زميلنا محمد عبدالله شريف...بالخرطوم

وصل الي الخرطوم الصديق محمد عبدالله شريف قادما من الولايات المتحدة الامريكية وهو من بورداب فرجينيا بعد غيبة زهاء العقد من الزمان.
والان هو محل حفاوة اهله واصدقائه فحللت اهلا ونزلت سهلا واجازة ممتعة واقامة طيبة ياصديق

**

حمد الله علي السلامة

مطر
سلامات وكيفكم؟
صاحبك محمد عبدالله دا سافر من غير ما يودعنا.
لكن حمدالله على سلامتو

Quote: صاحبك محمد عبدالله دا سافر من غير ما يودعنا. لكن حمدالله على سلامتو

هنادي
كل التحايا والسلام
من غير مايودعكم كده اتلوم !!!لكن حمدالله علي سلامته والتحية لبورداب القاهرة

تشكر ابراهيم بقال وتحياتي

يا مطر
ازيـــــــك
يا خي ده كلام جميل بشكل
بالله شكلو ياهو ذاتو ولا اتغير
زاد كم كيلو من اللحم والشحم لونو فتح ولا ازداد سواد لسع لابس البنطلون الاسود والقميص الابيض
ولا غير لي لبس الجينز بتكلم عربي ولا نوبي ولا امريكي فرجينيا
ونقص كم الشعر وشنبو ما بقى لونو ابيض وحبيتو لسع مستنياهو في الصخور ولا مشت تلاقيهو في الاتينيه ولا في مكتب نجيب ولا آه(اليوم ليس بالثلاثاء وليس هناك منتدى)
يا سلاااااااااااااااااااااام ياخي حمدا لله بسلامة العوده...
البلد عرفتو ولا طالبتو بوجود كفيل (تاريخي) اوعه يكون حافظ شريف (اكيد ح يطلع زيتو باسم الكفاله)

فرحان بي بالبلد الفاتحه ابوابها لاولادها في كل الاوقات وفرحان
بالعيال الراجعه ليها ولي حضن الامهات
بخت الخرطوم يامحمد ابداللا شريك
شفت الكلام السمح ده يا مطر البشاره
كل الناس بدت ترجع يا مطر كل الناس حتى الماتو منهم اتنفضوا من قبورهم وجايين مارقين
يا سلاااااااااااام ياخ..
ياخي ازغرد انا ولا اعمل شنو اسع؟؟؟؟؟

*انت في الخرطوم ولا وينك يامطر

فيصل..فصل...فصول
عميق تحياتي ومودتي
ياخي اسئلتك كتيره وصعبه وبحاول اجاوب ليك:
هو ذاته ماعدا تغيرات في الشكل والوزن قليله مع خيوط من المشيب متناثره واصبح اكثر اناقة ويتحدث كما في السابق مع اتقان اللغة الانجليزية اما حبيبته فغربة السنين الطوال وبعيد عن العين بعيد عن القلب وهلمجرا..المهم خليك مع الزمن
ومنتدي الاستاذ النجيب اغلق ابوابه وغادر الاستاذ للخارج وتفرق رواده كل في شأن
وحكاية الكفيل بحثنا عن صديق بحوذته بطاقة شخصية فوجدنا الشخصيات ولم نجد البطاقات
ولكن حضر الينا الصديق عثمان البشري وضبحوا لينا الكرامه وصبحنا فرحانيين
وانا مازلت بالخرطوم والي حين اشعار آخر

محمد كجيجة ...ود ام بدة ...
اكيييد بعد سنين ح نقابلك ...
ونقول ان شاء الله ...
اخوي علي عباس ...محمد عبد الله مش ح يسمن ..صدقني ..
التحية لك اخوي مطر ولكل المشاركين...

لك ولنجاح ونوسة
اجممل الاوقات .
هنيئا لهم بقدومك.
وهنيئا لامي الجمميلة جدا
وعم عبدالله
...
كم اشتاق الي البيت
هناك ...
امبدة الدافئة
حنينة الشوارع
وسندوتشاتها التي تشبعنا الي حين بعيد...
حين تتبعنا الوالدة عند الباب
كم اشتهي ظلالها..

هبة الحسين

شكرا للحضور والكلمات الطيبة للاسرة الكريمة

الاخ محمد ابراهيم عثمان
عميق تحياتي وشكرا علي المرور والتعليق الذي لايخلو من الطرافة

الاخ محمد ابراهيم عثمان
كل التحايا والشكر
ومحمد بيسال عليك وعن مكان تواجدك الان

ابو الامطار
سلامات والف حمد لله على سلامة زميلك
والله اشواقنامطر
اكتر من الخريف بهناك
وفاقدنك بكثره

حمد الله علي السلامة عزيزنا محمد عبد الله
نورت السودان والتحية عبرك للأسرة الكريمة
وللصديقة نجاح

الاخ خضر حسين خليل
كل التحايا والشكر

الاخ عبد الغفار عبدالله
كل التحايا والسلام
الامطار غزيره وحلتكم غرقت لو بتعرف تسبح تعال

شكرا مطر للترحيب الدافئ


ساعود بالتفاصيل وبالاجابه علي اسئلة الصديق فيصل عباس سيد الناس


فور انتهائي من الواجبات الاجتماعيه وبعد الانفلات من قبضة الاسره


انها لثماني اعوام عجاف تعلمت فيها الكثير ونسيت الكثير كما جاء

علي لسان راوي موسم الهجرة الي الشمال

ولنا عودة

***

بس إن شاءالله يجى راجع إتنين

حمدلله على السلامه

العزيز / مطر


حمدلله على سلامة محمد عبدالله
وان شاء الله اجازة سعيدة وجميلة
بعد الغياب


تحياتي

Quote: من مشاركة معتصم : بس إن شاءالله يجى راجع إتنين

والله يا اخوي معتصم ...
كجيجة دا لو ياهووو زاتو والزمن ما لعب بلون شعره وظهرت ترهلات عليه...
من الصعب يقتنع بسهولة ...دا فراعي عينه ما بتتمليء بيسر ...
ولكسلا سلاااام ...
يا مطر يا اخوي قوول لمحمد انا عايش بالشارقة ...
وان شاء الله ح نجيك با م بدة ...بس اوعى الفلس لسه ضاربو ...
تحياتي احبتي واولها لمحمد عبدالله شريف وزي ما قالت بت الحسين اسرة كلها طيبة ...
وتجد الترحاب من كل اسرتهم ...