روضة الحاج لون بشرتها شعرا __ مظهر المراة السودانية أمر مهم جدا

استخدمت كريم وجه يعني خلاص أتنكرت لعروبة السودان ؟؟

طيب البيض ديل جلوسهم تحت الشمس لساعات طويلة او استخدامهم لمستحضرات تجميل
بجعل منهم بتنكروا من شنو؟؟؟؟

ياخ روضة الحاج بعد ظهورها فى وسائل الإعلام المختلفة شكلها أصبح جميل
ودا شئ لابد منه المظهر دا مهم جدا لاي شخصية عامة وبالعكس بنطالب بيهو كمان.
تستخدم كريم تبيض تعمل تجميل فى مراكز متخصصة على كيفها مش هي بس
أي سودانية ياريت تهتم بمظهرها وبأي وسيلة بترى انها مناسبة الناس ما تقعد تحاكم
فيهم سااي. غايتو الرجال ديل عليهم جنس حركات عجيبة خلاص ازدواجية بشكل رهيب
خلاص. العجيب فى الموضوع انو مظهر المرأة بترك وقع وإحساس جميل لديهم
خاصة المرأة البتهتم بشكلها ومظهرها. اللف والدوران دا لزومه شنو؟
وبالمناسبة فى مواهب سودنية كتيرة جدا المظهر كان سبب فى عدم انتشارهم
انا مبسوط جدا من هاجر كباشي فى الفترة الاخيرة بدأت فعلا تهتم بمظهرها
واذا واصلت واهتمت بالناحية دي حتاخد وضعها الطبيعي من الاهتمام والشهرة
اكثر من ندوية لانو بالجد إمكانيتها الفنية أفضل منها بكتير.لكن كمان الحق يقال
ندوية اهتمامها بمظهرها ممتاز جدا ودي نقطة تحسب لصالحها أتمنى كل السودانيات
وخاصة البظهرو فى وسائل الاعلام المختلفة فنانات مذيعات اعلاميات ...الخ
ينتبهوا لمسألة المظهر دي. وعندكم قناة النيل الازرق وتلفزيون السودان
الفرق واضح ما محتاج ليهو توضيح اعتقد.

روضة الحاج بتكتب شعر جميل جدا لديها موهبة أكثر من رائعة. و من زمان
أول ما ظهرت على التلفاز كنت بمني نفسي كل يوم انها تبدأ تشتغل على مظهرها
و الحمدلله بدأت وانتبهت والنتيجة رائعة بمثل روعة شعرها وأصبحت زي العسل.+
التحية ليها كامرأة وشاعرة و ان شاءالله دائما جميلة وجذابة



واصلوا واتصالحوا يا بنات بلدي مع مستحضرات التجميل كلكم عشان في تقنيات
رائعة بتجعل لمساتكم محترفة وزي الورد لمن تصالحوا معها وافتحوا للرجال ديل.
فى النهاية بجو جارين جري دي نفخة بتشتت مع اول ابتسامة رأئعة على شاشة فضية.

السنجــــك

Quote: روضة الحاج بتكتب شعر جميل جدا لديها موهبة أكثر من رائعة. و من زمان أول ما ظهرت على التلفاز كنت بمني نفسي كل يوم انها تبدأ تشتغل على مظهرها و الحمدلله بدأت وانتبهت والنتيجة رائعة بمثل روعة شعرها وأصبحت زي العسل.+ التحية ليها كامرأة وشاعرة و ان شاءالله دائما جميلة وجذابة

السنجك

الشوق مطرة خريف

المرة زوجها من ابقوتة
...براحة عليها

لكن ما شفت صاحبك مرتضى المر..قال عندو مشكلة
كدى امشى زولرو بهناك
وين الساحر ياخوى مسجل غياب

لنترك النسوان على جنب
تقدمنا للمعاينة نحن ثلاثة اشخاص
جميعنا سودانيين
نحمل مؤهلات متقاربة جداً
تخصصنا كان واحد
يريدون شخصاً واحداً للوظيفة باحدى الوزارات
دخلنا المعاينة ثلاثتنا
والطريف أننا تعرفنا على بعضنا في غرفة الاستقبال
كانت المعاينة صعبة
جميعنا اجتزنا الأسئلة بنجاح
وحمدنا الله على مستوى التعليم في ذلك الوقت
ولو تصدق أن اللجنة اعطتنا درجات متساوية
وتم اختيار شخص واحد للوظيفة
كان أكثرهم مظهراً واهتماماً بملابسه
وأعلنت اللجنة أمامنا جميعاً
قائلة
كلكم متفوقون وناجحون
لكننا فضلنا الأكثر شياكة وكاريزما !!!!
المظهر مهم
وهو لايلغي بالطبع الأشياء الأكثر أهمية


