Post: #1
Title: يا خدر هووووووي حاتم مصطفي العوض جااااااااكم
Author: Ahmed musa
Date: 07-26-2007, 10:08 PM
خدر ياخوي هوووي
حاتم مصطفي العوض المخرج الإذاعي اللامع المتميز جااااااااااكم
والله قال بي قولكم
إنت وخطاب حسن ويحي فضل الله العوض والباقيين
|
Post: #2
Title: Re: يا خدر هووووووي حاتم مصطفي العوض جااااااااكم
Author: Haleem Abu-Gusseisa
Date: 07-27-2007, 07:30 AM
Parent: #1
لما ييجي قول ليه عبدالحليم أبوقصيصة بيقول ليك جيدا جيت
|
Post: #3
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 07-27-2007, 08:24 AM
Parent: #1
بقول ليه
المحيرني (خدر) وين ؟!!!
أنا ما حاسيبوا
|
Post: #4
Title: Re: يا خدر هووووووي حاتم مصطفي العوض جااااااااكم
Author: خدر
Date: 07-27-2007, 09:19 AM
Parent: #3
احمد موسي .. الله لاكسبكـ القال ليكـ جيبو منو 
اسه يجي يكوركـ لينا ويويويوييويوييويييي
ويدينا حصص في الاخراج و اغاني الحقيبة و يونسنا بي
بادي و الجابري و عميري و شاويش و حسن عطية
حاتم فنان يا احمد وانت عارفو و خطاب عارفو
والله عارفو
ياحاتم والله فرحت بي جيتكـ
وانت يا احمد موسي
انا بقيت محمول ياخي عشان كدي إتأخرت عليكـ الشفع واكـ واكـ النهار كلو
* فضل ليكـ خالد جاويش يا احمد لو جبتو لينا تكون ماقصرت
______
لاقيت حافظ يوم عرسو تلفونيا و بسلم عليكـ
|
Post: #6
Title: Re: يا خدر هووووووي حاتم مصطفي العوض جااااااااكم
Author: خدر
Date: 07-27-2007, 09:35 AM
Parent: #4
|
Post: #5
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 07-27-2007, 09:35 AM
Parent: #1
Quote: احمد موسي .. الله لاكسبكـ القال ليكـ جيبو منو
|
أهاااااااااا
قمنا للإتهامات وإغتيال الشخصية
والله ما جبتوا بس امس سمعت لي (طقة) كدة يعني زي إشاعة
من الغواصة الأمنجي (عثمان حامد) أهه قلت أتش الخبر
يا صابت يا إتنين عُوور
ولو طلع الخبر خطأ . . . شنوا يعني (مع هزة كتف لا مبالية)
البورد مليااااااااان أخبار خطأ
خالد جاويش انا ما بجيبو
هو أشتر لو رشحتوا وأخدالباسووردحيكتب في سودانييز فورأوول !!!
ـــــــــ
والله عرس حافظ ده فيهوا حاجة كدة أنا ما فاهماوقلت لتماضرحافظ جنوا هروب
فانا خايفوا يكون معرسهارب من العزوبية بس !!!
عشان كدة أنا برئ منوا إلي حين !!!
