Post: #1
Title: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-13-2007, 01:49 AM
Parent: #0
بتلك التسلسليه
امنا الحبيبه نعمات محمود ام (حمد النيل )نصر الدين
ونهله ونجلاء خالد والغريق محمود ( الشفيع ) صغير وشالوا النيل
لا تتخيلوا اني استجديكم ولكني اليوم فقط كنت اكلمها من غربتي وبكيت شالتني
وشالتكم واحد وراء التاني .. انا معتصم ده لو قعدتا اكتب باقي عمري ده كلو ماحاقدر
اوفيها حقها علي ...
لمتنا جميعا ابناء الدفعة 17 قسم الدراما قصر الشباب والطفال ... عبد الخالق , ابراهيم كومك
عليش ,, ومنعم محجوب ,,, وببو ود الدفعة من قسم الموسيقى وكل زول يجيها من طرفنا في بيتا في اي وقت تشيلوا فوق راسها من فوق ...
احكي ليكم عنها ,,,
انا معتصم سيد احمد
صرعتني الملاريا وانا طالب في معهد الموسيقى خشيت في غيبوبة شالوني ودوني المستشفى
ومن هناك لبيت خالــــــتي نعمات ( فجاءه جاتني غيبوبه من الحمى شالتني وجرت بي على مستشفى
ام درمان الحوادث صحيت من الغيبوبه لقيتني راقد فوق كرعينا تهبب فيني بطرف توبا نظرتا الى عينيها
وبكيت قالت : حمد امشي كلم اهلو معتصم ده ممكن يموت ,,, حمد ضاير دمعاتو وخرج
وفي العصرية كان هناك سرير خالي جلسن عليه خالتي واخواتي وجميع العائلة وانا ما زلت على حجرها
( وقاموا علي حيلن جميعا وقالوا ليها وهي تهبب بطرف توبها ( ربنا يديهو العافية )
وبكيت انا ذلك المسكين ... ولذلك حمد ونصر ونهله ونجلاء وخالد والراحل محمود هم اخوتي من نفس
الدم لا من ذلك النفس ...
امي نعمات ... والله لو عدينا اولادك عددهم يفوق السته الى الستين وضيفي اليهم احفاد
ولد حمد وبت نهله ,,, ومرهف معتصم وفاطمه بت منعم واختها والجاييييييييييييين انتي امهم
مرزوق ارجوك ضع صورة امي نعمات محمود في هذا البوست واحكوا جميعا عنها
ربما ذلك يطيل من عمرها بيننا ام حنينه ولا كل الامات
ابنك البحبك جدا
معتصم سيد احمد
|
Post: #2
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: عدلان أحمد عبدالعزيز
Date: 07-13-2007, 02:37 AM
Parent: #1
يا معتصم إنّا وبجانب حبنا ل "امنا الحبيبه نعمات محمود"، التي عرفناها من خلال أحرف الوفاء التي خططها، نحبك أيضاً.
