Post: #1
Title: المهجر والثرثرة والكلام المغتغت وفاضى وخمج... للنقاش الجاد
Author: Ishraga Mustafa
Date: 07-26-2007, 10:03 AM
نهاركم طيب يا اهلى فى البلد واخص اللى فى المهاجر والمنافى...
فى آخر ايامى عملت ليكم وجع وش، معليش... اصلوا وجع العقل بيخلى الزول ماقادر يمسك ملاحظاتة...{مسابقة الزمن لانها آخر ايامى معاكم وفى نهاية تموز بقطع وش قلمى لاسباب تذكر فى اوانها}
الثرثرة موضوع يشغلنى وكونى اعكسه هنا لايعنى ابدا بانى اخرج نفسى من العجنة العجيبة فاى موضوع اكتبة يشملنى ايضا كاكاتبة بالنقد مثلى مثل الآخرين.
* الموضوع ده خاص بفكرة بحث شغاله فيهو بعنوان {المهجر وتفكيك صواميل الذات}
لاحظت من جملة معايشات ان الثرثرة تجاوزت كونها ظاهرة، فى ونسة عادية تزلقكك موزة الكلام الفاضى وتقعد تحكى عن فلان وعن علان، ترصد افعال الاخرين، تباريهم كظلهم، روحك مكشوفة وحبرك مكشوف وكتابتك مذبوحة..
محاور النقاش:
ماعلاقة الثرثرة بالفراغ؟
لماذا نثرثر؟
ماذا نجنى؟
ماذا يهمنا من شأن الآخرين...
سكران ولاحيران
بدق مرتو ولا مضهدها
فلانه لابسة كيف ولاماشة كيف؟ ومنو البيحدد المعايير؟
بيهمنا شنو نرصد فلان وفلانه ونحدد شكل العلاقة البيناتهم؟
بيهمنا شنو لو فلانه مطلقة ولا متزوجة؟
بيخصنا شنو نرصد حركات الآخرين؟
قاعدين نراجع يومنا ونشوف اخطائنا وننتقد نفسنا ونحاول نصلحها؟
حتى الكتابة اللى بتعزز وجودنا كبشر مابتسلم وهاك يامشارط {غايتو دى موجعة جدا}، نجيب المطوة ونخرش الرقبة البتشبه فلان، وعيونها مقصود بيها علان وبطنها دى حقت زول تانى... كمونية يعنى هى الكتابة..
ليه بنشوف بس الحته المظلمة فينا؟
تجى سيرة زول بالطيب.. ينبرى الثرثار/ة ويتبرع ليك بمعلومات ماليها حد ولا عد عن زول ولا زولة مافى فى رأسك غير صورة جميلة كونتها من خلال تعاملك معاه او معاها...
هل تركيبتنا لا تصلح وبحكم طبيعة السياسة المورست فى بلدنا الا لرؤية القبح؟
هل ده ليهو علاقة بالغاء الآخر؟
هل بننتبة مرات الى اخطائنا حين نقع فى مطب الثرثرة وتلويث الآخرين بلوثة الفراغ الممكن يعيشوا بعضنا ويتراوح بين زول وزول؟
كيف نصد هؤلاء وكيف نكون علاقات دون خوف من تصنيفات واتهامات نرميها على عواهنها؟
سؤال أخير..منتبهين ومنتبهات للزمن وكيف بينهدر وكيف بيمشى العمر والنتيجة حسرة فى نهياته...
مع احترامى للجميع للمشاركة والتحليل الرصين الذى يضيف ابعادا ايجابية للبحث
مع امنياتى لكم بوقت طيب نهرا ولا ليل حسب التوقيت المحلى لكل منا
|
Post: #2
Title: Re: المهجر والثرثرة والكلام المغتغت وفاضى وخمج... للنقاش الجاد
Author: Ishraga Mustafa
Date: 07-26-2007, 06:13 PM
Parent: #1
| Quote: المهجر والثرثرة والكلام المغتغت وفاضى وخمج... للنقاش الجاد |
وماتزال الثرثرة عمود ضوء يكشف حال الآخرين....
