(بورداب الخارج .... الخرطوم ترحب بكم)

(بورداب الخارج .... الخرطوم ترحب بكم)


07-24-2007, 09:40 AM


  » http://sudaneseonline.com/cgi-bin/sdb/2bb.cgi?seq=msg&board=140&msg=1185266441&rn=49

Post: #1
Title: (بورداب الخارج .... الخرطوم ترحب بكم)
Author: Ishraga Haimoura
Date: 07-24-2007, 09:40 AM
Parent: #0

إحتفاء بوصول عدد من بورداب الخارج إلى أرض الوطن في موسم الإجازات
يسعدنا أن ندعوكم للقاء يجمع بورداب الداخل والخارج
الزمان: الأربعاء 25/7/2007م
المكان: حدائق المطار أمام نادي التنس
البورداب المحتفى بهم:
الريس بكري أبوبكر
محمد البشرى الخضر
حيدر بدوى صادق
أبوجهينة
فتحي الصديق
نهال الطيب
نور الهادي
القلب النابض
سمية الحسن طلحة
....
وأعتذر لكل من لم يرد إسمه من ضيوفنا الأعزاء


يلا يا ناس الخرطوم همتكم وليكن الاحتفال بعظمة القادمين...
Post: #2
Title: Re: (بورداب الخارج .... الخرطوم ترحب بكم)
Author: Nola
Date: 07-24-2007, 10:00 AM
Parent: #1

بت حيموره

صباحك بنكهة انتصار الهلال وريحة الدعاش وتكريم وردي

جاييين وما جايييين

احنا كبرنا وما بنقدر علي قعاد الارض يا بتي

بث لو في تورتة شيوكلاته بنجي وبدري كمان
Post: #5
Title: Re: (بورداب الخارج .... الخرطوم ترحب بكم)
Author: ABUKHALID
Date: 07-24-2007, 10:06 AM
Parent: #2

ياريت لو كنت معاهم
وعارفك ما بتقصري مع الجوكم
والنية زاملة سيدها
لك مودتي
ربيع السماني
Post: #3
Title: Re: (بورداب الخارج .... الخرطوم ترحب بكم)
Author: انعام عبد الحفيظ
Date: 07-24-2007, 10:05 AM
Parent: #1

اشراقة

سلامات

مرحب بكل الناس الحلوة دي

مفروض سوميتا تكون وصلت يا ريت تكون معانا في اليوم دا
Post: #4
Title: Re: (بورداب الخارج .... الخرطوم ترحب بكم)
Author: السمؤال بدرالدين
Date: 07-24-2007, 10:06 AM
Parent: #1

مرحبتين حبابكم واليوم السعيد الليلة جابكم

حاضرين باذن الله
شكرا حيمورة
تسلمي
Post: #7
Title: Re: (بورداب الخارج .... الخرطوم ترحب بكم)
Author: هاشم أحمد خلف الله
Date: 07-24-2007, 10:16 AM
Parent: #4

إشراقة ليه الإستعجال ده انا قادم إنشاء الله يوم 31/7 خلوها بعد التاريخ ده

يكون احسن عشان نقابل اكبر عدد ممكن من البورداب ؟ لو سمحتم!!
Post: #6
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-24-2007, 10:15 AM
Parent: #1

اشراقة
الف حمد لله على سلامتهم كلهم

لكن بورداب الخارج ديل من يجوا السودان ما ندر يدخلوا البورد ...

عليه كل من يستطيع ان يتصل بشخص من المحتفى بهم فليفعل ..

من جانبي اتصلت بنور الهادي وكلمتوا ..

ومحمد البشرى وصلتوا الدعوة ...

يلا يا بوراب الخرطوم الهمة ..

اشراقة ادخلي في التفاصيل طوالى .. نعيمية معانا .. ولا الحاصل شنو ..

