بالفوز اصبح الهلال أساسي في الكرة الافريقية ومبروك يا مريخ

قبل أن أبدأ في موضوع الهلال تعالوا نفرح مع اخوتنا في المريخ ونبارك لهم تلك النقطة الغالية وهم يدافعون عن سمعة الكرة السودانية ويجعلوا الدراويش دراويش فعلا ..

الف مبروك ومزيدا من الانتصارات يا مريخ السودان ,,


الهلال ورفم المستوى المهزوز الذي لعب به أمام اسك الا انه حصد 3 نقاط رفعت برصيده الى 6 نقاط جعلته في المركز الثاني خلف الاهلي المصري وامام أصحاب النقطة نقطة (الترجي وأسك )..

ببقى الهلال اصبح من أفضل 4 فرقة افريقية .. هذا ليس الطموح فأننا نطمح لان يكون الافضل على الاطلاق ويكون فارس الكرة الافريقية وأولها ..

نعم الهلال اصبح أساسي جدا في الكرة الافريقية ومن غيره لاطعم ولا نكهة لمباريات الابطال ..


على الجميع تجهيز الهلال للمرحلة الاصعب ونحن نثق في لاعبينا ..

الف مبرزك للهلال وللوطن ..

ولا شنو يا اساسي ؟

علاء ازيك

الهلال اصلا هو الاساس وما دونه فهو (تمومة جرتق).

تحياتي

عمر

فعلا يا أخ عمر

الهلال دائما هو أساسي بس اساسي ما كان عندو فكرة ..


بس كده بأكد للكل أنه من ضمن افضل 4 فرق في القارة ..

برضو طموحنا ان يكون الافضل على الاطلاق ..

الهلال لن يصبح اساسي في الكرة الافريقية ما لم يتم تتويجه علي منصة ويتم تقديم احد كأسات البطولة له مثل ما تعود زعيم الكرة السودانية علي منصات التتويج وشرف السودان كثيرا بالكاسات الافريقية
اما دخول الهلال دوري المجموعات فلن يعطيه سوى شرف تقديم السبب للاهلي المصري للتتويج
جيبو لينا صفيحة من الفرق الافريقية وبعد داك بنتكلم علي اساسياتكم من عدمها

شكرا اساسي على المرور


وانا ما في موضع مقارنة بين الهلال والمريخ وبتمنى للمريخ برضو التقدم ..


لكن يا اساسي انا كنت حاسي بانو أمنياتك الما قدرت تدسها حا تنهزم ..


فلا تكون زول نشاذ زي الصحفي والناقد الهلالي .. نحن رغم ما يدعيه بانو منتمي لقبلة الهلال الا انه محط سخرية ..

خليك كبير عشان تكبر في نظرنا .. اتمنى هزيمة الهلال ولكن من الائق الا تجاهر بها عشان تكسب حب الهلالاب قبل المريخاب ..


اتمنى ذلك ..

وبرضو انت سوداني والرياضة حب وعمرها ما كانت مولدة للكراهية ..

برضو بشكرك تاني وللمريخ التقدم .