عندما كاد حرس الإذاعة السودانية أن يصرعنى قتيلا

كنت قد ذهبت فى إحدى إجازاتى مؤخراً إلى السودان بالسيارة وبنظام الإفراج المؤقت ، وكانت هذه الإجازة بعد غيبة طويلة من السودان تغير خلالها الكثير من المعالم والشوارع والمبانى ، حتى أننى كنت أحياناً لا أعرف بعض الأماكن التى اصلها بسيارتى من شدة التغيير الحادث ،

وأذكر أننى كنت عائداً فى أحدى الأمسيات من الخرطوم إلى أم درمان ، وبمحاذاة النيل حتى تعديت من بيت العم طلسم (أبو البلابل) فالمسرح القومى ومبنى التلفزيون ، وكانت تصحبنى فى الرحلة بعض شقيقاتى ، وأنا فى غاية الإنبساط والفرحة ولم يمض على حضورى سوى يومين فقط ،

ونظراً لطول الغياب ، فلم أكن أدرى أن الشارع الذى ينحرف من عند نادى الفنانين ويمر من أمام باب الإذاعة (الباب القديم) قد تم إقفاله تماما ووضعت هنالك حراسة مشددة ودبابة ، وكركون مستيقظ 24 ساعة ، ولا يمكن العبور من هناك بأى حال إلا بكلمة السر العسكرية التى تتيح لصاحبها المرور منعاً لأى محاولة إنقلابية ، أما ما عدا ذلك فالتعليمات صريحة وهو فتح النار الحية لكل من يحاول العبور من هذه البوابة (التى كانت شارعاً عادياً فى السابق)

تصوروا لم أنتبه إلى قفل هذا الشارع ، وأنا أقود السيارة بسرعة 80 كيلو فى الساعة ، وعند وصولى نهاية نادى الفنانين ، بعد أن عديت من مبنى التلفزيون ، قمت بالإنحراف يساراً وفى رأسى الصورة القديمة للشارع ، حتى أفاجأ بمن يقول لى صائحا بصوت فظيع:

ثابتتتتتتتتتتتتتتتتتتتتتتتتتتتتتتتتتتتتتتتتتتتت ، أتبعها حركة تعمير فورية للسلاح الذى فى يده مصوبا نحو راسى مباشرة

ودست الفرامل ولم يكن بينى وبين العساكر سوى أقل من متر ، وكاد العسكرى ان يفتح فىّ ناراً لولا لطف الله

وصرخت البنات وحدث هرج ومرج فظيع ، حتى أتانى أحد رجال الأمن مستفسراً عن هذا التعدى السافر ، وأظنه أراد أن يعتقلنى ، حتى تصدت شقيقاتى ، وقلن له نحن أخوان ياسر شيخ الدين ، وياسر هو أخى من ابى ويعمل سائقا فى الإذاعة السودانية ، وتنفس رجل الأمن الصعداء لأنه يعرف ياسر ، ثم عرف اسرتى ، فاعتذرت شقيقاتى بالنيابة عنى وقلن له الرجل مغترب وغاب كثيرا عن البلد ويظن أن الشارع مفتوح ،

ففهم رجل الأمن الكلام ، وأمرونى بالتقهقر فوراً للخلف والإبتعاد عن هذه المنطقة العسكرية ،

فرجعت للخلف وأنا أتصبب عرقاً من هول الفجعة التى ادخلها العسكرى فى روعى ، وتأملت فى حماقتى وفجعة شقيقاتى فلم أمر بهذا الشارع ابدا من ذلك اليوم حتى يومنا هذا

يا زول حمد على السلامة

ياأخي أنت وين نفتش ليك نبارك ليك تخرج نبراس

وما لاقينك..

يازول نجدتك بقت بياسر.... وتلاقيك أنت من الغربة

ما عارف ياسر شيخ الدين شغال في الإذاعة ولا في سلاح الإشارة

وخايفك من الهجمة تكون قلت للأخوات ياسر ده منو كمان؟ لول

حمد لله على السلام وثاني ما تطلع بدون أن تعرف سر الليل!!!

الحبيب Kamal Karrar

والله كلامك صاح ، ضربت لخمة لى هسع باقيها معاى



بعدين ياخ أشكرك على التهانى ورديت ليك رد كويس ، راجع البوست يا وجيه

يا زول سلامتك وما تشوف شر انشاء الله

وانشاء الله تزول كل هذه النقاط ويعود نهر النيل يجري مرة اخري

حمد الله على السلامــه،
ذهب ضحيه ذلك البعض، وينبغى وضع علامات متعدده و مضيئه قبلهم
والا فانك تتفاجاء بهم وسلامـــه.

شهاب الفاتح عثمان

الله يسلمك

نعم يا شهاب سمعت بالكثيرين الذى راحوا ضحية هذه البوابات

وربنا - زى ما قال خليل - يرجع لينا النيل يجرى تانى

khaleel

الله يسلمك يا خليل

وربنا يسمع منك

تحياتى

اه المرة دا معاك الاولاد
والايام دا البلد فى حالة استعداد وتاهب امنى كبير
فى كل استو تلقى ليك عساكر واقفين
سوق براحة واعمل حسابك الف

يا محمد عادل

أنا هين ، الكلام إنت المرصود



محمد عادل ، ربنا يحفظك ويغطى عليك وكامل تضامننا معك

تحياتى

العم الحبيب هشام
اناهين بستخبى وفينى حيل اجرى
لكن الكلام انت كبرتى على الجرى ياعمى هههههههههههههههههههههه
واقترب الصبح ان يشرق والليل يزول
وياسودان معليش حكموك ناس الجيش
اشكرك على تضامنك الكامل والتام معى
وتحياتى لى الاسرة الكريمة فردا فردا

محمد عادل

يبلغ السلام

Quote: عندما كاد حرس الإذاعة السودانية أن يصرعنى قتيلا

والأحلى : يُُردينى قتيلاً
قدر ولطف

حمدلله على السلامة يازول يا زول

يعنى حموك البنات وإنت ترجف

يا زول حمدلله بالسلامة

تلقاك لى هسة تانى ما شفت الإزاعة


تحياتى

رأفت ميلاد

كلامك صاح أنا من يوميها ما مشيت بالشارع ده



تحياتى

walid taha

كاد أن يصرعنى ويردينى قتيلا



تصدق أنا من الأول حاسس أنو فى حاجة غلط فى الجملة

لوووووووووووووووووووووووول إنت قراى بشكل



تحياتى

حاجه تخلى الزول يرجف

ربنا لطف ..

يازول

أحسن ليك ما تمشى
الشارع الممنوع
لأى سبب


إحترامى

عبدالله داش

أنا لى هسع برجف



تحياتى