لماذا يكذب منتدى المريخ ويخدع جمهوره ؟؟؟؟

لماذا يكذب منتدى المريخ ويخدع جمهوره ؟؟؟؟


07-18-2007, 12:17 PM


  » http://sudaneseonline.com/cgi-bin/sdb/2bb.cgi?seq=msg&board=140&msg=1184757447&rn=0


Post: #1
Title: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 12:17 PM

الأسنقبال الذى حدث لنادى المريخ فى مطار القاهرة كان فاترا وباهتا ومحبطا ولا يليق بقامة فريق المريخ مما اثار امتعاض رئيس نادى المريخ جمال الوالى بحسب ما نقلته الينا " العصفورة" !!
تمثل الحضور فى الأتية أسماءهم :-

- السيد/ جمال الوالى رئيس نادى المريخ وبرفقته الهلالى مجد الدين عوض
- السيد/ أحمد عبدالرازق المستشار الثقافى بسفارة السودان
- الملحق العسكرى بالسفارة السودانيه.
- الفنان/ القلع عبدالحفيظ
- السيد/ مصطفى توفيق المدير الأدارى لنادى المريخ
- الاستاذ/ كمال آفرو القطب الهلالى والصحفى المعروف "ممثلا للقبيلة الزرقاء".
- السيد/ التوم نبيدى
- السيد/ طارق بله
- السيد/ البدرى
- الصحفى بجريدة المشاهد/ هيثم عبدارازق ومصور بالجريده
- صحفية سودانيه بأحدى الصحف المصر يه
- 4 ممثلين من نادى الأسماعيلى

Post: #2
Title: Re: لماذا يكذب منتدى المريخ ويخدع جمهوره ؟؟؟؟
Author: سامى عبد الوهاب مكى
Date: 07-18-2007, 12:26 PM
Parent: #1

أنا شخصياً كضاااااب والناس دي عارفاني من زمان!!

مافيها حاجة

Post: #3
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 01:27 PM
Parent: #2

- أكثر من 90% من الحضور من ضمن اللجنه التى كونت لأستقبال المريخ ودعمه وحشد المشجعين له.
- لم يتواجد جمهور كبير ولم تظهر اعلام بقدر كاف أو لافتات وقد كان الشئ اللافت فى الأستقبال باقات الزهور الأربع التى قدمها نادى الأسماعيلى اضافة الى لافتات الترحيب وقد علق فنان من ضمن الحضور قائلا:-
"ليتنا أخذنا تلك الباقات التى احضرها نادى الاسماعيلى وقدمناها للبعثة"!!

Post: #4
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 01:33 PM
Parent: #3

كتب سامى:-
Quote: أنا شخصياً كضاااااب والناس دي عارفاني من زمان!!
مافيها حاجه.

سامى انا عارف انت مشرف على المنتدى ، لكن فى واحد كتب وصور الأستقبال على غير الحقيقه، فهل أنت راض عن هذا ؟؟
ولماذا تريدون دائما أن تصدقوا "الكذب" ؟؟
____________

-أختار "الكاف" الهلال زعيما فسعيتم لنزع الزعامة بالكاسات الحمام الميت وكاسات المجاعه والذى منها ؟؟
- حقق الهلال انجازا غير مسبوق فى الدورى الممتاز فجعلتم الدورى المحلى هو المقياس !!

Post: #5
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 01:56 PM
Parent: #4

سؤال هام:-
لماذا أرسلت صحيفة "المشاهد" صحفيا ومصورا غطى الأستقبال ولم ترسل "الصدى" المدعومه من "الوالى" وعديله ؟؟

Post: #6
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 02:05 PM
Parent: #5

واحد مريخابى علق على البوست الذى نقل الحقيقه مقلوبه كالتالى:-
Quote: شفتوا العالمية دي حيث مايذهب لدية مراسلين
المريخ بقي ذي الجزيره مراسلون في كل مكان
يديك العافيه عبيدي

هههههههههه
اظنو قاصد "جزيرة الفيل" البتحاوم هجوم المريخ داخل خط 18 بتاعها ولاعب المريخ يقيف ويسرح شعرو وياخد ليهو "سفة" صاعوط ثم يصوب الكرة وتدخل الشباك وناس ابو حشيش واقفين يتفرجوا!

