالله خبرا سمح بلحيل

مزمل ابو القاسم بي شحموا ولحموا
شكرا علاء عل الخبر الجميل
تسلموا

وجع
وجع
وجع

مزمل رجع

هو شنو الوجع يا محمد أخوي ...

قلنا ليك رجع لكن مارجع للوجع .. كان عايز الوجع أمشي الصدى لكن هنا وضحنا اسباب عودتو ..

مودتي

المهذب / السمؤال

لكلماتك عميق اثر على نفسي فهي تحمل حب الخير حتى لمن لا تعرفه وبها ورجاء الاخ مزمل سحبت كل كلماتي في بوست تاج السر .. على ان التقيه عيانا بيانا بعد رفضه المحادثة التلفونية ..


تسلم يا رائع

علاء
سلام
ده واجب علينا لاصالة معدنكم
دخلنا منزل اسرتك وقابلنا الوالد والوالدة والله يقابلون اي شخص
كائن من كان باريحية مبالغة
تسلم وتحياتي للاسرة

مرحب بمزمل أبوالقاسم في المنبر ..
وكويس إنك هنا عشان يكون الكلام معاك طوالي ودوغري ..
وأكيد الحوار ح يكون معاك طويل وتنفي لينا صفت (مزمت) دي ..



تحياتي علاء ..

كم انت رائع يا معتصم دفع الله

علم الناس ادب الاختلاف

وريهم انو مزمل ده من وجهة نظرك لا يصلح ان يكون كاتبا ومكانه المصاطب ولكن بكلماتك الجميلة ..

وقتها يحترمك مزمل قبل الاخرين ويرد بافضا من كلماتك لانك انت الذى اجبرته على أحترامك


شكرا ليك معتصم دفع الله ..

مزمل بتاعكم ده وينو ؟؟!!

الاخ الصديق أبن عمتي .. مزمل ابو القاسم الشريف

تطايرت فرحا .. وانت بيننا ..

على فكرة مزمل قبل مايكون صحفي كان لاعب كرة طائرة ممتاز وقائد فريق ذي ذيو ..

نتقاسم حبنا للكرة .. ولكن في الاخير اختار القدم .. ولكن تبقى الطائرة في الراس !!!


مزمل انا فرحانة بيك جدا .. وخاصة جيتك في هذه الايام التي تشتعل فيها المياديين على العقد الفريد..

في الجانب الاخر .. انو - عماتي - بحبو كرة القدم جدا .. ويتعدى الامر الى حفظ سيرة اللاعبين حتى الاجانب .. (مش في ناس بحفظ الممثلين ويتابعوا اخبارهم ) اهة عماتي ديل بتابعوا اخبار الكرة واللعيبة ..



حقيقة ستكون اضافة حقيقية لهذا المنبر .. بس ما تعملها لينا كلها كورة .. خلينا نلمس الحس الادبي الذي اعرفه ..

دمت صديقي ودمت أبن عمتي وحفظك الله وايانا


شكرا شقيقي علاء الدين حيمورة

هذا البورد مثل الدنيــا كثر الظلام في الايام الاخيره

ففتح الله علينا بزمــاله و جــوار نجم النجـــــوم مزمل ابو القاسم..

الصدى لنا في الغربه وريد تجري به دمائنا الحمراء..

مرحبا بمزمل الرزين فرحه للهلال الكريم..
ومرحبا بمزمل العشق فرحه للمريخ العظيم ...
ومرحبا بمزمل الامل خطوات في طريق السودان الوطن

اعزائي جميعا و سيد البوست ما اجمل و اجل فرحتنا و الترحيب..
هي اذن ...

....

مرحبتين حبابو الزارنا شرفت الديار اقدل بى مهل خلى الجرزان تنزوى وتحتمى بجحورها .
اتمنى ان تنور لينا المنتدى . نحن فى الانتظار ارجو الا يطول
شكرا علاء الدين

انت عارف يا علوية انا عيني وقعت في البوست ده هسع وبعدين لما لقيت في بداية العنوان (رحبوا) قلت الزول ده جايب لينا حمورابي تاني ولا شنو .


مرحب بالاخ الصحفي المخضرم الاستاذ مزمل

الصحفي المخضرم مزمل ابو القاسم حيمورابي من ناحية الام

والدته نفيسة احمد يوسف حيموره فهو ابن عمتي لزم .

يعني برضو لاحقنك يا ود شيقوق

مودتي

شكرا اخونا مهدي الصادق

بشوف الناس لبدت ... تاني غايتو بنخلي لسانو السنين ده يرد براه كان عايز يرد.


مودتي

نرحب بالزميل الصحفى مزمل أابو القاسم ..وشكرا للصديق علاء الدين حيمورة على اهتمامه بزملاء مهنة المتاعب . وكثر الله من امثالهم في المنبر

مرحب بيه الجعلي الضكران

المثقف المهذب

البخلي قلوب الازرق تتراجف

مرحب بابك ولداخل لوماشلك البورد الراسك يشيلك


مرحب حباب

امسكوا ناس الرجفه


ابومصطفى

ألـف مرحب بالأستاذ مزمل ..

مرحبا بفارس الكلمة الرصينة

مرحبا بك مزمل

الحاج حمد الحاج

الف مرحب بالاستاذ الصحفي مزمل ابو القاسم
وكما يحب ان يقولو لهو زملائه في الصحيفه


مرحب بالمعلم

شكرا اخي علاء

هو اصلا عضو معانا ولا علمتو ليه عضوية جديدة

نرحب بيه اكيد سوف يكون اضافة حقيقية..

لكن بقدر يصارع تاج السر الذى ادمن الكرة والنت
ولا بقدر يماشى احمد الريح صاحب الحقائق الطامغة
والفهم العالى ..

نرحب بيه وكان نقول ليه مبروك البنية..
التى اقترح ليها اسم فوز..اذا بتقدرو على حمل الاسم دا
ولقدام
ياناس البطولات المحمولة جوا

عيييييييييييييييييك
وشهد شاهد من اهلهم .. كتبت اتعام حيموره

Quote: على فكرة مزمل قبل مايكون صحفي كان لاعب كرة طائرة ممتاز وقائد فريق ذي ذيو .. نتقاسم حبنا للكرة .. ولكن في الاخير اختار القدم .. ولكن تبقى الطائرة في الراس !!!

ما هو ده الكلام البنقول فيهو لينا خرطوميه سنه .. انه مزمل ما ليهو علاقة بكرة القدم، فلو كتب عن الكرة الطائره لما اقحمنا انفسنا وردينا عليهو لأنه مجال ما مجالنا !!
فى مصر لو الزول تاريخو كده اعنى لاعب كرة طائرة لا يسمح له أن يتفرج على كرة القدم، خليك من أن يكتب عنها وينظر ويسجل ويشطب لاعبين ويصر بأن العجب ما راكوبه !!
لكن برضو مزمز شاطر .. اختار مكان الكاش البقلل النقاش .. مالو ومال الكرة الطائره؟؟
شكرا ليك انعام على هذه الشهادة الغاليه التىى كتنت ابحث عنها منذ وقت طويل!!!!!!!!!!!!!