|
Post: #3
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-13-2007, 03:19 AM
Parent: #2
الجميل
عدلان
لك الود
وانت تحب معنا هذه الام الحنون
والله لو عرفتها حتكتب عنها ما لم يكتبه
محمود درويش في امه التي يخجل من دمعها حين يموت
احبك
معتصم
|
Post: #4
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: Soumeta
Date: 07-13-2007, 05:26 AM
Parent: #1
معتصم ود الجمام،،
ياااااااااااااااااااااااااا الله فوقك،،
اريدك و إنت تذكر امكم آمنة "امنا"
ياخ ده شي سمح شدييييد نتذكر الناس الببصمو في
حياتنا بأصابع قلوبهم ،،
اكان ربنا سهل علي الايام الجاية دي بكون في السودان،،
و اكان وريتني وين القاها،،
امشي و اسالمها ليك و لي،،
ليها محبة كبيرة،،
|
Post: #5
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: نهال الطيب
Date: 07-13-2007, 05:12 PM
Parent: #4
معتصم الحنين
جميلة وقفاتك الدائمة عند أبواب القلب
لمن بصموا في
إعماقك وداخلك الحب والريد
لك
مودتي
|
Post: #6
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-13-2007, 08:56 PM
Parent: #5
الجميلات
سوميتا
ونهال بنات بلون بلادي
الغريبه انو انتو الاتنين نازلين على السودان
ياريت لو تزوروا امنا نعمات محمود في بيتا في الثورة الحارة 19
ستجدونها ضاحكه باشه طول اليوم
لكم الحب
معتصم
|
Post: #7
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-15-2007, 05:36 PM
Parent: #6
فوق
|
Post: #8
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: Ahmed musa
Date: 07-15-2007, 06:55 PM
Parent: #1
رائع أنت يا معتصم وأنت تجيد الوفاء
وأكثر روعةأنت حين تضاعف للرمز (نعمات) امنا وام الكل
إلاف الآلاف من الأبناء
لم يروها
ولكن أحسوها بكل حرف صدق خرج منك إليها
لها ملايين التمنيات بالصحة
ولك ولكل جميل التحية
لكابو
لمرزوق
لبت الشيخ وكل جميل ببلادي
أحمد موسى (الدفعة11 قسم الدراما قصر الشباب)
|
Post: #9
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-15-2007, 08:05 PM
الجميل احمد موسى
احبك وانت تشاركني الحب
في امنا نعمات محمود
وندعو لها بدوام الصحة والعافية
ولك الود
معتصم
|
Post: #10
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-15-2007, 11:12 PM
Parent: #9
(( يا طير يا ماشي لاهلنا
وصل اشواقنا ورسايلنا))
|
Post: #11
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: Amira Elsheikh
Date: 07-16-2007, 11:00 AM
Parent: #10
معتصم سيد احمد..
رفيق...البدايات الصعبة والمشاوير الحميمة..
للعنوان مليون دلالة عميقة وعميقة جدا... وليست بينها الاستجداء..
الحب هو ما يربط بينا ..وامى نعمات واحدة من امهات الزمن الجميل يا معتصم..
لكن يبدو ان رحيل محمود الباكر واخيرا العم خليفة ضاعفو وجعا..
لامى نعمات الصحة والعافية.. ونطلب منها العفو..
سوميتا ..
نهال ...
انا منتظراكم نمشى المشوار دا سوا .. اوكى؟...
احمد موسى
... ازيك وليك ملايين التحايا..
|
Post: #12
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: mohammed marzoug
Date: 07-16-2007, 04:10 PM
Parent: #11
العزيز الجمامى
التحيه والاحترام للوالده العزيزه نعمات بت محمود
ح تصلك صور( يمه) وحتى اخباره وتسلم كتير (سلامى لى مرهف )
|
Post: #13
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: خضر حسين خليل
Date: 07-16-2007, 04:33 PM
Parent: #1
ياسلام عليك يامعتصم
مرهف أنت ومرهف أبنك
وجميلون هم ااصدقاؤك ياصاحبي والاجمل منهم بالتأكيد من أوتهم في تلك البلاد الماكرة
لحمد النيل ونجلاء خليفة ولوالدتهم نعمات التحايا كلها
شكراً معتصم لهذا الصدق الجميل
|
Post: #14
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-16-2007, 06:24 PM
Parent: #13
اميره بت الشيخ
مرزوق
خدر الاخدر
جور السنين انهك
جسد الخاله الام نعمات ولكنه لم يستطع
مع ضحكتا مع صوتا العذب وهي تشاغل فينا
عندما نأتيها انصاص الليالي تضاير لينا اهل بيتا
عشان ننوم ونصحى الصباح تدينا شاي لبن مع رغيق ومحنه تكفينا
سنين وسنين ...
اميره بت الشيخ اظنك لمستي وجع امنا نعمات ( رحيل صغيرها محمود غريقا )
وهي كانت قد سمته على جده والدها محمود ربنا يديه الجنه ويديها هي الصبر
ورحيل العم خليفه كان وجعا اخر ...
