Post: #1
Title: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-14-2007, 01:13 PM
Parent: #0
في سؤال توجهت به الجزيرة لحسن مكي عن السودانيين المتواجدين بأسرائيل قال أن هؤلاء ليسو من الدرجة الاولى ولا الثانية ولا الثالثة بل دون الدرجة الرابعة !!!!
اذن السؤال من هم السودانيين اصحاب الدرجة الاولى ومن هم في التانية ومن هم في التالتة ومن هم في الرابعة ؟؟؟
دون الرابعة ديل معروفين وهم البمشو اسرائيل ..
ودون الخامسة برضو معروفين وهم ديل الفلاتة البموتو في السودان ...
ودون السادسة ديل البمزقوا ارواحهم في دار فور ...
|
Post: #2
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Adam Omer
Date: 07-14-2007, 03:29 PM
Parent: #1
الاخ علاالدين حسن مكى الواطى بقى يوزع الدرجات على السودانين
سودانين الدرجة الاولى
السكان الاصليين وليسئ الاتو عند دجول العرب السودان كما هوى موثق فى تاريخ السودان المزور
|
Post: #21
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 09:33 AM
Parent: #2
عزيزي الاخ آدم عمر
تحية طيبة
ومشكور على المرور
ما يهم هو ان نناقش وبهدؤ فهم رموز الجبهة للانسان السوداني وللذين احتضنهم السودان من غير السودانيين حتى فبالامس ماتوا 5 من الاخوة الفلاتة قالت السلطات الرسمية في السودان بأن بان هنالك ضجة وكل الذين ماتو هم 5 فلاتة !!!!
جاء بالامس حسن مكي ليؤكد اننا في حالة تصنيف بالدرجات للمواطن السوداني ..
مناقشة مثل هذا الفهم ربما تنبهنا الى هويتنا نحن وهل نحن في نظر الجبهة مواطنين من الدرجة الاولى وان لم نكن فاي درجة يمكن تطلق علينا ؟؟؟
نعم فهم غريب ومحبط ولكن ليجلس حسن مكي في مكانه لابد لنا ان نقهر مثل هذا الفهم .
وبنفس هذا الفهم لا اريدك ان تنفعل ويزلقك قلمك لفهم حسن مكي وتأتي بتصنيف آخر ..
مودتي
|
Post: #3
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: abubakr
Date: 07-14-2007, 03:54 PM
Parent: #1
| Quote: في سؤال توجهت به الجزيرة لحسن مكي عن السودانيين المتواجدين بأسرائيل قال أن هؤلاء ليسو من الدرجة الاولى ولا الثانية ولا الثالثة بل دون الدرجة الرابعة !!!! |
ومتي تم تقسييم السودانيين الي درجات ؟ الواحد هسع ما عارف درجتو كم ؟ هؤلاء ضاقت بهم الدنيا في بلدهم- وهم سودانيون رغم انف حسن مكي - فالتجاؤ الي بلاد قيل انها بلاد الاشقاء في مصر ولبنان وسوريا ولكن اهينت كرامتهم واعتقلو وجوعو و قتلو سنبلة في ميدان مصطفي محمود في مصر علي ايدي البوليس المصري ودون اعتراض او حتي استهجان من السلطات السودانية فذهبو الي العدو لعله يكون اكثر انسانية من اهلهم ...
|
Post: #22
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 10:01 AM
Parent: #3
اخي ابوبكر
تحية ناضرة
نحن في انتظار كتاب للمؤلف ( السودانيين ودرجاتهم المختلفة )
لنعرف نحن في اي الدرجات ؟؟
فكر غريب لمفكر لم ولن يعرف أصول التفكير ..
|
Post: #4
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: أبو الحسين
Date: 07-14-2007, 03:57 PM
Parent: #1
| Quote: السكان الاصليين وليسئ الاتو عند دجول العرب السودان كما هوى موثق فى تاريخ السودان المزور |
طيب إنت تعيب على حسن مكي الصنف الأصناف الأربعة... ووصفته بصفة قبيحة يترفع اللسان عن النطق بها...
وهسع إنت شايل ماعونك وصنفت الناس أيضاً... فهل يا ترى تنطبق عليك نفس الصفة الألصقتها بالحسن مكي؟؟؟
الكلام الموزون سمح آ آدم...
مودتي... وتحياتي علاء الدين...
أبو الحســــــــين...
|
Post: #25
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 11:00 AM
Parent: #4
شكرا ابو الحسين على الاضاءة
نحن سواسية وكلنا اسرة واحدة كبيرة نفخر ونعتز بيها ..
سلوك يحسدونا عليه كل من هم غير سودانيين ..
مودتي
|
Post: #5
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Deng
Date: 07-14-2007, 04:05 PM
Parent: #1
الاخ علاء حيمورة.
