البشير : السُّلطان بحـر الدين ود عمتي ... بختك يا تراجى !

اهداء للاخت ام حازم ... اها البشير طلع عندو جماعة هناك .

البشير : السُّلطان بحـر الدين ود عمتي
الجنينة : رئيس التحرير
في اليوم الثالث والأخير وصل الرئيس البشير إلى مدينة الجنينة في الصباح الباكر،وافتتح « 3» مستشفيات حديثة هي: السلاح الطبي والحوادث والنساء والتوليد، وفي حشد جماهيري كبير جدد الرئيس مفهوم السودان للتعاون الدولي لحل مشكلة دارفور، وقال والي الولاية أبو القاسم: إنَّ « 3» أشهر مرَّت بلا أي عنف أو حوادث في غرب دارفور، وأكد على هذا القول السلطان سعد عبد الرحمن بحر الدين سلطان دار مساليت..
وفي مفاجأة حسب ونسب قال الرئيس: إنَّ السلطان سعد بحر الدين هو ابن عمته، وفي مفاجأة تاريخية أخرى قال البشير إنه عمل ضابطاً صغيراً في الجنينة قبل 40 سنة. هذا وقد خاطب الرئيس حشداً جماهيرياً تجاوز حضوره المليون شخص، ومن الواضح أنَّ المعالجات التي تمّت مع حملة السلاح من أبناء غرب دارفور قد حققت نتائجها.
هذا وقد ظل السيد مني اركو مناوي متوارياً عن الأنظار في معظم رحلة الرئيس الى دارفور وإنْ وجد في بعضها فهو لا يتحدث.. أما في الجنينة بولاية غرب دارفور فهو لم يحضر أصلاً.

Quote: البشير : السُّلطان بحـر الدين ود عمتي ... بختك يا تراجى !

بخت البشير يا هجو يا خوي
السلطان بحر الدين سليل فروسية
وعز
يعني حسة ننتظر حبة رقاشة الفروسية الممكن تبقى في البشير بعد القرابة الظهرت جديد دي..يمكن يتنحى؟؟

Quote: ..يمكن يتنحى؟؟

الأخت لنا مهدي

يوجد خطأ طباعي في جملتك أعلاه رأيت من بعد منحي الإذن أن أصححه.
والصحيح: يمكن يتنحنح...

الشايقي

فاوضني بلا زعل

انا لمن سمعت الكلام ده استغربت واتعجبت


المسألة ترضيات سااااااااااااااكت

لانو ولد السلطان رئيس مجلس غرب دارفور

عشان كدا البشير طلعوا ود عمتوا

يمكن يكون ود عمته في المؤتمر الوطني

ما المؤتمر الوطني زاتوا بقي نسب

وكلهم مقطوعين ما عندهم اهل غير المؤتمر الوطني

Quote: وكلهم مقطوعين ما عندهم اهل غير المؤتمر الوطني

الاخت الكريمة لنا ، اختنا ام حازم لو قلت ليها سلام ساكت تقول لى ، ودعمكم وودعمكم عمل وكرهنا ... انا عاوز اشوف الفاضلة تراجى اليوم بتقول شنو .

هجو يا قريبي .. من قال لك إن البشير ود عمنا؟؟
البشير لا ينتمي الى قبيلة الجعليين إلا من ناحية
والدته وهي نصف جعلية ؟؟؟ نرجو منك التوثق من
معلوماتك .. وعلي الطلاق لو طلع هذا القاتل جعليا
أها ده طرفي منكم !!!!
البشير لا يشرف السلطان بحر الدين ولا يشرف أحدا بل إنه
هو الذي يتشرف ببحر الدين وقبيلته ... وتراجي كذلك لا تتشرف
بذلك ..
هذه إساءة بالغة للسلطان نرجو أن يرفع إزاءها قضية قذف
وإساة نسب فالقتلة واللصوص والمغتصبون لنساء حملة القرآن
لا يشرفون حتى ابليس نفسه !!!

Quote: خاطب الرئيس حشداً جماهيرياً تجاوز حضوره المليون شخص،

الأخ هجو مليون شخص ياراجل ده رغم خرافى بالنسبة لمدينة الجنينة التى نعرفها..

خالص مودتى وأحترامى...

الاخ محجوب تحيه واحترام ، طبعا الخبر منقول عن صحيفة ، والموضوع كله مزحة موجة للاخت تراجى .اعد قراءة الكلام الموجه للاخت تراجى وهو بيت القصيد.

حبيبنا ود الخالة

ويييينك يا حبيب والله مشتاقييييين

يا مكاوي يا أخووووي هي المليون بتعمل حاجة الأيام ده ,,,؟؟؟

طيب ولا تزعل خليها نص مليون ... عشان خاطر الجنينة ...


و ... مليون تحية لعم محجوب والخالة والأولاد

أخووووي فاروق

يا أخوي نحن بنتكلم عن قبلية ؟؟؟

مااااا كلنا سودانيين ياخي ...

ما عايزين تاني ده جعلي ولا رباطابي ولا هدندوي ولا دينكاوي

السودان بلدنا ...

لا عنصــــرية.. بعد اليوم ...



مودتي ...