وكان المطرة جات نحول على بيتنا..
Post: #8
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-24-2007, 10:17 AM
Parent: #1

نولا البندولة
مرحب بيك وما تخافي ... حنجيب كراسي لكبار السن
أما التورتات والشيكولاتات دي ما حنجيبها ليك عشان السكري وكدا

نعومة
سلامات ... تلفونك كالعادة ما بيرد مرحب بي سوميتا وياريت تشرفنا

سموأل بدر الدين
كالعادة يا سموأل سباق .. تسلم أخي
Post: #9
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-24-2007, 11:24 AM
Parent: #1

هاشم احمد خلف الله

تجي بالسلامة .. وترحيبك قاعد ونعمل ليكم لقاء انت والزاكي حتى الان ..

ومافي طريقة للتأجيل عشان في ناس منهم مسافرين ..

عودا حميدا
Post: #10
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-24-2007, 11:34 AM
Parent: #1

الأخ هاشم أحمد خلف الله

يازول ولا تزعل
إنت براك نعمل ليك استقبال ما حصل ....
والصحافة كلها تخرج لإستقبالك
Post: #11
Title: Re: (بورداب الخارج .... الخرطوم ترحب بكم)
Author: essam&amal
Date: 07-24-2007, 11:52 AM
Parent: #1

Quote: السلام عليكم احبائى

منعتنى الملاريا اللعينه فى حينها من الكتابة اليكم عن انطباعى

عنكم ايها العقد الفريد بورداب السودان واكرر اسفى للتأخير :



جئت من ضواحى الدنيا فرحا الى موعد وذكرى وزمان ومكان ، احمل

رحالى وزادى واغنياتى لعوالم من الدهشة والتفرد والالق والجمال ،

وجاء معى من أقصى المدينة رجل يسعى بالخير والحب والعطاء وجاء

الاحباب بقية العقد الفريد ( بورداب السودان ) من كل فج عميف

بكنوز المحبة والجمال ليشهدوا منافع لهم وبعضهم صائمون قائمون

عابدون تائبون طاهرون يعطرون ميدان الشهداء بالخرطوم بصلاة المغرب

جماعةيستجاب دعاؤها ويدخر أجرها وثوابها .

ويتواصل نسيج لقائها بجميل الكلم وحلو الكلام وفوح الحروف وعطر

القوافى .

كنت صامتا أرقب ترحاب الارض وتمدد الارصفة وزهو النبات واحساس الحجر

والموقع ينتشى بوفود الاحبة فتغنى ذرات الرمل :

بدمانا السالت راويه الساحة

حلفنا نسير ما نضوق الراحة

وتردد الخرطوم معها :

ايد فى ايد حلفنا نقاوم

ما بنتراجع وما بنساوم


هذه الساحة لمن لا يعرفها من الابناء والبنات ساحة الشهداء أو ميدان

الشهداء الساحة الاكتوبرية المضيئة التى ما أن جلسنا عليها ونحن

قبالة القصر الجمهورى حتى سرت فى أوصالنا قصص التمرد النبيل

والنضال المتقدم على الطغاة والمتجبرين .

أتت أحداهن من الحاج يوسف وأخرى من السامراب وثالثة من الديوم

الشرقية وأخرى من ام درمان ثم أخرى من الخرطوم بحرى تنادوا جميعا

للقاء الاحبة يحضر ابو ساندرا بساندرا ومهيتاب وابو نورة دون نورة

وقلقو دون قلق واساسى الاساسى بحبه الاساسى والمهندس بصوته الجهور

وشاربه المهندس ( بفتح الدال ) وجميع الاحبة من حبيب بلدو وحتى

حبيب الكل فزادوا الخرطوم حلاوة على حلاوتها .

جلسوا وتناقشوا ونقنقوا وتحاوروا بالعربية والرطانة وصوتوا جميعا

بالاجماع السكوتى لهذا الملتقى وهتفوا 00000000

ينصر دينك يا السودان

الخرطوم

عصام الدين محمد الحسن

أبو وضاح





هذا ما كتبه ابو وضاح له الرحمة والمغفرة عن اول لقاء له مع بورداب السودان فى يوم 9/12/2003 .
اتمنى ان اتغلب عن الحزن الذى يلازمنى على ابو وضاح على الرغم من مرور عشرة اشهر على رحيله وينتصر على الحزن دايما ولكن سانتصر عليه هذه المرة واراكم غدا ان شاء الله .
لا ارى جدوى من مقاطعة كل الاجتماعيات بهذه الطريقة حاولت وفشلت ,,,,,,,,,,
دعواتكم ,,,,,,,,,,
تحياتى لك اشراقة
ولضيوفك الكرام

