Post: #1
Title: هدية عرس حافظ وسالى...(الطندبه) نص الانفعال بالجمائل والمحبه
Author: محمد عبيد الفاضلابى
Date: 07-28-2007, 08:48 PM
الطندبه
ــــــــــــــــــــــــــــــــ...
محكومه
بالاعدام شنق
قاضيها
من
نسج الخيال
شناقه
من
ناقه وحصان
الطندبه
الموزونه من قوس الفنون
الشاتيه صيف
الناصحه فى دعو النبات
رمق التوافيد
البحد
رص الدفين المنطلق
هيكل زمام السر
تحدثبو
المعابد
والعيون
شرفة تلاوين الرسوم
للموضه..
والغصن المحسن...
والبكاء
مافيشه فى سقف البيوت
تلقاها
فى سقف القصائد
طندبه
...اشكالها
فى
يوم القصاص
لون الرصاص
ما..
ذى
تلاوين السنابل
والحبل
مبروم من اليافها الغزيره
وجمله من ناسها ب تنق
:سالونا...
وين المحكمه؟
وشنو القضيه المولمه؟
المرفوعه ضد المتهم؟
..النيل
رفض مرقة مياءهو على الارض
ابت السحابات النزول
نقصت
فصول العام فصل
اتلمت الجهله
وبكت عين البهائم
وسربت فينا الحنين
...جلينا من حكماً
قديم
ووقعنا
فى
حكماً اليم
اشمعنى ما بدت المداوس من هنا؟
اتلم
فى اللون الغنا
وجواب دموع الغائبه
بسال
عن مزاد لوحه وطبق
ما كلنا...
الودران
وواقف
جوه فيك مستنى جيتك
رســـــــمى
شان...
يتوزع السيف والدرق
لا..اكلنا يوم
لا..نمنا كوم
لا.. صحوه
لا..اتلمينا قوم
لا شفنا ضوء لا.. ضلمه شان نعرف نحوم
القاضى والجلاد
مكتف فينا...
ثرثاراً يصوم من السكوت
من صباحاتنا البيض
الفاق
كتل فينا النفس
..ــ
الخائف المندس
يحرش فى الضياع
حاحا..و
ويشرك للضمائر فى البيوت
ود. ال..
الحــــــــــنود
ما اظن
مظالمنا بتفوت
عن..
كل عقلاً.
جله
فى التفكير يصوط
وما..اظن
بكاء
البنوت
بيجرح فينا
احساساً يموت
...ــــــــــ اتندل الهم فى الهموم
واتبشكر الليل السموم...واتلفح الشارع الوجوم
نبه النباه..!!!
وضــوء
ضوت الشمس الهجوم
اتفتحن بيبان محاكم الطندبه
وخشت
النـاس النقاش
حضروا الورق البدين القصه والنهج الغريب
حضرنا نحنا عصينا
ياخ قنالا عيب
جهزوا القاضى
البرتب للقصاص
جهزنا حالنا
وشلنـــــــــــــــــا...
فى
جوانا ساس
:قنالا
يا
ام المحاكم
كضبى..
وسيبى الاصول فى حالا
ما تهبشيلنا زول
الطندبه
المتهمه
ب.. عدم التكاثر والشتول
قطعت لسانها الاغنيات
والمحكمه
ا ت هز ة
تحوم
جوانا
ما لقت الثبات
الطندبه
الزهد المخمر من رحاب النافله
ل..
ارث التنادى
على
المعادى المحزنه
ماسوس خفوت الجدعه
يتلقف
تفاهات الشهاوى الواهنه
فى
عصمت خراب
نفس المحاصيل التنيص
ل..
كشة الندى واليباس..
شن دل ديل؟
غصبونا لى دق النحاس؟
بندق على عكس الكلام
واللحن
ساعـــــــــة
..يبق خاص
الطندبه
الموعوده ب دعوة خلاص
ميدان
بنات الحله فركه
وقطعه
قبلانه الدواس
...ــ
بندوس تحت ..ما يدوسو فوق
المحكمه
المصنوعه
طوق للعامه فرتاكا الدباس
..ـ
جل الكضب
نهج الكضب
شيخ منصر الراكوبه طقه من الزعل
فى المحكمه
اتطائر ورق
كل المعانى
السمحه والوسخانه..طق طق طق طقطق سريرك
يا بلد
خلى السبق
خير الدراويش اليفيض
مكتوب زياده على الصفق
والناحيه من سعر الزوات
..ـــ
قلايه
فى
فصل
المحاور والجنين
انسانى ما
,,دمع براو
وحيات غناك
فنان مجرتق ب غناو
قدامى ذى
خلاك براو
ما.. سكتين
سكة مراسل وانتفاض
وسكة محاسنا العراض
غشاشه
يا
نسل
الجراد
كل الوفود
الشارده من سخن النزيف
تلقانا كيف
ما..ـ
نحل رباط المشنقه
وقلبت
بقت
غنايه
غنت لينا
غنوات الفكاك المطلقه
الطير عقد عزمو
ورفس معنى المناصبه طلقه
قلع
الهدوم الخدره
جدعها فى المسيد
يا سيدنا هااااوى
ياهوى وسيد
قنالوا جدعها فى الجريد
: قال لينا
خلوها بتبيض
الطندبه الزرع الخصيب
بت موعد الشهر البصارع للوساع
غنية انابيب الشعاع
ارتاحى
حرقنا المكان
كسرنا فيو المطرقه
دلينا من سدرك سوال الازمه
شققنا المروق
وحلينا حبل المشنقه.
|
Post: #2
Title: Re: هدية عرس حافظ وسالى...(الطندبه) نص الانفعال بالجمائل والمحبه
Author: شمس الدين خواجات
Date: 07-28-2007, 09:15 PM
Parent: #1
محمد عبيد ,,
ياايها الفتى المعتق بالحكى ,,
ومتبل بفن التفاصيل الوجع ,,
شكرا جميلا على النص الخرافى ,,
نقطة ,,
القراءات 19,,
عدد الردود صفر,,
افترض ان المرور لم (يقرأ) النص جيدا ,,
اومتصفحين من الخارج ,,
عموما ,,
مبروك لحافظ وسالى ,,
شولة ,,
ياخ انت محمد عبيد الفاضلابى ,,
بتاع نمرة 2 النصر ,,
بس,,
|
Post: #3
Title: Re: هدية عرس حافظ وسالى...(الطندبه) نص الانفعال بالجمائل والمحبه
Author: نصار
Date: 07-28-2007, 11:28 PM
Parent: #1
العزيز محمد عبيد الفاضلابي
وينك يا زول يا زين
تعرف اليومين ديل، اللهم اجعله خير عند حاسة كدا ما عرف رقمها كم بين الحواس، بتذكر زول علي طول بلاقيهو (اشكال التلاقي الحديثه الذي اللتنا دي اسع)..
نص رائع
و هدية قيمة
بس اظهروا بالله
و تحياتي للشباب الجميلين المعاك
|
|