عادل عبد العاطي ليبرالي التنظيم حق الانتساب

حيرتنا يا عادل عبد العاطي

انت ما تمشي عديل وتتنظم مع حركة حق

بدل شغل النفيس فيها والقليب مابيها

شايفك بقيت الناطق الرسمي والمنافح والمدافع الاول عن حركة حق في المنابر

اما ناس حق مساكين زيادة وما بيعرفوا يدافعوا عن حركتهم

او انت كمان فارض وصايتك عليهم

او كمان انت ليبرالي شغالي بي مكنة حق (يعني زي الركشة الشغالة بي مكنة دفار)

تعرف الموضوع ده محيرني ليو زمن
قلت احتمال حق و ليبرا ديل اخوان


____
مشتاقين يا عمكـ

يا عمك انا لقيت لي فرق في النت الليلة ودخلت المنبر دا وقعدت اقرا في موضوع اتحاد جامعة الخرطوم
ولقيت عادل عبد العاطي شايل الموضوع علي اكتافه
احترت ياخي

ـــــــــــــــــــ

بالمناسبة من الاسباب الدخلتني الليلة المنبر انه داير ارسل ليك ماسنجر
عشان تتصل علي
للاهمية
حارسل ليك الرقم في الماسنجر

اساسي الما اساسي

يا زول انت ما كنت عايز تسجل معانا شايفك زغتا ومشيت تهبش في الاتحاديين وناس المريخ والهلال الخ

انا يا زول اتمنى ان اكون ليبرالي الفكر وطني الانتساب !!

وما التنظيمات الا ادوات نصل بها الى مشروع التغيير والانحياز للمواطن السوداني .

لا اعتقد اني منافح عن حق ولكني ارفض الاتهامات العشوائية وتدخلي هنا من قبيل الرفض لها؛ ووقد رفضت فصل الاستاذة ولاء من المجلس الاربعيني حتى لو كان صحيح شكليا ؛ لان اسبابه واهية؛ ولأن تلك الفقرة من دستور الاتحاد غير ديمقراطية وان كانت قانونية .

عندي راي في كل ما حدث وقد لخصته للاخ الشريف عندما طلبه؛ وتجده متناثرا في مساهماتي في مختلف البوستات؛ واعتقد انه متوازن وديمقراطي.

نفيستي ليست في حق ولا افرض وصاية عليها - هل قلت لهم ماذا ينبغي ان يفعلوا ؟؟-؛ وبيننا اختلافات كبيرة - تجد تفصيلا لها في بوست الاخ الكمبالي - ؛ ولكني لن اسمح بسحل حق بالباطل كما يدعو البعض هنا؛ وناس (حق) فعلا ناس طيبين (وليسوا مساكين)؛ وقد قلت لهم هذا الكلام؛ وهذا لا ينفع في السياسة السودانية التي تراها - اتهامات مجانية وعشوائية ومحاولات لتحطيم عضم الظهر واستخدام كل الاسلحة وترويج القوالات الخ- .

أما انت تنفع بس لي شغل المديدة حرقتني ..

فيصل نوبي تحياتي

Quote: تعرف الموضوع ده محيرني ليو زمن قلت احتمال حق و ليبرا ديل اخوان

اخوان لزم ولاد أم واحدة ( هي الديمقراطية ودعوة التغيير)واب واحد (هو الشعب السوداني) ..
وعندنا اخوان واخوات تانيين وتانيات برضو ..

welcome back

dr mustafa mahmoud

Quote: هل قلت لهم ماذا ينبغي ان يفعلوا ؟؟

كونك فتحت البوست و بديت تناقش يا عادل .. معناه انتو يا ناس حق مفروض تعملو كده

يعني مثلا انا اذا داير اتعلم منك شيء بتابعك كويس و بالتالي بشوف تصرفاتك شنو و مواقفك شنو عشان اكون زيها لو ما احسن منها .. ولا كيف ؟

تحياتي
و عذرا لرفع الالقاب.

اساسي
شريكـــكــ .. ممكن ولا أحتل البوست بوضع اليد زي ما عمل احمد الريح مع دينق

فيصل نوبي تحياتي ويا زول القاب شنو نحن اخوان ..

Quote: كونك فتحت البوست و بديت تناقش يا عادل .. معناه انتو يا ناس حق مفروض تعملو كده يعني مثلا انا اذا داير اتعلم منك شيء بتابعك كويس و بالتالي بشوف تصرفاتك شنو و مواقفك شنو عشان اكون زيها لو ما احسن منها .. ولا كيف ؟

يا فيصل قضية اغتيال الشخصية دي تخصصي؛ خضت فيها معارك كتيرة وهي واحدة من قضاياي الاساسية في العمل العام ولو لقيت اى زول يتعرض ليها ما بخليهو ينسحل قدامي ولو كان كوز..

يا اخي ناس حق والله ناس واعين وكتابين - عليك الله اقرأ لمحمد ابو جودة او عماد عبد الله او امجد ابراهيم او شذا بله - عشان تستمتع بفنيات الكلام المكتوب نفسو ؛ ناهيك عن محتواه؛ لذا لا يجوز لي ولا يمكنني فرض وصاية عليهم او تعليمهم.