ام وضاح
Post: #12
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-24-2007, 12:16 PM
Parent: #1

العزيزة أم وضاح

أقول لك وكما أقول دائماً: لا يهزم الأحزان إلا اقتسامها مع من نحب

فتعالي إلينا نحمل عنك بعضاً من هذا الحزن

الرحمة لأبو وضاح وربنا يعوضك بنجاح وتفوق وضاح
Post: #13
Title: Re: (بورداب الخارج .... الخرطوم ترحب بكم)
Author: خضر حسين خليل
Date: 07-24-2007, 12:39 PM
Parent: #1

حيمورة

والله لكن متجدعة شئ حدائق المطار وشئ هيلتون
وشئ أصحاب يملو القلب ثم لدي إقتراح
أن تضيفوا مع جملة من ستحتفون بمقدمهم
أعز أصدقائي من سوداني الداخل
وصديق أيامك ( أزهري هاشم)
وعارفك مابتقصري
سحيمورة
بالمناسبة تلفونك عامل لي حركات شديدة قدر ما
إتصل بلقاهو قافل ... فإنجدينا بالماسنجر
Post: #14
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-24-2007, 12:52 PM
Parent: #1

صديقي خدوري
والله في كل لمة نفتقدك بشدة

تذكرتك في "الخرطوم هذا الصباح" وانا قاطعة السوق العربي وكل قذارة الدنيا وطينها وبشتنتها في السوق العربي

طبعا عارف المطر في السوق العربي

صديقي أزهري مؤكد موجود باكر .... وكل الأحباب

(موتوا بغيظكم) وجه مادي لسانه بخبث
Post: #15
Title: Re: (بورداب الخارج .... الخرطوم ترحب بكم)
Author: خضر حسين خليل
Date: 07-24-2007, 01:17 PM
Parent: #14

وشك المادي لسانو وصلني (غيظ غيظ) يا إشراقة
ثم بالله الا ذلت وجوه الناس في الخرطوم كما تركتها
علي سيمائهم السؤال والحلم وأمطار هذا العام صديقتي
ألم تغسل ما بوجوههم من هم وعرق أم كعادتها لم تستثمر
حضورها الا في إيذاء الناس وماذا عن أنثي الانوفليس
حتماً هي آبساط والبرك الراكدة تملأ الخرطوم من وريدها
الي الوريد .....
أنا أفتقدكم بدوري وللخرطوم هذا الصباح التحايا

ثم سؤال فرعي يا حيمورة
أخبار شجر الوزارة شنو بالله
قال بيئة قال
Post: #16
Title: Re: (بورداب الخارج .... الخرطوم ترحب بكم)
Author: Amira Elsheikh
Date: 07-24-2007, 02:35 PM
Parent: #15

مرحباااااااا بكل بورداب الخارج..


سوميتا وصلت امس وبحاول اكلمها اسى..


شكرا اشراقة حيمورة ..

نتلاقى باكر...
Post: #17
Title: Re: (بورداب الخارج .... الخرطوم ترحب بكم)
Author: محمد عادل
Date: 07-24-2007, 02:41 PM
Parent: #16

اشراقة
لو اخرتو شوية كان مالو
كنا جينا شاركناكم
Post: #18
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 07:30 AM
Parent: #1

أميرة الشيخ

مرحب بالعزيزة سوميتة وإن شاء الله تشرفنا اليوم

محمد عادل
ليك علينا أول ما تصل الخرطوم نعمل ليك لمة كبيرة
Post: #19
Title: Re: (بورداب الخارج .... الخرطوم ترحب بكم)
Author: معاوية الطيب
Date: 07-25-2007, 07:43 AM
Parent: #1

Quote: إحتفاء بوصول عدد من بورداب الخارج إلى أرض الوطن في موسم الإجازات
يسعدنا أن ندعوكم للقاء يجمع بورداب الداخل والخارج
الزمان: الأربعاء 25/7/2007م