Post: #7
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 02:47 PM
Parent: #6

أخونا هاشم سنجه كتب فى منتدى المريخ:-
Quote: عبيدى
الحقنا بالصور
تاج السر بهناك قال ناس منتدى المريخ كضابين والاستقبال بتاع المريخ دون قامة المريخ(والله حيرنا) لانو المريخ دا عند تاج بلاقامة بس اليوم عشان يمسك علينا حاجة قال دون قامة المريخ وبالمناسبة انت من نقل مراسم استقبال المريخ يعنى انت الكضاب الكبير فينا يلا نسكتوا بالصور ونوريهو كضابين نحن ولا عصفورتوا

- عصفورتنا لا تعرف الكذب وتنقل الواقع مثلما هو تماما وكان مغالطنا أسال "القلع" الجرى "يتكبكب" .. وين الأعلام ووين الناس .. ووين باقات الورد ؟؟
- ومركز الوصيف لأربعة سنوات متتاليه والمشاركه فى البطولة الوصيفه اليس قامة يجب احترامها وتقديرها ؟؟ يعنى نحترم منو ؟؟ الفريق الصاعد من الدرجة الأولى للمتاز لأنه شائل ليهو كاس حتى لو جا "طيش" الدورى الممتاز ؟؟
- وبرضو لابد أن نحترم فرعنا الصغير فهو فى النهاية فرعنا ولا ... كيف ؟؟؟؟؟؟

Post: #8
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-18-2007, 05:13 PM
Parent: #7

نقلت لنا العصفوره بأنه دار همس بين ادارة نادى المريخ يؤكد تخلف "علاء الدين طيارة" فى آخر لحظه من مرافقة البعثة!!
_________________

- لماذا لم يفكر الجهاز الفنى فى ارساله قبل 4 أسابيع عن طريق حلفا بالقطار ثم يعبر البحيرة الى السد العالى ولا برضو بخاف من المويه .. وضلو ؟؟
- من الذى يتطوع لأستخراج شهادة مرض مزوره مثل المرة السابقه؟؟

- اول مرة اشوف لى ادارة ناديه تخدع نفسها لكى تبرئ لاعبا تمرد عليها وتجعله مريضا حتى لا يعاقب !!


برضو تقول لى عايزين نغلب الأسماعيلى؟؟

Post: #9
Title: Re: لماذا يكذب منتدى المريخ ويخدع جمهوره ؟؟؟؟
Author: عبدالله ادريس محمد
Date: 07-18-2007, 08:27 PM
Parent: #1

برضو تقول لى عايزين نغلب الأسماعيلى؟عاوزين نغلب امبدة بفلافيوووو

Post: #10
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-19-2007, 00:56 AM
Parent: #9

الصور التى نزلت على موقع المريخ تؤكد ما أشرنا اليه تماما.
صورة لرئيس نادى المريخ جمال الوالى يستقبل فريقه والى جانبه قطب الهلال والصحفى "كمال آفرو" وهو يعد من ضمن القادمين من السودان لا المقيمين فى مصر!!
وكما أشرنا لم يلفت النظر سوى لافتات نادى الأسماعيلى وباقات ورده.

Post: #14
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-19-2007, 11:48 AM
Parent: #9

اخونا/ عبدالله أدريس محمد
ما عايزين نكشف ليكم اسرار الكبار!!
نوع مباراة أم بده دى بتستخدم كتضليل للخصم، أن شاء الله برضو يكون مستوى اداء فرعنا الصغير فى مباراة جزيرة الفيل "خدعه" وليس "واقعا" !!
اما الزعيم فحظه دائما كده أن يهزموا "العوره" زى فلافيو لا الحافظنها مثل "ابو تريكه"!!