|
Post: #7
Title: Re: يا خدر هووووووي حاتم مصطفي العوض جااااااااكم
Author: خدر
Date: 07-27-2007, 09:37 AM
Parent: #5
Quote: خالد جاويش انا ما بجيبو
هو أشتر لو رشحتوا وأخدالباسووردحيكتب في سودانييز فورأوول !!! |
واهاهااهاهاااااهههههههههاااا
واااااااااااااااااااااااااكـ
وااااااااااااي
|
Post: #8
Title: Re: يا خدر هووووووي حاتم مصطفي العوض جااااااااكم
Author: خدر
Date: 07-27-2007, 09:43 AM
Parent: #7
| Quote: لما ييجي قول ليه عبدالحليم أبوقصيصة بيقول ليك جيدا جيت |
عبدالحليم صاحبنا بتاع السعودية
الاخدراني الوجية ابونضارات ؟
اجب بلا او نعم
___________
احمد تعال نستغل بوست حاتم ده و نتونس
|
Post: #9
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 07-27-2007, 10:21 AM
Parent: #1
| Quote: احمد تعال نستغل بوست حاتم ده و نتونس |
اكتر حاجة عجبتني في بوست (كلنا فضيلي)
جدية برّاكة
ومقولة فضيلي (ارهقونا بالحب) حأستخدمها زيكم شهر لحدي ما تظهر طقة جديدة
شتارة جاويش خليها
أسال حافظ عن تأشيرة نصرالدين الشين
الجماعة قالوا نصرالدين شدة ما احول أشر للهند وسافر ليبيا !!!!
ومصطفي احمدالخليفة مرة شاف نصرالدين قال والله نصرالدين ده شدة ما أحول الجاي داك ماهو!!
في فلم لأمين صديق نصرالدين كان شغال كابتن طيارمحمد نعيمسأل امين
إنت فلمك ده كوميدي ؟!!
أمين (مستغرباًالسؤال ومحترماً محمد نعيم كمنتج) : أأي ليه
محمد نعيم : عشان بطلك احول !!!!
ــــــــــ
سلام بيناتنا لنصرالدين أجمل ممثل سوداني (رغم انف براكة)
وقاعد ليك
إجازة وكدة
|
Post: #10
Title: Re: يا خدر هووووووي حاتم مصطفي العوض جااااااااكم
Author: عزيز
Date: 07-27-2007, 11:26 AM
Parent: #9
حاتم العربي لحما وشحما ودما
ياهلا ومية غلا
والله مشتاقين كتير كانت لنا أيام (وداخلية الجزلي)
وكمان عبدالحليم أبوقصيصة دفعتى وزميل فصلي بالصف الأول والثاني قبل الهجرة للقاهرة بمدرسة المؤتمر الثانوية بامدرمان وعازف الباص جيتار ..
شفت ياخدوري الدنيا أصحبت قرية كيف!!
أحمد موسي تحياتى والله مشتاقين كتير .. وينك وكيفك يارجل أخبارك؟؟
محبة صادقة وامنيات وتحايا لكل الرفاق..
عبدالعزيز خطاب
|
Post: #11
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 07-27-2007, 03:49 PM
Parent: #1
عبدالعزيز
كيفك ياراقي
ياهو العربي ذاتوا
وشكراً لإضاءة إشارات حول سنه !!!!!!
ههههاهاهههاه
|
Post: #12
Title: Re: يا خدر هووووووي حاتم مصطفي العوض جااااااااكم
Author: esam gabralla
Date: 07-27-2007, 05:57 PM
Parent: #1
سلام
اوروبا ما صدقت انها ارتاحت من عثمان حامد لكم شهر تقومو ترسلو حاتم؟ "عربنا" ديل صعبين خلاص (عربنا ترجع لمدنى ... الخواف ربي عيالو)...
يا احمد انا ما بعرفك ...لكن اتصرف و وقف المصيبة دى .. بالمرة كده "كجر" لنا عثمان و واحد اسمو ميسرة ما يطلعو من السودان .. تكون قدمت للبشرية خدمة جليلة... لو ما عارف!!!!
ام تريبات ما تامه حلة تطلع منها كل المحن دى!!!!... الوالدة سمتها ام كتيحات وهى ترى وش عثمان و هدومو وهو قادم لزيارتنا ..
غايتو لو المصيبة حصلت نجى نقابل حاتم ونشوف اخبار نجلاء والاصحاب و (جدل الحلة)....