المشكلة كما قلت لك هم طيبين جدا وما بيحبوا يزعلوا زول؛ وردودهم دبلوماسية وما بيعرفوا الشلاقة بي تعريفة؛ وهذا كله جميل ومطلوب؛ لكن ليس في مواجهة مثل هذا النوع من الصراع .

اها ناس الطاهر ساتي حعلوا نفسهم الناطقين الرسميين باسم الجبهة الديمقراطية وولاء صلاح في البورد؛ رغم ؛ الاختلاف الفكري بينهم؛ ؛ وقاعدين يطلقوا الاتهامات العشوائية ويحمشوا النار ويصعدوا الموقف .. نقوم عاد نحن نزوق من اختنا حق - مع وجود الاخوة - تجاه ما تواجهه من هجوم اغلبه مغرض ؟؟

طيب يا عادل
محمد عبد الرحمن كتب ليكـ

Quote: وكتبت قبل اليوم مخاطبا عضوية حق نفس هذا الخطاب بشأن الحاج وراق ..فقد مارس بعض منسوبى حق معه اكبر عملية شواء آدمى واغتيال شخصية فى هذا المنبر وغيره من المنابر الاخرى نسبوه للامن ووصفوه بالتآمر وغيرها من المفردات التى تندرج فى لائحة اغتيال الشخصية وبدل ان يمارس هؤلاء فضيلة النقد الذاتى والاعتراق بألخطااقام هؤلاء الدنيا ولم يقعدوها ..وهاهم طلاب حق يقفون نفس موقف الحاج وراق الذى وقفه بفعل رفاقه القدامى .. نفس الممارسة ونفس سوء الاخلاق فى الممارسة ...

Re: اُطالب الأخوين عبد المنعم سليمان والطاهر ساتي بإثبا...الإعتذار عنها فورا !

وين موقفك من جماعة حق في محاولة إغتيال شخصية الحاج وراق اذا كنت انت محايد !!

و ليه تجاهلت مداخلة محمد في البوست نفسه ؟

Quote: اها ناس الطاهر ساتي حعلوا نفسهم الناطقين الرسميين باسم الجبهة الديمقراطية وولاء صلاح في البورد؛ رغم ؛ الاختلاف الفكري بينهم؛ ؛ وقاعدين يطلقوا الاتهامات العشوائية ويحمشوا النار ويصعدوا الموقف .. نقوم عاد نحن نزوق من اختنا حق - مع وجود الاخوة - تجاه ما تواجهه من هجوم اغلبه مغرض ؟؟

دي متابعينها بهناكـ و نشوفها ح ترسي علي وين ؟

خالص التحايا اساسي
اخبارك وصحتك..
يبدو انك واقف على الضفة الاخرى من النهر والاخرون هنا..
ساعود ربما اساهم فى بعض الاجابة لحيرتك..
التحايا النواضر...

سلام تاني يا نوبي في وردية المساء

Quote: وين موقفك من جماعة حق في محاولة إغتيال شخصية الحاج وراق اذا كنت انت محايد !! و ليه تجاهلت مداخلة محمد في البوست نفسه ؟

انا لم اقل اني محايد ففي الصراع بين القوى الديمقراطية والشمولية انحاز للقوى الديمقراطية .
وفي الصراع بين من يغتال الشخصية ومن تغتال شخصيته انحاز لمن تغتال شخصيته .

لذا لم اتجاهل كلام الاخ محمد عبد الرحمن بل طالبته بان يذكره ويوثقه ويخبرنا من قال به لانه كلام خطير
واؤكد لك اذا كان هناك محاولة مثل هذه ستجد مني كل الادانة لان الحق اقرب الي من (حق) .

لك ودي

*













__
شكرا عادل متابعين.

Quote: يا اخي ناس حق والله ناس واعين وكتابين - عليك الله اقرأ لمحمد ابو جودة او عماد عبد الله او امجد ابراهيم او شذا بله - عشان تستمتع بفنيات الكلام المكتوب نفسو ؛ ناهيك عن محتواه؛ لذا لا يجوز لي ولا يمكنني فرض وصاية عليهم او تعليمهم.

شكراُ ، عادل ،

أتعـلـّم ، وأستوثِق ، وأستهدي ، كثيراً بكتاباتك ومواقفك ..

التحية لأهل البوست ..

وشكـراً للأخ أساسي ، هذا التساؤل الذي ، ربما، يجول في أذهان الكثيرين من القرّاء ..


ومعكم ،، نتواصل ..

ودمتم

تعرف يا اساسي قبل ما اذهب معاك فى الاجابة لانو موضوعك ده نقش على فى جرح ؛ فى انو قبل مده عايز اكتب عن مشروع حق ؛ وبالاضافة الى كلام عادل عن ناس حق ....
اقول ليك باختصار انو حق اقلاها ((تربية))..
والتحية لكل كوادر حق...

التحايا النواضر..