اشراقة
صباح الخير
يعنى لو اجلتو البرنامج شوية حتى اول اغسطس
يكون رائع وبنحضرة معاكم او( اكون طالبك احتفال
عند حضورى للخرطوم)
مع تحياتى للجميع
Post: #20
Title: Re: (بورداب الخارج .... الخرطوم ترحب بكم)
Author: ABUKHALID
Date: 07-25-2007, 09:29 AM
Parent: #19

اشراقة
يعني عشان ما جايين فاتحين لينا ولا شنو
ما قلنا النية زاملة سيدها
ربيع السماني
Post: #21
Title: Re: (بورداب الخارج .... الخرطوم ترحب بكم)
Author: محمد أبوالعزائم أبوالريش
Date: 07-25-2007, 09:30 AM
Parent: #1

آآآآآآآآخ

من يوم ما أخدت الجنسية (الأونلانية) وانضميت لقبيلة البورداب، وأنا منتظر يوم ألاقي الناس الحلوة دي في الخرطوم. لكن الإجازة أبت تظبط المرة دي، وما عارف البيجي في وقت غير الصيف بيقدر يلاقي الناس كمان؟

أفرحوا لينا معاكم
Post: #22
Title: Re: (بورداب الخارج .... الخرطوم ترحب بكم)
Author: على محمد على بشير
Date: 07-25-2007, 09:43 AM
Parent: #21

اشراقه بت حيموره

غايتو حاسدكم عديل كدا
كل المجموعه الجميله دى
وبورداب الخرطوم الاجمل

كلكم وفى ليله واحده مع بعض
الله يجمعكم دايما على الخير
ويسعد اوقاتكم بكل ما هو جميل
Post: #23
Title: Re: (بورداب الخارج .... الخرطوم ترحب بكم)
Author: يوسف السماني يوسف
Date: 07-25-2007, 10:00 AM
Parent: #1

الاخت / انعام حيمورة
وبقية العقد المتفرد
سلام
بودراب الخرطوم لكم التحية وانتم تمثلون الحضن الدافيء لكل بورداب المنافي الذين يستظلون من هجير الغربة تحت ظلال مودتكم دوما .
ولكم التحية وانتم تمدون حبل التواصل بين من جمعكم يهم هذا الفضاء الاسفيري .

تخريمة

شوقتونا للعودة للوطن وكنت اتمني ان اكون بينكم بس عليكم الله المرة دي غيرو البوادي عشان ظلت ذكري لنا وشوفوا للشباب ديل حتة تانية .

مودتي
Post: #24
Title: Re: (بورداب الخارج .... الخرطوم ترحب بكم)
Author: انعام عبد الحفيظ
Date: 07-25-2007, 10:23 AM
Parent: #23

Quote: شوقتونا للعودة للوطن وكنت اتمني ان اكون بينكم بس عليكم الله المرة دي غيرو البوادي عشان ظلت ذكري لنا وشوفوا للشباب ديل حتة تانية .


يوسف السماني

دا كان في زاد الخلا بالخرطوم (3)

سعدنا بلقائك والتعرف اليك
Post: #25
Title: Re: (بورداب الخارج .... الخرطوم ترحب بكم)
Author: الطيب شيقوق
Date: 07-25-2007, 10:28 AM
Parent: #23

اشراقة المبدعة

ربنا يجمعكم لكن بيني وبيني سياتيك الاعتذار من كثيرين بسبب الامطار وكده .
.
لكم التحية وانتم تمدون حبل التواصل بين من جمعكم يهم هذا الفضاء الاسفيري
Post: #26
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 10:30 AM
Parent: #1

معاوية الطيب
متين ما جيت حبابك ألف وحفلتك مضمونة علينا

ربيع السماني
فعلا النية زاملة سيدها ... عشان كدا جاياك برواقة
ياخي مالو لو خطفت رجلك إنت والعيال ولحقتوا حفلتنا دي؟؟؟
Post: #27
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 10:38 AM
Parent: #1

محمد أبو العزائم
جنسيتك دي على عيننا وفي قلوبنا وفي أي إجازة تشرف وبورداب الخرطوم يرحبوا بيك

علي محمد علي
سعيدين بمرورك وياريت لو كنت معانا

العريبي ود شيقوق
مرحبتين حبابك
حكاية المطرة دي حسادة منك بس
Post: #30
Title: Re: (بورداب الخارج .... الخرطوم ترحب بكم)
Author: ضحيه ابراهيم
Date: 07-25-2007, 10:47 AM
Parent: #27

تحيه لكل بورداب الخرطوم

وتحيه خاصه لهؤلاء الحلوين..