حسن مكي رجل عنصري من الطراز الاول. وأنا لا أدري إذا كان هناك تصنيف للناس في السودان ماذا سيكون ترتيب حسن مكي وزوجته(هويدا العتباني)
من أي درجة هم؟
دينق.
|
Post: #6
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: عبده عبدا لحميد جاد الله
Date: 07-14-2007, 04:10 PM
Parent: #5
العزيز علاء
تحية طيبة
ما ياهو المنظراتي بتاع الحزام السود
يتوقع من الكثير المثير
قال محلل استراتيجي قال!
بلد ينعق فيها البوم
|
Post: #7
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Adam Omer
Date: 07-14-2007, 05:01 PM
Parent: #6
الاخ ابو الحسن تحية واحترام
حسن مكى عنصرى ســــــافل منحط
الفور الزغاوى المســــــاليت البرقو التاما الدينكا الشولك النوير اللتوقا الزاندى المحس الحلفاوين جميع قبائل النوبة فى الجبال وقبائل الشرقبدون استثناء ( هذا ما اقصد)
|
Post: #26
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 02:45 PM
Parent: #6
اخونا عبده
تحياتي
بس ما كنا فاكرين المفكرين بصلو للدرجة دي
يا ريت يغيروا فهمهم
|
Post: #24
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 10:27 AM
Parent: #5
الدرجة الممتازة يا دينق عشان ناس الدرجة الاولى يكون تحتهم برضو
مودتي
|
Post: #8
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Mannan
Date: 07-14-2007, 05:41 PM
Parent: #1
حسن مكى هذا ابن دفعتى فى جامعة الخرطوم ولم يكن مذكورا فى ذلك الوقت باى اجتهاد فكرى وفجأة ظهر بعد انقلاب الكيزان ليكون اجد منظريهم.. انه جزء من ثقافة " الإستنكاح" والإستصحاب والتمكين وهذا التصنيف فى درجات المواطنة جزء من تصنيفهم الأيديولوجى فى تقسيم اهل الثقة ودرجات قربهم وبعدهم من فكرهم المريض..
لم يسأل حسن مكى نفسه.. لماذا هرب هؤلاء؟ هل هربوا من "جنة" الآنقاذ الى "جحيم" اسرائيل؟؟؟ فليتقدم بحجته ويقنع الناس كيف ان نظامه الذى قتل الملايين باسم الجهاد افضل من اسرائيل التى لم تقتل سودانيا واحدا حتى الآن!!!!
مفكر قال!!! انهم يحفرهم قبورا لافكارهم المريضة.. الفاتحة على الإنقاذ..
نورالدين منان
|
Post: #9
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: abubakr
Date: 07-14-2007, 06:33 PM
Parent: #1
| Quote: حسن مكى هذا ابن دفعتى فى جامعة الخرطوم |
يابن عمي .. واحد برضو من الدفعة بس الهندسة كلما كان يشوفو في التلفزيون ايام ما كان كثير الظهور ك "خبير في شئون القرن الافريقي (ودي قصة تانية ) " يضحك ويقول " دة كل مرة كان يجينا ياجماعة ادوني سيجارة خلاص خليت الكيزان ؟؟"
قال جنسية بدرجات قال ؟؟؟
|
Post: #10
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: amir jabir
Date: 07-14-2007, 06:40 PM
Parent: #1
Quote: في سؤال توجهت به الجزيرة لحسن مكي عن السودانيين المتواجدين بأسرائيل قال أن هؤلاء ليسو من الدرجة الاولى ولا الثانية ولا الثالثة بل دون الدرجة الرابعة !!!!
اذن السؤال من هم السودانيين اصحاب الدرجة الاولى ومن هم في التانية ومن هم في التالتة ومن هم في الرابعة ؟؟؟
دون الرابعة ديل معروفين وهم البمشو اسرائيل ..
ودون الخامسة برضو معروفين وهم ديل الفلاتة البموتو في السودان ...
ودون السادسة ديل البمزقوا ارواحهم في دار فور ... |
بس تمام دة الكلام انحنا كايسين ليه من زمان والله انوا ناس جبال النوبه جنوب السودان ... مواطنين من الدرجة التانيه او عبييييد عديل تمام على فكرة انا حانشر الكلام دة على اوسع مدى ,,,,,, شكرا جزيلا الاخ صاحب البوست
|
Post: #11
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Tragie Mustafa
Date: 07-14-2007, 06:49 PM
Parent: #10
من هو حسن مكي ليحدد للسودانين درجاتهم؟؟؟
انه اجير متسلق لا يسوى التراب الذي يمشي عليه هؤلاء الشرفاء
مبروك عليهم ديارهم الجديده فقد استقبلوا فيها بالورد و الرايحين و الموسيقى.
|
Post: #23
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 10:13 AM
Parent: #11
الاخت تراجي
اهلا بيك
ناس حسن مكي ديل من الدرجة الممتازة عشان يقدرو يختو ناس في الدرجة الاولى ...