قبل فترة سوداني خريج جامعة الخرطوم تقدم لوظيفة مرموقة
اجتاز المعاينة بالنجاح
ذكرت له الشركة أن منصبه سيكون مدير مكتب المدير العام
وطلبوا منه ان يلبس { كارافته }
فرفض العمل بحجة أنه غير معتاد على ذلك !!!!
ثم أتاحوا الفرصة لمن كان أقل كفاءة وأكثر شياكة
وهو فلسطيني

Quote: واصلوا واتصالحوا يا بنات بلدي مع مستحضرات التجميل كلكم عشان في تقنيات رائعة بتجعل لمساتكم محترفة وزي الورد لمن تصالحوا معها وافتحوا للرجال ديل. فى النهاية بجو جارين جري دي نفخة بتشتت مع اول ابتسامة رأئعة على شاشة فضية

سلامات وتحايا كتيييييرة يا السنجك

جيتينى فى الوجع الحى، وجع معايير الجمال وسياسة الجسد، مادة من المفترض كنت ادرسها فى كلية الانثربلوجى قبل عامين ومازلت احتفظ بالمسودة، مهمومة بمعايير الجمال، منو الوضعها ومنو القال انو اللون الفاتح هو اللون الافضل؟
بتتغير المعايير دى يا السنجك وفقا للعرض والطلب ووفقا لمربحات الشركات العالمية
الخشم الودعة يالسنجك بقى مارابح، بل الشفايف المليانات بقن سيدات الموضه، يعنى اى زولة من افريقيا تنافس زى العجب، الشعر الاسود والمسبسب بقى برضو ماجايب ربحه لمن تكتر الوان الصبغة فى السوق.
وبعدين مستحضرات التجميل دى ماعندها مصائب صحية؟
سرطانات الجلد كترت بشكل مخيف...

كدى النسألك، واحدة بمعييرك اللى ذكرتها دى جميلة جدا، يعنى ممكن يتفقوا علي كدى كم زول
لكن تعال اتونس معاها.. او اتونس معاه... شنو جمال الشكل لو الرأس فاضى وغير مهموم الا بشكله.

من ناحية اتفق معاك تماما بانو المظهر مهم جدا لكن ده مابيعنى كمية البودرة والميكب
لبسة خفيفة وذات الوان متناسقة ووجه خالى من الساحيق بيكون افضل كتير...

يا اخى الجمال الزى ده بيكون مكلف جدا وباهظ الثمن، تكون الواحدة النهار كلو تمسح وتفتح فى اللون وهن ماعارفات كمية الاوربيات الشارات اجسادهن على الشمس، بس عشان يبقن بنيات، يعنى زينا كده واحد

الموضوع ده لمن يكتمل بقول ليك عووووك

وليك سلام ومودة

أحب أن أضيف
بالمناسبة نحن الثلاثة بشرتنا كانت سوداء
ولم ينظروا للبشرة
بل مواصفات أخرى
هي اللبس الجميل والمتناسق
لهذا أختاروا أكثرنا أناقة بعد أن تساوينا في النقاط
بل أكثرنا سواداً
تركنا صديقنا ينعم بوظيفته
وحملنا معنا حسرتنا
ولكننا استفدنا منه كثيراً
فعندما تقدمت لوظيفة أخرى رغم أنها لم تكن تتطلب الوسامة أو اللبس او الشياكة
الا أنني اشتريت ملابس بنصف المصاريف التي معي
وكنت أجرب فيها لمدة اسبوع كامل
وأخيراً تم اختياري
والله في المرة دي لو ماشالوني يمكن الواحد كان حاتجيهو نفسيات