اشراقه حيموره

انعام حيموره

مهند حيموره

انعام عبدالحفيظ

وصديقى الجميل الفاتح وديدى

عبدالمنعم سليمان

خالد ماسا

عاصم ابوبكر حامد

والمبدع سفيان نابرى

والجميل /طلال عفيفى

والفنان المدهش عصام عبدالحفيظ

وكل من التقيتهم فى اجازتى الماضيه او لم التقيهم وكل من هاتفنى او هاتفته عبر الهاتف لكم خالص المود وغالى الاشواق..

بعدين وصية خاصة يا اشراقه اخونا نور الهادى هو زول فنان لكن كبر وبقى داير ليهو زولا يقوده من موية المطره وحفر الخرطوم الكتيرة دى باقى نتظرو ضعف الراجل مسكين ابقو عليوا عشره لحدى مايجينا راجع بالسلامه..
Post: #28
Title: Re: (بورداب الخارج .... الخرطوم ترحب بكم)
Author: Dr. Ahmed Amin
Date: 07-25-2007, 10:39 AM
Parent: #1

اشراقة حيمورة

انت ما سمعتي النشرة الجوية أمبارح ؟؟!!

قالوا اليوم متوقعين مطرة عووووووووك

أسكتي ساكت ... للركب ...

حضروا مكان بديل من هسه ؟؟؟



والله لمتكم سمحة بالحيل .. ويا ريت لو كنا في السودان ...

بث .. عندنا طلب مهم وما أظنه يكون فات عليكم

الصور

الصور...

وأمسية جميلة أتمناها لكم ...
Post: #29
Title: Re: (بورداب الخارج .... الخرطوم ترحب بكم)
Author: معاوية كرفس
Date: 07-25-2007, 10:42 AM
Parent: #1

.

تمام يا إشراقة

أنا أنجزت واجباتي بتاعة التبليغات كلها

نتلاقي بعدين بالليل .



كرفس
Post: #31
Title: Re: (بورداب الخارج .... الخرطوم ترحب بكم)
Author: أبوذر بابكر
Date: 07-25-2007, 10:48 AM
Parent: #1

إزيك يا إشراقة

وكيف الخرطوم بالله

غذا فى خانة فاضية

أحجزو لى معاكم بعد عيد الأضحى

أنا جاى يوم الوقفة

من المطار على "السوبر ماركت بتاع الخرفان"

قالو الخرفان بقو يبيعوها فى "المولات" الكلام ده صحى

خرفان فى السودان
Post: #32
Title: Re: (بورداب الخارج .... الخرطوم ترحب بكم)
Author: ابو جهينة
Date: 07-25-2007, 11:38 AM
Parent: #31

حضور بحول الله
Post: #35
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-25-2007, 12:31 PM
Parent: #32

الريس ابو جهينة الف حمد لله على السلامة ..

بكل الشوق نلتقيكم ..



بورداب الخرطوم اكبر حضور لو سمحتوا
Post: #33
Title: Re: (بورداب الخارج .... الخرطوم ترحب بكم)
Author: Ahmed musa
Date: 07-25-2007, 12:02 PM
Parent: #1

غشراقة النشيطة بشكل متعب
والله انا عندي مشكلة
بروح طوالي في الوصف
نتصل بمنو وكيف
Post: #34
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-25-2007, 12:17 PM
Parent: #1

يوسف السماني تسلم يا سيدي والله كان تستاهل اكتر من كدة

Quote: دا كان في زاد الخلا بالخرطوم (3)



انعام يا مطوفشة دا كان في الواحة الخرطوم 2


بركة الما قلتي سودان تكل.
Post: #36
Title: Re: (بورداب الخارج .... الخرطوم ترحب بكم)
Author: انعام عبد الحفيظ
Date: 07-25-2007, 12:37 PM
Parent: #34

Quote: Quote: دا كان في زاد الخلا بالخرطوم (3)




انعام يا مطوفشة دا كان في الواحة الخرطوم 2


بركة الما قلتي سودان تكل.