والله حكاية !!!
|
Post: #12
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: abubakr
Date: 07-14-2007, 07:31 PM
Parent: #1
ديارهم هي السودان ؟ خيرهم وعزهم وعزوتهم السودان .. لن يتركوها لامثال حسن مكي و لا يجب مهما كانت المصاعب ...
|
Post: #13
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: mohmmed said ahmed
Date: 07-15-2007, 05:33 AM
Parent: #12
عن حسن مكى حدثنى صديق من الاخوة العرب
قال شاركت فى مؤتمر عقد بيروت وبدات حوار مع حسن مكى
تحدثت معه عن التعدد العرقى والثقافى فى السودان واهمية التعايش السلمى
وعندما استرسلنا فى الحوار
فؤجئت بسؤال من حسن مكى
يقول لى اذا تقدم رجل اسود لخطوبة ابنتك هل توافق
اجبته لماذا لا اوافق
وقال لى الصديق
انا استغرب مثل هذا التفكير من رجل يقال عنه مفكر
حسن مكى عنصرى بغيض
واذا كانت له محمدة واحدة
هى صراحته
فى التعبير عن افكاره العنصرية
|
Post: #15
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: bayan
Date: 07-15-2007, 06:21 AM
Parent: #13
| Quote: حسن مكى هذا ابن دفعتى فى جامعة الخرطوم ولم يكن مذكورا فى ذلك الوقت |
بس من باب التوثيق ...والتأريخ والموضوعية
حسن مكي كان السكرتير الثقافي في اتحاد جامعة الخرطوم 1973
في عهده صدرت صحيفة آخر لحظة الحائطية المؤثرة..
وفي عهده كانت شعبان
كما انه قد سجن بعد شعبان.. وتم فصله من الجامعة برسالة..
"نسبة لسلوككم في العام الماضي وعملكم على عدم استقرار الجامعة فقدد قرر السيد المدير فصلكم"
يعني يا منان لو ما كان مذكور وهو عضو لجنة تنفيذية في اقوى اتحاد في السبعينات
حيذكر وين؟
الكلام دا لاحقاق الحق.. وانه ابدا لم يكن شخصا مجهولا بل مثيرا للضجة
منذ صغره...ويعرفه كل الناس المهتمين بالشأن السياسي من الجامعة وخارجها
مع رفضي لحديثه اذا حقا قاله في تدريج المواطنين السودانين الذي ساوى بينهم الدستور
يمكنكم نقد الرجل وافكاره بالحجة بدلا من التبخيس الما جايب ثمنو..
ودي حركة سودانية ما سمحة..اي زول يخالفكم طوالي
تجو تقولو انه كان وكان ( كذبا) ما المهم كان شنو المهم الان هو شنو..
وموقفو شنو..
_________________
لتعرف دوره في الجامعة والحركة الطلابية راجع كتابه
قضتي مع الحركة الاسلامية
من اصدارات هيئة الاعمال الفكرية..
|
Post: #14
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: أبو الحسين
Date: 07-15-2007, 06:19 AM
Parent: #1
Quote: الاخ ابو الحسن تحية واحترام
حسن مكى عنصرى ســــــافل منحط
الفور الزغاوى المســــــاليت البرقو التاما الدينكا الشولك النوير اللتوقا الزاندى المحس الحلفاوين جميع قبائل النوبة فى الجبال وقبائل الشرقبدون استثناء ( هذا ما اقصد) |
معليش أُستاذ/ آدم ماذا تقصد بـ"هذا ما أقصد"...
لك التحية...
أبو الحســـــين...
|
Post: #16
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: MAHJOOP ALI
Date: 07-15-2007, 06:24 AM
Parent: #14
ابو الحسن
كدى خليك من كلام ادم ( المامفهوم ) دا
رايك شنو فى كلام حسن مكى
|
Post: #17
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: أبو الحسين
Date: 07-15-2007, 07:16 AM
Parent: #16
Quote: ابو الحسن
كدى خليك من كلام ادم ( المامفهوم ) دا
رايك شنو فى كلام حسن مكى |
الأخ محجوب. سلامات...
رأي أبو الحسين عموماً يدين الخطابات الداعية للعنصرية والقبلية والفرقة والكراهية... وما أكثر هذه الخطابات عند هؤلاء الذين أساءو للأخ حسن مكي بتصريحاته تلك...
وما زلت منتظر توضيح من الأخ آدم...
مودتي...
أبو الحســـــين...
|
Post: #18
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 08:41 AM
Parent: #17
شكرا الى جميع الاخوة المتداخلين والى ان اعود لارد على كل منكم على حده ولكن أقول أنه كلام مستفزا فعلا خاصة وانه يأتي بمن نطلق عليه المفكر ...
مفكر في ماذا ؟؟ وكيف يفكر ؟؟ وهل هذه هي عقلانية مفكر ؟؟ ..
أننا يا حسن مكي سواسية أين ما حل بنا الزمان فلا فرق بين سوداني وآخر حتى بأختلاف أنتماءاتهم وأجناسهم وثقافاتهم ودينهم والوانهم ..
يجمعنا تراب السودان وعشقه ..
سوف لن نسكت لكم وانتم كأنما اشتريتم هذا الوطن لترتعوا وتمرحو بما لانريد ..
