Post: #1
Title: الى من يهمه امر المنبر
Author: awad okasha
Date: 07-18-2007, 06:56 PM
Parent: #0
الى من يهمه امر المنبر
التحايا لكل الاصابع التي مارست ما تشتهي على (الكيبورد ) لتوصيل ما تعتقده وتؤمن به .
حق مشروع ان يعبر كل عن نفسه ، ولكن هل انتبهنا الى اننا نحيد عن الطريق؟؟
لما نشتم بعضنا ؟؟
ما هذه العنصرية والجندرية ( لا احب هذه الكلمة رغم جودة مدلولها ) ؟؟
لما لا نمارس حريتنا في اطار من الوعي الراقي الذي هو سمة من سمات الشخصية السودانية؟؟
بات جليا لكل متابع ومدقق ان ما يدور في دهاليز المنبر صار محيرا.
المشاركات عليها بعض المآخذ التي لا تخطئها العين ، من ذلك:
- قلة العمق في الطرح والتفكر فيما يكتب قبل نشره على المنبر.
- خلو العديد من المشاركات من العلمية في الطرح وميلها إلى اللغة الإنشائية .
- الآحادية في الرأي وعدم الإنصات للرأي الآخر .
- عدم التمكن من أدوات اللغة وتطويعها لنقل الطرح والفكرة بشكل سليم .
- القيم الجمالية لا بأس بتواجدها في المنبر ، ولكن ما يفسدها التعصب الفكري والتشدد الايدولوجي .
- الإصرار ( لدى البعض ) على طرح مواضيع شخصية لا جدوى ولا فائدة تنال من يطلع عليها .
- محاولة البعض استغلال المنبر في تحقيق أهداف حزبية ضيقة بالاستفادة من بعض الأحداث السياسية .
دعونا نرتقي بالمنبر إلى ما يعود بالنفع على سوداننا الحبيب .
** استثني من نقطة التعصب والتشدد ( ناس الكورة ) لانو ديل ما في امل انو يبطلوا البعملوا فيهو ولانو انا ذاتي متشدد كرويا 
شكري ومودتي 
|
Post: #2
Title: Re: الى من يهمه امر المنبر
Author: دوت مجاك
Date: 07-18-2007, 07:09 PM
Quote: لما نشتم بعضنا ؟؟
ما هذه العنصرية والجندرية ( لا احب هذه الكلمة رغم جودة مدلولها ) ؟؟
لما لا نمارس حريتنا في اطار من الوعي الراقي الذي هو سمة من سمات الشخصية السودانية؟؟ |
الاخ عوض
تحية طيبة
فعلا (لماذا) ومن اجل (ماذا)
السنا هنا (كلنا) من اجل (السودان)
اليس (سودانيز اون لاين) منبر (صفوة) السودانيين
| Quote: دعونا نرتقي بالمنبر إلى ما يعود بالنفع على سوداننا الحبيب . |
من معنا فى هذا الدعوة
|
Post: #13
Title: Re: الى من يهمه امر المنبر
Author: فدوى الشريف
Date: 07-19-2007, 08:39 AM
Parent: #2
Quote: الاخ عوض
تحية طيبة
فعلا (لماذا) ومن اجل (ماذا)
السنا هنا (كلنا) من اجل (السودان)
اليس (سودانيز اون لاين) منبر (صفوة) السودانيين |
لك التحيه دوت جوك
| Quote: من معنا فى هذا الدعوة |
انا معاكم وتوقيه بالخط العريض
وتحيه للوطن
|
Post: #3
Title: Re: الى من يهمه امر المنبر
Author: الطاهر ساتي
Date: 07-18-2007, 07:14 PM
سلام ومحبة ......
هسع في ناس حيجو يتكبو في البوست ده تأييد واشادة ..
لكن في اقرب بوست تانى بينسو كلام الليل ده
ياحبيبنا ده فيلم قديم بيتعاد كل اسبوع .... .......