غايتو يا انعام جنس شفقة

يعني معقول بس أكون دايشة للدرجة دي ياخ

ياخي انا عايزه يوسف يجي ويقول لي آي والله انا ما ركزت

واجي تاني أقول ليهو برضو ما كان هناك

هسه كدا بوظتي أي شئ
Post: #37
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 12:39 PM
Parent: #1

الأخ ضحية
بورداب الخرطوم كلهم بيسلموا عليك .... تسلم يا سيدي
نور الهادي دا لسه شباب لكن ما تخاف عليه ... في عيوننا

د. أحمد أمين

Quote: اشراقة حيمورة

انت ما سمعتي النشرة الجوية أمبارح ؟؟!!

قالوا اليوم متوقعين مطرة عووووووووك

أسكتي ساكت ... للركب ...

حضروا مكان بديل من هسه ؟؟؟


والله يا دكتور دي حسادة منك ساكت ... الليلة بالذات السماء سحابة واحده ما فيه
وبعدين من متين ناس النشرة الجوية ديل كلامهم صدق؟؟؟
بعدين البديل جاهز
يا ناس الحفلة ... لو المطرة للركب دي جات... نتلاقى في بيت ناس إنعام حيمورة _ البيت جاهز لحدي مانعة الصواعق ركبناها-
Post: #38
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 12:45 PM
Parent: #1

الأخ أحمد موسى
Quote: غشراقة النشيطة بشكل متعب
والله انا عندي مشكلة
بروح طوالي في الوصف
نتصل بمنو وكيف


غشراقة؟؟؟؟ إنت متأكد بتروح من الوصف بس؟؟؟
عشان ما تروح إتصل بإنعام حيمورة على التلفون 0914763741

تشرفنا يا ملك ولو ما عرفت وصف لينا نحن نجيك في محلك
Post: #39
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-25-2007, 12:49 PM
Parent: #1

اشراقة (حيمورة)

انتي شنو بيت ناس انعام حيمورة _ تلفون انعام حيمورة - انتي ما عندكم بيت ولا تلفون ..

هسي نقوم نتشاكل ولازم بعدين تقدي لينا كشف حساب بكل الحاجات الحا تجي ومنو الجابها ..

اصلوا الايام دي كشوفات تقيلة مدورة فينا !!!!
Post: #40
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 12:50 PM
Parent: #1

العزيز جداً أبوذر

تشرف الخرطوم وعيدنا حيكون عيدين بحضورك
ألف مرحب بيك - نتوقع منك تلفون يوم الوقفة

نحن ما بنشتري خرفان المولات.... إستعد نوديك الزريبة تختار خروفك

الريس أبوجهينة
يشيلك راسنا قبل شارع المطار
سعيدين بوجودك في السودان

كرفس
تسلم ياخي وإنت عليك تجيب الضيوف
Post: #41
Title: Re: (بورداب الخارج .... الخرطوم ترحب بكم)
Author: Ahmed musa
Date: 07-25-2007, 12:53 PM
Parent: #1

Quote: تشرفنا يا ملك ولو ما عرفت وصف لينا نحن نجيك في محلك


معقولة بس ؟!!!
لا بجي براااااااااااااي
(اصلي في داخلك بعاين)*





ـــــــــــــــــــ
*أُغنية للمطار وليس لصاحبة البوست لاني أقرب إليه من حبل الوريد في بري
Post: #42
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 12:54 PM
Parent: #1

إنعام حيمورة

إنتي إنعام عبد الحفيظ ويوسف السماني اليوم داك أكلوا شنو؟؟؟
(سؤال بريء)

بيت ناس إنعام وتلفون ناس إنعام وقروش إنعام ومالية إنعام
إنتي أصلم مارقة للربا والتلاف
أعمل ليك شنو؟؟؟

