خشم ودعة وشعر طوال وبت بيضاء... ساعدونى

مساء الخير يا اهل بيتنا الاسقيرى..

عندى بحث شغاله فيهو بعنوان { الاقتصاد السياسى للجسد فى السودان}
ومحتاجة مساعدتكم ومساعدتكن فى الآتى:

معايير الجمال فى الاغنية السودانية عبر تاريخها
ونفس المعايير فى الامثلة الشعبية ان وجدت..

يعنى ذكر نماذج محددة الفوق دى معاييرها للجمال..

وعليكم الله كل مالبوست ده يغطس ارفعو فوق اصلى مقروضة فيكم وفيكن


*حقوق المساعدة محفوظة لضمان ملكية التكاتف


وتصبحوا وتصبحن على خير...

القمر بوبا عليك تقيل
الصغيرون الما كبير
الرقيبة قزازة عصير
العيون متل الفناجيل
مابتشيل جردل على الزير

شتتى الشبال ياام ضمير
خللى قلوب الصبيان تطير

الاخت اشراقة
لست متاكدا من ابيات القصيدة
من حيث الاول ثم التالى
لكننى اعتقد ان القم بوبا
من اكث الاغانى السودانية
التى تناسب موضوع البحث
اتمنى لك التوفيق والموضوع شيق
ومميز