سيد بشبش

سيد بشبش


شعر: عصام السنوسي


سيد بشبش سيد بشبش
عامل حازم وسيفه بيرقش
أمره بيمشي وكفه بيطرش
وعينه الحارة في يوم ما بترمش
عند المكتب رسمي بيغضب
جوة البيت يرفس ويضرب
وسط أصحابه بيرقص ويلعب
راجل نكتة وصاحب مقلب
وآخر الليل يقابض ويهبش
سيد بشبش راجل دين وراجل دولة
وراجل خطوة وصاحب مطوة
وصاحب خولة وصاحب جولة
وبيني وبينكم سيد بشبش
راجل واعي وفاهم
فاهم فاهم
وعامل انه الواحد يعني
وغايتو وبرضه ولازم
بالمفتوح ده كلام سر
ما فيش واحد يمشي يسمع
سيد بشبش راجل دوغري
لكن في الليل هجيجه يولع
وزي ما تقول بحب المنقة
و الحاجات النايس ولظلظ
وقبل ما ندخل ونحكي القصة
لازم نعرف صورة بشبش
أصلع أسمر بادية عليه علامة النعمة
وعرجة خفيفة في حادث حركة
شكل سيادته عموما مدهش
وددايما شايل سبحة
تسبح وحدها دون تسبيح
أوتوماتيك
حكمة ربك وقسمة صحيح

سيد بشبش راجل
Urgent
Rich, intelligant
Smooth and elegant
But sometimes
And this is really
He appears slightly hesitant
وفي عصرية وكانت جمعة
سيد بشبش حكك دقنه وهذب شنبه
وشه بينضح نظرة ولمعة
طق عصايته وخت عبايته
وخبط الباب من خلفة برزعة
خلى البيت يتراجف كله
حاجة نفيسة بناتها ثلاثة
بالاولاد يكملوا سبعة
في المرسيدس أخذ القعدة
كدوسه البني تهبهب ناره
هز دماغه هز
يعني سيادته بحي في جاره
وعاد البنز قال يا ليل
وسط الشارع يلوي غباره
وأثناء ما سايق وسط السكة
كان بيدندن يعني بيمدح
دشكا دشكا دشكا أو دشكا دشكا دشكا

وأثناء ما سايق يغني ويمدح
وعينه الزايغة بتجمع وتطرح
هناك على زاوية لمح المنقة
سيد بشبش تمساح لو يلمح
قلبه ينطط جوه ضلوعه
يطق الروب يثكلب ويردح
لف ودور حول المنقة ودور ولف
رسم الزاوية وكشف المسرح
وبسمة أنيقة صناعة برة
بسمة ثعلب حنكة وخبرة
ما نتفاهم يا خلق الله
وعاد خلق الله ما فهامة وناس واعين
اشارة خفيفة وغمزة عين
عارفين الحال والأمر الواقع
كان الرد الفرح بشبش
وخلى سيادته يهدي يمين
مساء الخير آنسة مرمر
اسمك روعة اسمك سكر
أما سيادته سيد بشبش
رائع مدهش اسمك منعش
موسيقي ومطرب
بس خازوق الناس تتمقلب
وتمشي تقول لسيادتك شبشب

لا يا بت يا نكتة صنفك متعب
وهناك في شارع كم مش عارف
البيت الناصية أشجار وزخارف
عربات تتلاعب أنوار ورفارف
كانت ربة وهيصة تولول
ناس بتصفق وناس بتزغرد
وناس بتهلل
ناس بتنادي شيلي وختي
وناس بتغازل أموت يا أنتي
وناس مبسوطة غاسلة وكاوية
وناس ركاني بتعزف زاوية
وناب بتغني حني يا تتي
وسيد بشبش أمير الموقف وبطل الساعة
كان مشغول مع ناس مرمر
يصلوا جماعة
ولمن تم صلاته وسلم
قام يسلم بالأحضان
قال مشتاق وكاتلو الشوق في الحبان
وزي ما قلنا قبيل عن بشبش
راجل بهجة جد فنان
جدع العمة هناك وعصايته
ولحق جزمته والقفطان
وهاك يا دانص
ودارت حلقة عجاج وغبار
ناس بتسوي ردحي جد
وناس في الردحي رقيصها هزار
وناس انبطحت وناس اندرشت
ناس انكرشت عشان تنمد
وفجأة في لحظة حصلت كبسة
زي ما تقول البيت انهد
الجو اتلغم
فال اتسمم