ابوقوته سلام

التحية والتقدير لزوجها
واحترامنا لروضة الحاج

أكيد

وين المر ما تقولي معانا فى المنبر هنا

Quote: استخدمت كريم وجه يعني خلاص أتنكرت لعروبة السودان ؟؟ طيب البيض ديل جلوسهم تحت الشمس لساعات طويلة او استخدامهم لمستحضرات تجميل بجعل منهم بتنكروا من شنو؟؟؟؟ ياخ روضة الحاج بعد ظهورها فى وسائل الإعلام المختلفة شكلها أصبح جميل ودا شئ لابد منه المظهر دا مهم جدا لاي شخصية عامة وبالعكس بنطالب بيهو كمان. تستخدم كريم تبيض تعمل تجميل فى مراكز متخصصة على كيفها مش هي بس أي سودانية ياريت تهتم بمظهرها وبأي وسيلة بترى انها مناسبة الناس ما تقعد تحاكم فيهم سااي. غايتو الرجال ديل عليهم جنس حركات عجيبة خلاص ازدواجية بشكل رهيب خلاص. العجيب فى الموضوع انو مظهر المرأة بترك وقع وإحساس جميل لديهم خاصة المرأة البتهتم بشكلها ومظهرها. اللف والدوران دا لزومه شنو؟ وبالمناسبة فى مواهب سودنية كتيرة جدا المظهر كان سبب فى عدم انتشارهم انا مبسوط جدا من هاجر كباشي فى الفترة الاخيرة بدأت فعلا تهتم بمظهرها واذا واصلت واهتمت بالناحية دي حتاخد وضعها الطبيعي من الاهتمام والشهرة اكثر من ندوية لانو بالجد إمكانيتها الفنية أفضل منها بكتير.لكن كمان الحق يقال ندوية اهتمامها بمظهرها ممتاز جدا ودي نقطة تحسب لصالحها أتمنى كل السودانيات وخاصة البظهرو فى وسائل الاعلام المختلفة فنانات مذيعات اعلاميات ...الخ ينتبهوا لمسألة المظهر دي. وعندكم قناة النيل الازرق وتلفزيون السودان الفرق واضح ما محتاج ليهو توضيح اعتقد. روضة الحاج بتكتب شعر جميل جدا لديها موهبة أكثر من رائعة. و من زمان أول ما ظهرت على التلفاز كنت بمني نفسي كل يوم انها تبدأ تشتغل على مظهرها و الحمدلله بدأت وانتبهت والنتيجة رائعة بمثل روعة شعرها وأصبحت زي العسل.+ التحية ليها كامرأة وشاعرة و ان شاءالله دائما جميلة وجذابة واصلوا واتصالحوا يا بنات بلدي مع مستحضرات التجميل كلكم عشان في تقنيات رائعة بتجعل لمساتكم محترفة وزي الورد لمن تصالحوا معها وافتحوا للرجال ديل. فى النهاية بجو جارين جري دي نفخة بتشتت مع اول ابتسامة رأئعة على شاشة فضية. السنجــــك

السنجك


كده قبل أن أرد على كلامك الفوق ده
هل الجمال هو اللون؟


دينق.

معليش يا شباب بجيكم راجع بس عايز ارد لدينق عشان ما يشتت البوست


دينق

الاجابة على سؤالك : لا


بعجبني جدا وجه جوليا ربورتس ومعجب ومكسرني عديل وجه بيونسيه

بجي راجع بالتفصيل عشان مداخلة اشراقة فيها كلام مهم كتير شديد
وكذلك الاخوان.بس بعد ما اشوف ردك يا دينق

السنجـــك

مرتضى الصادق.المر .وكمان طلع اخو عادل الصادق سجيمان

عندى مشكلة0000

Quote: تستخدم كريم تبيض تعمل تجميل فى مراكز متخصصة على كيفها مش هي بس أي سودانية ياريت تهتم بمظهرها وبأي وسيلة بترى انها مناسبة الناس ما تقعد تحاكم

السنجك.

ده مش ياهو كلامك الفوق ده؟

مشكلتنا في السودان يا السنجك نحن لا نقيس أنفسنا بمقايس عالمية ولكننا نقيسها بمقايس عربية وتلك المقايس عنصرية بحتة, ولن تكون عادلة بالنسبة لنا أبدا. أما موضوع تبيض الوجه فهو ضار بصحة الانسان وأكبر دليل على ذلك أنظر لمايكل جاكسون اليوم بشرته لا تتحمل الشمس ابدا.
ولقد أنخدع مايكل جاكسون وكان يظن بأنه لو فتح لون بشرته سوف يجد القبول لدى مجتمع البيض ولكنه لم يجني سوى تحقير الى نفسه. وإذا قارنت مايكل جاكسون بلاعب السلة الامريكي السابق مايكل جوردن تجد أن مايكل جوردان الذي أحتفظ بلونه الاسود قد تم أختياره عدة مرات كأفضل شخص جذاب(ٍSexy)
وهنالك أيضا عارضة الازياء السودانية اليك ويك فهي لم تقوم بتبيض وجهها لكي تلقى القبول ولكنها أجبرت أكبر شركات مستحضرات التجميل لكي تصنع لها مكياج يتماشى مع لون بشرتها السوداء التي تفتخر بها. يجب أن نكون فخورين بلوننا الاسود.