|
Post: #3
Title: Re: المهجر والثرثرة والكلام المغتغت وفاضى وخمج... للنقاش الجاد
Author: Elmosley
Date: 07-26-2007, 06:30 PM
Parent: #1
العزيزه
د اشراقة شكرا لعودة المنطق والجدية واللطف
حتى وقت قريب اصبحت الثرثرة يدل عليها بكلمة الشمار
عموما قد يتحدث لك احدهم عن أحد افراد عائلتك بالسؤ دون أن يعلم بعلاقته بك
فنح سريعون في التبرع بما هو غير مطلوب
تحياتي
|
Post: #4
Title: Re: المهجر والثرثرة والكلام المغتغت وفاضى وخمج... للنقاش الجاد
Author: رأفت ميلاد
Date: 07-26-2007, 06:49 PM
Parent: #3
سلام يا إشراقة
Quote: حتى الكتابة اللى بتعزز وجودنا كبشر مابتسلم وهاك يامشارط {غايتو دى موجعة جدا}، نجيب المطوة ونخرش الرقبة البتشبه فلان، وعيونها مقصود بيها علان وبطنها دى حقت زول تانى... كمونية يعنى هى الكتابة..
ليه بنشوف بس الحته المظلمة فينا؟ |
الحتة دى ما عندى مانع كان (المشرط) بعمل فى الفكر وتعدد الآراء مهما كان الإنفعال بلا شك نخرج بإجابة .
المشكلة يا إشراقة (المشرط) بعمل لقتل الأشخاص مهما أتو من أخبار حتى لو كانت فى مصلحة القاتل . هذا صنف العداء الشخصى من أجل العداء بين فئة وفئة . ليس مقبولآ بالطبع ولكن توجد فئة أخرى أسوأ وهى فئة التخريب العام وإخراج البوستات عن مسارها (ومسخرة) الأمور والتقليل من الأقلام والتبخيس من العطاء ....
ديل تقولى عليهم شنو ?
مودتى
|
Post: #6
Title: Re: المهجر والثرثرة والكلام المغتغت وفاضى وخمج... للنقاش الجاد
Author: Ishraga Mustafa
Date: 07-27-2007, 07:19 AM
Parent: #4
صباحات الخير يا رأفت بالتوقيت المحلى لحمائم الرحمة فى تموز
التشريح الذى اعنية هو ان تكتب موضوعا او نصا ويطاله التشريح الذى لايختلف عندى من السنسرة اللى بتقوم بيها الانظمة الدكتاتورية، بل دى اشرس واظلم لانه تطال حبر روحك.
اتفق معك فى جانب ان من حق الآخرين ان يدلوا برأيهم فيما نكتب ولهم الحق الكامل فى الانتقاد ولكن كما ذكرت ان شروط النقد فى اغلب الاحوال ووفق ملاحظاتى فى البورد هنا كمثال ان مايحكم الرؤية هى المساحة التى تربطك بصاحب او صاحبة الموضوع، ولو حزت قليلا عن {الجماعة} مستندا الى ضميرك ومبدأك فانت مارق لامحالة من الملة..
نحتاج ان نحلل هذا الامر تحليلا علميا.. لماذا الثرثرة؟ الى اى مدى علاقتها طردية مع الفراغ؟
خالص المودة ي رأفت
|
Post: #5
Title: Re: المهجر والثرثرة والكلام المغتغت وفاضى وخمج... للنقاش الجاد
Author: Ishraga Mustafa
Date: 07-26-2007, 07:28 PM
Parent: #3
مساء الخير يا عزيزنا الموصلى
طبعا الكلام القلتو ده وارد جدا...
فى زولة لمتنى بيها الصدفة والونسة جرت... بدينا نتذكر ايام زمان وبعدشوية بدأت المشارط
فلان داك قاعد ساكت وماشغال معتمد على مرتو
وعلان داك دق مرتو
وقلانة ديك بتشرب
وديك عندها علاقة مع فلان وعلان
وده فاشل...
ماعارفة استحملت ده كيف... انتبهت الى انها رغم ان لها من الاطفال 3 الا ان الفراغ لاعب دور كبير فى زى الثرثرات دى
ودى واحترامى
|
|