طالما (التاج) معانا
مزمل ما همّانا

مرحبا بالاخ مزمل ابو القاسم



شكله بعد دا في اقلام كثيرة حا تختفي


ودي عشان المريخ


جزيل الشكر حيموره

الحبيب احمد موسى

سلاماااااااااااااات

أحييك طالما في حب الهلال نلتقي ..

لكن برضو مزمل انسان رائع وكنا بنفضل انو يكون في زول بقدر يدافع عن قضايا الهلال وبعرف يكتب عن الكورة ..

لكن الله غالب ..

مودتي

مرحب بالقلم الجسور والفكر المستنير الصحفي المميز مزمل أبو القاسم صاحب كبدة الحقيقة البتخلي الجماعة يهبشوا كبدتهم من حلو الكلام والتغزل بعجبكو وطمبلكو صاحب الحق والامتياز في منح لاعبي الاحمر الوهاج الالقاب والصفات
مرة أخرى مرحباً بك عضواً فاعلاً ونشطاً لتعكس لنا نشاطات الاحمر الوهاج ثانية بثانية ودقيقة بدقيقة
واحي جميع آل حيمورة

Quote: عليك الله مزمل عاوز ليهو تعريف ولا معرفة ؟؟ مزمل زي المريخ زعيييييييييييم [/QUOT الزعيم هو الهلال بغير منازع ودى ما دايره نقاش . انا ارحب بالاخ مزمل وانا عادة لا ارحب بالمريخاب ولكن عشان اسم حيمورة نتجاوز عن كل شىء . آل حيمورة اسرة لا اعرفها ولكنى احبها فى الله . مرحب بيك الاخ مزمل ولك الود ود حيمورة ام وضاح

---

Post: #47 Title: Re: رحبوا معي بعودة الصحفي مزمل ابو القاسم للمنبر .. Author: على محمد على بشير Date: 07-30-2007, 09:24 AM Parent: #46 Quote: لأنه مجال ما مجالنا !! والله البيسمع تاج السر دا بيتكلم عن نفسه يقول انو كان كابتن منتخب السودان ومن تحت قدميه نال السودان بطولة كاس العالم والله ياتاج السر علاقتك بى كرة القدم زى علاقتى انا بى علم الفلك ياخ عليك الله ما تملانا فقر

---

Post: #48 Title: Re: رحبوا معي بعودة الصحفي مزمل ابو القاسم للمنبر .. Author: سامى عبد الوهاب مكى Date: 07-30-2007, 10:05 AM Parent: #1 مزمل ((جمكسين)) الرشاشات!! خلي الارهاب وما تشارك هنا!! وقعوا لعدم مشاركة مزمل ابو القاسم!! دا إرهاب!

---

Post: #49 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 10:23 AM Parent: #48 انت كمان يا سامي ما تبالغ الفاتح البوست ده هلالابي وبموت في الهلال وبطنو طامة من الناقد والصحفي الرياضي .. خليك حلو شوية كمان .. مودتي

---

Post: #50 Title: Re: رحبوا معي بعودة الصحفي مزمل ابو القاسم للمنبر .. Author: سامى عبد الوهاب مكى Date: 07-30-2007, 10:40 AM Parent: #49 Quote: انت كمان يا سامي ما تبالغ الفاتح البوست ده هلالابي وبموت في الهلال وبطنو طامة من الناقد والصحفي الرياضي .. خليك حلو شوية كمان .. مودتي متوسفين يا حيمورة... اها دي يضايروها كيف هاك اوردة ((الكحلية دي)) وإعتذار

---

Post: #52 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 11:09 AM Parent: #50 الحبيب سامي Quote: هاك اوردة ((الكحلية دي)) وإعتذار تسلم يا راقي والف شكر ليك ..

---

Post: #51 Title: Re: رحبوا معي بعودة الصحفي مزمل ابو القاسم للمنبر .. Author: hatim ibrahim Date: 07-30-2007, 11:06 AM Parent: #1 . مزمل أبو القاسم الأخ السوداني .. مرحب بيهو ألف وحبابو عشرة مزمل الذي يحاول أن Quote: يقترب من عشاق الكلمة الرصينة والنقد الهادف البناء .. أما مزمل أبو القاسم تبع صحيفة ( الصدأ ) بأسلوبه الـ( نتن ) والذي ( يوظف ) كلماته ( القذرة ) في صحيفة يومية يقرأها عامة الناس كي ينشر آفة ( التعصب ) بين الجمهور الرياضي فلا مرحبا به .. ولا مرحبا بقلمه الذي ( يهدّ ) ولا يبني فذاك المزمل ( وصمة عار ) في جبين الصحافة الرياضية في السودان .. .

---

Post: #53 Title: Re: رحبوا معي بعودة الصحفي مزمل ابو القاسم للمنبر .. Author: anwar abu gaidaa Date: 07-30-2007, 11:26 AM Parent: #51 بسم الله الرحمن الرحيم اهلا بك ابو احمد وابو القاسم ونسعد فى المنبر الحر بكل صاحب كلمه رساليه ونقرا ليك قريب هنا فى الاثير الحر ولك الود كسره؟ المتداخل حاتم ابراهيم ياخى ده بوست ترحيب ما تعقيب؟ وكلنا هلالاب؟

---

Post: #55 Title: Re: رحبوا معي بعودة الصحفي مزمل ابو القاسم للمنبر .. Author: سامى عبد الوهاب مكى Date: 07-30-2007, 11:56 AM Parent: #51 Quote: مزمل أبو القاسم الأخ السوداني .. مرحب بيهو ألف وحبابو عشرة مزمل الذي يحاول أن Quote: يقترب من عشاق الكلمة الرصينة والنقد الهادف البناء .. أما مزمل أبو القاسم تبع صحيفة ( الصدأ ) بأسلوبه الـ( نتن ) والذي ( يوظف ) كلماته ( القذرة ) في صحيفة يومية يقرأها عامة الناس كي ينشر آفة ( التعصب ) بين الجمهور الرياضي فلا مرحبا به .. ولا مرحبا بقلمه الذي ( يهدّ ) ولا يبني فذاك المزمل ( وصمة عار ) في جبين الصحافة الرياضية في السودان .. السلام عليك يا اخوي كدي براحة كدا وبعيد عن هلاليتك المشوشة عليك!! وصمة عار مزمل ام من أتهم إمرأة متوفية بانها كانت سيئة السمعة وهو لا يعلم بانها توفيت ولم تكن كذلك ولم يك لها ذنب إلا أنها شرفت المريخ باختيار اسمه!! وصمة عار وهو لا يشمله لقب صحفيي الفول كما اطلق عليهم كابتن الهلال حين قال يمكنك شرأهم بصحن فول!! وصمة عار هو أم صحافة منسوبة لفريق رياضي تتجاهل موت رجل لم يتجاهلة اعظم من مر على رئاسة الهلال!! يا خوي ما تخليك مندفع وكان ترحب ومافي زول بيوقف ليه زول في خشم الباب ويملي عليه متل شروطك دي!! أنا لست بصدد الدفاع عن مزمل فهو اقدر مني على الزود عن سمعته!! الصدى وليس الصدأ ففيها اهم كتاب الهلال!