هجو الاقرع صباح الخير
نحن لسه ما نمنا وانتو بتكونوا صحيتوا

Quote: هذا وقد ظل السيد مني اركو مناوي متوارياً عن الأنظار في معظم رحلة الرئيس الى دارفور وإنْ وجد في بعضها فهو لا يتحدث.. أما في الجنينة بولاية غرب دارفور فهو لم يحضر أصلاً.

حسه كله كوم وتواري مني ىركو مناوي ده كوم ثاني
يعني الراجل الغلبان ده فرجتوا عليه خلق الله
كمان بقينا في وصفه بالجبن!! قادر الله يا اخوي,يستاهل مناوي الباري قريبك مجذوب الخليفه.

Quote: وفي مفاجأة حسب ونسب قال الرئيس: إنَّ السلطان سعد بحر الدين هو ابن عمته،

ياها دي محن الغرابه السماها منعم سليمان سبب تأخر ثورة الهامش

Quote: وفي مفاجأة تاريخية أخرى قال البشير إنه عمل ضابطاً صغيراً في الجنينة قبل 40 سنة. هذا وقد خاطب الرئيس حشداً جماهيرياً تجاوز حضوره المليون شخص، ومن الواضح أنَّ المعالجات التي تمّت مع حملة السلاح من أبناء غرب دارفور قد حققت نتائجها.

معالجات؟؟
ام ارتزاق وبيع وشراء؟؟؟؟
اليس الوالي ابو القاسم هذا هو احد الخونه الذي وقع وباع قضية اهله؟؟
يا هجو هؤلاء صدقني حسابهم سيكون عسيرا مع سكان المخيمات.

المساليت من اكثر الآثنيات تضررا
حرقوا قراهم جهار نهار..اغتصبوا نسائهم واحرقوا اطفالهم احياء بالمئات
ويآتي من هو مثل ابو القاسم الذي لم يتجاوز الثلاثين من عمره ليوقع بالنيابه عن اهله
المشردين ويتعين والي لغرب دارفور!! وكأن هذه هي القضيه!!
يا هجو يوم الحساب قادم للدارفورين الخونه ولحكام الخرطوم القتله.

هجو
تحياتي
لم أندهش للمعلومة فأهل السودان معروفين بتداخلهم من ناحية النسب، وبهذا الكلام فإن السلطان أمه بديرية.. وكلام الأخ فاروق صحيح لأن عمر البشير جعلي من ناحية أمه.. ولكن الذي أدهشني قول البشير بعد ذكره للمعلومة مباشرة "أها شن قولكم".. طيب يا سعادة الرئيس عايزهم يقولوا ليك ما عندنا قول طالما السلطان ود عمتك (واصل في عذابك)..
أما حكاية المليون دي حكاية.. بالله دار فور أو غربها فضّل فيه مليون ما نصهم ماتوا والباقين مشردين في المعسكرات وسعادته لم يكلف نفسه عناء الوصول لهم.

تخريمة:
فعلاً مني كان مختفي اللهم إلا مرة واحدة..

Quote: أخووووي فاروق يا أخوي نحن بنتكلم عن قبلية ؟؟؟ مااااا كلنا سودانيين ياخي ... ما عايزين تاني ده جعلي ولا رباطابي ولا هدندوي ولا دينكاوي السودان بلدنا ... لا عنصــــرية.. بعد اليوم ...

أخي الحبيب د. أحمد أمين

والله ليست قبلية و لا أنا ممن يدعون لذلك
لكنها "حرقتني" شديد هذه المعلومة الخطأ
فالرجل وفقاً لأفعاله لا يمكن أن يكون سودانيا
أو حتى "بني آدم" فالذي يقتل أهله ثم يرقص عند
كل توقيع لا يمكن أن يكون انساناً .. والذي يقتل زملاءه
دون أن يطرف له جفن لا يمكن أن يكون من بني البشر
ومن يأمر باغتصاب نساء وطنه ورجالهم لا يمكن أن
يكون سودانياً دع عنك أن يكون مسلما أو مسيحياً أو
حتى يهوديا ... هذا رجل مجرم ومريض نفسيا!!!

Quote: والله ليست قبلية و لا أنا ممن يدعون لذلك لكنها "حرقتني" شديد هذه المعلومة الخطأ فالرجل وفقاً لأفعاله لا يمكن أن يكون سودانيا أو حتى "بني آدم" فالذي يقتل أهله ثم يرقص عند كل توقيع لا يمكن أن يكون انساناً .. والذي يقتل زملاءه دون أن يطرف له جفن لا يمكن أن يكون من بني البشر ومن يأمر باغتصاب نساء وطنه ورجالهم لا يمكن أن يكون سودانياً دع عنك أن يكون مسلما أو مسيحياً أو حتى يهوديا ... هذا رجل مجرم ومريض نفسيا!!!

سؤال لو امكن
هل كل ذلك الذى ذكرته فعله البشير شخصيا ما افراد من نفس المناطق...
ام بطانته الفاسدة من(حزب المؤتمر الوطني) 2001-2005 ...
ام وعي الاخوان المسلمين ومشروعهم الحضاري(1989-2005
ام السودان القديم والنخبة السودانية وادمان الفشل الممتد من 1956 -2005
..........
ولى رايك شنو نفتح دفتر الاحزان من الاول للاخر
..........
ادنى درجات الوعي ان تختزل ازمة وطنية فى شخص او قبيلة او جهة
والسياسة علم
والفهم
اقسام
كلام يا عوض دكام