جائزة ( اعسل ) بوردابي ( اسامة خلف الله مصطفي )

من خلال متابعتي للمنبر العام طيلة الاعوام السابقة لم يمر بي عضوا ( سمجا وسخيفا ولايوقا ) مثل العضو اسامة خلف الله مصطفي
هذا العضو اختار طائعا بقلمه ان يدخل من اوسع الابواب مع الداخلين من اجل العكلتة
عضو يحب الشبك وحمقي حتى الطيش
يحلك الحلا بله ان حاولت ان تتكلم من قريب او بعيد بطريقة تشير اليه
حتى وان كانت حسن النية تلازمك فيما ذهبت اليه لكن لخطأ مطبعي او حتى دقسه منك
فانك في هذه الحالة ستواجه خصما لدودا لا يوقا
لا يعرف ابدا حسن النوايا
له مقدرة عجيبة في استنفار معاجمه وحاسة يرصد بها كل شاردة وواردة وفلاتر تقعد ما بين حسن النوايا وسؤها ، ومع ذلك ابدا يميل الى الاولى وفي هذه الفلاتر تحيل كل مايقال ان كان من قريب او بعيد او حتى لم يشير اليه في شيئ الي مشكلة تخصه وحده
رباطي من الطراز الفريد
يتخيل ان كل الدنيا تدور حوله يختار الي معاركه دائما المسالمين واهل الشعبية من البورداب
بدا بقرشو واستمر (يردح ) الي ان انتهي اليوم بالموصلي الذي كان خطأه انه لم يصوره في حفل نيويورك وتجاهل الاشارة في حديثه
للافتات التي كان يحملها (قدس الله سره وابقاه اسامة خلف الله)

عيب والله يا اساسي
اسامه خلف الله رجل محترم بجد واوع تفتكرني بكسر ثلج ليه.
فقد اختلف معي كثير واخيرا في موضع ضربة السفير السوداني.
على فكره اسامه خلف الله استاذ في مدراس امريكيه,وعارف دي صعبه كيف؟؟
عارف تبقة استاذ جامعي ولا استاذ في مدراس
لانه ما تتخيل الطلبه صعبين كيف
وكل النظام معاهميعني اي طالب يشتكي استاذ ممكن يروح الاتذا في دهايه
فاسامه لولا انه فعلا دقيق وحريص لما ظل يعلم الطلاب في مدارس امريكا.
اسامه محترم جدا وككمن تقول لعيه بارد عديل كده
صعب جدا ترفع ضغطه,واسامه اخو اخوان ان زرت نيويورك يعجبك بكرمه وتواضعه واموره التي لا يجامل فيها.
اسامه يتظاهر ويسافر لاجل التظاهرات ولن انسى سفره للتظاهر لاجل شهداء مصطفى محمود بالقاهره
وكان هو الوحيد القادم من نيويورك لواشنطون لاجل التظاهره وهذا سفرا لا تعتقده سهلا.


وقبل هذه الحفله اختلفنا في بوست كستاوي,ولكنه كعادته ادر الخلاف لك ادب وعكلته .
اسامه رجل صلب ولكنه يقبل الحوار
انا واثقه ان ماحدث لهم كان اكثر من مستفز والا لما وحدته غاضبا هكذا.
وطبعا عنده حق هل قرأت عن الحركات التي كان يقوم بها رئيس الجاليه الانصاري؟؟؟
ربما كان حادا في نقد الموصلي
لكن هذه الحفله ليس اسامه لوحده تسأل كثيرين عن كنهها ومن هم نظموا لها لومن عادتالاموال؟؟
والحمد لله انكشف المستور وطلع العائد لامرأه امركيكه من اصل لبناني!!
شفته المحن دي كيف؟؟
يعني هم دوما(اللبنانين) يعرفون من اين تؤكل الكتف.

