Post: #1
Title: السهرة السودانية.... هسي والحسانية والناس
Author: sudania2000
Date: 07-17-2007, 09:40 PM
سلامات
التلفزيون السوداني بعيد عن الاحداث وقريب من ماري انطوانيت
في ظل ظروف قاتمة و سيول وغرق و امطار ...
يتحدث التلفزيون في سهرة غريبة تسمي هذه الليلة عن الانترنت
والعولمة واستضافة شخصيات مختلفة
وونسة عن الجات
واهمية الانترنت
وسودانيز او لاين دوت اورج
غايتو الشعب شرد كلو لقنوات اخري لكن انفصال الميديا من الواقع دي قصة غريبة
خارج التغطية : اهم حاجة في السهرة دي شفت سارة منصور وعاصم المهدي
|
Post: #2
Title: Re: السهرة السودانية.... هسي والحسانية والناس
Author: sudania2000
Date: 07-17-2007, 09:55 PM
Parent: #1
عشرة دقائق ومرارتي انفقعت ...
ممكن العايز ينتحر يحصل باقي السهرة
يا لطيف
|
Post: #3
Title: Re: السهرة السودانية.... هسي والحسانية والناس
Author: عبدالكريم الامين احمد
Date: 07-17-2007, 10:00 PM
Parent: #2
سهرة عجيبة وغريبة وفطيرة
والاطرف في كل ذلك ان احد المتحديثين تحدث
عن ان همهم الان هو المزارع التقني والتكلونجيا وصلت للمزارعين في الغيط
قمة الماري انطونتية
وسارة منصور والزول المعاها افادوا بان الحال في دارفور عسل علي لبن
والاطفال يصنعون العربات...
سهرة مش تفقع المر ارة بل تكاد (تااااااكل التلفزيون)
|
Post: #4
Title: Re: السهرة السودانية.... هسي والحسانية والناس
Author: saif massad ali
Date: 07-17-2007, 10:01 PM
Parent: #2
| Quote: خارج التغطية : اهم حاجة في السهرة دي شفت سارة منصور وعاصم المهدي |
|
Post: #5
Title: Re: السهرة السودانية.... هسي والحسانية والناس
Author: Ashraf el-Halabi
Date: 07-18-2007, 08:42 AM
Parent: #1
"الجاتا جاتا من الأرض ما جاتا من تالا السما"
تستاهلوا، إنتوا البوديكم تفتحوا قنوات الأشباح شنو!؟
|
Post: #6
Title: Re: السهرة السودانية.... هسي والحسانية والناس
Author: محمد أبوالعزائم أبوالريش
Date: 07-18-2007, 08:49 AM
Parent: #1
Quote: غايتو الشعب شرد كلو لقنوات اخري لكن انفصال الميديا من الواقع دي قصة غريبة
خارج التغطية : اهم حاجة في السهرة دي شفت سارة منصور وعاصم المهدي |
يعني إنتي ما من الشردوا للقنوات الأخرى
|
Post: #7
Title: Re: السهرة السودانية.... هسي والحسانية والناس
Author: sudania2000
Date: 07-18-2007, 11:42 AM
Parent: #6
سلامات للجميع
حكمة الله انا مدمنة السودان فقع مرارة بمزاج
بشرد ل2 بس احضر لي فلم وارجع
دا لو عندي وقت لتلفزيون اصلا
التلفزيون ما من المفضلة عندي
الراديو و الكتب هوايتي الاحلي في الزمن الفاضي
اصلي دقة قديمة حبة
تحياتي للجميع
|
Post: #8
Title: Re: السهرة السودانية.... هسي والحسانية والناس
Author: عبد الحميد حسين
Date: 07-18-2007, 06:56 PM
Parent: #1
الأستاذة سودانية ..سلامات
في ظنى أن أهل التلفزيون فى هذا الزمان العجيب موظفين ميري مغلوبين على أمرهم
لا هم لهم الا وظائفهم ومرتباتهم الشهرية..ويلعبون فى مساحة محددة لهم مسبقا
لا يحق لهم تجاوزها ..فلهم مثلا ان يستضيفوا محمود عبد العزير او نادر خضر علي
كيفهم .اما ما يهم أهل السودان او يؤثر فى صورة النظام او يظهر عجزه عن أدارة
مصالح الناس فعليهم انتظار الأوامر ..كاميرات التلفزيون مسموح لها بالتجول فى أجتماعات الوزراء اليومية بالرغم من انها طبيعة وظائفهم ان بجتمعوا وغير مصرح
لهذة الكاميرات ان تتجول في معسكرات أهل دارفور بملاينها الأثنين الا فى معيه ما..
مؤسف حال الأعلام وخصوصا هذا التلفزيون (القومى) ولا أعرف أي قوم هؤلاء المقصودين
اذا تامل مدير هذا التلفزيون لحظات قليلة في عناوين الأنباء فى كل مصادر الأعلام
المحلية والعالمية لوجد خبر الفيضانات فى السطر الأول في أي مكان ..هل ولمجرد أحتمال ان يحس بالتقصير اذا لم نقل بالخجل وتلفزيونة ( الجبان) يسهر الناس بفلم أجنبى او كوثر بيومى او ليالي النغم او غير من الأنصرافيات في عير اوقاتها..
تلفزيون سلطنة عمان قبل أيام وفى محنة (اعصار جونو)ألغى كل برامجةلأيام ووجه كل طاقاتة وعامليه وكمراتة ومراسلية الي تغطية على مدار الساعة للحدث والذى لم يستمر ألا ساعات محدودة ..فتأملى الفرق ..ملايين السودانيين الآن يتهدهم الغرق فى (معظم) انخاء السودان وتلفزيون أمين حسن عمر بغنى ويبتهج..
|
Post: #9
Title: Re: السهرة السودانية.... هسي والحسانية والناس
Author: sudania2000
Date: 07-18-2007, 10:07 PM
Parent: #8
الاخوة الكرام سلامات
هذا يا سيدي سبب استغرابي لا تحس بالاحداث من الداخل
وانفصال تام بين الحاصل والميديا
قابلت احد الاخوة الجنوبين في رحلة عمل وحين تحدثنا عن الهجرة واسبابها اخبرني ان سبب
هجرته غربته الداخلية في بلده لا يجد شئ يعبر عنه لا في الاذاعة لا في التفزيون
و برضو قومي
كلو كوم وحكاية ناس دارفور في العسل دي كوم براها
اللهم ارحمنا يا رب بالصبر
|
|