أين موقع جريدة (السوداني)؟

الناس ديل ما دفعو الفاتورة ولا شنو؟

و نحن ظـــــاااطو في البحرين وقفوا لينا جريدة السوداني دون إخطار أو إعتذار ؟؟!!

!

هسه يجيوا المناضلين عشان يتهموا جهاز الامن باغلاق السوداني الكترونيا!!!!!

والله يا الصادق.. ما تستبعد..

أصلو محجوب عروة كان دوّر أمين حسن عمر شديد في آخر عدد... والموضوع كان مسخن ... وجلبت ليها ملفات قديمة وكدة..

السؤال.. جريدة السوداني لسة صادرة في السودان (مطبوعة) ولا المشكلة أونلاين بس..

لأنو أمين حسن عمر كان داير يقفلها كان قفلها كلو كلو..

ولا شنو؟

ولا زال الموقع متوقفاً...

Quote: Please contact the billing/support department as soon as possible.

ما دفعوا قروش الهوستنق لي ناس الجماعة ديل www.sudftc.com

الموضوع بس حق التجديد او رسوم او تجاوزوا كمية مرور بيانات وما دفعوا حقها
ما اظن فى مشكلة فى تسديد القروش
بس مع المشغوليات بيكونوا نسوا

الأخ أيمن والمتداخلين .. ســلام ..

نشارككم التساؤل عن فحوى غياب صحيفة " السـوداني " ، وهيَ من الصحف
الســودانية التي أثبتت بمواقفها المشهودة - بل والمُلاحقة ادّعائياً من بعض ذوي النفوذ -إلتزامها بالمِهَنية وتباعدها عن الوقوع في دائرة ترضية السـّلطة والدوران في فلكها. وذلك بالرغم من أنّ " رئيس تحريرها " الاستاذ/ محجوب عروة ، وربما هو أكبر مُلاّكها، واحد من الإسلاميين . و" السـوداني" تقدّم خدمة خبرية وتحليلية جيـّدة ، بل ممتازة ، عند مقارنتها ببقيـّة الصـُّحُـف السـودانية ..

يجب علينا كقُـرّاء، مداومين لصحيفة " السـوداني" ، أن نُعلِن دعمنا واستعدادنا لتقديم الدعم المادي تحديداً ، سـواء بمطالبة إدارة صحيفة " السـوداني" بعمل اشتراك تصفـّح ، يفيد الصحيفة في مقابلة نفقات النشر بشكل عام ، والإلكتروني بشكل أخص ؛ أو بأي طريقة مرنة يمكن من خلالها تقديم الدعم لأجل صحافة حُرّة نزيهة .. تمثـّل السـُلطة الرابعة ..

لقد تلاحظ أن " السـوداني" قد توقـّفت عن طبعتها الخليجية من البحرين . وبالتالي، فقد غابت الصحيفة في معظم المدن الخليجية لدواعي عدم المواكبة في الشحن الجوي من الخرطوم، ويمكن ملاحظة هذا الأمر ، من وصول الأعداد البائتة لأكثر من يومين ، في الآونة الأخيرة ..


لابد لصحيفة " السـوداني" أن تعلم أن لها قرّاء عديدون ..


كل التضامن مع صحيفة " السـوداني " ..