ام تريبات تحذر اوروبا للمرة الاخيرة
|
Post: #13
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 07-27-2007, 06:41 PM
Parent: #1
عصام جبرالله
والله انا من عرفت حاتم وعثمان والحرمبيطي
قلت إنو (أم تريبات) حتعيد صياغة التأريخ !!!!
|
Post: #14
Title: Re: يا خدر هووووووي حاتم مصطفي العوض جااااااااكم
Author: خدر
Date: 07-27-2007, 10:08 PM
Parent: #13
Quote: والله ما جبتوا بس امس سمعت لي (طقة) كدة يعني زي إشاعة
من الغواصة الأمنجي (عثمان حامد) |
عثمان و عجلتو الشهيره
والله يا عثمان حاتم مايجي إلا ارسمكـ جردل
|
Post: #15
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 07-28-2007, 05:56 AM
Parent: #1
خدرالليلةاليوم التالت والزول ماظهروأنا إتزنقت زنقة الطاهرساتي مع عادل عبدالعاطي
في موضوع غواصات كوسو وهو صخفي شاطرإتخارج أها أنا شن إسو ؟!!!
كدي إحتياطياًرسل لي كوبي من جردل عثمان حامد وأنا البيست حريف فيه
سلم لي علي العيال وعيالي ـ لوحصل لي حاجة في موضوع حاتم ده ـ أمانة في رقبتك
التفاصيل بتاعتهم حصراً في
دعوها .. فإنها مأمورة
لأنو زوجتي في مواقف زي دي بتزيد ليها واحد إتنين
ليه ؟!! ماعارف
|
Post: #16
Title: Re: يا خدر هووووووي حاتم مصطفي العوض جااااااااكم
Author: Haleem Abu-Gusseisa
Date: 08-14-2007, 10:51 PM
Parent: #15
طبعا يا سادة حا أرجِّع ليكم موضوع الظاهر إنو مشى ورا شديد في المنبر، لكن أنا عامل ليه bookmark
مشاغل الحياة عصرت علي وما خلتني أقدر أرجع بعد ما رسلت تحية بمقدم أخينا حاتم مصطفى العوض صاحب عصيدة الدخن أم لبنين "ما واحد"، ولمن رجعت لقيت خدر بيسألني الإجابة بلا أو نعم، ولأنه قال "الوجيه" تكون الإجابة بنعم. أما عبدالعزيز خطاب ذو الذاكرة الجيدة لأن القليل من "أولاد الدفعة" ما زالوا يتذكروا خروجي من البلاد قبل المعركة النهائية، فله التحية -وللكل- وهي موصولة لأخينا عصام جبرالله عله يصلنا في هذه المدينة القريبة جدا منا. معذرة لاستخدام هذا الـبوست كـ"جسر المحبة"، وأعود للموضوع الأساسي: أين حاتم مصطفى العوض؟
عبد الحليم أبوقصيصة "أبو نظارات"
|
Post: #17
Title: Re: يا خدر هووووووي حاتم مصطفي العوض جااااااااكم
Author: خطاب حسن احمد
Date: 08-15-2007, 01:47 AM
Parent: #16
.....
.....
يا جماعة الرحمن
سلام َ عليكم
أ يما سلام .......
احمد موسى .. شكرا حاتميا
....وياشباب ونستكم سمحه تب
علا عمكم جاى من غا دى ...
....
....
ود العوض
كيفنك .....
....عساك on line
....
|
Post: #18
Title: Re: يا خدر هووووووي حاتم مصطفي العوض جااااااااكم
Author: بكرى ابوبكر
Date: 08-15-2007, 06:38 AM
Parent: #17
يا خدر صاحبى حاتم ود ام تريبات لسع ما جاء هنا مع انو عندما اعطيته الباسودر قال حا يدخل طوالى الحكاية شنو يا حاتم ابعد من الخبير عثمان حامد ده شوية وتعال حينا شوية
|
Post: #19
Title: Re: يا خدر هووووووي حاتم مصطفي العوض جااااااااكم
Author: saif basheer
Date: 08-15-2007, 09:41 AM
Parent: #18
الحاجة الكويسة يا عصام انو حاتم بخاف من البحار وكدا... يعني لندن وعموم بريطانيا ممكن تكون في مأمن...