كيف أخبار الامورة يا اساسى؟

سلم لى عليها

Quote: عيب والله يا اساسي

عيب!! وهل يعرف شخصا مثله العيب عندما يتعدي مثله علي قرشو الرجل الخلوق المهذب الشفاف الرجل الوحيد من البورداب الذي رأيته يحاكي كتابته في واقعه شفافية ورقة حس وتهذيب عندما يتعدى عليه ويتهمه بالابتزال ؟؟

والان لم يقصر مع الموصلي والبوست ليس ببعيد

كونه استاذ في مدارس امريكية ولا مدارس كاب الجداد لا فرق , ورغم اني احترم من يدرس في كاب الجداد اكثر من يدرس في مدارس امريكا فانظري لتربية هؤلاء وتربية هولاء وما ذا يخرج هولاء وما ذا يخرج هولاء ؟
وفي النهاية وظيفته لنفسه لا تهمنا
كونه يسافر ويلف الارض علي رجليه من اجل التظاهر هذا لا ينفي سماجته وسخف كتاباته
كونك تحترميه لشخصه ولضيافته للاخرين لا ينفي ما نقرأه له هنا

Quote: كيف أخبار الامورة يا اساسى؟ سلم لى عليها

في خير حال ولله الحمد

الايام دي بدات تستعيض عن البكاء بتعلم الضحك والابتسام
ماشاء الله طالعة لابوها هادئة ووديعة
وان شاء الله ابلغها تحايا عمتها اشراقة
سلامي لك وللاسرة

Quote: الايام دي بدات تستعيض عن البكاء بتعلم الضحك والابتسام ماشاء الله طالعة لابوها هادئة ووديعة وان شاء الله ابلغها تحايا عمتها اشراقة سلامي لك وللاسرة

ها ها ها ها ها

والله ياساسى لو هى طالعة على ابوها
من اسى سوف تحارب..لانها سوف تسبب قلاقل لبورداب 2030
المستنيرين منهم والمستنيرات...
بت بشاشة وولد تراجى الصغير...وبت اسامة الخواض وقتها بتكتب
شعر مقطع الحروف..لو ما عندك خيال واسع وفكر ثاقب لا تقدر تكمل القصيدة
واجمل قصيدة لها لما تكتبها مثل الكلمات المتقاطعة..


بالله وصلتو مرحة الضحك..والله ايامك...

تحياتى لاسامة خلف الله

مــابعرف مداخلاته ولابقرا ليهو كتير
لكن يوم دخلت بروفايله
يا اساسي الزول دا عندو شهادة وشغال شغلة
مــــــاساهلة وزول زيه في بلاد تانية بيكرموهو

يا اساسي الرجل ده قدم إعتذار

يوسف الموصلى....وضعت غضبى فى غير موضعه.....لك منى العذر!!!!

الاخ نادر ابو كدوك

تحية وتقدير

نعم قرات الاعتذار الفطير والذي كان لمعركة من غير معترك اصلا

ولكن ليس لنا الا ان نقول

ما يضير الشاة سلخها بعد ذبحها

الراجل مطالب بالاعتذار عن الكثير من السماجة والسخف لغير الموصلي

يا راوية صباح الخير

ياخي ما سمعتي بالمقولة السودانية الشهيرة

القلم ما بيزيل بلم

شايف المسكين ما بيدافعوا عنه الا بوظيفته
ياخي ما القراية ما مقياس اخلاقي ابدا
يكفينا ما قرأناه للرجل هنا
وتعديه علي الاخرين وشبكته فيهم
واختلاقه المشاكل ومحاولة اذلالهم او كما فعل من الاخوة

ابو البنوتة قنبلة الود الموقوتة

كيفك يا صاح
ياخي انت لو لاقيتني ما بتضحك هاهاهاها

ياخي البنات ديل حاجة خرافية ما بقدر اوصف ليك قدر شنو بس انت حتشوف براك ان شاء الله لما تكبر شوية

العزيز اساسي
تحية طيبة

Quote: الايام دي بدات تستعيض عن البكاء بتعلم الضحك والابتسام ماشاء الله طالعة لابوها هادئة ووديعة