دينق.

الجميلة اشراقة مصطفى مشتاقين والله تحياتنا لابو العيال

بالمناسبة يا اشراقة دي ورقة مهمة شديد وياريت تواصلي
فيها بليييييز

الجمال ما عنده مقاييس مستقرة بشكل عام. وعلى قولك
الشركات العالمية لعبت دور كبير جدا ومؤثر فى الذوق العام

دي كلها حقائق صعب نصرف النظر عنها.

Quote: كدى النسألك، واحدة بمعييرك اللى ذكرتها دى جميلة جدا، يعنى ممكن يتفقوا علي كدى كم زول لكن تعال اتونس معاها.. او اتونس معاه... شنو جمال الشكل لو الرأس فاضى وغير مهموم الا بشكله.

مسألة وحدة جميلة ورأسها فاضي دي انا ما عايز أخوض فيها
مش لأنها نقطة غير مهمة لا ابدا. بس حتبعد الناس عن الموضوع
الأساسي المتعمد اطرحه هنا. والشئ التاني انو النقطة دي للأسف أصبح لها تأثير سلبي
على مظهر كثير من السيدات، يعني أصبحت شماعة من رأي جعلت بنات بلدي
يهملو مسألة المظهر دي بشكل واضح.

Quote: وبعدين مستحضرات التجميل دى ماعندها مصائب صحية؟ سرطانات الجلد كترت بشكل مخيف...

مدرك تماما للمخاطر الصحية المصاحبة لاستخدام مستحضرات التجميل. تفتكري المشكلة وين هنا؟؟؟؟؟

هل فى المستحضرات ام فى غياب المختصين والاستشاريين المحترفين
لتقديم النصح والاستشارات الطبية السليمة التى لا تشكل ضرر بالبشرة
والجسد؟؟؟

غيابهم دا ليه؟؟؟ مش المجتمع نفسه ما متفهم لأهمية توفر مثل هذه
المراكز المتخصصة ولا متصالح حتى مع فكرة قبولها؟؟؟؟
واعتقد دا كان السبب الرئيسي الدفع بنات
بلدنا للاستخدام كثير من المستحضرات دي وبشكل عشوائي؟؟؟؟

Quote: يا اخى الجمال الزى ده بيكون مكلف جدا وباهظ الثمن، تكون الواحدة النهار كلو تمسح وتفتح فى اللون وهن ماعارفات كمية الاوربيات الشارات اجسادهن على الشمس، بس عشان يبقن بنيات، يعنى زينا كده واحد

ومالو يا اشراقة اختي ما يكلف مظهر البنت الخطأ وين هنا؟؟؟

ياخ بنفس منطق الاوربيات الشارات اجسادهن ديل وقعدات اتحرقن بنياتنا ديل مالو ما يتعبن
فى لونهم وزي ما الخواجيات بتحرقن عشان لونا. فيها شنو بنياتنا لمن يتحرقن عشان
لونهم. دا نفس منطقك الاول انو معاير الجمال ما ثابته وما ثابته ليه فى تقديري
لانها مزاجية فى كثير من الاحوال. على حسب درجة مود الواحدة ممكن تستعين
بخبير وتضيف لمسة جمالية على شكلها ككل

على قولك الموضوع طويل وعايز نقاش مسعجل لكن بجيك راجع تاني

تحياتي

الكلام دا ماااااااااا من عندي .... دا كلام سيد البشر

( لعن الله الواشمات والمستوشمات والنامصات والمتنمصات والمتفلجات
للحسن المتغيرات خلق الله).

المتغيرات خلق الله
المتغيرات خلق الله
المتغيرات خلق الله
المتغيرات خلق الله
المتغيرات خلق الله
المتغيرات خلق الله
المتغيرات خلق الله
المتغيرات خلق الله
المتغيرات خلق الله


روضة تمشى من كلام زي دا وين؟

الاخ ابو حراز

الصحابة قالوا للرسول صلى الله عليه وسلم ما معناهو انهم يحبون اللبس السمح
والمركب الجميل .... الخ فلم ينهاهم الرسول عن ذلك بل وافقهم عليهم

كلنا يا اخوي بنهتم بمظهرنا وملابسنا والله جميل يحب الجمال كما قالوا.

