بس انا عاوز اعرف كيف السلطان بحر الدين سلطان دار مساليت ودعمة عمر البشير

كشف الرئيس البشير سرا خطير ابان زيارتة لمدينة الجنينة بان السلطان بحر الدين
سلطان دار مساليت ودعمتو لزم
بس انا عاوز اعرف
واحد اهلو من ابوهو من الجزيرة واهلو من امو من حوش بانقا
بس ودعمتو بى وين

الجنينة : رئيس التحرير
في اليوم الثالث والأخير وصل الرئيس البشير إلى مدينة الجنينة في الصباح الباكر،وافتتح « 3» مستشفيات حديثة هي: السلاح الطبي والحوادث والنساء والتوليد، وفي حشد جماهيري كبير جدد الرئيس مفهوم السودان للتعاون الدولي لحل مشكلة دارفور، وقال والي الولاية أبو القاسم: إنَّ « 3» أشهر مرَّت بلا أي عنف أو حوادث في غرب دارفور، وأكد على هذا القول السلطان سعد عبد الرحمن بحر الدين سلطان دار مساليت..
وفي مفاجأة حسب ونسب قال الرئيس: إنَّ السلطان سعد بحر الدين هو ابن عمته، وفي مفاجأة تاريخية أخرى قال البشير إنه عمل ضابطاً صغيراً في الجنينة قبل 40 سنة. هذا وقد خاطب الرئيس حشداً جماهيرياً تجاوز حضوره المليون شخص، ومن الواضح أنَّ المعالجات التي تمّت مع حملة السلاح من أبناء غرب دارفور قد حققت نتائجها.
هذا وقد ظل السيد مني اركو مناوي متوارياً عن الأنظار في معظم رحلة الرئيس الى دارفور وإنْ وجد في بعضها فهو لا يتحدث.. أما في الجنينة بولاية غرب دارفور فهو لم يحضر أصلاً

والله يا محمد عادل

انا لمن سمعت الكلام ده استغربت واتعجبت


المسألة ترضيات سااااااااااااااكت

لانو ولد السلطان رئيس مجلس غرب دارفور

عشان كدا البشير طلعوا ود عمتوا

يمكن يكون ود عمته في المؤتمر الوطني

ما المؤتمر الوطني زاتوا بقي نسب

وكلهم مقطوعين ما عندهم اهل غير المؤتمر الوطني

ليش لا ؟؟؟؟ ما يمكن والدة السلطان سعد من الشمالية

والذى اعرفه ان بعض من آل السلطان بحر الدين متزوجين

من الشمالية ومن تركيا كمان ، أذآ ما فى شى غريب






حواء

ياحواء
اى شى ممكن الى كلام البشير دا
ياحواء انا اهل عمر البشير بعرفهم معرفة شخصية
الاساءة البسيوها الى اهلنا فى غرب البلاد فى ونساتهم
مستحيل تصل الى حد القرابة

Quote: وكلهم مقطوعين ما عندهم اهل غير المؤتمر الوطني

ابوبكر احمد
بلاى يعنى المؤتمر الوطنى اهل الجماعة ديل
ونحنا ماعرفين

والله يابقال
ماخفيك صدق ان لما قريت الكلام دا قاعد ساعة مستغرب بس
واضحك ماقادر اعبر
طارق بحر الدين حزب الامة اصلاح وتجديد جناح الزهاوى
والسلطان تاج الدين والد الدكتور على حارب الفرنسين وطرد المحتل
البشير طرد منو وحارب منو
غير مانو بحارب فى اولاد بلدو
ويصادر حرياتهم ويدخلهم المعتقلات وبيوت الاشباح

الاخ محمد عادل لك التحية
مافيش أى علاقة دا شغل سياسة ساكت
داير يضلل عامة الناس عشان يكسب تعاطفهم
زى ما سياسة المؤتمر الوطنى مبنى على الكذب والتدجيل.
ولو أفترضنا جدلا أنو وعمتو لزم, أين هذا الكلام عندما امر
بأنه لا يريد جريحا ولا أسيرا؟؟!!!!... وارتكب ما ارتكب من فظائع
فى حق المساليت وكل قبائل دارفور...دا كلام فارغ
ما لا يفطن له البشير وزمرته هو الوعى الكبير الذى عم كل دارفور,
فقد ولى زمن الخم بهكذا أسلوب.... والاهم لقد ذكر فى الخبر بأن العدد
الذى أستقبله (مليون), السؤال لماذا لم يزور البشير المعسكرات
(هبيلا,كلما,وابوشوك ....الخ)؟؟؟؟!!!! لقد شاهدت الزيارة والعددلا يتجاوز
العشرات (الا الباقى يتموه بالخيل), وهذا حال المؤتمر الوطنى ومطبليه دائما.


لقد تجاوز المساليت حتى هذا السلطان برفعهم للسلاح دفاعا عن انفسهم
فليعش هذا البشير فى أوهامه.

اخى محمد على
هذة مسرحية اخرى من مسرحيات المؤتمر الوطنى
ومسرحية هزيلة
والله السلطان بحر الدين لوكان عايش وشاف المهازل دا
كان عندو كلام تانى

كلكم فاتت عليكم

يا جماعة رئيسكم طاري القرب

(يعني ود دكين كان أحسن منو)

الحبيب مسافر
والله لم تقل الا الحق