حربا سنعلنها عليكم ..
|
Post: #19
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: محمد فرح
Date: 07-15-2007, 09:01 AM
Parent: #18
لاأعتقد أن السيد حسن مكي من الممكن أن يقول كلاماً مثل هذا ليس تكذيباً لصاحب البوست ولكنه تحكيماً لللعقل والمنطق فمن المستحيل أن يأتي مفكر في حجم حسن مكي بمثل هذا الحديث .. أعتقد أن الرجل قال أن هؤلاء مصنفين في إسرائيل بأنهم درجه رابعه والله أعلم ...
|
Post: #20
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 09:10 AM
Parent: #19
Quote: لاأعتقد أن السيد حسن مكي من الممكن أن يقول كلاماً مثل هذا ليس تكذيباً لصاحب البوست ولكنه تحكيماً لللعقل والمنطق فمن المستحيل أن يأتي مفكر في حجم حسن مكي بمثل هذا الحديث .. أعتقد أن الرجل قال أن هؤلاء مصنفين في إسرائيل بأنهم درجه رابعه والله أعلم ...
|
اخوي محمد فرح هذا حديث غير قابل للتأويل لقاء يناقش قضايا السودانيين في اسرائيل وانا نقلت هذا الكلام حرفيا ويمكنك ان تتصل بموقع الجزيرة ..
يؤمن على انهم مواطنيين دون الدرجة الرابعة بفهم انهم عمال بناء واصحاب مهن هامشية يعني ما فيهم مفكر زي سيادتو ..
قول ليك كلام تاني لو عايز تدافع عن حسن مكي لكن لا تعتقد بانه لايقول مثل هذا لانه قال ..
ولم يقول في مجلس في صالون بل قالها على الملأ وفي اكبر قناة أخبارية وواسعة الانتشار ..
ده الكلام البزعل يا محمد فرح ..
|
Post: #27
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: د.محمد حسن
Date: 07-15-2007, 02:56 PM
Parent: #1
حسب دائرة المعارف الانثربولوجية
وحسب تقسيم العالم الجليل Hassn Mekki
ينقسم شعب دولة القشران
الى طبقات منذ عهد ابن ضيفا الله وحتى انسان المتمة
وما تبقى من الشعب السوداني الفضل فمقسم الى درجات
درحة التمكين وهذه لاهل الحكم ومن والاهم
درجة التحريك وهي للحركات الموقعة والقابلة للتوقيع
درجة الشعبية وهذه الدرجة التي تدحرج فيها الشيخ من المنشية الى الشعبية ( مش بحري لكن المؤتمر)
درجة التهميش وهذه عيييييييييييييييييييييييييك فيها كترة ناس انا زاتي منهم
درجة البكالريوس وديل ناس هلم جرا
واخاف على لجنة الحكماء من ان تصير في درجة المؤلفة قلوبهم
انتهى كلامي يرحمني الله
|
Post: #28
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-15-2007, 03:05 PM
Parent: #27
اوفيت وكفيت يا دكتور
تسلم
انا حسب التصنيف برضو بكون اقل من الهامش والمهمشين ببسيط
تعرف اظرف حاجة في البوست ده اصلا ما شفت الجماعة اياهم (ناس الدرجة الممتازة )
يظهر الكلام ده اصلا ما هاميهم فلا يحتاج لدفاع لانو دي اصلا قصة مفروغ منها ..
عاش المفكر حسن مكي ذليلا ..
|
Post: #30
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Adam Omer
Date: 07-15-2007, 03:30 PM
Parent: #28
| Quote: وما زلت منتظر توضيح من الأخ آدم... |
الاخ ابو الحسين قلت الناس الاساؤ لى حسن مكى فهمت هذا فقط ماذا عن اسـاة الواطى حسن مكى لى شريحة كبيرة من الســودانين لجاؤ الى مصر وانت تعرف ماذا حصل لهم وكم ذاغو من الزل والمهانة والمعانةعلى ارض الكنانة وما هيى الجريمة اذا حتى يدلى هذا المعتهو الواطى الحقير حسن مكى بهذا التصريح وهم ســــــــــــــودانين من الدرجة الاولى غسبناعن انف الواطى الســــــــــــافل الحقيرالمنحض حسن مكى
|
Post: #29
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Deng
Date: 07-15-2007, 03:18 PM
Parent: #1
كتب الكوز أبو الحسين:
Quote: الأخ محجوب. سلامات...
رأي أبو الحسين عموماً يدين الخطابات الداعية للعنصرية والقبلية والفرقة والكراهية... وما أكثر هذه الخطابات عند هؤلاء الذين أساءو للأخ حسن مكي بتصريحاته تلك...
وما زلت منتظر توضيح من الأخ آدم...
مودتي...
أبو الحســـــين... |
يعني أنت يا كوز بتخاف تدين خطاب العنصري حسن مكي بطريقة مباشرة, ولكنك تدين رد الفعل من أخونا أدم.
يا لك من كوز رعديد.