ربنا يحقق امانيك
|
Post: #5
Title: Re: الى من يهمه امر المنبر
Author: دوت مجاك
Date: 07-18-2007, 07:24 PM
Parent: #3
ديل كتر منهن
Quote: هسع في ناس حيجو يتكبو في البوست ده تأييد واشادة ..
لكن في اقرب بوست تانى بينسو كلام الليل ده
|
ديل خليهم انت (كيف)
كل يوم تحاول اكيد بتصل
|
Post: #4
Title: Re: الى من يهمه امر المنبر
Author: awad okasha
Date: 07-18-2007, 07:21 PM
الاخ دوت
لك التحية
فرحت كثيرا للعدد الجيد من المرحبين بانضمامك للمنبر .
هذا هو السودان الذي ننشده .
وطن خير ديمقراطي .
شكري ومودتي
|
Post: #7
Title: Re: الى من يهمه امر المنبر
Author: دوت مجاك
Date: 07-18-2007, 07:32 PM
Parent: #4
Quote: فرحت كثيرا للعدد الجيد من المرحبين بانضمامك للمنبر .
هذا هو السودان الذي ننشده .
وطن خير ديمقراطي . |
شكرا اخى عوض
فعلا نسعى لوطن للجميع
وتانى اشكر الذين رحبوا بى
|
Post: #6
Title: Re: الى من يهمه امر المنبر
Author: awad okasha
Date: 07-18-2007, 07:29 PM
الاخ الطاهر
لك التحية
بالتمعن في ما وراء السطور اجدك من الذين يسعون لرفعة السودان من خلال منبر صحي خالي من المشاحنات والتعصب والسباب .
وامانيك يا غالي .
شكري ومودتي
|
Post: #8
Title: Re: الى من يهمه امر المنبر
Author: Ahmed musa
Date: 07-18-2007, 07:39 PM
عوض عكاشة :
بوست بحق (مميز)
أولاً : ولنضع ثوابت
1. إن رايّ صواب يحتمل الخطأ ورأي غيري خطا يحتمل الصواب
2. فلنختلف بأدب على أن نتفق بغوغائية *
3. أعارضك الراي حتى الموت ولكنّي أُضحي بحياتي لأجل أن تقول رأيك
ثانياً : للطاهر ساتي :
قصدك شنوا بزول يجي يشيد بالليل وينط في أول بوست ؟!!!
خلّي الكلام المقتقت وأتكلم دوغري
(قر قر قر قر يمزح والمولي , وصدقاً أنا من المدمنين لكتاباتك , أسمع ليك آخر عشر أعمدة ؟!!!)
ــــــــــــــــــــــــ
* خايف من واحد ينط لي ويقول لي وضح قاصد منو بالغوغائية
|
Post: #9
Title: Re: الى من يهمه امر المنبر
Author: awad okasha
Date: 07-18-2007, 07:45 PM
الاخ احمد موسى
لك التحية
اسعدني مرورك وزادني يقينا بأن سمات الشخصية السودانية السمحه ما بيقدر كائن من كان يغيرا .
يعجبني كثيرا هذا القول المأثور "امدد ذراعك بكل حرية ، ولكن انتبه الاخرون ايضا يمدون اذرعتهم "
شكري ومودتي
|
Post: #10
Title: Re: الى من يهمه امر المنبر
Author: عادل التجانى
Date: 07-18-2007, 07:58 PM
أخي عوض عكاشة
تحية طيبة
يسعدني هذا الطرح ، وأثني رأيكم ، وأحترمه ، وأتمنى تطبيقه
وأنتهز الفرصة لأحيي عبركم الأخ دوت مجاك عضواً في هذا المنبر
شكراً
عادل التجاني
|
Post: #11
Title: Re: الى من يهمه امر المنبر
Author: awad okasha
Date: 07-19-2007, 08:01 AM
الاخ عادل
لك التحية
مرورك يزين صباحات الوطن ويزيد من رغبتنا في التمسك بكل قيمنا السودانية التي يغشاها هذه الايام طعم مختلف .