---

Post: #57 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 12:19 PM Parent: #51 حاتم أخوي كدي استهدأ بالله .. مالك يا زول .. بدايتك كانت كويسه مالك خربتها .. على العموم لو شفنا كلامك ده Quote: أما مزمل أبو القاسم تبع صحيفة ( الصدأ ) بأسلوبه الـ( نتن ) والذي ( يوظف ) كلماته ( القذرة ) في صحيفة يومية يقرأها عامة الناس كي ينشر آفة ( التعصب ) بين الجمهور الرياضي فلا مرحبا به .. ولا مرحبا بقلمه الذي ( يهدّ ) ولا يبني فذاك المزمل ( وصمة عار ) في جبين الصحافة الرياضية في السودان .. وقام قراه صحفي هلالابي يعمل في صحيفة الصدأ .. يودي وشو وين .. يا اخي انا هلالابي والرياضة تسامح واخلاق فخلي قلبك كبير .. وده بوست ترحيب واذا عندك اي ضغائن وما قادر تسكت عليها افتح ليها بوست او ادخل بوستات تاج السر فهي مرتع لكل كلام قبيح .. اتمنى ان تعتذر عشان يحترمونا ناس المريخ ونساهم في توصيل رسالة محبة الرياضة .. مودتي

---

Post: #54 Title: Re: رحبوا معي بعودة الصحفي مزمل ابو القاسم للمنبر .. Author: منتصر الامين Date: 07-30-2007, 11:49 AM Parent: #1 هلا بصاحب الاسلوب المميز هلاااا بالذى يحلم الجميع بتعلم اسلوب كتابته هلااااااااا بيك يا العامل هلع لو كنت موجودا او غائبا فى انتظاااااااااااااااااااااااااااارك تخريمه: انتو تاج السر حسن دا لعب فى اى فريق

---

Post: #58 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 12:30 PM Parent: #54 الاخ منتصر الامين حبابك الف كمان انت مشنق طاقيتك دي زي الجائي من التراجمة حسي ... دق الطار شنو .. قلنا رحبو وبس .. وبعدين تاج السر ده كان بجيب الكور من برة .. عشان كده زاويتو الكان بتفرج بيها ضيقة جدا كان هو ما عندو نظر انت مالك ومالو .. مودتي

---

Post: #56 Title: Re: رحبوا معي بعودة الصحفي مزمل ابو القاسم للمنبر .. Author: عبد اللطيف عبد الحفيظ حمد Date: 07-30-2007, 11:56 AM Parent: #1 أنا هلالابي على السكين وبحب مزمل أبو القاسم رأيكم شنو وبعتبرو صحفي متميز بس لو تشيلوا علم المريخ ده!!!!!!!!!!!!!! والله تخلوا علم الهلال فوق ليهو

---

Post: #80 Title: Re: رحبوا معي بعودة الصحفي مزمل ابو القاسم للمنبر .. Author: yasir Abdelgadir Date: 07-31-2007, 05:50 AM Parent: #56 سلام وتحايا للاخ علاء والاخوة المتداخلين: اولا نرحب بمن قدمت فقط لانه قريبك وبصفته مواطن سوداني....اما عن قصة انو كاتب رصين وضليع في اللغة العربية دي فهي مجافية للحقيقة ...فكلام زي: طمبلني حاول حس بي....وعجبكو وسجم خشمكو...وحاحاحا..والكاش بيقلل النقاش....وما عارف ايه تاني مما هو اغرب مما سمعت...لا يمكن ان تكون كتابة رصينة ابدا..الا اذا كان السودان اتغير من ورانا ويكون دا مشروع الرصانة الجديد... ثانيا : من يلجأ للتشويش علي لاعبي نادي يلعب بأسم السودان في اوقات احوج مايكون هذا النادي للدعم المعنوي لايمكن ابدا ان يصب في صالح هذا الكاتب ايا كان...{ اقصد موضوع قودوين وموضوع الحارس المعز بالرغم من ان المحصلة كانت صدمة للكاتب} والمسألة ليست في كون ان يشجع الشخص ناديا بعينه لا غرابة في ذلك ولكننا نقف مع النادي الاخر عندما يلعب بأسم الوطن...وهناك من الكتاب الصحفيين المعروفين بميولهم لنادي المريخ ولكنهم يتمتعون بأحترام الجميع بما يكتبون... ولا داعي لذكر امثلة. انا لا اتابع جريدة الصدي لانها غير متوفرة عندنا لكن اتمني من الاخ مزمل مراعاة ان مايكتب يعكس بالضبط شخصية الكاتب وان يراعي ان الصحافة رسالة لمن يمتهنها... وبقدر مالها من دور ايجابي فلها ايضا الدور المدمر والذي ينعكس اثره ايضا علي الكاتب.. لك الشكر مرة اخري اخ علاء

---

Post: #59 Title: Re: رحبوا معي بعودة الصحفي مزمل ابو القاسم للمنبر .. Author: hatim ibrahim Date: 07-30-2007, 01:54 PM Parent: #1 . الأخ سامي Quote: كدي براحة كدا وبعيد عن هلاليتك المشوشة عليك ياخوي هلاليتي ما مشوشة علي ولا حاجة فالهلال ( جبل ) ما بيهزوا الريح وهلاليتي البعتز بيها ما ليها علاقة ( البتة ) بوجهة نظري في مزمل الصدأ وبالعكس تماما لو أنا مريخابي كنت حأكون أكثر ( حدة ) وكنت أول من سينادي ( بضرورة ) وقف مثل هذا المشجع المتعصب عن الكتابة في الصحف وأنت يا سامي .. لو كنت فعلا تعرف دور الصحافة الرياضية وقادر انك تخلع رداءك الأحمر عند التقييم هات لي مقالا ( واحد ) بس كتبه المشجع مزمل مكن يستفيد منو المريخ ذات نفسو خليك من القطاع الرياضي اجمالا ( الأندية ، الإدارات ، التحكيم ، المشجعين ) كل ما يفعله مزمل هو إذكاء روح ( العصبية ) بين الجماهير وأظنك لا تخالفني بأنه دور ( قذر ). الأخ علاء الدين حيمورة Quote: وقام قراه صحفي هلالابي يعمل في صحيفة الصدأ .. يودي وشو وين .. أولا هي ( الصدأ ) لأن مزمل يرأس تحريرها .. ويجتهد بعض الصحفيين من أجل تلميعها .. مزمل كتاباته ( قبيحة ) تثير لدي رغبة في ( الغثيان ) بيذكرني مزمل أيام زمان كان يجتمع في ميدان الأمم المتحدة مشجعو الهلال والمريخ ويقضنون النهار بطوله كل يمدح ناديه ويشتم النادي الآخر وخلاصة اليوم : صفر كبير مزمل كهؤلاء تماما .. مشجع متعصب .. ما كان ليسمح له بالكنابة في الصحف في أي مكان آخر غير السودان العجيب Quote: يا اخي انا هلالابي والرياضة تسامح واخلاق فخلي قلبك كبير .. وده بوست ترحيب واذا عندك اي ضغائن وما قادر تسكت عليها افتح ليها بوست او ادخل بوستات تاج السر فهي مرتع لكل كلام قبيح .. سبحان الله .. نفس الطريقة اذا كنت أنا ( ضد ) دخول قوات أجنبية للسودان طوالي ده بيعني اني مع حكومة الكيزان !!! ما عارف ليه دائما بتفسروا الحاجات كده ياخي ( ضغائن ) شنو البتتكلم عنها دي أنا مزمل ده ما بعرفو بالمرة ..وبالتالي ما ( ورادة ) حكاية ( الضغائن ) دي أنا بعرف ( السموم ) البينزلها في ( الصدأ ) في شكل كلمات .. وبشوف انو اي انسان ( حريص ) على وجود صحافة رياضية مفيدة مفروض يرفضها رفض قاطع .. وزي ما طلبت من الأخ سامي بطلب منك انت برضو - باعتبارك هلالابي وسامي مريخابي - جيب لي مثال واحد لمقال ( مفيد ) كتبو مزمل أبو القاسم حتى لو كان مفيد للمريخ البيشجع فيهو برضو مكسب .. Quote: اتمنى ان تعتذر عشان يحترمونا ناس المريخ ونساهم في توصيل رسالة محبة الرياضة .. حاجة غريبة يا علاء الدين اعتذر على شنو ..ولمنو ؟؟ قلت لينا ( رحبوا ) بالزول ده وأنا قلت مرحب بمزمل الأخ الانسان لكن مزمل البيكتب في ( الصدأ) انا كعضو هنا ما برحب بيهو * بالنسبة لبوستات الأخ تاج السر قلتها من قبل وأكررها هي ( نسخة زرقاء ) من كتابات مزمل أبو القاسم وبالتالي .. لا مرحبا بها هي أيضا.. وبالمناسبة وجهة نظري في كتابات مزمل تنصرف لكل كاتب لا يستفيد القطاع الرياضي من كتاباته ولكل مشجع متعصب لقى البلد فاضية قام مسك ليهو ( قلم ) وعمل فيها صحفي .. .