كتب الكوز محمد فرح:
| Quote: لاأعتقد أن السيد حسن مكي من الممكن أن يقول كلاماً مثل هذا ليس تكذيباً لصاحب البوست ولكنه تحكيماً لللعقل والمنطق فمن المستحيل أن يأتي مفكر في حجم حسن مكي بمثل هذا الحديث .. أعتقد أن الرجل قال أن هؤلاء مصنفين في إسرائيل بأنهم درجه رابعه والله أعلم ... |
الكوز محمد فرح من غير أي أدلة جاي يدافع على العنصري حسن مكي, وهو ككوز بسيط لا يدري بأننا نعلم سلوك حسن مكي وبقية مجرمي الجبهة جيدا.
محمد فرح طوالي داخل شمال ويعطي حسن مكي مبرارات, دون أحترام صاحب البوست أو بعض القراء الذين زكروا بعض المواقف والتصريحات العنصرية لهذا المكي. بعدين من متين الكيزان كان عندهم عقول أصلا؟ هسع الخراب والدمار العملتوا في السودان ده بعملوا زول عندوا عقل ولا سوي؟
قمة النفاق والهووس. قال حسن مكي قال.
دينق.
|
Post: #31
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Tragie Mustafa
Date: 07-15-2007, 03:33 PM
Parent: #29
شكرا علاء حيموره على البوست واعذرني
انني لم ابدأ بتحيتك فامثال حسن مكي بيفورا الزول.
شكرا اخي محمد سعيد احمد على اضافتك القويه:
Quote: عن حسن مكى حدثنى صديق من الاخوة العرب
قال شاركت فى مؤتمر عقد بيروت وبدات حوار مع حسن مكى
تحدثت معه عن التعدد العرقى والثقافى فى السودان واهمية التعايش السلمى
وعندما استرسلنا فى الحوار
فؤجئت بسؤال من حسن مكى
يقول لى اذا تقدم رجل اسود لخطوبة ابنتك هل توافق
اجبته لماذا لا اوافق
وقال لى الصديق
انا استغرب مثل هذا التفكير من رجل يقال عنه مفكر
حسن مكى عنصرى بغيض
واذا كانت له محمدة واحدة
هى صراحته
فى التعبير عن افكاره العنصرية |
لاحظوا البؤس ده
حسن مكي يسأل شخصا عربيا حقيقي مش مزور مثله
| Quote: يقول لى اذا تقدم رجل اسود لخطوبة ابنتك هل توافق |
لاحظوا سيادته معتقد انه ابيض ويسأل عن رجل اسود!!
فبلدلا عن ان يقول له يا اخي لو جاءك زول زي بتديه اختك!!
قال رجل اسود؟؟
وانت يا حسن مكي قايل روجك لونك بنبي ولا شنو؟؟؟
ما انت اسمك رجل اسود
وجمجمتك جمجمة رجل اسود
يعني كان مت وبقيت رميم برضوا من هيكلك العظمي سيقال بانه هيكل رجل اسود!!
قال لو جاءك رجل اسود قال!!
بالله في محن اكثر من كده؟؟؟
|
Post: #32
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: ابوالقاسم ابراهيم الحاج
Date: 07-15-2007, 04:51 PM
Parent: #1
حسن مكى.
ليس بعربى فأعذروه, لعل اللغة خانت عبارته إن لم يكن هو بخائن لها.
فهو نوبى أصيل سودانى بمدلول اللفظ والمعنى.
أعرفه منذ العام 1986 ميلادية ولدى نسخة من رسالته للدكتوراة,
إذا رأيته حسبته عبدا!!!.
على رأى نعوم شقير!!.
لكن تقول شنو فى سودانيين مركبن مكنة خواجات فى آدمغتهم!!?.
يا ما إلتقيته بمعهد البحوث والدراسات الإفريقية بجامعة القاهرة وصديقه مدير المعهد السابق يقول عنه دكتور إضطراب!!?.
|
Post: #33
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: Mannan
Date: 07-15-2007, 10:26 PM
Parent: #1
Quote: بس من باب التوثيق ...والتأريخ والموضوعية
حسن مكي كان السكرتير الثقافي في اتحاد جامعة الخرطوم 1973
في عهده صدرت صحيفة آخر لحظة الحائطية المؤثرة..
وفي عهده كانت شعبان
كما انه قد سجن بعد شعبان.. وتم فصله من الجامعة برسالة..
"نسبة لسلوككم في العام الماضي وعملكم على عدم استقرار الجامعة فقدد قرر السيد المدير فصلكم"
يعني يا منان لو ما كان مذكور وهو عضو لجنة تنفيذية في اقوى اتحاد في السبعينات
حيذكر وين؟
الكلام دا لاحقاق الحق.. وانه ابدا لم يكن شخصا مجهولا بل مثيرا للضجة
منذ صغره...ويعرفه كل الناس المهتمين بالشأن السياسي من الجامعة وخارجها
مع رفضي لحديثه اذا حقا قاله في تدريج المواطنين السودانين الذي ساوى بينهم الدستور
يمكنكم نقد الرجل وافكاره بالحجة بدلا من التبخيس الما جايب ثمنو..