وأيضاً تحايا لنجلاء والوليدات..
|
Post: #25
Title: Re: يا خدر هووووووي حاتم مصطفي العوض جااااااااكم
Author: خدر
Date: 08-15-2007, 11:44 AM
Parent: #19
| Quote: الوالدة سمتها ام كتيحات وهى ترى وش عثمان و هدومو وهو قادم لزيارتنا .. |
لله درها الوالده .. دائما تعبر عن مايجول في خاطري
ياسيف بشير
والله حاتم ده غايتو الله يستر
اظنو بعرف يعوم
خطاب
إنشاء الله تكون اونلاين انتا دا
|
Post: #20
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-15-2007, 10:31 AM
Parent: #1
| Quote: يا خدر صاحبى حاتم ود ام تريبات لسع ما جاء هنا مع انو عندما اعطيته الباسودر قال حا يدخل طوالى الحكاية شنو يا حاتم ابعد من الخبير عثمان حامد ده شوية وتعال حينا شوية |
ظهر الحق وزهق الباطل إن الباطل كان زهوقا
وفي رواية ذات ترجمة مصرية (زهوأأأ)
اها كدة ياخدر سيد الحوش ثبت صحة الخبر والله انا كُنت خايف يكون ده خازوق من عثمان حامد (إصلوا بيننا عداوة لله في الله) وما بستبعد منوا المكائد
بعد دة إن جه جه إن ما جه أنا برئ منه براءة الذئب من باسوورد أبن يعقوب
خطاب
عفواً قُرنياً
شكراً حاتمياً عذاب ضيوف بكل طاقات الحيل
عفواً قُرنياً موازنة بتقفيل أبواب الرهق
|
Post: #21
Title: Re: يا خدر هووووووي حاتم مصطفي العوض جااااااااكم
Author: خدر
Date: 08-15-2007, 11:21 AM
Parent: #20
| Quote: يا خدر صاحبى حاتم ود ام تريبات لسع ما جاء هنا مع انو عندما اعطيته الباسودر قال حا يدخل طوالى الحكاية شنو يا حاتم ابعد من الخبير عثمان حامد ده شوية وتعال حينا شوية |
بكور .. انا غايتو لو عندي ويب سايت و واحد قال لي بدخل طوالي و مادخل
برفدو طوالي
عثمان حامد
اها حاتم دخلكـ في (كسـتبانه)
|
Post: #23
Title: Re: يا خدر هووووووي حاتم مصطفي العوض جااااااااكم
Author: خدر
Date: 08-15-2007, 11:34 AM
Parent: #21
ابوقصيصه
يا سلام ياخي والله سألت منكـ طوب الارض
ليكـ وحشه يارجل و شوق شديد يغشاكـ
12 سنه اظنها اسه
كيف الشباب بطرفكـ .. معاويه - قرفة و بقيه الاوغاد
لسه في السعوديات ولا مشيت امريكات والنظارات اتقلبن عدسات
خبر جميل انك هنا
|
Post: #22
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-15-2007, 11:33 AM
Parent: #1
Quote: بكور .. انا غايتو لو عندي ويب سايت و واحد قال لي بدخل طوالي و مادخل
برفدو طوالي |
والله يا خدر حاولت اوحي لبكري بالفكرة دي (كان جه ......كان ما جه !!!) ديك وما حاولت افسر وقلت بكري ما بقصر لكن إنت قلتها توووووش
المُحيرني بكري بخاطبك إنت وانا صاحب البوست (المالك المُسجل) للبوست زي ما بقولوا اخواني ناس القانون لكن (منو البقول البغلة في الإبريق ؟!!!)