Post: #11
Title: Re: لماذا يكذب منتدى المريخ ويخدع جمهوره ؟؟؟؟
Author: سامى عبد الوهاب مكى
Date: 07-19-2007, 06:37 AM
Parent: #1

تعرف يا تاج زمان الواحد كان يزعل من كتاباتك لكن هسي عااااادي جداً

لانو زولا واحد محتاج لي شرح مافي!!

يعني حالتك تجاه المريخ بقت مستعصية!!

وتجاه العجب مستفحلة!!

أما تجاه مزمل فدي عايزة ليها فكي عديل!!

دا كلو هين إنت يازول ماك رياضي قديــــــــم وروحك رياضية!!

ماجيت عزيتنا في ابونا ليه..

هنا إلى جنات الخلد ريس الرؤساء مهدي الفكي!

عاد اتلومت عاد!!

ماقلت رياضي وكده.

Post: #12
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-19-2007, 10:11 AM
Parent: #11

والله يا سامى
حالتكم بقت تحنن
البركه فيكم.
________

مخارجه:-
- ده الأستقبال كده ومال الوداع ح يكون كيف ؟؟
- العجب وضعو معاى صعب لأنه ح يسلم الرايه بعد هذه المنافسات.
- اما مزمل فمن رائى أن يشجع من هسه مريخ بورسعيد الهابط للدرجة الثانيه
لأنه ح يظهر بأنه كان خلف أكذوبه اسمها "مريخ أم درمان" .. وانت عارف عندك ناس ما بترحم!!

Post: #13
Title: Re: لماذا يكذب منتدى المريخ ويخدع جمهوره ؟؟؟؟
Author: Dr. Ahmed Amin
Date: 07-19-2007, 11:17 AM
Parent: #1

الأستاذ تاج الســــر

تحياتي ....

الدنيا دول ....
يوم ليك ... ويوم ......

ومريخنا فوق زحل مرفوع .....

Post: #15
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-19-2007, 12:03 PM
Parent: #13

بالمناسبة عصفورتنا كانت مع المريخ خطوة بخطوه من مطار الخرطوم وحتى الوصول لمطار القاهرة وقد افادتنا العصفورة قبيل تحرك الطائرة متجهة نحو القاهرة بزوغة " علاء الدين طيارة" وقد أغضب ذلك التصرف "والى" المريخ .. وغايتو كان الغلب بقى كتير "يرجى الراجيهو" .. وقد افادت العصفورة أن "هيثم طمبل" الذى ارتدى شعار المريخ ولا زال قلبه معلق فى الأزرق كان يرتدى زيا اقرب الى "الأزرق" من "الأحمر" ومختلفا نماما عن الزى الذى يرتديه باقى اعضاء البعثه!!

Post: #16
Title: Re: لماذا يكذب منتدى المريخ ويخدع جمهوره ؟؟؟؟
Author: تاج السر حسن
Date: 07-19-2007, 12:14 PM
Parent: #15

جاء على موقع المريخ ما يؤكد ما أشرنا اليه، رغم رمى اللوم على عاتق المصريين.
Quote: قريش: رغم الإستقبال «المش ولابد» إلا أن البعثة بخير
* من جانبه بعث رئيس بعثة المريخ بالاسماعيلية السيد «محمد جعفر قريش» برسالة لجماهير المريخ قال فيها: جميع أفراد البعثة المريخية بخير وصحة جيدة ومعنويات اللاعبين عالية رغم الإستقبال «المش ولابد» من قبل المصريين.

ما هو ذنب المصريين وقد حضر منهم 4 اشخاص ومعهم لافتات تعكس روح المحبة والأخاء وباقات ورد فى غاية الجمال؟؟
لماذا لم يتساءل رئيس البعثة عن عدم تواجد السودانيين الذين يصل تعدادهم الى 5 مليون نسمه؟؟
الم يسمع عن استقبال "الزعيم" الهلال ؟؟
الكبير .. فعلا كبير !!!