Post: #1
Title: ناس الحلفاية فقط...
Author: Mustafa Doleeb
Date: 07-18-2007, 03:31 PM
Parent: #0
يا جماعة قبل اي حاجة الدعوة عامة و مفتوحة للجميع
الدعوة: شاي بلقمات"ايوة عشان الدقيق متوفر"
الموضوع: دردشة عامة وكلام عن الذكريات وتقويةعلاقات ناس البوست
الزمان: الجمعة القادمة 20/07/2007 مع صلاة المغرب وحتي العشاء"نسبة لظروف الاخرين"
المكان: منزل الوالد"ادريس دوليب"-الحلفاية-شمال غرب ميدان الاخوة
والدعوة للناس خارج السودان ومشاركتنا بالتعاليق والمقترحات ونتمني ان يكونوا معنا باحاسيسهم اذا منعتهم الظروف من الحضور
|
Post: #2
Title: Re: ناس الحلفاية فقط...
Author: ضحيه ابراهيم
Date: 07-18-2007, 03:54 PM
Parent: #1
والله دعوتكم مشوقة لكن ربطوها بى ناس الحلفاية فقط الجيران ممنوعين؟ او حتى اذا كانو نسابتكم كيف؟ والله الا كان يجيك بكرى ابوبكر يا ود دوليب تحياتنا لى ناس الحلفاية من الحله الجديده والسواكنى ومربع سبعه ومن محطه واحد لى محطة عشرة والاحياب والشايقيه وفريق الحلوه واللاسلكي والمقاير والسوق والقبه ..
|
Post: #3
Title: Re: ناس الحلفاية فقط...
Author: غادة عبدالعزيز خالد
Date: 07-18-2007, 03:56 PM
Parent: #2
مصطفى
لقيماتي عاوزاها, إن شاء الله ترسلوها
بـDHL
سلامي لجموع أهل الحلفاية
كل الود
غادة
|
Post: #7
Title: Re: ناس الحلفاية فقط...
Author: Mustafa Doleeb
Date: 07-19-2007, 11:38 AM
Parent: #3
ما عندك مشكلة يا غادة ح اختها ليك عند ناس حاجة رقية "حمدا لله علي سلامتها" لكن بخاف ليك من مصعب وخالد كمال يقوموا بالواجب وكمان لو عبدالعزيز عرف الموضوع تكون موية وكملت...
|
Post: #9
Title: Re: ناس الحلفاية فقط...
Author: Mustafa Doleeb
Date: 07-19-2007, 12:14 PM
Parent: #7
معليش يا غادة انا قاصد عبدالعزير اب شيبة ودرقية"عتيش" وليس الوالد
|
Post: #4
Title: Re: ناس الحلفاية فقط...
Author: Mustafa Doleeb
Date: 07-19-2007, 06:28 AM
Parent: #1
"يا جماعة قبل اي حاجة الدعوة عامة و مفتوحة للجميع"
نحن قبل هي حاجة شملنا الدعوة ولو بمنانا يحضروا كل البورداب وانت كمان علاقتك بناس الحلفاية اقوي يعني ممكن تجي توزع اللقيمات "عندك حق الفيتو" لانك بتعرف الشايقية واليحياب والعبدلاب وحميع اهل الحلفاية ولو اعتزرت ما عندك مشكلة برضو برسل ليك اللقيمات ب DHL or TNT ولو عايز برضو برسل ليك كعك بلدي"اي من منتجات الدقيق"
|
Post: #5
Title: Re: ناس الحلفاية فقط...
Author: انور الطيب
Date: 07-19-2007, 07:41 AM
Parent: #4
الاخ مصطفى الدعوة مقبولة لقيمات ، كعك ، بسكويت ، لكن أهم حاجة عندنا جودة اللبن لانو الدقيق ضامنين جودتو
تحياتي لأهلك جميعا إلى أن نلتقي غدا
|
Post: #6
Title: Re: ناس الحلفاية فقط...
Author: ابن الرشيد
Date: 07-19-2007, 11:08 AM
Parent: #5
| Quote: والله دعوتكم مشوقة لكن ربطوها بى ناس الحلفاية فقط الجيران ممنوعين؟ او حتى اذا كانو نسابتكم كيف؟ والله الا كان يجيك بكرى ابوبكر يا ود دوليب تحياتنا لى ناس الحلفاية من الحله الجديده والسواكنى ومربع سبعه ومن محطه واحد لى محطة عشرة والاحياب والشايقيه وفريق الحلوه واللاسلكي والمقاير والسوق والقبه .. |
والله النسيب عين شمس
وكذلك النسابة
والباشمهندس مصطفى مابتلوم
تحياتى لك
وللأخ مصطفى
لكم منى جميعاً كل الود
|
Post: #8
Title: Re: ناس الحلفاية فقط...
Author: Mustafa Doleeb
Date: 07-19-2007, 11:57 AM
Parent: #1
رساله من مواطن غير مشترك
دعوة لناس الحلفاية فقط ينعل ابو العنصرية ذاتو، لو كان العلامة عون الشريف رحمة اللة عليه عايش كان قال لناس السودان كلهم ذي ما كان بيكتب ليهم كلهم.
ايمن حاج
أيمن ياخي ما تتحسس الدعوة عامة ولناس السودان اجمع ولو داير جيب معاك اهلك الحلفاويين كلهم لانو حلفا والحلفاية حاجة واحدة
|
Post: #10
Title: Re: ناس الحلفاية فقط...
Author: Eng. Mohammed al sayed
Date: 07-19-2007, 01:35 PM
Parent: #1
ألف شكر علي الدعوة الجميلة والتي تحمل أقوى وأرقي المعاني في طياتها.
سوف أسعى جاهدا ليكون من ضمن الحضور الأخ متوكل عبدالله عكاشة.فقد كنت في زيارته بالأمس وهو يغركم السلام.
تحياتي أخي أنور الطيب وأخي مصطفي دوليب.
وربنا يجمعنا في ساعة خير ان شاء الله.
|
Post: #11
Title: Re: ناس الحلفاية فقط...
Author: Mustafa Doleeb
Date: 07-19-2007, 01:59 PM
الشكر لك اخي محمد سيد بتلبيتك للدعوة وانا الكسبان طبعا بحضوركم وبالله يامحمد وصل الدعوة للاخ متوكل وكل الاخوة حتي يكتمل العقد...
|
|