|
Post: #24
Title: Re: يا خدر هووووووي حاتم مصطفي العوض جااااااااكم
Author: خدر
Date: 08-15-2007, 11:41 AM
Parent: #22
احمد موسي
بالرجوع لسجل الاعضاء بالموقع و وفقا لقانون الاقدميه في الجيش ..نفيدكم بالتالي
1- مفروض لو عاوز حاجة من بكري ماتراسلو في الايميل الخاص او تفتح بوست
2- ترسلها لي عضو قديم اولا
3- والعضو القديم يفكر فيها .. و من ثم
4- يرسلها لي بكري
5- و بعد داكـ ينظر و يفاد
انتو قايلنها طلقيت ساي يا وهم ؟
قال مالكـ مسجل قال
والله بوستكـ ده راسمالو شكلة و يمشي الخور
|
Post: #26
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-15-2007, 11:49 AM
Parent: #1
Quote:
قال مالكـ مسجل قال
|
ما انا (قال مُسجل) دي الجابت معاها (البغلة والإبريق)
| Quote: والله بوستكـ ده راسمالو شكلة و يمشي الخور |
توف من خشمك يا خدر (حوالينا وماعلينا) و الله خوفتني ولفيت علي الشُكلجية ولقيتهم :
أ. جزء بحمدالله حردان
بـ. جزءموقوف لأسباب بوردية اكبرمن إستيعابنا وباصمين علي صحتها بالعشرة لحدي ما نعرف (لوعرفنا) *
ج. جزء شابك في خناق بعض كيبورداتهم تلحم من سخونة الالفاظ
ـــــــــــــــــــــــــ
(لو عرفنا) : لفظة بريئة لا تحمل أي مدلول مُعارضة
|
Post: #27
Title: Re: يا خدر هووووووي حاتم مصطفي العوض جااااااااكم
Author: Haleem Abu-Gusseisa
Date: 08-15-2007, 10:42 PM
Parent: #26
يا خدر يسعد مساك (وصباحك برضه)
دي كانت أيام جميلة، قرفة الفي أمريكا (مفقود حاليا)، ومعاوية اللسه في السعودية (حسب آخر اتصال)، وحاتم مصطفى العوض الكان ساكن تكلة مننا بعد ما جات أسرته، وأخوك المقيم حاليا في إنجلترا. قطعا الحياة كانت أسعد، لكن للأسف ما فيها pause.
السؤال المهم حاليا: وين الشاب -أو الكهل- حاتم مصطفى العوض، بشرتونا وخليتونا معلقين.
تحياتي للكل
عبدالحليم أبوقصيصة (يا ها النضارة ذاتها)
|
Post: #28
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-16-2007, 03:25 PM
Parent: #1
Quote: يا خدر يسعد مساك (وصباحك برضه)
دي كانت أيام جميلة، قرفة الفي أمريكا (مفقود حاليا)، ومعاوية اللسه في السعودية (حسب آخر اتصال)، وحاتم مصطفى العوض الكان ساكن تكلة مننا بعد ما جات أسرته، وأخوك المقيم حاليا في إنجلترا. قطعا الحياة كانت أسعد، لكن للأسف ما فيها pause.
|
خدر تبادلني ببوست لقاء البترقص معاها فيهوا داك ؟!!!
ولا أديّّّنك ليهوا واكون طالبك بوست (إنشاء عن اليسار الحديث!!!)
ياشباب الكاتب هنا (أحمد موسي)
الداير خدريلقاهوا هنا
سجم خشم القوي الديمقراطية
أو هنا
الآنسة ( لقاء ) مضي كل الزمن .. هل تسمحين لي بهذه الرقصة
أوهنا
دعوها .. فإنها مأمورة
أوفي هولندا او في أي محل
ما معقول ياخ
يابكرييييييييييييييييييييي
إنت وين ياخ
|
Post: #29
Title: Re: يا خدر هووووووي حاتم مصطفي العوض جااااااااكم
Author: مصطفي سري
Date: 08-17-2007, 01:22 AM
Parent: #28
اها .... جا .... وللا ... ما ... جا
حاتم ... مصطفى ... العوض ... وللا
قاعد ... جنب الوزير..واحمد موسى عارف
|
Post: #30
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-17-2007, 02:32 PM
Parent: #1
Quote:
اها .... جا .... وللا ... ما ... جا
حاتم ... مصطفى ... العوض ... |
مصطفي إنت واحد من الكُتّاب الواضحين لكن ما عارف ليه كلامك هنا بقي لي كلام الطير في أُم تريبات
أُم تريبات التي حذرت أوروباً يوماًُ للمرة الآخيرة !!!!