وصل الكومر شكله يخوف
نزل امباشى معاه الأورطة
عملت سد وجاط الموقف
سيد بشبش ضرب اللخمة
ربط الساعة مكان الجزمة
لبس الجزمة فاكرها عمة
لف العمة محل الساعة
جذب قفطانه رمى الشماعة
فكر ينط من فوق للحيطة
تلب توف جوه البلاعة
جوه الكومر بالبوليس الناس شحنوها
البتباكى والبتوجع والبتعذر والبتشفع
الضحكات باهتة
وفي نص الكومر كان متمحن سيد شبشب
ماسك سبحته
مرة يقحقح ومرة يسب
مشغول بأولاده وحاجة نفيسة
وناس المكتب
كيف القصة هناك بحكوها
وكل ما مرمر تبسم ليه
يسب للمنقة ويوم زرعوها

سيد بشبش

-------------------------------------------------------------------------------------
ام شداق


ريدي ليكي يا ام شداق
اقلب اللوري في الدقداق
وكت اغلط واقول مشتاق
عيونك جووو تبحلق جو في عيوني
وتجعوط في مصاريني
اتوكل واقول بريدك يا سجم خشمي
!!!بريدك قايله من قلبي
وحاتك خوف
خايفك يوم تهجميني وترجميني
وفد ام كف تكتليني
هي يا ام ريدن بعج بطني
هي ام حبن شرط عيني
!!!اريدك انا
!!! اريد لي فيل
احلني الله يالبرميل
شقوق كرعيك تدخل ضب
تدخل فار
تقول سحليه راسا عديل
!!!اريدك انا
وحاتك الا بي الشلوت
هي يا الهارياني يا الكتلاني
يالباقيه لي شوكة حوت
كل ما اجي
تطفشي مني البنوت
شكيتك علي الله يا ام زعمووط

وأثناء ما سايق يغني ويمدح
وعينه الزايغة بتجمع وتطرح
هناك على زاوية لمح المنقة
سيد بشبش تمساح لو يلمح
قلبه ينطط جوه ضلوعه
يطق الروب يثكلب ويردح
لف ودور حول المنقة ودور ولف
رسم الزاوية وكشف المسرح
وبسمة أنيقة صناعة برة
بسمة ثعلب حنكة وخبرة
ما نتفاهم يا خلق الله
وعاد خلق الله ما فهامة وناس واعين
اشارة خفيفة وغمزة عين
عارفين الحال والأمر الواقع
كان الرد الفرح بشبش

مساء الخير آنسة مرمر
اسمك روعة اسمك سكر
أما سيادته سيد بشبش
رائع مدهش اسمك منعش
موسيقي ومطرب
بس خازوق الناس تتمقلب
وتمشي تقول لسيادتك شبشب

سلام كبير
وانت تغرد وحيدا هاهنا

يا سلام عليك يادكتور !!!

بتصدق من عشرة سنين وأنا ببحث عن هذه القصيدة الرائعة سيد (شبشب) أقصد بشبش

ربنا يسعدك ,,

عواطف ادريس اسماعيل
يا سلام عليك يادكتور !!!

بتصدق من عشرة سنين وأنا ببحث عن هذه القصيدة الرائعة سيد (شبشب) أقصد بشبش

ربنا يسعدك ,,

dear awatif
it is individuals like you who love to read nice elegant words

thank you

and i am really happy that you found it

thanks

mustafa

عمر عبد الخالق سعيد
سلام كبير
وانت تغرد وحيدا هاهنا

thank you for joining me

توقفت الحياه بمنبر سودانيز أون لاين منذ أنو توقفت الدكتوره نجاة عن الكتابه وأصبحت كلمة (مسيخ) متلازمه أساسيه لكل البوستات التي ظهرت في المنبر والتي كانت تزينها الدكتوره بيان بمداخلاتها الرشيقه التي لاتصيب إلا كبد الحقيقه ..
الدكتوره بيان رغم إختلافي معها في كثير من الأمور ورغم إفحامها لي في كثير من البوستات التي أصدرتها وآخرها (الإنقاذ في قلوبنا وحدقات العيون .. الدعوه لكل القواعد) والذي تداخلت فيه الدكتوره أكثر من مره ونبشت لي كل أخطاء الثوره من أول يوم لإنطلاقها وإلى الآن الأمر الذي جعل البوست يرتد إلى نحري مباشرةً ... لكن رغم ذلك لم أنزعج منها أبداً لثقتي الكبيره في أنها لاتكتب إلا لمصلحة هذا الوطن وأهله البسطاء المساكين ...