البوست يبدو ردا لحوار بيني و آخرين وانا اقدر مداخلتك حول المظهر الحسن
ودي ما فيها عيب. التجمل العادي لا عيب فيه. احد الصحابة قال انه يتجمل لزوجته
كما تتجمل له.

موضوعي هو انسان لونه اسمر يستعمل كريمات ليصبح ابيض
اخلاقيا انا ضد هذا السلوك لانه صورة من الخديعة
صحيا ثبتت الاضرار
دينيا كلام الرسول واضح فيمن يقمن بنتف شعر الحاجب او برد الاسنان لعمل (فجوة)
لزيادة الحسن، فما بالك بمن ترفض لون اعطاها له الله؟
اجتماعيا هو شعور بالدونية.

المتدينة عليها ان لا تخدع الناس بلون ليس لونها الحقيقي، تتجمل نعم تغير خلق الله، لا

المثقفةالنجمة ينبغي ان يكون سلوكها ومظهرها قدوة

فاذا كانت روضة تضرب عرض الحائط بحديث الرسول صلى الله عليه وسلم و يحفزها على
ذلك كثيرون وهي التي بروعة شعرهاقد دفعت الالاف للموت في الجنوب فماذا نتوقع من الجاهلات؟

الاخ زول سلام

كتبت

Quote: فاذا كانت روضة تضرب عرض الحائط بحديث الرسول صلى الله عليه وسلم و يحفزها على ذلك كثيرون وهي التي بروعة شعرهاقد دفعت الالاف للموت في الجنوب فماذا نتوقع من الجاهلات؟

ياخ حرام عليك دا كلام كبير شديد والله ربنا يسألك منو!!!!

كيف ضربت عرض الحائط بحديث الرسول؟؟؟؟

ياخ مسألة التجميل بدرجة لونية محددة تبعث فى روحها وشكلها درجة جمالية
رسولنا الكريم وين حرم الشئ دا؟؟؟؟
الناس ما اتكلمت فى حوجبينها يا اخوي دي كريمات فى مرطب وفاتح للبشرة بدرجة
لونية بتحددها صاحبة الشأن؟ بس وريني هنا فى الحتة دي بالتحديد وين ضربت
بحديث الرسول (ص)؟؟؟؟ ما تقعد تقول لي فمابالك بتغير اللون والكلام الاستنباطي
دا دا دين يعني شرع حياة واستقرار للنفس ورفع من روح البشر المعنوية
ما تقعد تحرم لينا بقراءتك الخاصة. ورينا وين خالفة الشرع بأستخدامها لنوع
كريم او مرطب بشرة معين؟؟؟؟


السنجك

دينق

بعد سؤالك توقعت اجابة اكثر منطقية

Quote: مشكلتنا في السودان يا السنجك نحن لا نقيس أنفسنا بمقايس عالمية ولكننا نقيسها بمقايس عربية وتلك المقايس عنصرية بحتة, ولن تكون عادلة بالنسبة لنا أبدا. أما موضوع تبيض الوجه فهو ضار بصحة الانسان وأكبر دليل على ذلك أنظر لمايكل جاكسون اليوم بشرته لا تتحمل الشمس ابدا.

الجمال دا ما بخضع لمقايس ومعاير محددة

حتى على مستوى العالم راجع مداخلة اشراقة فيها توضيح للنقطة دي اكتر

مسألة الصورة الداخلية والخارجية للانسان دي عبارة عن معادلة
وزنها محتاج لعملية دراسة للصورتين يعني صورة المظهر الخارجي لها
تأثير على الصورة الداخلية للمرء والعكس صحيح. نحن بنتكلم عن درجة
لونية محددة فى اطار جذاب ما بنتحدث عن تغير جذري كما اوردت مثالك
فى حالة مايكل جاكسون دا شذوذ طرحنا هنا ابعد ما يكون عن الشذوذ
كلام القلتو فوق بتحدث لمسة لونية فى اطار جذب ما بتختلف كتير عن
البفتشو عنها الخواجيات لمن يقعدن تحت الشمس لساعات طويلة يا دينق

الاهتمام بالمظهر دا ذاتو ثقافة قائمة بذاتها نحن كسودانيين محتاجين
نفهمها ونقدر الاستشارات البتجي من مختصين لانو بالجد فى ناس كتيره
جدا بتجهل حتى كيفية اختيار الالوان البتكون متوافقة مع مظهرهم.