امي نعمات نحبك
|
Post: #15
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-17-2007, 11:27 AM
Parent: #14
الوالدة الحنينة نعمات أراهن ان كل من دخل بيتها وقابلها أحبها مثل أمه
دخلت بيتها وأنا أشعر بحرج شديد بسبب الوقت الذي ذهبت فيه كانت الساعة 12 بعد منتصف الليل
كنت طالبة من سكان الداخليات محرومة من حضور الحفلات والمناسبات بعد التاسعة بسبب الليت في إحدى حفلات عقد الجلاد كنت أرغب بشدة في الحضور وذهبت إلى الحفل وأقنعني أصدقائي بالجلوس لنهاية الحفل والذهاب مع الصديق حمد النيل للمبيت مع أسرته وطبعا كأي بت سودانية كنت محرجة من الدخول على أسرته في ذلك الوقت المتأخر وذهبت وأنا في غاية الحرج ولكن دهشت حال دخولي بالاستقبال الجميل والشعور كانهم كانو في انتظارك والونسة والعشاء والاحساس كانك في بيتك أوكانك أحد افراد الاسرة الام الحبيبة نعمات وبناتها نهلة ونجلاء أعزاء على قلبي دائما وأبدا فهي الام التي لم تنجبنا ولكن لانملك إلا ان نحبها كامهاتنا
فلها كل الحب والتمنيات بالعافية وطول العمر
أريـــــــــــــج الحاج
|
Post: #16
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: محى الدين ابكر سليمان
Date: 07-17-2007, 01:13 PM
Parent: #15
الصديق العزيز معتصم سيد احمد(ابو مرهف)
كل الحب والاشواق
وللاسف لم انعم بدفء الوالدة نعمات حتى خرجت, لكن كما يبدو انها جعلت لحمد ونجلاء ونهلة نصيبا كبيرا فى هذه الحميمية كما عايشتها معهم والتى نلمسها من خلال سردك.
لها كل الحب والامنيات الطيبة بالشفاء.
|
Post: #17
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-17-2007, 03:27 PM
Parent: #16
اولا شكرا لاريج الحاج
وهي تكتب عن امها نعمات
وللصديق محي الدين ابكـــر
لك حب عميق ود ابكر من ايام ( شلوط ) والبيت الخرابه
امنا نعمات يا محيو هي امنا في تلك الايام ( المشلوطه ) والمشحتفه
ام اصيله كانت سند لينا في ايام صعبه
لكم جميعا الحب
معتصم
|
Post: #18
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: بركات بشير نجار بشير
Date: 07-17-2007, 05:31 PM
Parent: #17
العزيز ادروب
صاحب القلب الكبير
طالما انها ام حمد النيل اكيد لن تتمكن من تعريفها عبر الكلمات
لها التحية ولجميع ابنائها
ولك الشكر
وربنا يحفظهاللجميع
|
Post: #19
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-17-2007, 09:15 PM
Parent: #18
شكرا
صديقي بركات بشير نجار
هي امنا جميعا وبالفعل يعجز الكلام
لكن للاسف تعاني من مشاكل في الكلى
وربنا ,,, يديها العافيــــــــــه
|
Post: #20
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-18-2007, 05:06 PM
Parent: #19
الى الاصدقاء في كل مكان
تعالو نقيف معاها ذي ما وقفت معانا
ولكم الحب
|
Post: #21
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: بركات بشير نجار بشير
Date: 07-18-2007, 05:49 PM
Parent: #20
حبيبنا ادروب
تحياتي
الف سلامة ليها
ونحن جاهزين لكل ما هو مطلوب لاستعادة صحتها وعافيتها
انتظر مني مكالمة اليوم
تحياتي
|
Post: #22
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-18-2007, 11:26 PM
Parent: #21
الشكر للجميع على الشعور النبيل والجيل وأشكر بالأخص الأخ عدلان أحمد عبد العزيز
على المساهمة الجميلة والرائعة وأرجو من الجميع المساهمة من أجل هذا الصرح الانساني
الجميل لأنها ام لنا جميعا ولو علمت بهذا البوست لزعلت مني ولكن هو الوفاء......
بدر الدين عوض
واشكر الاخ معتصم سيد احمد على اتاحته لباسورده وبوسته لي وشكراً
|
Post: #23
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: قصي مجدي سليم
Date: 07-19-2007, 06:05 AM
Parent: #1
| Quote: لمتنا جميعا ابناء الدفعة 17 قسم الدراما قصر الشباب والطفال |
انت يا معتصم متأكد إنو (السبعة) بتاعتك دي في معاها واحد!!!
