شايفك بقيت ود كلب خالص فى السياسة .

(1)
مبروك شديد
يا صديقا كان صدوق
مبروك شديد
شايفك بقيت ود كلب خالص فى السياسة
يا من صعدت على الصديد
معقول نسيت !!
يرحم زمان البنطلون الكلو زيت
ايام كلامنا عن اليسار
(ماركيز) و (هارون الرشيد)
مبروك عليك دقن التيوس
توبتك نصوح ؟
يا بدلتك .. وتبدلك
كرشك وصل حد ركبتك
كلمات مقالاتك بتنزل زى مطر من صلعتك .
......
شاهين.

ustaz shaheen

as usual elegant strong wonderful words

thank you


يرحم زمان البنطلون الكلو زيت
ايام كلامنا عن اليسار
(ماركيز) و (هارون الرشيد)
مبروك عليك دقن التيوس
توبتك نصوح ؟
dr mustafa

Quote: يا بدلتك .. وتبدلك

تسلم ياشاهين

(2)
و كما اليمامة سكنتى فى قلبى
انا زى حمامة على السماء
فارد جناح عشقى
اتشابهت لى الدروب
وقت المغيب طشيت
وين يا غمام عشى .
......
شاهين.

تشكرات كتيرة د/ مصطفى .
تشجيعك المتواصل يسعدنى .

Quote: معقول نسيت !! يرحم زمان البنطلون الكلو زيت ايام كلامنا عن اليسار (ماركيز) و (هارون الرشيد) مبروك عليك دقن التيوس

شاهين الجميل ...
أعرف أناسا كثرا تنطبق عليهم
هذه الأبيات انطباق الحافر على
الحافر ....

شكراً لك مع خالص الود

الاخ الاكبر , مهندس / ابوبكر
شكرا على المداخلة .. وعلى المدونة التى اهديتنى لها قبل فترة .
تحياتى .

************************

الصعلوك الجميل شاهين

سلامات

يبدو كعادتك انك غاطس في وادي عقرب ( عبقر)!
ولا زال في الكنانة بعض من سهام.......وقد انتاش احدها صديقك المازوم هذا
فاعرني احدها حتى انتاش حاكمنا في غرة صلاته وهي است عند اللزوم لقضاء حاجة الافكار!

(3)
يوم تتولد .. اسمك يكون :-
مولود
وقت الرحيل .. اسمك يكون :-
مرحوم
اركز , وشد الحيل
لو تنكسر فى ليل
اسمك يكون :-
مكسور .
......
شاهين.

تحية استاذ/ فاروق
اشد ما يحزننى هو التشوه .. تشوه اصدقاء كانوا ذات يوم كتف تستند عليه
لك الود .

الاستاذ/ هوشو
كلامك ده بجيب الهواء .
سلامات حارة .

شاهين
.. يا (احمد فؤاد نجم السوداني)..
غيابك قلقني لانك ود حلتي واهلي....واقول المانع خير...
جيتنا بصديق بقي سياسي!!اوعي يكون عادل خليل بقي بتاع سياسة!!!....
لك الود اخي..

سامحونا

إن تعدَّينَا على عُذْريَّة الدولة يوماً

واغْتَصبنَاها بشكلٍ همجيٍّ ..

واسْتَرَحنا ..

وعَضَضْنَاها كذئبٍ من يَدَيْها

ولَعَنَّا والِدَيْها ..

وأمرنا الشعبَ أن يأكلَ لحماً طازجاً من ناهِدَيْها ..

سامحُونا

إن تجاوزنا اللياقاتِ قليلاً ..

وتصرّفنا كأطفالٍ جياعٍ ..

وشربنا من دم الدولة أنهاراً ...

ونِمنَا ....

7

سامحونا ..

إن تبوَّلنا على كلّ التماثيل التي تملأُ ساحاتِ المدينَهْ ...

وعلى كلِّ التصاوير التي ألصقها البوليسُ ـ بالغَصْب ـ

على كلِّ حوانيت المدينَهْ ..

وعلى كلِّ الشعارات التي يقذفُها بالطوبِ .. أطفالُ المدينَهْ .