---

Post: #60 Title: Re: رحبوا معي بعودة الصحفي مزمل ابو القاسم للمنبر .. Author: تاج السر حسن Date: 07-30-2007, 02:11 PM Parent: #59 كتب محمد على بشير Quote: والله ياتاج السر علاقتك بى كرة القدم زى علاقتى انا بى علم الفلك ياخ عليك الله ما تملانا فقر المهم ما كنت لاعب كرة طائرة وجيت محل "الكاش بقلل النقاش" !! معقول "مصارع" يبقى ناقد يفتى فى "السباحه" !! الشئ المهم انه مزمل هو احد الصحفيين الذين اوقفهم مجلس الصحافه والمطبوعات وتم حفظ الحكم، لسوء السلوك حتى وصل الأمر أن ترسم كاركتيرات تقول لا تأخذ معك صحيفة رياضيه وانت ذاهب لمنزلك!! المريخاب لا يحبون مزمل لأنه ناقد رياضى ممتاز يعرف الكثير عن كرة القدم وفنونها، ألمر ان مزمل اوهمهم بانتصارات واهيه ومزيفه وكاذبه حتى وصل به الأمر أن يجعل الأنجاز فى دورى الخرطوم المحلى أفضل من الأنجاز فى كأس الدورى العام، وجعل الأنجاز فى كأس الكوؤس افضل من الأنجاز فى كاس الأندية الأبطال .. يعنى المريخاب بحبو البضحكهم ويغشهم لا البببكيهم زى عبدالمجيد عبدالرازق البقول "مفروض المنتخب القومى كله يشكل من لاعبى الهلال" !! اعوان مزمل هم من يطالبوا أصلاء المريخ فى منتدى المريخ الا يكتبوا الحقائق التى تجعل الهلالاب يشمتون عليهم !!

---

Post: #61 Title: Re: رحبوا معي بعودة الصحفي مزمل ابو القاسم للمنبر .. Author: سامى عبد الوهاب مكى Date: 07-30-2007, 02:14 PM Parent: #59 يعني الزول القال سيدة فرح إمرأة سيئة السمعة إذا قدر له أن يشارك في سودانيز اونلاين عملاً بنفس المبدأ!! يا حاتم دليلي تكريم الهلال الجبل المابهزو ريح لمزمل الصحفي المريخي لكتاباته المشرفة في حق الرياضة!! دي حقيقة ما هظار. الصدى صحيفة يكتب بها خيرة الكتاب الزرق باجماعكم. ياسر عايس إبراهيم عوض وممكن تقول قسم خالد((طبعاً) دا رايكم وانتم أحرار يبقى كيف الناس ديل وهم شايلين مفاتيح عاطفة كل هلالي وماعرفين انها الصدأ؟؟ سؤال يا حاتم من حيث المبدأ أنت محق ولكن تطبيق مبدأك جلى

---

Post: #62 Title: Re: رحبوا معي بعودة الصحفي مزمل ابو القاسم للمنبر .. Author: تاج السر حسن Date: 07-30-2007, 03:12 PM مزمل لا يمكن أن يحبه هلابى واعى أو يكرمه هلالى واعى !! والهلال نحن اولى الناس به لأنه جار لنا ونعرف تاريخه جيدا ونرصد الحاقدين عليه ولا نجاملهم!!

---

Post: #64 Title: Re: رحبوا معي بعودة الصحفي مزمل ابو القاسم للمنبر .. Author: ثابت محمد Date: 07-30-2007, 03:56 PM Parent: #62 Quote: مزمل كهؤلاء تماما .. مشجع متعصب .. ما كان ليسمح له بالكنابة في الصحف في أي مكان آخر غير السودان العجيب حاتم إبراهيم سلاااااام ياعاااالم ما تتكلموا سااااي إنت عارف مزمل قبل الصدى كان وين ؟؟؟؟؟ والله غايتو !!!!!! Quote: والهلال نحن اولى الناس به لأنه جار لنا ونعرف تاريخه جيدا ونرصد الحاقدين عليه تاج السر الأزرق بالله كل علاقتك بالهلال أنكم جيران ؟؟ والله مصيبة كبيرة أنا كنت قايلك مقتنع وعندك ولاء يعني لو حولت للعرضة جنوب ح تشجع المريخ ؟؟ عالم عجيب مزمل عاين سااااااكت علييك الله ماترد هنا

---

Post: #63 Title: Re: رحبوا معي بعودة الصحفي مزمل ابو القاسم للمنبر .. Author: sheba Date: 07-30-2007, 03:18 PM Parent: #1 مرحبا بفارس الصحافة الرياضية وشايف فى ناس الواحد من هسة ركبتو ام هلة هلة ..................... Quote: او ادخل بوستات تاج السر فهي مرتع لكل كلام قبيح .. تعرف والله العبارة دي مختصرة شديد... لكن ميانة حكم مسكين ويستحق الرثاء كمان وتبقي الحقيقة هي ان البعض يسترق البصر ليرى ماذا يكتب مزمل وماذا تحتوى كبد الحقيقة كل صباح