أنا هينة كلها شوية باسطة وبيبسي و"كرواسان".... الكلام الشئون المالية

بالله "كرواسان" دي ما تفوتك
Post: #44
Title: Re: (بورداب الخارج .... الخرطوم ترحب بكم)
Author: Haydar Badawi Sadig
Date: 07-25-2007, 01:00 PM
Parent: #42

العزيزة إشراقة،
تحيتي و مودتي، وتقديري، وشكري على الدعوة الكريمة.
يشرفني أن أراكم في الخرطوم بعد ساعات قلائل.
Post: #49
Title: Re: (بورداب الخارج .... الخرطوم ترحب بكم)
Author: انعام عبد الحفيظ
Date: 07-25-2007, 01:23 PM
Parent: #42

Quote: إنتي إنعام عبد الحفيظ ويوسف السماني اليوم داك أكلوا شنو؟؟؟
(سؤال بريء)


أكلنا شية بس قومتونا جعانين

انا واسمهان علينا البيبسي
Post: #43
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-25-2007, 12:57 PM
Parent: #1

كشف حساب من هس ..

الكروسان دا علي يا جماعة .. شكل ما عايزين .. اكل بس!!!!
Post: #45
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 01:03 PM
Parent: #1

الأستاذ حيدر بدوي

يشرفنا ويسعدنا حضورك

كلنا ترحيب بك
Post: #46
Title: Re: (بورداب الخارج .... الخرطوم ترحب بكم)
Author: Haytham Abdulaziz
Date: 07-25-2007, 01:13 PM
Parent: #1


زي ما قال هاشم يا إشراقة.... مع إنو يادوب شفت البوست دة ... لو أمكن ....

Quote: إشراقة ليه الإستعجال ده انا قادم إنشاء الله يوم 31/7 خلوها بعد التاريخ ده

يكون احسن عشان نقابل اكبر عدد ممكن من البورداب ؟ لو سمحتم!!


و مشكورين على هذه الروح الطيبة .... و ربنا يجمعكم/ن في ساعة خير و سرور دائمين...
Post: #47
Title: Re: (بورداب الخارج .... الخرطوم ترحب بكم)
Author: Ishraga Haimoura
Date: 07-25-2007, 01:18 PM
Parent: #1

هيثم عبد العزيز

مرحب بيك في مطلع أغسطس

تاني نعمل ليك لمة ونحتفل بيك.... مافي اي مشكلة، نحن مركبين عداد؟؟؟
Post: #48
Title: Re: (بورداب الخارج .... الخرطوم ترحب بكم)
Author: أحمد أمين
Date: 07-25-2007, 01:20 PM
Parent: #47

مرحبا بكم
Post: #50
Title: Re: (بورداب الخارج .... الخرطوم ترحب بكم)
Author: Ahmed musa
Date: 07-25-2007, 01:23 PM
Parent: #1

يا اخوانا ردود إشراقة السريعة دي مخوفاني
معناها مصاقرة النت
معناه الأكل والشراب بعدين يبقي في تالا
Post: #51
Title: Re: (بورداب الخارج .... الخرطوم ترحب بكم)
Author: انعام حيمورة
Date: 07-25-2007, 02:00 PM
Parent: #1

بورداب الخرطوم .. الدعوة موجه للجميع للمشاركة في هذا الترحيب ..

نتلاقى بعدين
Post: #52
Title: Re: (بورداب الخارج .... الخرطوم ترحب بكم)
Author: Haytham Abdulaziz
Date: 07-25-2007, 02:10 PM
Parent: #1

Quote:
هيثم عبد العزيز

مرحب بيك في مطلع أغسطس

تاني نعمل ليك لمة ونحتفل بيك.... مافي اي مشكلة، نحن مركبين عداد؟؟؟


كتر خيركم/ن يا إشراقة و إن شاءالله تستمتعوا بيومكم هذا .... و تحياتي للجميع دون فرز حتى جديد اللقيا بهم قريباً بإذن الله .... و قولي لي محمد البشرى (بس خلاص تعال راجع)... و أدينا فرصة معاك...
Post: #53
Title: Re: (بورداب الخارج .... الخرطوم ترحب بكم)
Author: صديق الموج
Date: 07-25-2007, 03:23 PM
Parent: #1