الدكتوره كانت قد تضررت كثيراً من مناكفات المدعو مصطفى محمود الغير منطقيه إطلاقاً وتخريبه المتعمد لبوستاتها بغض النظر عن محتوى البوست ومضمونه الأمر الذي يثير الشك حول أن هذا العضو يتعمد (تطفيش) الدكتوره بيان أو أنه (مسلط عليها) من قبل بعض من يخشون كلمة الحق ويخافونها ومن بعض من لايملكون القدره على الحوار مع الدكتوره بيان التي تدحض عادةً أكاذيب بعض المهووسين و(مدعي النضال) وذلك من ضمن دعوتها النبيله التي تدعو فيها من أجل إيجاد معارضه نظيفه وشريفه تساعد في بناء الوطن ...

قامت الدكتوره برفع بوست تشكو فيه بكل أدب وإحترام العضو مصطفى محمود وتطالب فيه الأخ بكري أبوبكر بوضع حد لهذا العبث الذي يقوم به هذا العضو فما كان من سيد الحوش إلا أن قام بحذف ذلك البوست الأمر الذي أغضب الدكتوره بشده ودعاها للتوقف عن الكتابه في المنبر بعد أن صرحت بأنه إذا تم حذف البوست فإنها ستتوقف عن الكتابه والدكتوره إذا قالت شيء فإنها ستفعله كما تعلمون ففقد المنبر بتوقف الدكتوره بيان الكثير من رونقه وأصبح كما ترونه الآن خراباً ينعق فيه البوم والغراب ...

لم نرى من الدكتوره بيان إلا كل ماهو جميل ونبيل وآخر إسهاماتها كانت الدعوه التي أطلقتها لإنقاذ الطفل محمد وبحمد الله الدعوه آتت أكلها وعوفي الطفل الأمر الذي جعل حتى الصحافه الهنديه تتحدث عن عظمة هذا الموقع الذي بنى بإسهامات من هم في قامة الدكتوره بيان ولم يبنى بعمليات الكوبي والبيست .. أتمنى من كافة الأعضاء التوقيع هنا من أجل أن يعيد بكري البوست المحذوف ومن أجل عودة الدكتوره بيان ...

وللجميع مؤونة عشرة أعوام من الود

i wonder how many of
سيد (شبشب)

are around us
and how do they feel

i wonder how many of
سيد (برطوش)

are around us
and how do they feel

وقبل ما ندخل ونحكي القصة
لازم نعرف صورة بشبش
أصلع أسمر بادية عليه علامة النعمة
وعرجة خفيفة في حادث حركة
شكل سيادته عموما مدهش
وددايما شايل سبحة
تسبح وحدها دون تسبيح
أوتوماتيك
حكمة ربك وقسمة صحيح

ندى في العيون أكحل مجعّد مسوّدة
انتي العيون فوقن قضى
ندى في الحواجب زي هلال
قصة نصوم دي مؤكدة!
انتي الحواجب دلجة بس
قلم الحواجب هاردها
وتقولي لي سمّاك ندى!؟
ندى تبتسم آلالاف مؤلفة تسعدها
وانتي الخشم شارّة التلاليش
بس طبق ومغطّي صينية الغدا
ندى في الوشيش نظرك بشيش..
ما يعقّدها
وانتي الوشيش وش الجحيش
نخرين كُبار كُرعين ردا
وتقولي سمّاك ندى!
قاتلي "آي أنا إسمي ندى"
شوفي أوعك تقولي اسمك ندى
ندى ما بس الاسم

Quote: بتصدق من عشرة سنين وأنا ببحث عن هذه القصيدة الرائعة سيد (شبشب) أقصد بشبش

انا ببحث عنها منذ 25 سنة

الغريبة إنو حصلتها في كاسيت في الشارقة عند "طلعت الباكستاني" ملك أشرطة الكاسيت السودانية قبل أيام

سوف أحاول ان أنزلها ليكم بالصوت قريبا إن شاء الله


في قصيده مطلعها :
أحبها و تحبني *** و يحب جزمتها شرابي"
أحبها و تحبني *** و يحب شنطتها كتابي"

.....