سامحُونا ..

إن تجمَّعنا كأغنامٍ على ظهر السفينَهْ ..

وتشرّدنا على كل المحيطات سنيناً .. وسنينا ..

لم نجد ما بين تُجَّار العَرَبْ ..

تاجراً يقبلُ أن يعلفَنا .. أو يشترينا ..

لم نجدْ بين جميلات العَرَبْ ..

مَرْأَةً تقبلُ أن تعشقَنا .. أو تَفتَدينا

لم نَجدْ ما بين ثُوَّار العَرَبْ

ثائراً .. لم يُغْمِدِ السِكّينَ فينا ...

8

سامحُونا ..

سامحُونا ..

إن رفَضْنَا كلَّ شيءٍ ..

وكسَرْنَا كلَّ شيءٍ ..

واقْتَلَعْنَا كلَّ شيءٍ

ورمينا لكُمُ أسماءَنا

فالبوادي رفَضَتنا .. والمواني رفَضَتْنا

والمطاراتُ التي تستقبل الطيرَ صباحاً ومساءً .. رَفَضَتْنا

إنَّ شمسَ القمع في كل مكانٍ .. أحرَقَتْنا ..

سامحُونا ..

إن بَصَقنَا فوق عصرٍ ما له تسميةٌ

سامحونا إن كَفَرنَا ...

(4)
يا صوتنا
شالوا السوط .. سكتا
فترك المشى .. وعبث ألاذان فى مالطا
اتجهجهنا
كب الزوغة فى بلد الله
حتى الصوت .. خذلنا .
......
شاهين.

تحيات حبيبى .. وصديقى , استاذ/ احمد على القاسم .
عادل خليل اخر ما يفكر فيه هو السياسة
شكرا على اللقب .. يا ريت اكون زى (احمد فؤاد نجم) يا ريت .

(5)
تخيل اننى عاشق
وفى درب الهوى سادر
انا مغرم
بحبك يا مسيحية
وقبطية
تخيل اننى خايف
من الفرقة .. ومن بكرة
نجوم ليلك أهى تلالى
(انجيلك) و (قرأنى)
سحابات الخريف مرقت .. وبتنادى
تعالى نحطم الحاجز
تخيل اننى فارس
وفى درب الهوى سادر
حصان خشبى .. وسيفك من صفيح لامع
اخوض امواج بحر هائج
سلالم ل مكان عالى
سلام ل دينك الغالى
(انجيلك) و (قرأنى)
تخيل اننى معشوق
على ربوة غرام مجدوع
صليب مصلوب
على رسغ الحبيب مدقوق
(مسالمية)
تخيل اننى مسلم
وعاشق بت مسيحية .
......
شاهين.

شكرا كتير على القصيدة الراقية دكتور/ مصطفى .
تحياتى .

Quote: تخيل اننى مسلم وعاشق بت مسيحية

حقك .. لكن الله يقدرها في وطن الذكور هذا ان تلحق بت الذين اسلمو ان تحذو حذوك...

كدي خلينا ...

شكرا للابداع المعتاد منك...

الابنة العزيزة/ ريهان
كالعادة .. شكرا .. شكرا .. شكرا .

(6)
ثوابت .. ثوابت
احب الثوابت
اموت فى الثوابت بزيت مع بطاطس
وحبة شمار
خلطة مبادىء بشطة وطماطم
حلة كوارع .. شوربة خضار
مواطن يا صالح
صباح الثوابت
ثبت ثوابتك .. مسامير مفاصلك
و اوعك تعارض
ح تعمل مناضل .. بتتعب ونزعل
و (..) ح يطلع
اوعك تعارض .. بنعرف مصالحك .. ونعرف نفاوض
صلاح البلاد والعباد فى الثوابت
ف ظبط مسائلك .. وحالك ومالك
وشيل هم عيالك
وجيب عيشة سخنة ل دكوة طناشك
واهتف معايا
- يعيش الوطن ثابت مثبت بلصقة ثوابت .
عزيزى المواطن
بطاقتك بتثبث بانك موله .. وعاشق مثابت
وارباب ثوابت
ف شكرا جزيلا لهذا الكرم
ب نشكر مدامك .. نضالها الصبور .. ب دلكة وعطور .. ورطلين بخور
اضاف ليل خميسكم فى بند الثوابت
ف شكرا مدام
وشكرا مواطن
شكرا شباب
وعاش الوطن .
......
شاهين.

