بادي..وقادر إنتا تحاور زولاً غالبو إحاورك!

Quote: يا زولة قربت المسافة غيبة شمس

يازول بجيب معاو ضي الليالي ..تبراو كمان حتَّى الشمس!

Quote: أنا أصلي حبيت الشمس لما صارت هي المقاييس التقرب خطوتك

وانا اصلي شلتا الخطوة..لامن عرفتا محبوبتك شمس

Quote: الله عليها وبتوقد الشوق في حشاي شوفة الحبيبة القربت

الله ..عليها..علشان بتعجب الزول البريدو

Quote: الله من الشوق البنبش ذكرة الحرف اللي منك وبيشتهيني وبصبر اللهفة التعافر في حنيني

برضو جبتا سيرة المدعو تشواق الحبيب؟؟

Quote: الحبيب .. مدفوقة جواهو خمرة الشوق وسكر .. لامن اتغابا المطر من جرفو صبر قلبو بي شوقك خريف

معليش مرَّات تشيلني منك حاجات كتيرة وأنشغل
لكني بتفقد قليبي بلقاهو عني المنشغل.

Quote: مشغولة قالت لي حبيبة منتظر لم ترتاح الخطاوي المنها وبملاها بي كل المحبة واشتهاي

مليانة بيك حد الغرق
ومشتهية حد الاكتفاء

Quote: وانا من حنينك ما أظن يوم أكتفي أمليني زي ما تشتهي بفهم متين أتشربك وبعرف متين أرويك خريف

و قلتا ليك مرات بقول اخطاو حنينك..
هل ياترى بتفهم البعد الرسمتو براي أنا ؟؟

Quote: قادر أحسك وشوقي بيهبش مسامك بس إيش نسو مع دفقتو اللسه ما فترت مسيل

شكلك اتجاهلتا عِنية
خايف ترد رداً بعرفو

Quote: وحياتك لاني متجاهل حنيني ولا حنينك بس لامن يبقى الريد فرض نتضارى وين

!!!!

Quote: ممكن تجاوبي علي الفروض إن شاء الله نافلة

نتضارى في صلواتنا ديل
عارف أكيد إنو السور
بترتل الشوق المبين
وإنو ريدك..آية الإشراق عديل

Quote: بس هذا اللي بقصدو ليك بجد لامن تراتيل المسا تحتل وكت كل النهار ببقى الفرض واقع واجب للأدا

خلاس إتمردتا ياخي
إرتديت من هذي الفروض
بدل أشيل الشوق نوافل
قلتا أحسن أجيك عديل
أقفل المحراب ..كفاي
أدخل الجنة المعاك
لو هي إستحالات الوصول
مفاتيح الممكن إكون بلقاو حداك.

Quote: ليك المفاتيح الحداي كلها والخطوة ليك تمشيها مد وتخاوي شوق اللحظة ليك

خلاس
هذي إكتمالات الرؤى..
يلاك نعيش فيها الغرام..

Quote: فرض خطاويو وحدنا ونمزج حنينا بلهفة اللحظة اللي فيها انتشينا ووحدنا

إنتا وأنا..؟؟
روح..بتعرف مسكنا..
نشوانة..ترقص..سوسنة..

Quote: وانا واشتياقك ولهفتك وغنواتي والقلب المشلهت شوقو ليك ودندنات كل المساءات التلم لي خطونا

أنا..إشتياقك ولهفتك
أنا ..إنتا لو تعرف انا.

Quote: بعرف إنو الدنيا كلها مطوية بين رمشيك وبسمة بتهلب الخاطر وكت تتراءى عنية

بعرف إنو الدنيا إنتا..
رايحة بين رمشيك كمان
وبسمتك..
شالت الخاطر معاها وأسرعت
عدَّت على بحر الخدر..
وسلبت الحاسة الشعور
بي غيرا من باقي الضحك.

Quote: عايز أقول حاجة ماعارف..كيف حأتحمل أشوفك!

ذي ماكنتا عارف..
كيف بتحمَّل غيابك..
أظنو مقدار الحزن..فيهو
قدر الفرح لامن أشوفك!

كلام ......تمام

سلامات..
صباحاتك خير محمّد

لو كان مجادعة او كلام..

صلينا وقت العشق ليل..

يا سيدنا ما تقيم الصلاة..

وقام الامام..

ونوينا قبال الشروق

نسكر قليل..

ونصوم فرض سحر الحرف

ما احلى تمرات الصيام


العزيزة تماضر حلوة المجادعة.. تمريرات هلالية او ان تواضعنا فهي برازلية

وقت العشق ..كل الزمان..
أصلو أوكاتو الغرام
وغرامنا ممدود في الحلم..
أظنُّو ..متلفِّح..منام..