من المتسبب في ذلك ؟؟ وما هي الاسباب ؟؟ بوست سوف يرى النور قريبا .
اخونا دوت
الناس الحلوين فرحانين بيك ، ابقى عشرة على كل المعاني النبيلة .
شكري ومودتي
|
Post: #12
Title: Re: الى من يهمه امر المنبر
Author: أبو الحسين
Date: 07-19-2007, 08:29 AM
Quote: السنا هنا (كلنا) من اجل (السودان)
|
الثنائي الجميل "الجديد" عوض ومجاك...
أحييكما وأشد من أزركما وأنتم تدعون للمساح والخوة الصفاء والنقاء...
ويا مجاك يا اخوي لو بس نظرنا للنيل أبونا والأصل سوداني ماب تجينا عوجي تب...
حفظكما الله والجميع...
Quote: من معنا فى هذا الدعوة
|
أنا معاكم ونص وعشرة...
وإلى الأمام... إلى بورد ملؤه الحُب والتصافي والرأي والرأي الآخر والحكمة والكلمي الموزووووووونة...
قواسيب مودتي...
أبو الحســـــــــين...
|
Post: #14
Title: Re: الى من يهمه امر المنبر
Author: awad okasha
Date: 07-19-2007, 08:49 AM
الاخ ابو الحسين
لك التحية
مساحات المودة تزدان بمرورك الوضئ . عهدناك مبادرا لدعم كل ما هو خير وجميل .
| Quote: إلى بورد ملؤه الحُب والتصافي والرأي والرأي الآخر والحكمة والكلمي الموزووووووونة... |
يسلم لسانك .
شكري ومودتي
|
Post: #15
Title: Re: الى من يهمه امر المنبر
Author: awad okasha
Date: 07-19-2007, 03:33 PM
UP
|
Post: #16
Title: Re: الى من يهمه امر المنبر
Author: lana mahdi
Date: 07-19-2007, 03:38 PM
برالمة مولودين بسنونهم عوض و مجاك
ألف مرحباً
عجبتني يا عوض أخوي قصة
Someone
Somewhere
Somehow
|
Post: #17
Title: Re: الى من يهمه امر المنبر
Author: BAKTASH
Date: 07-19-2007, 03:40 PM
| Quote: - محاولة البعض استغلال المنبر في تحقيق أهداف حزبية ضيقة بالاستفادة من بعض الأحداث السياسية . |
دا حق مكفول لاي انسان متحزب ... فقط دون المساس بحقوق الاخرين... تسلم ..
انا معاكم
|
Post: #18
Title: Re: الى من يهمه امر المنبر
Author: awad okasha
Date: 07-19-2007, 03:59 PM
الاخت لنا
لك التحية
جملتي بمرورك اركان البوست بي سماحة سلامك ... وطيب كلامك .
انا واخوي دوت ( ما الكاشف ) اولاد دفعه ، وانشاء الله معا للافضل .
ارى ان البوست يؤتي بثمار طيبة .
فلنتكاتف من اجل منبر يقدم للسودان كل ما هو صالح ومفيد .
شكري ومودتي
|
Post: #19
Title: Re: الى من يهمه امر المنبر
Author: awad okasha
Date: 07-19-2007, 04:09 PM
الاخ BAKTASH
لك التحية
في البدء لك الشكر على مرورك .
في مقدمة ( البوست ) المحت بالتحية لكل من يجتهد في توصيل ما يؤمن به ويعتقده سواء كان فكريا او حزبيا او خلافه .
ما يعنيني في الامر هو اتاحة المساحة للجميع في المشاركة ( احد الاخوة رفع 12 بوست خلال يوم واحد حتى ان البعض طالبه بجمع كل المعلومات واختصارها في بوست واحد ) .
فلنقل ما نتشتهي ونعبر عن انفسنا مع اتاحة المجال للفكرة الاخرى والطرح الآخر .
شكري ومودتي
|
|