يا الله تجيب مطرة حدها برج المراقبه حق المطار
ولايكون فى الخرطوم كلها نص متر ناشف
وناس الانقاذ يعلنوا حظر التجول من سبعه صباحا
وتجى كتاحه زى الاخيرة
والكهرباء تقطع
والخرطوم تعدم نقطة البنزين
والواحد ما يلقى مويه يتشطف بيها
ودرجة الحرارة تكون 65 درجه مئويه
والرغيف يبقى معدوم
بعد ده كان دايرين تتلموا اتلموا
حساده بس،،،،
Post: #54
Title: Re: (بورداب الخارج .... الخرطوم ترحب بكم)
Author: Amira Elsheikh
Date: 07-25-2007, 03:32 PM
Parent: #53

Quote:
يا الله تجيب مطرة حدها برج المراقبه حق المطار
ولايكون فى الخرطوم كلها نص متر ناشف
وناس الانقاذ يعلنوا حظر التجول من سبعه صباحا
وتجى كتاحه زى الاخيرة
والكهرباء تقطع
والخرطوم تعدم نقطة البنزين
والواحد ما يلقى مويه يتشطف بيها
ودرجة الحرارة تكون 65 درجه مئويه
والرغيف يبقى معدوم
بعد ده كان دايرين تتلموا اتلموا
حساده بس،،،،


صديق الموج ..

نحن خلاااس جلدنا تخن...( بورداب الداخل)

دا كلو جربنا ..

عشان كدا شوف ليك حاجة تانية.. وبطل حسادة..
Post: #55
Title: Re: (بورداب الخارج .... الخرطوم ترحب بكم)
Author: صديق الموج
Date: 07-25-2007, 03:43 PM
Parent: #1

Quote: صديق الموج ..

نحن خلاااس جلدنا تخن...( بورداب الداخل)

دا كلو جربنا ..

عشان كدا شوف ليك حاجة تانية.. وبطل حسادة..


اميرة بت الشيخ كيفك
والله انتو مادام قاومتو تسونامى الانقاذ
تانى ما فى شى بهمكم
ياخى الله يلمكم فى جو ربيعى
وتتشاوفو على خير،،،،
حاشية:
بالله ممكن تنزلوا ليناالصور باقى دايرين نخطب
Post: #56
Title: Re: (بورداب الخارج .... الخرطوم ترحب بكم)
Author: Haytham Abdulaziz
Date: 07-25-2007, 09:58 PM
Parent: #1

Quote: إحتفاء بوصول عدد من بورداب الخارج إلى أرض الوطن في موسم الإجازات
يسعدنا أن ندعوكم للقاء يجمع بورداب الداخل والخارج
الزمان: الأربعاء 25/7/2007م
المكان: حدائق المطار أمام نادي التنس
البورداب المحتفى بهم:
الريس بكري أبوبكر
محمد البشرى الخضر
حيدر بدوى صادق
أبوجهينة
فتحي الصديق
نهال الطيب
نور الهادي
القلب النابض
سمية الحسن طلحة
....
وأعتذر لكل من لم يرد إسمه من ضيوفنا الأعزاء

يلا يا ناس الخرطوم همتكم وليكن الاحتفال بعظمة القادمين...


أرجو أن تكونوا إستمتعتوا بهذه الأمسية ... و إن شاءالله المرة الجاية نكون معاكم أنا و هاشم خلف الله صاحبي و البقية .... و ربنا يسعد أيامكم/ن بكل خير .... شكراً يا إشراقة و بقية الكوكبة من البورداب ... و تحياتي للجميع......
Post: #57
Title: Re: (بورداب الخارج .... الخرطوم ترحب بكم)
Author: طارق جبريل
Date: 07-26-2007, 11:01 AM
Parent: #1

اشراقة كيفنك

يا بت الجيران انتو نحن لمن نجي مالكم ما قاعدين ترحبوا بينا
ولا عشان نحن ناس طُلب ساكت

محبتي الاكيدة