---

Post: #65 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 07:52 PM Parent: #63 هذا البوست قد أدى غرضه شكرا للاخوة أعضاء المنبر المتداخلين بالترحيب بالاخ مزمل أبو القاسم بمختلف أنتماءاتهم الرياضية .. شكرا للمريخاب قبل الهلالاب وشكرا لمن يشجع الكلمة الحلوة ... لم اقصد ان يكون هذا البوست سجالا وأساءات و كراهية بين الاخوة ولكن قصد منه : اولا شكر للاخ مزمل لدخوله لتزكية خالته الحاجة حنانة حيمورة ذات الستين عاما لتكون عضوا بالمنبر .. ( يلا يا مريخاب زكوا الحاجة عشان هي برضو مريخابية ) أخي بكري .. خالتك حنانة حيموره تقف منتظرة أنضمامها لعضوية المنبر ... ثانيا لتوجيه أخوه الاكبر سنا ( علاء الدين حيموره ) بأن لا يرد الا على من يستحق الرد .. وقبلت ذلك ومسحت كل مداخلاتي في بوست تاج السر الذى اتمنى الا يدخل على اي بوست افتحه انا .. ثالثا : ليرد على من اعتقد بان بكلامه البذيء سيكون سببا في انهيار صحيفته بس بأسلوب لطيف كما عهدنا به الاخ مزمل ... رابعا : ليكتشف بعض الاخوة شعبية مزمل عند القبيلة الزرقاء قبل الحمراء .. شكرا جزيلا لكم اخوتي المتداخلين ... تخريمات خفيفة .. نعم بين كل 10 اشخاص تجد 9 بيشجعوا الهلال ولكن في منزلنا العكس فالوالد وربنا يمد في ايامو مريخابي على السكين لكن لم ينفيني لاني هلالابي .. بل كان يحذر اخوتي اذا انهزم الهلال من المريخ بان لا يتكلمو معي .. اخوتي وجدوني بعيد من أبنتي هبة الله فأمسكوها علم المريخ وصوروها وبعثوا بهذه الصورة كنوع من المزاح بين الاخوان فأبتسمت ولم احمل على اخوتي فالحب الذي يجمعنا اكبر من حبنا للرياضة حتى .. أخيرا همسة في اذن تاج السر بأنه قد وصلني من الاخ الطيب شيقوق بأن له لحمة في آل حيمورة بهذا يصبح عدد الحيموراب 9 بالمنبر .. عينا باردة / اولاد حيمورة جوا والصيوان ملو مزمل ابو القاسم .. الطيب شيقوق .. أحمد الشايقي.. علاء .. د.عماد .. اشراقة .. انعام .. مهند وأخيرا الحاجة حنانة حيموره .. اها نطط يا تاج السر.. شكرا أحبتي ولكل من يريد ان يهاجم مزمل فليس من الصعب فتح بوست مالم يكن خائفا من دعم الاعضاء .. مودتي

---

Post: #66 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 07:58 PM Parent: #65 هبة الله علاء الدين حيموره ابنة الهلالابي ..

---

Post: #67 Title: Re: رحبوا معي بعودة الصحفي مزمل ابو القاسم للمنبر .. Author: مزمل أبو القاسم Date: 07-30-2007, 09:38 PM Parent: #66 الأعزاء: علاء أبو هبة الله غباشي.. الحبيب يسري.. نادر.. نصار.. تابت.. د.حمد.. أحمد.. حمزاوي.. سلمى.. أبو عثمان.. المهدي..أساسي..سموءل.. علي محمد.. معتصم.. محمد.. إنعام.. شهاب.. المهند.. أبو قوتة.. أحمد موسى.. نيازي.. إبراهيم.. أم وضاح.. سامي عبد الوهاب مكي.. أنور.. منتصر.. عبد اللطيف.. ثابت.. شيبا(الذيل) وكل الأحباء الذين تداخلوا للترحيب بشخصي الضعيف.. لكم الحب أصفاه ويا علاء نفذ الوصية بدقة وما تخوض في الوحل بالمناسبة صورة هبة الله بالنجمة رهيبة أصلو النجمة برضو هبةالله تحياتي للدكتور عماد ولأسرتك الصغيرة وكل الأحباب الحيموراب مزمل

---

Post: #68 Title: Re: رحبوا معي بعودة الصحفي مزمل ابو القاسم للمنبر .. Author: مزمل أبو القاسم Date: 07-30-2007, 09:52 PM Parent: #67 يا علاء نسيت أرحب بالطيب شيقوق الحيمورابي عرفني بيهو أكتر لو ممكن بالمناسبة يا سامي وجودي في المنبر لن يطول لأني لم أشارك فيه سوى خمس مرات في 3 أعوام أنا بوردابي قبلك يا علاء الدين وأعتقد أنني أول حيمورابي في المنبر وأكسلهم جميعا يا شيبامشتاقين وياسامي بطل الحماقة ورجع الموبايل كيغا وحمزاوي شخشيا؟؟؟؟ يا مرحى مزمل

---

Post: #69 Title: Re: رحبوا معي بعودة الصحفي مزمل ابو القاسم للمنبر .. Author: يسرى معتصم Date: 07-30-2007, 10:03 PM Parent: #68 Quote: بالمناسبة يا سامي وجودي في المنبر لن يطول أخوى مزمل يادووووب فى ناس أخدت نفس طويل ماأتهنينا بعد ماقلنا وجع وجع مزمل رجع على العموم معاكم فى الصدى ( القالو إنهارت) ياربى تكون إنهارت بسبب السيول والفيضانات سلامى للجميع فى الصدأ ياريت أخونا مصطفى أكد يكتب فى الصدأ........ سلامى وتحياتى له لك الود الكثير

---

Post: #71 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 10:19 PM Parent: #69 وصيتك يا مزمل على العين والراس وهو زاتو بعد ده بكون كره البلي ... بس ياريت تدينا بوست لطيف كده وما عليك نحن والاخوان ما بنقصر وعارفين مشغولياتك بما هو أكبر ... الاخ الطيب شيقوق فاجأني بحيمورابيتو دي الليلة .. حا ارسل ليك رقم تلفونو وهو مع الاستاذة سوسن عبد الرحيم في مسقط .. وفاتني ان اشكر الاخ القرضابي ذلك الشخص الانسان .. ووعدني بصورة تجمعكما وسوف ينزلها في هذا البوست .. تحياتي للوالد ولكل الاسرة بدون فرز .. والى ان نلتقيك في بوست يبل ريق المتعطشين ويكوي جباه المهزومين .. تسلم اخوي

---

Post: #70 Title: Re: رحبوا معي بعودة الصحفي مزمل ابو القاسم للمنبر .. Author: يسرى معتصم Date: 07-30-2007, 10:04 PM Parent: #68 Quote: بالمناسبة يا سامي وجودي في المنبر لن يطول أخوى مزمل يادووووب فى ناس أخدت نفس طويل ماأتهنينا بعد ماقلنا وجع وجع مزمل رجع على العموم معاكم فى الصدى ( القالو إنهارت) ياربى تكون إنهارت بسبب السيول والفيضانات سلامى للجميع فى الصدأ ياريت أخونا مصطفى أكد يكتب فى الصدأ........ سلامى وتحياتى له لك الود الكثير

