Post: #1
Title: يا الهلال مسّخت علينا الدوري الممتاز
Author: عمر الفاروق
Date: 07-28-2007, 12:49 PM
حالة من الإحباط من المباريات المحلية أصبحت تلازم جمهور الهلال الذي عوّد نفسه على المباريات الكبييييرة والفرق العريقة ..
جمهور الهلال من ما بدت 2007 دي وهو بيجيب في الفرق العملاقة عشان تلعب في حي العرب محل الزحمة وسوق العيش وريحة الشطة والغبار ..
جمهور الهلال من ما بدت 2007 شي زمالك وشي اهلي وشي ترجي وشي اسيك وشي بي الشي وعند الله ما بيروح شي..
مباريات الدوري الممتاز زمان كانت تلب جمهور متعصب تلقاهو متنشن ولو كنا لاعبين ضد جزيرة الفيل أو المريخ أو حتى الخرطوم 3 ..
بالله العظيم أسة جمهور الهلال بيدخل مباريات الهلال في الدوري الممتاز وبطنو طاااااااااامة وما عندو خلف ولا نفس يشوف الكورة بس اللهم يتواضعو للفريق التاني عشان بس يلقى ليهو قروش من الدخل لكن سبب واحد يخلينا ندخل ماف..
جمهور الهلال الكتم نفسو يوم كورة اسيك وهو متقدم بهدف لم يكتف انفاسه وهو متعادل مع الموردة والجمهور ينطط ويرقص ويتونس ده ياكل في التسالي وده في الداردمة وده في القهوة وده في التبش وماااااااااا جايبين خبر..
الجمهور الكان بينطط لي هدف قودوين في الترجي لمن قودوين جاب قونو في الموردة التقول جابو في تقسيمة بين الازرق والابيض انا قلت لي الجمبي هي قون وقودوين زااااااااتو غايتو قام جاري لزوم بس بقت عادة وكده ...
غايتو يا هلال الملايين شكيتك على الله بيخت لينا الكورة المحلية ومرقتها من نفسنا..
البيشوف جماعتنا لمن إيداهو جاب القون في جزيرة الفيل تحلف تقول حابو في جزيرة مالطة في نهائي كاس القارات والدول المجاورة ..
والبيشوف جماعتنا لمن اليجا تانا جاب قون في كورة ودية تحلف تقول جابو في كاس العالم للكرة الشاطئية ضد البرازيل..
الهلال ده بعد كده مفروض بس يلعب دولي ويعتزل اللعب المحلي يعني بس يلعب بطولات خارجية كأس افريقيا كأس الأندية العربية كأس العالم للأندية وبي المييييت كدهولو اتواصعنا نلعب كأس الليبرتادوس (والله عاجبني سااااااااي الاسم ده ) أو البوندس ليجا أو البريمر ليقا أو السيريا ون (والله جنس أسامي ) ..
لكن تاني بري بري بري من الممتاز المحلي ..
وبري بري بري من كأس السودان..
وكر علي يا يمة من درع الإنقاذ ..
وعوووووووووووووووووع من مباريات دعم السلام ..
|
Post: #2
Title: Re: يا الهلال مسّخت علينا الدوري الممتاز
Author: nazar hussien
Date: 07-28-2007, 12:55 PM
Parent: #1
| Quote: وعوووووووووووووووووع من مباريات دعم السلام |
شاهدت المباراة يا عمر...وفعلا لفت نظري الجمهور...يتونسوا
تقول في جمعية ادبية...او بتفرجوا في فيلم بايخ...
القون كأنوا ما قون...ونحن زاتنا شايفين التلفزيون
ونقلب في القنوات...ومرة مرة نرجع كورة الهلال...والموردة
بلاي جابو القون التاني...بلاي جابو التالت...