"أحبها و تحبني *** و يحب صادقكم الترابي"

سمعتها في الثمانينات من ناس الجو الرطب، لو في احدكم متذكرها يكتبها لينا

عمار يس النور
عاشق بخت الرضا

عمار يس النور
Quote: بتصدق من عشرة سنين وأنا ببحث عن هذه القصيدة الرائعة سيد (شبشب) أقصد بشبش



انا ببحث عنها منذ 25 سنة

الغريبة إنو حصلتها في كاسيت في الشارقة عند "رضوان الباكستاني" ملك أشرطة الكاسيت السودانية قبل أيام

سوف أحاول ان أنزلها ليكم بالصوت قريبا إن شاء الله


في قصيده مطلعها :
أحبها و تحبني *** و يحب جزمتها شرابي"
أحبها و تحبني *** و يحب شنطتها كتابي"

.....

"أحبها و تحبني *** و يحب صادقكم الترابي"

سمعتها في الثمانينات من ناس الجو الرطب، لو في احدكم متذكرها يكتبها لينا

عمار يس النور
عاشق بخت الرضا

thank you very much

سلام
ممكن تكمل باقي المنظومة:

ياي سيدة لا
فايتانا وين مستعجلة
شرط امتحان لازم علوم
مابالسماحة مكملة
يا يسيدة لا............

عميد بليد ما تخلي ست الناس تعيد...........................

مطرود انا ومحروم
واخوانا معاي بالكوم
خليناها للحروم
يبشتنن اقتصاد وعلوم

عاد يا اخواني واقعة حكية
في البت البقت بطرية
حلف التور طلاق بالمية
ما تكشف عليه بنية

الفي طب مبشتن حالها
كيف تكشف على الرجالها
ست سنين قراية ابقالها
والعجب العرس فبي بالها

شوف الجات تهز في ضراعها
قالت دايرة اقرا زراعة
.....................

عاين الصيدلة ال.......
في كيمان حرير مدفونة
أجمل واحدة فيها سكونا
اما من العقاب أعفونا



وبقية القصة تكتمل
وكتابتها في الوضع الراهن لست عبطا أو تقليل من شأن نسائنا وإنما لتذكير كاتبيها
ما هو وضع المرأة الآن وكيف "أن التور يبحث عن بنية تكشف عليه"

واضعين في الاعتبار السياق التاريخ والاجتماعي الذي تمت فيه صياغة مثل هذه القصايد
الرسالة للجندرية وأخريات لقراءة جندرية لمثل هذه الصور النمطية
شكرا

صفية- بيطرية سابقا.

سلام ،

Quote: مطرود انا ومحروم واخوانا معاي بالكوم خليناها للحروم يبشتنن اقتصاد وعلوم عاد يا اخواني واقعة حكية في البت البقت بطرية حلف التور طلاق بالمية ما تكشف عليه بنية الفي طب مبشتن حالها كيف تكشف على الرجالها ست سنين قراية ابقالها والعجب العرس فبي بالها شوف الجات تهز في ضراعها قالت دايرة اقرا زراعة ..................... عاين الصيدلة ال....... في كيمان حرير مدفونة أجمل واحدة فيها سكونا اما من العقاب أعفونا

شوف الجات تهز في ضراعها
قالت دايرة اقرا زراعة
حرتت و تيربت بسراعه
سوت في بلدنا مجاعه





عمار يس النور
عاشق بخت الرضا

يا دكتور سلامات..

بوست رائع بروعتك..

وأهديك وزوارك ملحمة (سيد اللبن)..

والقصة إنو واحد صاحبنامكسر في بت الحلة شديد..

بس مالاقي أي طريقة يخش فيها..وكل المزعلوا وقاطع فشفاشو

في الدنيا هو (سيد اللبن)..كل يوم سيد اللبن بيلاقي المحبوب

وبيقيف معاهو..وهو لا!!