(7)
اشمعنى من كل البنات اخترتا فاطمة ؟
وعلى الرصيف بتعدى الاف البنات
اشمعنى انتا على الرصيف مستنى فاطمة ؟
خبطك زمانك فى قفاك
اشمعنى لما صرختا منه
صرختا فاااااطمة ؟
وكتار خلاص الفارقوك .. خلوك بدون قشة غريق
اشمعنى فى حرق الحشاء ؟ .. حرقت حشاءك , ست البنات , الست فاطمة
ما الحكمة من سفرك براك ؟
من غير شنط .. وبدون كتب
دون زاد .. ودون الست فاطمة
ما المعنى من عبث الحياة ؟
وكتار خلاص , على صدرهم ياما بكيت
اشمعنى لما بتبكى هسع
اشمعنى بس , بتحن ل فاطمة ؟ .
......
شاهين.

(8)
اكتب كلام فارغ
ولقيت طريق فارغ .. غير الكلاب والهم
ليه السرير فارغ ؟
وين دفء انفاسك ؟
الوحدة زى مرضى .. زى الفراغ
هذا الفراغ مرضى
هذا الفراغ فارغ
وين نبض احساسك ؟ .
......
شاهين.

يوم تتولد .. اسمك يكون :-
مولود
وقت الرحيل .. اسمك يكون :-
مرحوم
اركز , وشد الحيل
لو تنكسر فى ليل
اسمك يكون :-
مكسور .
......


عميق ومخيف
وممتع
شكرا شاهين ...

شاهين........
يا اخي مالك عايز تبكينا..

اشمعنى من كل البنات اخترتا فاطمة ؟
وعلى الرصيف بتعدى الاف البنات
اشمعنى انتا على الرصيف مستنى فاطمة ؟
خبطك زمانك فى قفاك
اشمعنى لما صرختا منه
صرختا فاااااطمة ؟
وكتار خلاص الفارقوك .. خلوك بدون قشة غريق
اشمعنى فى حرق الحشاء ؟ .. حرقت حشاءك , ست البنات , الست فاطمة
ما الحكمة من سفرك براك ؟
من غير شنط .. وبدون كتب
دون زاد .. ودون الست فاطمة
ما المعنى من عبث الحياة ؟
وكتار خلاص , على صدرهم ياما بكيت
اشمعنى لما بتبكى هسع
اشمعنى بس , بتحن ل فاطمة ؟ .

شاهين مسامحنك ..الزول الجميل ما بزعلوا منو..

شايف معاذ ظهر بي هنا!! لي فتره طويله من ثنائياتكم الخطيره

التحيه ليك حبيبناشاهيين واصل وتحياتي للا خ معاذ حسن

ربنا يحرسكم ويرعاكم ...

الجميل عماد شمت تحية ود
كيفك يا صديق
شفت شاهين بقول شنو في فاطنه؟
كلام مليان شجن يكفيك لمدة عشرة سنين.
أنا متابع دايم لكتابات شاهين بقرأ وما بقدر اعلق.
خليك متابع.
لكما الود.

شكرا جزيلا على المداخلة استاذ/ الطاهر ساتى
خالص التحايا .

تحية استاذ/ معاذ حسن لا حرمنا الله من مداخلاتك التى ترفع الروح المعنوية .. شكرا, شكرا تربيع .

سلامات بمقدار الدنيا استاذ/ عماد شمت .
الله لا جاب زعل .. اوضحت للاستاذ/ معاذ سبب تاخرى فى الرد على مداخلته فى بوست سابق , اعتذر له بشدة الان ايضا .
تحياتى عمدة وليك وحشة .
اى مداخلة من اى عضو اعتبرها شرف كبير لى .

.