المشهد التقط في حفل للترفيه عن المساجين في احد السجون بالعاصمة الخرطوم، البوليس لايتاخر في المجاملة والرقص ياجماعة البحصل ده شنو المهازل دي شنو وبجيكم راجعة تاني في انتظار تعليقكم ياحليل البوليس هو اسم المشهد
Post: #7 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: Tragie Mustafa Date: 07-28-2007, 03:29 PM Parent: #2
غايتو ده فيلم هندي ياحنين البلد شكلهم جابوا فنانه للرقيص وللترفيه عن الجنود ولاحظي ده في ظل المشروع الحضاري لدولتنا الهام اوكي. الراجل البرقص ده تبع فرقة الفنانه ولا شنو؟؟؟ ولا هو دليل للمقارنه للمساجين انه الرجال مثل النساء فمباركا عليكم زيجاتكم المثليه داخل السجن؟؟؟
حميدة شكرا ليك ولجميع المتداخلين. البرقص مع الفنانة احد المساجين لاحظ لون لباس السجن ومشهد رتب اعلى من البوليس في الكراسي يشاهدون الحفل. ياجماعة يا انا ماطبيعية يا البحصل ده ماطبيعي. بجيكم راجعة قلتوا لي ترفيه......
الأخت العزيزة حنين للبلد، بعد تحية الود والإحترام، كما سبقوني بعض الإخوة، المساجين من حقهم يفرحوا زيهم وزي خلق الله، وفى الدول المتقدمة يوفرون للمساجين جميع وسائل الترفيه المشروعة، ومع إحترامي الشديد لوجهة نظرك أرى لا غضاضة فى ذلك، وقد تعرفت على أحد الضباط فى هذا المشهد، وهو إنسان شهم ونبيل وقمة الإنسانية، وعلى مايبدو أن هذه الحفلة قد قدمها الضباط للمساجين لإفراحهم بالعيد، والله أعلم.
Post: #24 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: عبدالكريم الامين احمد Date: 07-28-2007, 06:52 PM
هلا ومن حق البوليس والمساجين ان يرقصوا ويبتهجوا تمامافالبوليس ليس هو بوليس الانقاذ بل غالبية افراده من عامة الشعب ولكن الانقاذ تسخرهم تبعا للتعليمات والقيادة الكيزانية له... وهذه الفنانة الرقاصة التي تشابه في كثير من ملامحها (كوندا ليزا رايس) هي في حتها وكشفها الذي يبدو غريبا ومستهجن عند الكثيرين هنا ويترفعون عنه ليس هو الا اسقاط للوعي الشعبي الذي يمكن ان تلحظه في جولة ليلية لاي حي من الاحياء التي تقام فيها الحفلات... فاتني ان اشيد بالسجين الراقص وطريقة ادائه المميزة التي هزمت (كوندا) وختتها في علبها و(ويما في السجون من رقاصين).. خلوا الناس تبتهج وتعبر عن دواخلها بدون رتوش وزيف وفوقية والبوليس احسن ليهو يرقص مع الناس بدلا ان يفك فيهم بمبان وحتما سياتي اليوم الذي فيه ينحاز البوليس الي معدنه ونبته
Post: #22 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: محمد احمد سنهورى Date: 07-28-2007, 06:43 PM Parent: #1
المقطع لمساجين يااخى وانت ادرى بحال المساجين فمنهم من هو محكوم بالاعدام ومنهم المؤبد فما حال من هو مقبل على الاعدام وتبقى له فى هذه الحياة ايام معدودات. والله لو كنت هناك لكنت زرفت الدموع من اجل هذا الحمام المذبوح وهو يرقص. فليرقصو وليهنو بهز الجعبات والوسط والاطراف وليحيا بوليس السودان ثم ان ادارة سجون السودان هى فى الاصل ليس لها علاقة بالبوليس المعروف وبهااداريين وباحثين واجتماعيين هذا الترفيه من صميم اعمالهم. تحيا سجون السودان ويلا ارقصو تحياتى سنهورى
Post: #23 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: Tragie Mustafa Date: 07-28-2007, 06:50 PM Parent: #22
جنين البلد اظنك لم تنتبهي لمداخلتي اياها
Quote: غايتو ده فيلم هندي ياحنين البلد شكلهم جابوا فنانه للرقيص وللترفيه عن الجنود ولاحظي ده في ظل المشروع الحضاري لدولتنا الهمام اوكي. الراجل البرقص ده تبع فرقة الفنانه ولا شنو؟؟؟ ولا هو دليل للمقارنه للمساجين انه الرجال مثل النساء فمباركا عليكم زيجاتكم المثليه داخل السجن؟؟؟
لفت انتباهي انه المساجين ما لاباسين هدوم السجن فهل كل هؤلاء منتظرين ولم تتم محاكمتهم ام ماذا؟؟؟
Post: #25 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: Tragie Mustafa Date: 07-28-2007, 06:53 PM Parent: #23
وكله كوم وشيلة الفنانه لطرحتها كوم ثاني يعني بعد كل العملته ده هي برضو لابسه طرحه!!