فقال:

إنشاء الله يا سيد اللبن ما تنفعك..
تاريك تجيهم كل صبــاح والسمحة تلمس أصبعك
إنشاء الله يا سيد اللبن ما تنفعك..

سيد اللبن حتي الحمار شاف الجمال وقف إحترام!
شافك بدون إحساس تقيف..لو نضم ..كان قال حرام!
دفق اللبن..مرق اللبد..قطع اللجام
إحتج عــار ولا حتي فكر يودعك..

إنشاء الله يا سيد اللبن ..ما تنفعك..

سيد اللبن..
خليني يوم لبــان أكون..
شان بس أشوف الزول ..
في سحره وأغرق في العيون..
الزول جميل وسمح شديد..
شايل محاسن الكون فنون..
وبديك أضعاف مكسبك..

ولو كان أبيت..
.
.
.
.
.
.
.
إنشـــــاء الله يا سيد اللبن ما تنفعك!!

تحياتي

: خالد الطيب أحمد


يا دكتور سلامات..

بوست رائع بروعتك..


thanks khalid

looking for more

like ya syda laa

thanks

سلام عاشق بخت الرضا

شكرا على التصحيح

دي الجرادة القاعدة بترضع في ولد الكديسة
صاحبة الديك والجدادة الحايمة بتكوس في المريسة
والضبانة الزغردت فرحانة بي جيت عريسها
والضب الخاتي سفة يشكي من الظروف العويصة
احييييييييييييييييييييييي انا
دا البمبر قال مصدع من قعاد طول النهار
و فردتو المفراكة تبكي وتشكي من طول الدوار
و الملاح حارقاهو شطة صاري قال ما عاوز هزار
والرغيف فقران وناشف من صف النتظار
و جكسويتي قالت انا ما بغازلها ركبت وش حمار
عاوزاني تحت البلوكنة ليل ونهار
على بالها روميو قالت سيد الرجال
ابيت زعلت تاني ركبت وش حمار
فكيتها الزيها راقدين كتار
*******
تقولي لي سليتك
تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس ببعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي
شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك
===============
شكيتي وبكيتي وقلتي عاوزة موبايل
مشيت وجريت وجبت ليك ستاير
ستاير ومرايل ودواير على قافية موبايل
اوع يا ولية اسمع منك قوايل
حردتي واعترضتي وقلتي ابوكي شيخ قبايل
طيب طالق بالتلاتة ولو في رابعة انا كنت قايل
بس ما عاوزين نعقد المسائل
شوفي احسن الموبايل ولا الستاير

Safia Mohamed
سلام
ممكن تكمل باقي المنظومة:

ياي سيدة لا
فايتانا وين مستعجلة
شرط امتحان لازم علوم
مابالسماحة مكملة
يا يسيدة لا............


thank you

and you are very welcomed

dr mustafa

انت مهما جريت ومهما قسيت
حبك برضه لذيذ sweet

ليه يا قاسي ستة شهور
Since I saw you وامكن more
ماشي وجاي حزين مأسور
بين الـ window وبين ال door

ليه تظلمني وتنسي هواي
وأنا بحبك زي my eye
وصولك كيف ومكانك high
تعال أدركني before I die

ليه يا قاسي كفاي تعذيب
في ذكراك I can't sleep
داخل قلبي جروحك deep
تعال أدركني before I weep

بحلم بيك أنا day and night
أنا والنوم دوام فيfight
ماعرفت شمالي من my right
هل الكلام دم منك right !

سلام د. مصطفى محمود

أقترح عليك ان نركز جهدنا في حصر هذه القصائد المنسية من شعر هيئة حلمنتيش العليا في بوست واحد وهو بوستك بتاع "حلمنتيش" المفتوح حالياحتى لا نتشتت بينه و بين هذا البوست "سيد بشبش"

قاعد حاليا أتذكر ليك و أبحث في القصائد القديمة التي أحفظها.


تحياتي


عمار يس النور

عاشق بخت الرضا

ok

amar

i think it is good idea
thank you

and i agree with you 100%

keep it going

thanks again

this is the link to the main post

thank you

هيئة حلمنتيش العليا]