Quote: وللا
قاعد ... جنب الوزير..واحمد موسى عارف |
وزير ؟!!!
والله إنت ما متابع , ديل بقوا وزيرين والله قال بقولنا
|
Post: #31
Title: Re: يا خدر هووووووي حاتم مصطفي العوض جااااااااكم
Author: مصطفي سري
Date: 08-17-2007, 02:37 PM
Parent: #30
صحح معلوماتك استاذي العزيز حتى لا يتقدم السيد المحترم حاتم
بدعوى ضدك ... ام تريبات حذرت الولايات المتحدة لامريكية وليس
اوربا ... وانا ما زلت واضحاً واظنك فهمت المقصد ... والوزيرين
معلومين الهوية والطوية ... ويمكن حاتم جاي (بحصانة) وليس حصانه
انشاء الله دي واضحة.
|
Post: #32
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-17-2007, 09:11 PM
Parent: #1
Quote: صحح معلوماتك استاذي العزيز حتى لا يتقدم السيد المحترم حاتم
بدعوى ضدك ... |
لا حول ولا قوة إلا بالله (دعوي قضائية ؟!!!) ليه ؟!!!
Quote: ام تريبات حذرت الولايات المتحدة لامريكية وليس
اوربا ...
تصدق يا سريعصام جبرالله داير يوقعني في الغلط؟
قال شنوا قال (أُم تريبات تخذر أوروبا) وقال شتو قال ((للمرة الاخيرة))
والله لو ما مُداخلتط دي كان رحت في أُم تريبات
Quote: ويمكن حاتم جاي (بحصانة) وليس حصانه
انشاء الله دي واضحة. |
والله دي تيقي مُصيبة واكون أنا شريك في المصيبة
|
Post: #33
Title: Re: يا خدر هووووووي حاتم مصطفي العوض جااااااااكم
Author: خطاب حسن احمد
Date: 08-17-2007, 11:32 PM
Parent: #32
....
......يا جماعة الرحمن
.....( والعباره مستلفه من
.....
ذات مسرح
...فيا جماعة الرحمن لكم السلام
العربى وين !!
....
....
ا تضح وبان
لك الأ لحان
..
..
معقوله !!
|
Post: #34
Title: Re: يا خدر هووووووي حاتم مصطفي العوض جااااااااكم
Author: خطاب حسن احمد
Date: 08-18-2007, 03:26 AM
Parent: #33
...
....
..فى زمان قديم ..كان لى صديق
..كنت قبل أن أطرق الباب
.. يرد
ما با له
الان
...
...!!
لكم التحايا
...
سرى مسعول من الخير !!
انت بقه
وين!!
...
|
Post: #35
Title: Re: يا خدر هووووووي حاتم مصطفي العوض جااااااااكم
Author: مصطفي سري
Date: 08-18-2007, 11:39 AM
Parent: #34
استاذنا الكبير خطاب التحايا
بقة الان في جوبا وكان شاف كلام
احمد موسى بيجي جاري سريع
اها جا وللا ما جا.. هو راكب نملة؟
|
Post: #36
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-18-2007, 09:01 PM
Parent: #1
Quote: بقة الان في جوبا وكان شاف كلام
احمد موسى بيجي جاري سريع
|
صمُُ بكم ُعُميٌٌ
وجعلنا من بين أيديهم سدا ومن خلفهم سداً
مٌصطفي قطعت فلبي (بُقة) البوريهوا شنوا؟ّّّ!!!