يازول... انا لي مدة عاوز أكتب ليك..
احكي ليك..
وأقول ليك...
مشتاقين والله..
|
Post: #24
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: محمد حنفي
Date: 07-19-2007, 08:00 AM
Parent: #23
صديقي معتصم
كيف حالك ومرهف واروجا...
وكل سنة وانت طيب
ونعمات محمود
ربنا يديها العافية وطول العمر بقدر ما اعطتنا
رغم ما اخذ منها الزمن ابنها وزوجها وصحتها الا انها تعطي بلا عد ولا من ولا تفارق الابتسامة شفتها
روحها الحلوة وكرمها الغامر يسبقان الامها الشخصية
كل سنة وانت طيب الفوق دي مناسبتها
بلغت جمامنا اربعتاشر سنة اول امس 17 يوليو فيها عدد من السنوات الخالية من النشاط وما فتئ الجريفاوي يوصيني بالجمام حتا ظننته سيورثها...
كل سنة والجمام بخير
كل يوم امنا نعمات بخير وعشرات من ابنائها يرفعون اكفهم بالدعاء لها وقلوبهم رضعت من عطاءها اللانهائي
شكرا يا صاحب
كابو
او حنفي
مودتي
|
Post: #25
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: قصي مجدي سليم
Date: 07-19-2007, 10:08 AM
Parent: #1
| Quote: وما فتئ الجريفاوي يوصيني بالجمام حتا ظننته سيورثها... |
إنتو الجمام دي نحن موش دخلتونا معاكم فيها زمااان.. رفتونا ولا شنو..؟؟
شايف الجريفاوي بتكلم .. نحن وين من الإعراب..
رسلوا لينا الجواب بس عشان نسجل في الأصدقاء
|
Post: #26
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: Amira Elsheikh
Date: 07-19-2007, 12:03 PM
Parent: #25
| Quote: إنتو الجمام دي نحن موش دخلتونا معاكم فيها زمااان.. رفتونا ولا شنو..؟؟ |
قصى مجدى سليم ..
ازيك..
اسى منو يرفت منو؟؟
ولا اقول ليك تعال استلم جوابك بتاع الرفت ..
بمناسبة العيد 14 للجمام...
وكل سنة والجمامة واحبتهم واصدقائهم بخير....
وامى نعمات بالف خير...
|
Post: #27
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: قصي مجدي سليم
Date: 07-19-2007, 04:27 PM
Parent: #1
ست الناس (إزيك)...
انتو اربعتاشر دي جد جد؟؟
|
Post: #28
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-19-2007, 07:25 PM
Parent: #27
كابو حبيبي
لن نستطيع وحدنا ان نقف معها نحن اولاد الفقر
كابو تعالو نحشد الدنيا والعالمين عشان يقيفوا مع
امنا نعمات ولا اقول ليك تعالوا نموت عشان تعيش هي صاح
كابو رايـــــــــــــــــــــــــك شنو يا صديقي نعمات محتاجانا
وبكره بدق عليك ولا بعد شويه استنى مني تلفون
الجميل قصي ابدا لم ننساك انت واحد مننا ولكن كبرنا يا حبيبي
اميره بت الشيخ احبــــــــــــــــــــك
قصي الجمام اتكونت 1993 اخصما من الواقع حتلقانا كبرنا جدا
معتصــــــــــــــــــــــــــــم
|
Post: #29
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-20-2007, 11:23 PM
Parent: #28
كابو
نحنا راجنك
تقول لينا امنا نعمات صحتا كيف وعاوز شنو
ونعمل نحنا ولادا شنو ...
ولكم جميعا كل الحب
معتصم
|
Post: #30
Title: Re: كابو * مرزوق* اميره الشيخ *( امي نعمات محمود تعاني ) وتحبكم
Author: معتصم ود الجمام
Date: 07-22-2007, 04:40 PM
Parent: #29
اليوم
صباحا اجرت الام نعمات محمود بعض الفحوصات
ونحنا منتظرين النتائج
كابو ...
نرجو منك المتابعة مع نجلاء وضع الوالدة نعمات
ولك الود
معتصم
|
|