ودي حركة سودانية ما سمحة..اي زول يخالفكم طوالي
تجو تقولو انه كان وكان ( كذبا) ما المهم كان شنو المهم الان هو شنو..
وموقفو شنو..
_________________
لتعرف دوره في الجامعة والحركة الطلابية راجع كتابه
قضتي مع الحركة الاسلامية
من اصدارات هيئة الاعمال الفكرية.. |
نعم كان فى اتحاد الكيزان (اتحاد احمد عثمان مكى) الذى كان يتعاون مع امن نميرى ضد الديمقراطيين من خلال لجنة المسائل الطلابية وعندما كانت أخر لحظة تبث سموم الارهاب من خلال أخر لحظة كانت الجبهة الديمقراطية تحرر مساء الخير التى كان الامن والكيزان يمزقزنها كل ليلة.. حسن مكى وكثيرين من امثاله كانوا فى المجلس الاربعينى من خلال الانتخاب الحر المباشر الذى كانوا يحشدون له طلاب البرليم بعزائم الباسطة والايسكريم ثم باستعمال اساليب الخداع والارهاب والترغيب اما احداث شعبان فلم تكن من صنع الكيزان فقد طانوا يتعاملون مع الامن لمطاردة الديمقراطيين وارهابهم اما اعتقالهم فقد كان من قبيل (اذهب الى كوبر وتذهب الى القصر) لقد مارسوا نفس النفاق والتضليل منذ ذلك الزمان وازدلد الامر سوءا عندما صار دكتور الترابى مستشارا لنميرى ونائبا عاما يحرك الدمى من امثال محمد سليمان وابوقرون وعوض الجيد وبدرية سليمان حتى لحسوا مخ نميرى فصار اماماواميرا للمؤمنين بايعه الترابى والكيزان فى المكره والمنشط.. حتى انتهت الاكذوبة بفرية الردة واغتيال الشهيد محمود مجمد طه .. باختصار.. دة تاريخ لا يمكن تحريفه يا اخت..ولم يكن حسن مكى إلا من اللاعبين الصغار..
نورالدين منان
|
Post: #34
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-16-2007, 08:19 AM
Parent: #33
| Quote: تظاهر عشرات اللاجئين السودانيين اليوم إمام مقر رئاسة الوزراء الإسرائيلية في القدس احتجاجا على احتمال طردهم من إسرائيل. ورفع المتظاهرون لافتات كتب عليها "لا للأبعاد" و"اللاجئون ليسوا مجرمين" وطالبوا رئيس الوزراء الإسرائيلي أيهود اولمرت بالعودة عن قراره بطردهم. وبعد انتهاء التظاهرة التي نظمتها "الهيئة الإسرائيلية لمساعدة لاجئي دارفور" تفرق المتظاهرون بهدوء |
هذا الخبر ايضا اوردته قناة الجزيرة وظل في شريطها الاخباري المكتوب طيلة يوم امس ..
اذن تعاظم اهتمام القناة بقضية الاخوة السودانيين المتواجدين في اسرائيل ولم تعير اي اهتماما لتصنيف حسن مكي ..
الاخوة المتداخلين سوف ارد عليكم ..
|
Post: #35
Title: حسن مكى للجريزة هؤلاء ليسوا سودانببن من الدرجة الاولى
Author: عادل طه
Date: 07-16-2007, 10:20 AM
Parent: #1
الاخوة المتداخلين
لكم التحية
قرات كتابا من تاليف احد البروفسرات الفلاتةوالذى يعمل فى جامعة ما بالسعودية وفيه اثبات بالوثائق بان معظم رموز النظام الحالى لهم علاقة بالفلاتةعلى سبيل المثال فان على عثمان فلاتى
وفقا لما اورده المؤلف كذلك حاج نور وغيرهم كثيرون حتى ان الميرغتى والمهدى لم يسلما من ذلك
وفقا للمؤلف وقد ذكر المؤلف بانه اطلع هذه الشخصيات بمحتوى كتابه قبل ان ينشره فلماذا يحتقر النظام بنى جلدته عجبى
|
Post: #36
Title: Re: حسن مكى للجريزة هؤلاء ليسوا سودانببن من الدرجة الاولى
Author: علاء الدين حيموره
Date: 07-16-2007, 11:57 AM
Parent: #35
والله ده كلام تاني يا عادل ود طه ..
وفعلا حسن مكي ده بشبه لي حاجة هوسة ..
لكن المهم جدا ومهما كان جنسه فلا يعطيه الحق في هذا التصنيف ..