---

Post: #72 Title: Re: رحبوا معي بعودة الصحفي مزمل ابو القاسم للمنبر .. Author: hatim ibrahim Date: 07-30-2007, 10:23 PM Parent: #1 . الأخ ثابت محمد وعليكم السلام Quote: ياعاااالم ما تتكلموا سااااي إنت عارف مزمل قبل الصدى كان وين ؟؟؟؟؟ مزمل اذا ( احترف ) المهنة والتزم ( بأخلاقيات ) المهنة شنو البيمنع انو يكتب في الخليج او في اي مكان تاني ؟؟ أنا ما عارف انتو بتلفوا حول الموضوع لي شنو انا بتكلم عن كتابات مزمل في الصدأ وطلبت من سامي ومن علاء الدين وحسع بطلب منك جيب لي مقال واحد كتبو مزمل فيهو ( فائدة ) للمريخ البتشجعوهو ده ولا أقول ليك .. هو أصلا ما بيعرف يكتب مقالات جيب لي ( نقاط ) مفيدة تناولها مزمل أما شاكلة Quote: ظروف قوات الملك فيصل و السلطان عبد الحميد و الأمير دامر تجعلها مطالبة باحتلال أرض المحنة.. رغم المحنة! فدي ( سبة ) للصحافة الرياضية إذا اعتبرنا ده أسلوب صحفيين .. يا ثابت أنا لما أقول ( زي ) مزمل ده ما كان حيسمحوا ليهو يكتب في بلد تانية غير السودان العجيب ده مش بقصد انو مزمل ذاتو يقوم يمشي يكتب في الخليج او في بريطانيا لانو لو مشى هناك غصبا عنو حيكون ( موضوعي )... بقصد انو لو في ( نموذج ) مزمل ده في ( بلد تانية) ما بيلقى فرصة يكتب يعني .. لو افترضنا مصر فيها واحد ( بعقلية ) مزمل بيشجع الأهلي وكل كتاباتو كانت لـ ( شتم ) الزمالك ولما يكتب عن الأهلي ( يتعابط ) بالطريقة البيعملها في الصدأ ده مش كان حيمنعوهو وبس احتمال كبير ( يسجنوهو ) كمان لانو بيثير القلاقل .. وبيؤجج في نار ( التعصب ) البغيض .

---

Post: #73 Title: Re: رحبوا معي بعودة الصحفي مزمل ابو القاسم للمنبر .. Author: hatim ibrahim Date: 07-30-2007, 10:34 PM Parent: #1 . علاء الدين حيمورة Quote: بهذا يصبح عدد الحيموراب 9 بالمنبر .. عينا باردة / اولاد حيمورة جوا والصيوان ملو انت من الأول لو قلت ياخوانا رحبو معاي بالـ ( حيمورابي ) مزمل أبو القاسم - اذا صحت النسبة لحيمورة - الوضع كان حيختلف .. كنا رحبنا ، وقلنا ربنا يزيد ويبارك بس انت القلت رحبوا معي بعودة ( الصحفي ) مزمل ومزمل يا اخونا ما صحفي .. مزمل ( مشجع متعصب ) يكتب في الصحافة .. مفروض نسمي الأشياء بمسمياتها .. .

---

Post: #74 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 11:03 PM Parent: #73 الاخ / حاتم تحية طيبة انت بتقول .. Quote: انت من الأول لو قلت ياخوانا رحبو معاي بالـ ( حيمورابي ) مزمل أبو القاسم - اذا صحت النسبة لحيمورة - الوضع كان حيختلف .. اذا صحت النسبة .. بفهم انك متشكك في هذه النسبة صاح ؟ نجي نشوف كلام مزمل .. Quote: أنا بوردابي قبلك يا علاء الدين وأعتقد أنني أول حيمورابي في المنبر وأكسلهم جميعا اذن الا تكون محتاج لشهادات اثبات رسمية بعد ده .. وصفة الحيمورابي لا تنفي صفة الصحفي وهو مؤهل لذلك اكاديميا وله سجل صحفي ويمكنك مخاطبة الجهات الرسمية بوجه نظرك .. كما اسلفت انه بوست ترحيب ولا يمكن ان اخوض في اي مهاترات غيه بل بالعكس حباب اي زول دخل هذا البوست .. همسة : برضو كلامك الفوق ده بنفع لبوست لحالو .. وانا هلالابي يا استاذ ..

---

Post: #75 Title: Re: رحبوا معي بعودة الصحفي مزمل ابو القاسم للمنبر .. Author: Elmosley Date: 07-30-2007, 11:27 PM Parent: #1 الف مرحب بمزمل

---

Post: #76 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-30-2007, 11:33 PM Parent: #75 والف مرحب بيك يا موصلي يا اصيل .. متابعين .. الهجروك علي وقناة الجزيرة معاكم .. مودتي

---

Post: #77 Title: Re: رحبوا معي بعودة الصحفي مزمل ابو القاسم للمنبر .. Author: hatim ibrahim Date: 07-31-2007, 01:01 AM Parent: #1 . الأخ علاء الدين ( الحيمورابي ) Quote: اذا صحت النسبة .. بفهم انك متشكك في هذه النسبة بالغت والله كل القصدتو هو صحة النسب من ( ناحية لغوية ) ( حيمورابي ) دي شفتها تقيلة ولكن لما لقيت مزمل كتبها قلت تكون الصحيحة وغير كده بتخلي الذهن ينصرف لأبو القوانين ( حمورابي ) العراقي .. وصراحة لو ما شفتها مكتوبة كنت حأقول ( حيموري ) بدون ما استند لقاعدة معينة تحياتي ،،

---

Post: #78 Title: Re: رحبوا معي بعودة الصحفي مزمل ابو القاسم للمنبر .. Author: تاج السر حسن Date: 07-31-2007, 01:23 AM Parent: #77 المهم فى الأمر طلع متسلبط ولاعب كرة طائره وبخاف منى خوف شديد وكلما كذب كشفنا كذبه اما التناقض فسوف نتركه للأخ/ أحمد الريح !!

---

Post: #79 Title: Re: رحبوا معي بعودة الصحفي مزمل ابو القاسم للمنبر .. Author: الطيب شيقوق Date: 07-31-2007, 05:27 AM Parent: #78 علوية الاعلام صار صناعة والترويج بقى ضرب من ضروب الفن واللوم بيجي بالغلات . دحين غير لصق لمزمل ابو القاسم ده اسم حيمورة في النهاية ليكون العنوان كالاتي : رحبوا معي بعودة مزمل ابو القاسم حيمورة . والله تخليهو حوفة كده لى حولو ما ينضم .

---

Post: #81 Title: Re: رحبوا معي بعودة الصحفي مزمل ابو القاسم للمنبر .. Author: yasir Abdelgadir Date: 07-31-2007, 06:04 AM Parent: #79 سلام وتحايا للاخ علاء والاخوة المتداخلين: اولا نرحب بمن قدمت فقط لانه قريبك وبصفته مواطن سوداني....اما عن قصة انو كاتب رصين وضليع في اللغة العربية دي فهي مجافية للحقيقة ...فكلام زي: طمبلني حاول حس بي....وعجبكو وسجم خشمكو...وحاحاحا..والكاش بيقلل النقاش....وما عارف ايه تاني مما هو اغرب مما سمعت...لا يمكن ان تكون كتابة رصينة ابدا..الا اذا كان السودان اتغير من ورانا ويكون دا مشروع الرصانة الجديد... ثانيا : من يلجأ للتشويش علي لاعبي نادي يلعب بأسم السودان في اوقات احوج مايكون هذا النادي للدعم المعنوي لايمكن ابدا ان يصب في صالح هذا الكاتب ايا كان...{ اقصد موضوع قودوين وموضوع الحارس المعز بالرغم من ان المحصلة كانت صدمة للكاتب} والمسألة ليست في كون ان يشجع الشخص ناديا بعينه لا غرابة في ذلك ولكننا نقف مع النادي الاخر عندما يلعب بأسم الوطن...وهناك من الكتاب الصحفيين المعروفين بميولهم لنادي المريخ ولكنهم يتمتعون بأحترام الجميع بما يكتبون... ولا داعي لذكر امثلة. انا لا اتابع جريدة الصدي لانها غير متوفرة عندنا لكن اتمني من الاخ مزمل مراعاة ان مايكتب يعكس بالضبط شخصية الكاتب وان يراعي ان الصحافة رسالة لمن يمتهنها... وبقدر مالها من دور ايجابي فلها ايضا الدور المدمر والذي ينعكس اثره ايضا علي الكاتب.. لك الشكر مرة اخري اخ علاء