يعني زي الحكاية كدة تقول معروفة مش...؟
|
Post: #3
Title: Re: يا الهلال مسّخت علينا الدوري الممتاز
Author: عمر الفاروق
Date: 07-28-2007, 01:08 PM
Parent: #1
| Quote: بلاي جابو القون التاني...بلاي جابو التالت... |
مرات يا نزار تكونوا لاعبين حريق يقوم واحد كيشة كده يغطي هنا ويغطي هنا وفجأة يقول ليكم ه:
"هي انا فتحت "
اها نحن امبارح كده قاعدين في الإستاد ونقول :
هي جا قون ..هي ده التاني ..هي ده التالت ..
|
Post: #4
Title: Re: يا الهلال مسّخت علينا الدوري الممتاز
Author: امير مصطفى احمد
Date: 07-28-2007, 01:19 PM
Parent: #1
أها يا عمر الفاروق ونزار قزقزو بالدردمة دي :
البطولات التي خرج فيها صغير العرضة شمال من دور ال 32
1967
أمام الاوليمبي الاسكندراني المصري
بالخسارة رايح جاي !
1968
لم يشارك خارجيا
1969
لم يشارك خارجيا
1970
لم يشارك في دور ال 32
خرج من دور ال 16 أمام الاسماعيلي المصري
1971
لم يشارك خارجيا
1972
لم يشارك خارجيا
1973
لم يشارك خارجيا
1974
خرج من دور ال 16 أمام المحلة المصري
1975
لم يشارك خارجيا
1976
لم يشارك خارجيا
1977
لم يشارك خارجيا
1978
تمهيدي أمام Lavori Publici الصومالي !!!!!!
كأول فريق سوداني يشارك في التمهيدي !!!!
خرج من دور ال 32 أمام الزمالك المصري
الكؤوس الافريقية
1979
لم يشارك خارجيا
1980
لم يشارك خارجيا
1981
لم يشارك خارجيا
1982
خرج من دور ال 16 بالخسارة رايح جاي من كمبالا سيتي اليوغندي !!!!
1983
لم يشارك خارجيا
1984
خرج من دور ال 32 أمام المطابع الصومالي !!!!
دوري الابطال
فضيحة كروية تاريخية
1985
خرج من دور ال 16 أمام الزمالك المصري !!!
)متعودة دايما(
1986
لم يشارك خارجيا
1987
عنتر قتله اعمى
صعد للمباراة النهائية
هدف الثعلب الراسي الرائع !!!!
)كاس تشوفي ما تشيلي - دور اول(
1988
انجاز غير مسبوق
خرج من دور الثمانية
1989
لم يشارك خارجيا
)متعودة دايما(
)الموردة و الزعيم يحملان شعار السودان(
سيد الاسم يجيب كاس مانديلا !!
1990
انجاز تاريخ
يخرج من دور الثمانية امام اشانتي كوتوكو الغاني
1991
لم يشارك خارجيا
1992
وصول للنهائي
)كاس تشوفي ما تشيلي -دور تاني (
الوداد يخرج بالكاس من الزريبة !!! في زريبة العيش بتاعتكم وتنغلبوا
فاز على توربيلون التشادي في دور ال 32
و صعد بانسحاب سوتيما المدغشقري لدور ال 8
(ملح)
و بالتعادل رايح جاي مع قورماهيا ثم بضربات الجزاء 4/2
ثم مع الاسماعيل المصري و ايضا تعادل رايح جاي صفر/ صفر ثم 1/1
ثم امام الوداد صفر صفر و صفر/2
المحصلة :
صعد بفوز واحد فقط على بطل تشاد تربيلون للمباراة النهائية !!!!!!!
1993
لم يشارك خارجيا
(متعودة دايما)
1994
خرج من دور ال32 أمام رايون اسبورت الرواندي برباعية
1995
خرج من دور ال32 امام دايناموز هراري الزامبي بالخسارة رايح جاي
1996
خرج من دور ال 32 امام سانت جورج الاثيوبي القادم من التمهيدي
صفر/ صفر ثم صفر /1
1997
خرج من دور ال 16 امام حقوق الذهب الغاني
|
|