نحن كلنا سواسية ..
|
Post: #37
Title: Re: حسن مكى للجريزة هؤلاء ليسوا سودانببن من الدرجة الاولى
Author: أبو الحسين
Date: 07-16-2007, 02:10 PM
Parent: #35
كتب عادل طه...Quote:
قرات كتابا من تاليف احد البروفسرات الفلاتةوالذى يعمل فى جامعة ما بالسعودية وفيه اثبات بالوثائق بان معظم رموز النظام الحالى لهم علاقة بالفلاتةعلى سبيل المثال فان على عثمان فلاتى
وفقا لما اورده المؤلف كذلك حاج نور وغيرهم كثيرون حتى ان الميرغتى والمهدى لم يسلما من ذلك
|
أخي الكريم عادل طه...
مع إحترامي وإعتزازي الشديد لقبيلة الفلاتة... وكل قبائلنا السودانية...
إلا أن ما قرأته من هذا البروفيسور جانبته الحقيقة...
فالأُستاذ/ علي عثمان شايقي من إزيرقاب الكرفاب ينتهي نسبه إلى العباس بن عبد المطلب "رضي الله عنه" أمامولانا الميرغني فمن الأشراف آل البيت "عليهم السلام"... كماأن المهدي أيضاً من الأشراف...
أما كُلنا فسودانيون نعتز بسودانيتنا ولا نقبل تصنيف الناس حسب قبائلهم أو أعراقهم...
مودتي...
أبو الحســــــــين...
|
Post: #38
Title: Re: حسن مكى للجريزة هؤلاء ليسوا سودانببن من الدرجة الاولى
Author: علاء الدين حيموره
Date: 07-16-2007, 02:32 PM
Parent: #37
| Quote: فالأُستاذ/ علي عثمان شايقي من إزيرقاب الكرفاب ينتهي نسبه إلى العباس بن عبد المطلب "رضي الله عنه |
أبو الحسين ريحتنا تب أها انا شايقي ومن جزيرة اب رنات وكان الشايقية ديل جدهم واحد بكون ركبت مع علي ده في سرج واااااااااحد ... وينتهي نسبنا الى العباس رضي الله عنه ..
يلا يا دينق وتراجي وبقية الاخوة المتداخلين فتشوا عن نسبكم وكان بقى ما لامي في العباس ولا في الاشراف نسأل المفكر حسن مكي عن التصنيف وفي ياتو درجة انتو ؟؟؟؟؟
أخوي أبو الحسين كلام حسن مكي ده موزون ؟؟؟؟
عليك الله رد ليناوبكلام مليان..
لانو التصنيف قال ديل عبارة عن عمال دون الدرجة الرابعة فللحق لم يصنف حسب الجنس ولكن ان يكون العامل السوداني في تصنيف المفكر حسن مكي دون الدرجة الرابعة فهذه طامة الفكر نفسه
|
Post: #39
Title: Re: حسن مكى للجريزة هؤلاء ليسوا سودانببن من الدرجة الاولى
Author: أحمد أمين
Date: 07-16-2007, 02:44 PM
Parent: #38
يعنى باختصار هو عايز يقول ديل عبيدنا العملوا الحكاية دى
مش نحن العرب الزيكم
هذه عقلية من جند نفسه ان يكون وكيلا لثقافة استعمارية كالثقافة العربية الاسلامية
وهنا الوكيل يعتذر ويبرر لاسياده إنهم ليس السودانيين السودانيين لكن ديل
السودانيين التانيين المابيشبهونا
طبعا ده كلام مفكر اسلامى
ويجيك واحد متفلسف يقول ليك الراعى والمزارع ...الخ
كلام الزول الفوق ده هو الذى يقتل فى السودان---افكار هذا الوكيل وحدها تكفى لعشرات المذابح
انهم مرض اصاب السودان وندعو لابناء السودان عاجل الشفاء
|
Post: #40
Title: Re: حسن مكى للجريزة هؤلاء ليسوا سودانببن من الدرجة الاولى
Author: علاء الدين حيموره
Date: 07-16-2007, 02:58 PM
Parent: #39
Quote: افكار هذا الوكيل وحدها تكفى لعشرات المذابح
انهم مرض اصاب السودان وندعو لابناء السودان عاجل الشفاء |
اللهم اشفنا وعافينا
شكرا احمد أمين
|
Post: #41
Title: Re: حسن مكى للجريزة هؤلاء ليسوا سودانببن من الدرجة الاولى
Author: MAHJOOP ALI
Date: 07-19-2007, 06:16 AM
Parent: #40
البوست دا لازم يكون فوق ومايغطس
|
Post: #42
Title: Re: حسن مكى للجريزة هؤلاء ليسوا سودانببن من الدرجة الاولى
Author: علاء الدين حيموره
Date: 07-19-2007, 01:00 PM
Parent: #41
فوق عشان خاطر اخونا محجوب
ما حا نعتمد على الكيزان في رفعو وكان ليهم مراد يمشي الخور ..