---

Post: #86 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-31-2007, 07:24 AM Parent: #81 Quote: انا لا اتابع جريدة الصدي لانها غير متوفرة عندنا لكن اتمني من الاخ مزمل مراعاة ان مايكتب يعكس بالضبط شخصية الكاتب وان يراعي ان الصحافة رسالة لمن يمتهنها... وبقدر مالها من دور ايجابي فلها ايضا الدور المدمر والذي ينعكس اثره ايضا علي الكاتب.. لك الشكر مرة اخري اخ علاء شكرا ليك يا ياسر وأحييك على هذا الكلام المهذب واتمنى ان يصل هذا النقد الى الاخ مزمل .. ليس هنالك انسان معصوم من الخطأ وان كان الخطأ نسبي في مجال الرياضة لكن ببقى الكلام المقبول بكون على العين والراس .. تسلم ..

---

Post: #82 Title: Re: رحبوا معي بعودة الصحفي مزمل ابو القاسم للمنبر .. Author: malamih Date: 07-31-2007, 06:48 AM Parent: #79 خلونا من مزمل أبو القاسم .. هل علاء الدين حيمورة هو صديقي الذي درس معي في الخرطوم الثانوية القديمة و يسكن في مدينة الصحافة مربع 7 والرجل الديموقراطى الشفيف.. مرحب بالأستاذ مزمل أبو القاسم في سودانيز أون لاين صوت من الموردة.. و نرحب بصاحب الأمتياز لصحيفة الصدى الرياضية و هي بالمناسبة من أحسن الصحف الرياضية التى تطبع في السودان... فلقد تجنى البعض على مزمل أبو القاسم لمجرد أنه يحب نادي المريخ و هذا من حقه و من حق الأخ تاج السر أن يكون محبآ و مشجعآ لنادي الهلال .. و كذلك الأخ سامي عبد الوهاب والذي يذكرنى بالاعب الفذ دكتور الكرة السودانية كمال عبد الوهاب فهل أنت شقيقه يا سامي..! أعتب على المتداخلين بأنهم إختزلوا رياضة كرة القدم في ناديي الهلال و المريخ فقط و تناسوا بقية الأندية الرياضية في بقية أنحاء السودان .. أنا أحب و أشجع نادي الموردة فمنهم خرج أفذاذ لاعبي كرة القدم أذكر منهم الفذ صاحب الرأس الذهبي عمر عثمان الملقب ب(موسكو) والحريف هداف الفريق القومى السوداني الجناح الأيسر العم سليمان المحينة أطال الله في عمره حيث يجتمع أقطاب الكرة السودانية بمحله في سوق الموردة و يتناولون و جبة الأفطار صباح كل جمعة و يتادولون الشأن الرياضي عنده.. يجتمع عند الكابتن سليمان المحينة بمحله أقطاب أندية الهلال و المريخ و الموردة و العباسية و التاج العم الوسيلة العكام و التحرير بحري العم عثمان أنطون و النيل عبده زمان و الجيلانى الواثق.. و الأهلى حاتم الفوال و عثمان حامد... ود نوباوي الراحل عمر مهدي و من بيت المال حمدتو و من الرابطة عثمان الكوارتى و من رجالات الموردة العم عبد المحمود أبو صالح أطال الله في عمره و كمال الفيل و مولانا الريح وداعة الله و لفيف من الصحفيين الرياضيين حتى أصبح دكان المحينة هو برلمان الرياضيين و الإداريين أذكر منهم الطريفي و البلولة و غيرهم.. يا أحبائي إن الرياضة مثل و أخلاق قبل أن تتحول إلى معارك و إستهداف وأن المنافسات الرياضية هي إحدى الوسائل التى تحقق الهدف الأسمى لمنتوج و إسهامات الكرة السودانية في المحافل الدولية .. و هذا هو المقصد.. و دمتم في رعاية الله و مرة أخرى أرحب بالأستاذ مزمل أبو القاسم ..

---

Post: #87 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-31-2007, 07:34 AM Parent: #82 Quote: هل علاء الدين حيمورة هو صديقي الذي درس معي في الخرطوم الثانوية القديمة و يسكن في مدينة الصحافة مربع 7 والرجل الديموقراطى الشفيف.. الحبيب والصديق الوفي / عادل حسن نجيلة فعلا ياهو زااااااااااااتو .. وينك يا زول والله مشتاقين .. رديت عليك في بوست الاخ الطيب شيقوق .. وتركت لك رقم الموبايل ممنى النفس بسماع صوتك .. شكرا ليك على المداخلة والى ان نلتقي ويرجع التواصل ..

---

Post: #85 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-31-2007, 07:11 AM Parent: #77 والله يا حاتم بتعذر ليك لسؤ الفهم اللغوي .. باقي نحن ضعيفين في العربي ده حيورابي .. حيموري .. اي حاجة منك ظريفة الا كلامك في الرياضة .. وأصل الاسم مشتق من أخطر انواع الثعابين ( أبو حيموره ) والموجود في مناطق الشمال .. انسب زي ما انت عايز بعد ده .. مودتي ليك يا لذيذ لما تكون رايق وما منفعل ..

---

Post: #83 Title: Re: رحبوا معي بعودة الصحفي مزمل ابو القاسم للمنبر .. Author: ابو عثمان Date: 07-31-2007, 07:06 AM Parent: #1 Quote: المهم فى الأمر طلع متسلبط ولاعب كرة طائره وبخاف منى خوف شديد وكلما كذب كشفنا كذبه اما التناقض فسوف نتركه للأخ/ أحمد الريح !! تاج السر انت صحفي ولا رباطي ام موهوم

---

Post: #84 Title: Re: رحبوا معي بعودة الصحفي مزمل ابو القاسم للمنبر .. Author: سامى عبد الوهاب مكى Date: 07-31-2007, 07:11 AM Parent: #83 الاخ ملامح malamih من منا لا يحب الموردة!! نحبهامكان وسكان!! اما ألاخ تاج السر فهو زعلان لان مزمل لعب طائرة ياتاج السر عليك الله ((مزمل)) بتاع ((الكرة الطائرة)) دا...قتة بكرة القدم شنو؟؟]