الموضوع ما موضوع اسود وابيض يا دينق او عربي او عالمي
الموضوع ببساطة موضوع درجة جمالية لمسة بتترك اثر جميل
لدي صاحبتها ومن حولها وبتعمل توافق رائع ونشط بين شخصيتها
ومظهرها الخارجي.

السنجـــك

Quote: ياخ مسألة التجميل بدرجة لونية محددة تبعث فى روحها وشكلها درجة جمالية رسولنا الكريم وين حرم الشئ دا؟؟؟؟ الناس ما اتكلمت فى حوجبينها يا اخوي دي كريمات فى مرطب وفاتح للبشرة بدرجة لونية بتحددها صاحبة الشأن؟

السنجك

يا اخوي لو بطريقة التفكير دي ... واحد مسطول حيقول ليك
اديني آية حرمت البنقو او حديث نهى عن الشيء دا.

طالما ثبت صحيا ضرر مساحيق تبييض
البشرة .... فرأى الدين واضح.


لو قريت تعليقي التاني لابو حراز تعرف انني مع التجمل والهندمة ولكني لست
مع تغيير لون البشرة لمضارها.

Quote: الجمال دا ما بخضع لمقايس ومعاير محددة حتى على مستوى العالم راجع مداخلة اشراقة فيها توضيح للنقطة دي اكتر مسألة الصورة الداخلية والخارجية للانسان دي عبارة عن معادلة وزنها محتاج لعملية دراسة للصورتين يعني صورة المظهر الخارجي لها تأثير على الصورة الداخلية للمرء والعكس صحيح. نحن بنتكلم عن درجة لونية محددة فى اطار جذاب ما بنتحدث عن تغير جذري كما اوردت مثالك فى حالة مايكل جاكسون دا شذوذ طرحنا هنا ابعد ما يكون عن الشذوذ كلام القلتو فوق بتحدث لمسة لونية فى اطار جذب ما بتختلف كتير عن البفتشو عنها الخواجيات لمن يقعدن تحت الشمس لساعات طويلة يا دينق

الاخ السنجك.

من هي الجهة التي تحدد هذا" الدرجة اللونية اللونية المحددة"؟
وهل إذا كنا نريد القبول وسط مجتمع معين علينا بأن نغير لون بشرتنا؟
الاخ السنجك. هناك فرق كبير بين الخواجات البض الذين ينامون تحت الشمس وبين الذين يستعملون كريمات تفتيح وتغير لون البشرة. هولاء الخواجات بعد يومين تلاتة سوف تعود لهم لون بشرتهم الطبيعية ولكن الذين يستعملون تلك الكريمات لن تعود لهن لون بشرتهم الاصلية ابدا. وهنالك أثار ومضار صحية كبيرة من إستعمال مثل هذا الكريمات.

Quote: الاهتمام بالمظهر دا ذاتو ثقافة قائمة بذاتها نحن كسودانيين محتاجين نفهمها ونقدر الاستشارات البتجي من مختصين لانو بالجد فى ناس كتيره جدا بتجهل حتى كيفية اختيار الالوان البتكون متوافقة مع مظهرهم.

نعم أتفق معك بأن الاهتمام بالمظهر شئ مهم جدا ونحن في السودان مشكلتنا الاساسية هي بأننا نتبع ونقلد العرب في كل شئ, في طريقة لبسهم وفي طريقة أختيارهم الالوان رغم أنهم يختلفون عننا إختلاف جزري في اللون والشكل. وعامل لون البشرة بلعب دور هام جدا في أختيار طريقة اللبس وطريقة أختيار الالوان التي نرتديها. فمثلا العرب يحبون أرتداء ملابس سوداء ولكن هذا اللون الاسود لا يناسب لوننا الاسود دائما فيجب علينا أختيار ألوان فاتحة مثل الابيض أو البني مثلا. وهناك أيضا أنواع المكياج التي تستعمل في السودان معظمها يتم أستيراده من دول عربية, ومثل هذا المستحضرات التجميلية تصلح لذوي البشرة العربية الفاتحة اللون ولا تصلح لاصحاب البشرة الافريقية البنية أو السوداء. فهولاء لهم مستحضرات خاصة بهن.


دينق.