الله يستر البوست خش مراحل الخطر
|
Post: #37
Title: Re: يا خدر هووووووي حاتم مصطفي العوض جااااااااكم
Author: مصطفي سري
Date: 08-28-2007, 04:24 PM
Parent: #36
اها يا جماعة وصل وللا لسعة نغيب اسبوع وللا عشرة ايام
ود العوض ما يظهر وللا طلعت اشاعة ، وللا ما داير يجي
وللا تمرد ، وللا شنوـ افتكر وللا شنو هي اللائقة ـ مش
|
Post: #38
Title: Re: يا خدر هووووووي حاتم مصطفي العوض جااااااااكم
Author: سمندلاوى
Date: 08-28-2007, 05:45 PM
Parent: #1
آآآناس ها , زولكم موجاييكم
آآزول ها شوف اموليداتك كان
تشدعك على المرقة ,خيّانك ديل
مو راجنك ,,,, اففو!!!!
|
Post: #39
Title: Re: يا خدر هووووووي حاتم مصطفي العوض جااااااااكم
Author: Ahmed musa
Date: 08-28-2007, 07:37 PM
Parent: #1
Quote: اها يا جماعة وصل وللا لسعة نغيب اسبوع وللا عشرة ايام
ود العوض ما يظهر وللا طلعت اشاعة ، وللا ما داير يجي
وللا تمرد ، وللا شنوـ افتكر وللا شنو هي اللائقة ـ مش |
سرّي
والله أما مُحرج مع الرأي العام بشكل ما تتخيلوا وفكرت أخيراً أتخفي في نيك نيم سرّي زي كود وكدة , ومُحتار بين عدة أوبشنز (الكيك) , (القومابي) , (الكيكاوي) , (آنف الذكر) المهم الحيرة ماخداني وما عارف أسوي شنو و عموماً مبدئياً لو جاتك مُداخلة أومسنجر بأي إسم من الأسماء المذكورة رُد عليها مع التحفُظ لأنوا يمكن يكون ما أنا
سمندلاوي
والله تقول شنو ياخ الزول ده حيرني والله لو ما مُداخلة سيد الحوش كنت قلت ده مقلب من اليسار فيني لكن بقيت مُتحير
أنا عارف جايز تكون في تقاطعات سياسية ما واضحة بيني وبين أُم تريبات {أرض النضال}* لكن ما أظن ده سبب يحرجوني قدر ده
ولا رايك شنوا يا سمندلاوي
{لو بلحن حزين ممكن!!!}
ــــــــــــ
أرض النضال مُصطلح مستخدم كِسيْر تلج لأُم تريبات علْ وعسى !!!
|
Post: #40
Title: Re: يا خدر هووووووي حاتم مصطفي العوض جااااااااكم
Author: مصطفي سري
Date: 08-28-2007, 10:05 PM
Parent: #39
يا استاذنا الكبير احمد موسى ، كسير التلج لام تريبات وللا لامتداد ناصر
مرات بقيت تشبه وليد وانت عارف انا قاصد منو ، ام تريبات راس مالها
كسرة الترعة الكبيرة والبلد تغرق في شبر ترعة ، اما العزيز حاتم لم
يعود الى ام تريبات بسبب كسر الترعة في احد الايام ومنها مكث في امتداد
ناصر ، وانت سيد العارفين ، وللا نجيب الاخرين . وانا معاك حتى تقول
لنا اين هو الان حاتم مصطفى العوض.... وللا شنو ذاتها رجعت ليك
|
Post: #41
Title: Re: يا خدر هووووووي حاتم مصطفي العوض جااااااااكم
Author: خطاب حسن احمد
Date: 08-29-2007, 05:11 AM
Parent: #40
..
..
..اشوفك
.
.
.بكره
..
..
..اشوفك .
.
.
..
|
|
|