Post: #26 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: عبدالكريم الامين احمد Date: 07-28-2007, 07:03 PM Parent: #25
واشارة اخري للذين يستهجون مثل هذا الايقاع الحركي المبني علي منطقة الوسط والارداف من الضروري التذكير بالرقص الافريقي ونحن وبالتاكيد امتداد له بل هنالك في السودان وفي كل حفلات العامة التي تقام بعفوية رقص عالي الافريقية وعالي التركيز علي الوسط وحركة كل اعضاء الجسم يحاكي صوت الغابة وحديث الجسد... افرغوا مثل هذا الرقص من منظور الاستلاب تتاح حريات التعبير فيه ..!!
Post: #27 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: عبدالكريم الامين احمد Date: 07-28-2007, 07:15 PM Parent: #26
Quote: بعد هذه الخيانة الشاورمية انطلقت لمكان التخريج (الليالي نغمي ) تاني واندهشت عندما وجدت القصة جايطة جوطة تقيلةواتلخبت الضيوف مع الخريجات والخريجين وهيئة التدريس ولقيت الجماعة فنانهم دور ورقيص شديد(حت تقيل) النبق والقرد وجب جبة عجيبة...قلت يا ربي انا رحت ولا مشيت حفلة تاني لانو القصة اتكوجنت كوجان عجيب ولو ما الانوار البتطفي وبتولع ديك وشفت (الفرد) مجكسين وبرقصوا مع جكس اهل خريجة من حي تاني لكنت اعتقد بانني (دشيت) حفلة بالغلط في شندي فوق ولا الديم وعرس كمان مش تخريج...ونعود..
Post: #28 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: Tragie Mustafa Date: 07-28-2007, 07:21 PM Parent: #27
العزيز عبد الكريم شتان يا اخي وجه الشبه بين رقصنا الافريقي المختلط في حصاد او زفاف وبين الاستعراض السلعي للمرأه
Quote: واشارة اخري للذين يستهجون مثل هذا الايقاع الحركي المبني علي منطقة الوسط والارداف من الضروري التذكير بالرقص الافريقي ونحن وبالتاكيد امتداد له بل هنالك في السودان وفي كل حفلات العامة التي تقام بعفوية رقص عالي الافريقية وعالي التركيز علي الوسط وحركة كل اعضاء الجسم يحاكي صوت الغابة وحديث الجسد... افرغوا مثل هذا الرقص من منظور الاستلاب تتاح حريات التعبير فيه ..!!
نحن يا كيكي كنا نحتفل برشاقة الجنسين وتناغم خطواتهم وانسجامهم مع الانغام وتعرف تماما تراص الريف عندما يتحدثون عن مدى اجادة فلان للعب اي يقصدوا كم هو راقص ماهر,رقصنا يختلف تماما عن الرقص المصري خصوصا و الشرقي عموما والذي يعتمد على فرجو الرجال على محاسن الانثى.
Post: #29 Title: Re: ياجماعة دمي اتحرق ادخلوا وروني رايكم شنو في رقيص البوليس السوداني ده Author: عبدالكريم الامين احمد Date: 07-28-2007, 08:05 PM Parent: #28
Quote: بين رقصنا الافريقي المختلط في حصاد او زفاف وبين الاستعراض السلعي للمرأه
سلام ياتراجي.. السوال الاهم البخلي ده عرض سعلي للمراة وداك ما عرض سلعي شنو يا تراجي..؟؟؟؟ فكل الحالتين الراقصة هي الامراة ولكن يا تراجي المنظار والخلفية الثقافية وتراكم الحساسية تجاه الخطيئة وجسد المراة هو من يجعلنا نستهجن حق هذه الفنانة في الرقيص بما ارادات الرقيص به..!!