ربنا يحفظهاليكم ياحبيب

ويحفظك يا غالي

ويحفظ ليك احبابك

ما سمعنا منك ياخي

العزيز اساسي
تحية طيبة

Quote: ويحفظك يا غالي ويحفظ ليك احبابك ما سمعنا منك ياخي

يسمع منك الخير
معليش انشغلت شوية
إنشاء الله بتصل عليك
تحياتي

الاخ اساسى
والله لو ما شفتا الاسم لي عاشر جد كنت أقول قاصد زول تاني
والله انا بتكلم معاك عن زول زميل دراسة و سكن و عشرة عمر وعلاقة اسرية
الزول ده ظلمتو ظلم الحسن والحسين
والله قمة الأخلاق و الادب و الزوق و الانسانية وكل المعاني الجميلة
رافقتة فى الجامعة ولم أسمع منه أو عنه غير كل جميل
كان حبيب الكل شيوعين وكيزان و مستقلين( هو اتحادي) الكل يحبه لدماثة خلقة وحسن معشره
ولو كان المشكلة مشكلته قرشو( مع العلم لا أعرف قرشو الا من خلال كتاباته المحترمة)فأكيد هنالك
مبرر للأخ اسامة واكيد أنو أسامة ما غلطان بدون ما أعرف الموضوع ... وليس في ذلك تقليلا للأخ
قرشو ولكن ثقة في أسامة
حتي الاخ اسامة حينما أختار الهجرة ... أختار أصعب الطرق طريق العلم والتعليم ونال بأخلاقة أرفع الدرجات المهنية و العلمية( 2 ماجستير ودكتوراه)
التحيه له اينما حل
وله العتبي حتي يرضي
والتحية لأم عمار ( الطيبون للطيبات)
ولا ألومك أخي أساسي لأنك لم تعرف الرجل
أتمني أن تتاح لك فرصة معرفته من قريب
وأكيد أنو سيضحك بعد أن يقرأ كلامك هذا
وسيحترم رأيك فيه
الزول ده كده والله

أساسي

لما كان الإختلاف سنة الحياة كما يقولون

وإرضاء الجميع غاية لا تدرك

ليه الناس ما تختلف بمحبة

أنا غايتو بشوف أسامة ده زول عكليت لو مسك في حاجة لازم يجيب اخرتا

لكنه يحافظ على مسألة إحترام من يختلف معهم .... يعني خطوط الرجعة موجودة

في تقديري حتى زي بوستك ده عنه يدخل فيه بهدوء ويخرج دون أن ينال منك بالشتم

والسباب كما يفعل الكثيرين هنا في مثل هذه الحالة

أول قدومي للمنبر ده كنت انت من بين من أعجبت بصراحتهم ولازلت

ليتنا نؤسس لثقافة إختلاف لا تقصي الآخر ولا تهادنه

قد تجمع بيننا تصاريف الزمان في مكان لايسع إلا لنا

تخيل كيف يكون الحال لو كان ما في إحترام قائم رغم الإختلاف

لك ودي ولأسامة ألف تحية

اساسي الأساسي شديد
والشوق الجاري عليك
اولا حقيقي مشتاق ليك
ثانيا
طمنتني شديد
بعد كل الغياب الانا كنت فيه داك جيت لقيتك لسة انت زي ما انت
شايل راية الجواطة
المابعرفك ممكن يقول بلطجي
والبعرفك زي كدا
ما بقدر يقول غير
الله يخيلك للبورد
ويخلي ليك جوطتك

والريد نيلين

الــوغد اساسى

كيفك يا صديق

اعتبر بوستك هذا يعبر عن وجهة نظرك الشخصية للاخ اســامه خلف الله
ولك الحق بان تعبر عن وجهت نظرك فى شتى الامور وليس هناك بحجر على افكارك.

وانما شهادة لله اقول قمت بزيارة ذات مره الى الاخ اسامه لم تستغرق

الثلاثه ساعات من قبل ولكنى وجدته انسان خلوق يحترم نفسه قبل الاخرين
ودود اصيل انسان بسيط بالمختصر.وهذه ليس لتجميل شخص اسامه وانما حقيقه

اسامه يتميز بشجاعة النقد والتعبير عن افكاره بما يستنده من اداعاءات
لذلك ...ايضا شجاعة الاعتذار عن للاخطاء (وكلنا نخطى بس كيف تكون شجاعا لى تصرح بها)

بس اسامه مرات حــاد
الموصلى رقيق ورهيف



اخيرا نحب الموصلى كما نحب اسامه



***
عامل ذى ام العروس ماعارف تمشى و له تقعد