---

Post: #88 Title: Re: رحبوا معي بعودة الصحفي مزمل ابو القاسم للمنبر .. Author: malamih Date: 07-31-2007, 09:51 AM Parent: #84 أها من ما أنت بتحب الموردة وأبوعنجة و بانت شرف و غرب تبقى أنت شقيق الدكتور اللعاب كمال عبد الوهاب.. و تكون إنت سامي راس حربة الهاشماب و قاتل فرق الليق في ذلك الوقت.. و معاك المروم عمر إنجليزي و شمعون و هاشم محمود الحارس الأسطوري و شقيقي السنتر هاف صانع الألعاب عاصم نجيلة و المخضرم الزين هيبة.. ياحليلكم يا سامي.. أما الموردة فهي عطاء لا ينضب منذ عمر عثمان و عمر التوم و المحينة و الجاك عجب و صفيحة و ليمونة و نصر جبارة و أحمد سالم و أسماعيل دوكة و شقيقه عوض دوكة و نوح و أولاد العاتى التوم و عزالدين و عباس ثم المدفعجي و أشوت زول مرة على السودان بشير عباس و اللذي أذاق الحارس التونسي عتوقة الأمرين وهو يحرز أولى أهداف العبور لنهائي أفريقيا عام 76 في إثيوبيا مجموعة درداوة.. والآن و بعد 35 عاما يعود السودان لنهائي كأس أفريقيا فسلامآ على الراحل المقيم المدرب الفذ منصور رمضان و الذي أعد ذلك المنتخب بعد أن خلف المدرب اليوغسلافي العالمى يانكو والذي لأول مرة إبتدع سياسة من هو الاعب الأقدر على تمثيل مركزه .. و لقد حازت الموردة أيام يانكو يقصب السبق ..فأختار يانكو من لاعبي فريق الموردة عصبة و الصياد الفنان و الذي كتبت عنه صحف القاهرة حينماإنتقل من الموردة لنادي الزمالك و شارك في أول مباراة له ضد الأهلى ( الصياد إصطاد الأهلى بثلاثية أفريقية كبرى} .. فالصياد صانع ألعاب فريق الموردة و الحريف الرشيق هو صانع ألعاب الفريق القومي السودانى و معه هداف الثوانى الأخيرة شرحبيل و الذي صرع أندية القمة في أوخر الثواني;; أواصل...!

---

Post: #92 Title: Re: رحبوا معي بعودة الصحفي مزمل ابو القاسم للمنبر .. Author: malamih Date: 07-31-2007, 01:01 PM Parent: #88 إختار يانكو من الموردة آنذاك و هو مدرب الفريق القومى السوداني اليوغسلافي .. لاعبي الموردة و هم عبد المنعم عصبة و الصياد و المدفعجي بشير عباس والمدافع عصام باسطة وحارس المرمى العملاق عوض دوكة و جعلهم أساسيين في الفريق القومى السوداني بجانب لاعبي الهلال و المريخ مثل الرمح الملتهب الشفيف و هداف الفريق القومى آنذاك على قاقرين و معه الدحيش و خضر الكوري و من نادي العامل حافظ عبيد و الذي إنتقل للهلال آنذاك .. و من التحرير حسن تشتش و قرن شطة و الحارس العملاق عبد الحميد كباشي و من بري نجم الوسط عبد الكافي و الحارس النور و المهاجم سليمان أبو النور و من الأهلى إختار المدافع السر الجمل و نجم الوسط عصام مجدوب و من النيل إختار نجم نجوم الوسط آنذاك شرف الدين موسى و الحارس العملاق عبده موسى و من المريخ إختار يانكو نجم الدفاع سليمان عبد القادر و فيصل كورى شقيق نجم الدفاع الهلالي خضر الكورى و من الوسط إختار عمر و بشارة كابتن فريق المريخ و كابتن الفريق القومى السودانى آنذاك و إيضآ المدفعجي الفاضل سانتو و د الكرة السودانية كمال عبد الوهاب و إختار إيضا من المريخ نجم الهجوم المريخي معتصم حموري/ أواصل

---

Post: #89 Title: Re: رحبوا معي بعودة الصحفي مزمل ابو القاسم للمنبر .. Author: ALGARADABI Date: 07-31-2007, 11:52 AM Parent: #1 الاخ علاء والاخوة الحيموراب( أحبابنا أهل الهوي) أها شوفوني موش أوجه من قريبكم ويالمناسبة هو أقرب لي منكم يس قول ليهو الزول ده أمه بت أحمدونا وزح بعيد مزمل تجمعنا به أشياء عديدة ويبعدنا عنه كرهه للهلال يملك مقومات أن يكون أحسن صحفي رياضي -ليس في السودان( حيث الصحافة مهنة من لا مهنة له) ولكن في أي مكان في الدنيا ... ولكنه رضي أن يكون صحفيا للمريخ فقط... حدثني صحفي مصري ألتقيته في أبوظبى و سألته عن الصحفيين الرياصيين السودانين.. قال (لي هو واحد.. مفيش غيرو ..مزمل) بيني وبينك اتغظتا منو عشان أنا جني وجن نجاح المريخاب... لكن تبقي الحقيقة يتمتع بكل مقومات الصحفي الممتاز ولكن...أختار أن يعادي 90% من الشعب السودانى يمكن مع المتوالية الخامسة يآمن ... لو كتب بنفس الروح والحياد لمن كان في أخبار العرب ... نضمن له امارة الصحافة الرياضية السودانية ولكن.... لولا المشقة لساد الناس كلهم وعموما مرحبا به أخ عزيز

---

Post: #90 Title: Re: رحبوا معي بعودة الصحفي مزمل ابو القاسم للمنبر .. Author: سامى عبد الوهاب مكى Date: 07-31-2007, 12:07 PM Parent: #1 ملامح malamih حديثك شجي. أنا سامي عبد الوهاب مكي كما هو واضح من الاسم في امشاركات..مابعيد منكم ((الركابية ومكي)) ولكن احب الموردة لان الاصل حب الامدرماني للموردة لان الموردة هي قلب امدرمان الذي نبض بفنها ورياضتها وفكاهتها وشفتنتها وكرمها ومسكنتها!! أحب الموردة الفريق والبحر الغريق!! ابداً اسم على اسم بس اتشرف بالمقارنة!! برضو بجيك! حتى تاج السر الهسي نحن وهو بنتخانق في الكورة ديل لان امدرمان عجيبة لقينا انو في حاجات كتيرة تخلينا مجبورين على بعض جد جد يعني نختلف في اراء وبس.

---

Post: #91 Title: Re: رحبوا معي بعودة الصحفي مزمل ابو القاسم للمنبر .. Author: غادة عبدالعزيز خالد Date: 07-31-2007, 12:10 PM Parent: #90 مرحبا وأهلا وسهلا بمزمل أبو القاسم سلامات يا علاء كل الود غادة

---

Post: #93 Title: Re: رحبوا معي بعودة الصحفي مزمل ابو القاسم للمنبر .. Author: علاء الدين حيموره Date: 07-31-2007, 01:33 PM Parent: #91 الاستاذة / عادة سلااماااااااااااااااات والله شرفتي ومشكورة كتير .. بس يلا خليك على التواصل .. باقي اخونا مزمل ده الجابو عشان يزكي الحاجة حنانة حيموره لعضوية المنبر .. مودتي

---

Post: #94 Title: Re: رحبوا معي بعودة الصحفي مزمل ابو القاسم للمنبر .. Author: تاج السر حسن Date: 07-31-2007, 02:39 PM Parent: #93 يا malamih سلامات أوردت معلومه خاطئه ومرت .. سامى عبدالوهاب شقيق لاعب المريخ كمال عبدالوهاب لم يلعب "انصائد" وانما ثيردباك فى فريق الهاشماب زميلا لمصطفى النقر الذى كان يلعب انصائد شمال الى جانب المرحوم عمر انجليزى.