نحن حا نفتح اي ملف نقدر نثبت بيه الوجه القبيح للجبهة .
|
Post: #43
Title: Re: حسن مكى للجريزة هؤلاء ليسوا سودانببن من الدرجة الاولى
Author: MAHJOOP ALI
Date: 07-19-2007, 07:32 PM
Parent: #42
الله يطيب خاطرك ياعلاء
وهذا البوست سيظل فى واجهة المنبر الى ماشاءالله
وسنرى كيف يدارى الكيزان عريهم
|
Post: #44
Title: Re: حسن مكى للجريزة هؤلاء ليسوا سودانببن من الدرجة الاولى
Author: MAHJOOP ALI
Date: 07-20-2007, 06:14 PM
Parent: #43
up
|
Post: #45
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: أبو الحسين
Date: 07-21-2007, 06:33 AM
Parent: #1
Quote: يعنى باختصار هو عايز يقول ديل عبيدنا العملوا الحكاية دى مش نحن العرب الزيكم
|
الأخ أحمد سلامات...
الأخ حسن مكي حسب كلامك قلت ـ عايز يقول ـ لكنه ما قال... ولكن أنت بصورة أو بأخرى قلتها... أها الحل شنو آ اخوي؟؟؟
نفِك حسن مكي ونتشعْبَط فيك ولة رايك شنو؟؟
مودتي...
أبو الحســــــين...
|
Post: #46
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: MAHJOOP ALI
Date: 07-21-2007, 04:01 PM
Parent: #45
ابوالحسين
انت متين مسكته حسن مكى عشان تفكوا؟
انت ترى ان ادانة تصريحات حسن مكى اساءة له
بل انغمست فى الدفاع عن حسن مكى (وفق التصنيف العنصرى)
الذى يستند عليه حسن مكى فى تصنيف الناس الى درجات, وقسمتهم
انت الى اشراف وغير اشراف . انت هنا تتفق تماما مع حسن مكى
فدرجات حسن مكى تستند اساس على الشرفاء وغيرهم من الوضعاء
جيت تكحلها عميته!!!!!!!
|
Post: #47
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-22-2007, 10:03 AM
Parent: #46
Quote: ابوالحسين
انت متين مسكته حسن مكى عشان تفكوا؟
انت ترى ان ادانة تصريحات حسن مكى اساءة له
بل انغمست فى الدفاع عن حسن مكى (وفق التصنيف العنصرى)
الذى يستند عليه حسن مكى فى تصنيف الناس الى درجات, وقسمتهم
انت الى اشراف وغير اشراف . انت هنا تتفق تماما مع حسن مكى
فدرجات حسن مكى تستند اساس على الشرفاء وغيرهم من الوضعاء
جيت تكحلها عميته!!!!!!! |
فعلا
|
Post: #48
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: أحمد أمين
Date: 07-22-2007, 11:11 AM
Parent: #47
| Quote: يعنى باختصار هو عايز يقول ديل عبيدنا العملوا الحكاية دى مش نحن العرب الزيكم |
ابو الحسين
ده تفسيرى
انت تفسيرك شنو لكلامك صاحبك الجدو العباس ده
طبعا عندى احساس مقدم البرامج الضحك كان (كاتله)
|
Post: #49
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-22-2007, 11:47 AM
Parent: #48
أخوي أحمد أمين
تتصور تفكير مقدم السؤال عن حال المفكرين السودانيين !!!
قبلها كان علي الحاج في لقاء مع احمد منصور ( أيام علي الحاج بنهب في قروش الطريق )
أحمد منصور يقول له نحن نرى ......
يقاطع علي الحاج أنتو ما نحن !!!
يبتسم أحمد منصور ويقول لعلي الحاج انا أقصد نحن العرب !!!
الله يكون في عون الساسة والمفكرين ...
أتمنى وفي المرات القادمة وعند أستضافة اي مسئول أن يتحدث بأسمه لا بأسم السودان ..
والا سيكونون مصدر السخرية للفكر والسيسة السوداني ..
سؤال :
كم عدد المتحدثين الان في السودان باسم السودان ؟؟؟
|
Post: #50
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: MAHJOOP ALI
Date: 07-22-2007, 11:49 PM
Parent: #49
up
|
Post: #51
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: قرشـــو
Date: 07-23-2007, 12:05 PM
Parent: #1
المعلوم ان ركاب الدرجة الاولى فى قطار السودان هم ناس الحكومة (بمختلف انتماءاتهم) وناهبى قوت الشعب بمختلف سحنهم واثرياء البلد .....
ديل هم السودانيين درجة اولى وما دونهم ليس لديه أى درجة
ويبدو ان حسن مكى اراد القول ان هؤلاء الفقراء لا يمثلون السودان ولا يمثلهم السودان ...
والله تلقى الناس النزلهم من القطر ديل ذاتهم عندهم رأى فيه وفى سودانيته ...
هو السودان بقى حكر لى جماعة معينة توزعه زى اراضيه ولا شنو ؟؟؟؟؟
|
Post: #52
Title: Re: حسن مكي للجزيرة هؤلاء ليسو سودانيين من الدرجة الاولى ..
Author: علاء الدين حيموره
Date: 07-23-2007, 02:07 PM
Parent: #51
قلنا ليهم بيعوه وادو كل زول حقو .. ناس النفايات النووية محتارين يدفنوا نفاياتهم وين !!!
|
|